شاشة فوني انكسرت galaxy s2 .. دشوا و نصحوني و ارشدوني

[الإمبراطورية العمانيه]

السلام عليكم و رحمة الله و بركاته

اشتريت منذ شهر جهاز جالكسي اس2 ابيض GT-I9100 بقيمة 206ريال

و لكن بالامس طاح علي في أحد الأوديه و انكسرت الشاشه

طبعا الضمان ما يتحمل الكسر

انا ضماني عند مؤسسة العصفور...استفسرت عن قيمة الشاشه من الوكاله فقالوا بقيمة 85ريال مع الكفر الخارجي و ب65ريال بدون كفر


نصيحتكم لي هل أقوم بتصليحه مع الوكاله لكي لا أفقد الضمان و أغمض غلى ال80ريال تقريبا؟؟؟ أم أن هناك محلات أخرى لديها شاشات وكاله أقل قيمه؟؟؟ و اذا أحد لديه الخبره الكفايه يخبرني عن مكان التصليح



خساره الجالكسي ما أقل عن شهر


((للعلم: حظي فهالتلفون نحس...تخيلوا اليوم المفترض اروح اشله يصلح من وكالة العصفور المتواجده فالقرم و لكن صارلنا حادث و احتمال كبير تكنسل السياره!!!! كله السبب الجالكسي ))

الله كريم


شكرا لكم و في انتظار ردودكم

[Msc6awy]

اهم شئ اخوي سلامتك






اعطيك نصيحه بيعه حالي

[طراد منكسر]

اولا حمدلله ع سلامتكم
واتمنى ما حد تعور

بخصوص الشاشات ما عندي فكره بس جربي سائلي وعسى احد يفيدك ان شاء الله

[سوبرفاير]

الله يعينك ويعوضك افضل عنه

[صقر الخد]

الحمدلله على سلامتكم أخي العزيز
الهاتف والسيارة تتعوض
المهم ماتعورتو

[حكمة الحكماء]

يغيب التلفون وتغيب السياره اهم شي سلامتك

[الاستاذ]

الف سلامة عليكم وان شاء الله ماتشوفو شر

عموما بامكانك شراء شاشة عن طريق النت ebay مثلا وتاتي مع العدة للتركيب ورخيصة جدامقارنه بما عرضعليك في الوكاله

[الإمبراطورية العمانيه]

الف سلامة عليكم وان شاء الله ماتشوفو شر

عموما بامكانك شراء شاشة عن طريق النت ebay مثلا وتاتي مع العدة للتركيب ورخيصة جدامقارنه بما عرضعليك في الوكاله

و لكن هل الشاشه وكاله و أصليه؟؟

حرام جالكسي اركب فيه شاشه نقليه!!!

[الإمبراطورية العمانيه]

اهم شئ اخوي سلامتك





اعطيك نصيحه بيعه حالي

حبووووب انا اشتريته ب206

و الحين لافالسوق ب245

ما يهوووون علي

[الاستاذ]

و لكن هل الشاشه وكاله و أصليه؟؟

حرام جالكسي اركب فيه شاشه نقليه!!!

يمكنك التاكد من خلال الموقع الذي ستشتري منه

[maestro07]

نصيحة اخ غمضي وصلحية وكالة

[ولد المدرسة]

الله يعينك اخوي

اعتقد صاحب الموضوع ذكر يا جماعه

[المعتمد العريمي]

أخوي الإمبراطورية العمانيه شوف هذا الرابط

http://avb.s-oman.net/showthread.php?t=1388102

[الإمبراطورية العمانيه]

الله يعينك اخوي

اعتقد صاحب الموضوع ذكر يا جماعه

الحين كل التفكير فالبنات

حتى لو تحط لقبك ولد السلطنه...بيردوا عليك (اختي....)

هع


عادي عادي اهم شي يردوا علينا

ما يقصروا الشعب

[الإمبراطورية العمانيه]

آخر أخبار الشاشه:

بالامس ذهبت لوكالة العصفور..قالوا ماشي لغاية اسبوعين

بعدها رحت لزهرة الحناء في روي...قالوا قيمتها 72ريال!!!

قلت لهم ركبوها تغيب

انتظرتهم ساعتين و انا مطنش دوامي

و بعد ساعتين جاء ذاك الهندي يقول ( صديق شاشه منشان انا مكسور!!)

استغفر الله ... انا انتظرهم ساعتين بعدها يقولوا انه شاشتهم مكسوره


انتظر يا علي للاسبوع الجاي...قسم مذله و لو اعرف كذا الحاله كان ما غطيته تلفوني بجونيه طووول الوقت

و لكن المرء لا يلدغ من الجحر مرتين

[Msc6awy]

آخر أخبار الشاشه:

بالامس ذهبت لوكالة العصفور..قالوا ماشي لغاية اسبوعين

بعدها رحت لزهرة الحناء في روي...قالوا قيمتها 72ريال!!!

قلت لهم ركبوها تغيب

انتظرتهم ساعتين و انا مطنش دوامي

و بعد ساعتين جاء ذاك الهندي يقول ( صديق شاشه منشان انا مكسور!!)

استغفر الله ... انا انتظرهم ساعتين بعدها يقولوا انه شاشتهم مكسوره


انتظر يا علي للاسبوع الجاي...قسم مذله و لو اعرف كذا الحاله كان ما غطيته تلفوني بجونيه طووول الوقت

و لكن المرء لا يلدغ من الجحر مرتين

اشكره حد ضاربنك بعين انت والتلفون

[عالي النجم]

أخوي لا تغير وكالة ولا هم يحزنون كلها مضحكة وسرق فلوس روح على موقع ebay وأطلب الشاشة بتحصلها بسعر أقل
كماي أشتريت شاشة i9003 وفرق السعر أقل من النص وقمت بتركيبه بروحي لانها تجي مع عدة التصليح وقريبا راح أطرح
الموضوع بالصور تجربت الشراء وطريقة تغيير الشاشة وصدقني ما في أسهل من تغيير الشاشة وأشكر أخوي روح التقنية
اللي دلني على الموقع وشرح لي طريقة الشراء ..

[عالي النجم]

هلا حصلت لك هالسعر أرخص شي بس بإمكانك تبحث ولو أني أحس أنه غالي شوي

http://www.ebay.com/itm/Full-LCD-Dis...ht_1275wt_1270

[الإمبراطورية العمانيه]

هلا حصلت لك هالسعر أرخص شي بس بإمكانك تبحث ولو أني أحس أنه غالي شوي

http://www.ebay.com/itm/Full-LCD-Dis...ht_1275wt_1270

اشكرك صاحبي والله

فيكم الخير

ما تقصروا


Approximately US $158.95

يعني كم؟؟؟


و أخي هل الشاشه وكاله أو فقط أصليه؟؟
والله تخاف تركب أي شاشه لأنه تحس الفون ما يسوى اذا الشاشه ما تنفع

[Abdullahx6]

اشكرك صاحبي والله

فيكم الخير

ما تقصروا


Approximately US $158.95

يعني كم؟؟؟


و أخي هل الشاشه وكاله أو فقط أصليه؟؟
والله تخاف تركب أي شاشه لأنه تحس الفون ما يسوى اذا الشاشه ما تنفع

61 ريال / ....

[عالي النجم]

من ناحية الشاشة لا تخاف نفس الوكالة بالضبط ما شي فرق غير الاسم
وأعتقد الضمان موجود إلا الكسر ...
والسعر نفس المكتوب فالرد اللي فالاعلى

[عالي النجم]

61 ريال

[الإمبراطورية العمانيه]

مشكوووووووووووووور أخي عالي النجم و جميع الإخوان على التعاون

لغاية اليوم الأربعاء لا توجد شاشة جالكسي اس2 ابيض في عمان!!!!

لا يكون ديناصور و احنا ما نعرف

[النبيل]

عزيزي
ما اعتقد في احد عانى مثل ما انا عانيت بسبب شاشة الجلكسي اس 2 البيضاء

عموما خليني اعطيك بعض النصايح اللي تعلمتها من التجربه

كل التجار والمحلات اللي ف عمان نصابين
اولا من ناحية السعر والثاني حاجه من نوعية الشاشة

اخي اذا تريد تغير الشاشة لازم تحط ف بالك انك تغير شاشة اصليه لانه ما واجد فرق ف السعر معنا ف عمان يعني يتراوح سعر التقليد بين 65 و90 ريال

كيف تفرق بين الاصليه والتقليد؟؟!!
الاصليه لازم يكون فيها شعار سامسونج ف الشاشة فوق
وانا صراحه ما حصلت ف عمان كلها الا مع الوكيل وغيرتها ب80 ريال!!

خدمة عملاء سامسونج تعبااااااااااااانه معنا ف عمان
جدا تعبانه
انتظر الشاشة توصلني من مقر سامسونج الرئيسي شهرين كاملات!!

كل محلات الهواتف يوعدوك انه بيجيبولك شاشة اصليه و ف النهايه ماحد بيجيبلك شي ولا بيجيبولك شاشة تقليد وبيقولولك انها اصليه!!

جرب شوف سوق نايف
انا لما رحت (ف شهر 11) ما حصلت شاشة بيضاء
كل الشاشات ف الامارات كانت سوداء
وطبعا ما يصير تركب عليها
وسعر السوادء ب 42.5 ريال عمان مع سعر الصرف

نصيحه
لا تركب الا اصليه
امشي ع كل المحلات وشوف الشاشة قبل لا تركبها وتاكد انه فيها شعار سامسونج فوق
واذا تقدر تروح الامارات سوق نايف يمكن تحصلهم ب نص قيمة عمان

الله يعينك ويوفقك
كانت معاناه الله لا ردها هههه

[الإمبراطورية العمانيه]

اهلا و سهلا

انكسرت الشاشه يوم السبت الاسبوع الماضي

و اليوم الأحد و لم تتوفر شاشاه للجالكسي الابيض!!!

اخي انا في شخص خبرني بأن شاشة الجالكسي الابيض من الامارات قيمتها 110 ريال!!!!

معقوله شاشاه كذا؟؟!!!

اليوم خبروني راح توصل لوكالة زهرة الحناء و الله يعلم بقيمتها


يا ناس ماحد عنده اس2 ابيض و مكنسلنه أخذ من قطع غيار؟؟!!! هع صارت سياره مو شاشه بس

[focuse24]

احسنلك اخي تصلحه من المحل بنفسك

ممكن تشتري من الانترنت ويطلع اقل بس بعدين بتدفع قيمة التركيب .. وموضوع انك تركبه بنفسك ما هي سهلة ويحتاج ثقة بالنفس

واشكر العضو الذي قام بتركيبه بنفسه وسيقوم بطرح موضوع بخصوص التركيب

[فن الدار]

شوف هذا الشخص يمكن يفيدك

http://avb.s-oman.net/showthread.php?t=1388102

[الإمبراطورية العمانيه]

فوني حاطنه فالكبت صارله اسبوووع

لا شاشه و لا غيرها

الاي باي: قيمة الشاشه حلوه و لكن بدون تركيب!!!

اروح الامارات: ما عندي وقت و دوامي و حالتي الخاصه صعبه كثر

انذل لزهرة الحنا و وكالة العصفور: هذا هو الحل الوحيد



شكرا للجميع على الردووووووووووووود



معا للبحث عن شاشة اس2 ابيض

خخخخخ

[الإمبراطورية العمانيه]

و اخيرا تصل شاشة الجالكسي اس2 الى مطار وكالة العصفور بعد مشقة كبيره و الصبر على البجلي اسبوعين


يعزك البجلي تظل بطاريته اسبوع