السلام عليكم ورحمه الله وبركاته ..
مساء الورد
خارج الموضوع الرئيسي موقف صار جدّامي
نخبركم عنه دام الموضوع فيه حُب وخمبوشو :مطنش:
خيال :
في شي من البلادين البلادينية في زياره انا وعديلي :مطنش:
تعرفنا على عائلة مدري من وين أتوقع من كازاخستان
اليد واليده والزوج والزوجه والاولاد
الشاهد إن ربيعي دومه بصراحه يتشمت في جمال بنات طينته ويقول بأنهن دغمات :مطنش:
على العموم ونحد يالسين في اللوبي بتاع الفندغ :مطنش:
فإذا بفتاه حسناء يعني متحسنه بالعماني يعني صلعه :مطنش:
المهم ألتفت لزميلي ما حصلته
جنبي حسيت وكأن ماي على الأرضيه اللي كان موجود فيها
المهم جمعته وخليته في كوب ودخلتها الثلاجه
وبعد ما تجمد طلعته من الثلاجه وسألته الغالي أشوفك تحولت للحاله السائله :مستحي::عيار:
يقولي " ما يساقبون ب اللي معنا " ؟! #شرده :لسان:
تشغل التي في اللي هو التلفزيون :لسان: وتتابع مسلسل تركي وا خليجي أو حتى أجنبي
وتستنتج عده أمور أو تلفت نظرك.
جالس الزوج والزوجه المهم ويصير خِلاف بينهم ... عاد تنزل الزوجه تركض زعلانه وتفتح الباب وتطلع من الشقة وتركض
فالشارع حافيه والجو بارد وتكون اللحظة موحشة جداً ... تحصلها تبكي وتتلفت يمين يسار :حزين:
ويجلس الزوج ع الطالوله ماسك راسه ومتضايق ويحاول انه ما يصيح يعني من توصل الدمعه مره على الحدود مال العيون يرفع
راسه عشان ما تنزل الدمعه عشان الهيبة الرجوليه والأشياء هذي :حزين:
ويركض ويركض ويركض ينزل من الشقة يدور ع زوجته حبيبته ويجلس ينادي بأعلى صوت فطووووم فطوووووم المهم بعد ما يمشي كذا مسافه يحصلها
وعاد يجلس يمشي شوي شوي ويحاول يعتذر منها المهم نته قول انها رضت ورجعت الشقه .
أحيانا تحس مشاعرهم وحبهم غير عن بو معنا نحن لأن في الحقيقة ذاك مجرد تمثيل ما حقيقة وكذا :مطنش:
زميلي خلينا نختار أسم :مستحي: : بو يخلط الأوراق ويجي أسم @المحب لمولاه ::مستحي::ضحك: " ضحكة خجولية " :عيار:
نترمس على البحر وفي يوم من الأيام زميلي جانا يمشي بحزن ويمشي بخطوات بطيئه جدا وغيّر طريقة , وأنا عارف عنه ان يحب
ومتورط :حزين: المهم جلس على البحر من الناحية الثانية مكبس على الأرض وأنا يالس أشوفه :حزين:
بعد فترة وإستنادا للمشهد العلوي مال الزوج والزوجه , جاني المحب لمولاه يمشي وكله حزن :حزين: لكن لسوء حظة تزحلق وجا
على دغمته " ضحكة حزينية " عاد هو مسكين يحب ويندبغ على دغمته :حزين:
علامك الغالي مسوي فعمرك كذاك ؟ :حزين: يقول : أحبها الغالي أحبها الغالي أحبها :حزين:
حب هيش الغالي الله يهديك ونته كلك طين :ضحك::متورط:
أيلس أسولف مع الحبوه بين يوم ويوم ... المهم تحكيلي عن يدّي الله يرحمه وكيف تضحياته وكذا ... قالت كلمه أظنها عفويه يوم
قالت " الله يرحمك يو مضنوني " "حب عيايز " وكانت تقول وتتكلم عنه بطريقة وضحت لي مستوى الحب اللي تحبه الحبوه ليدّي.
أسأل نفسي تو يّدي الله يرحمه كم ورده أعطى حبوتي ؟ :متشكك:
وهل كان يركض وراها يوم تزعل ويروح يراضيها ؟:ضحك:
لكن تستغرب من مقدار الحُب اللي تحبه :متفكر:
نجي حال حب جيل بو شاكليته تو :ضحك:
نختار إسم وخلينا نخلط الأوراق ونقول @غصات وأنين:متورط:
طول الليل يالسة تتابع أفلام تركيه وخلاص تعتقد بأن فارس أحلامها أبو وزار وفانيلة بيطلع كما ذاك بو يركض ورا زوجته من
الشقة عشان يراضيها ... المهم أستبلت وخذاها واحد بحّاري :ضحك:
حبيبي هين نته ؟ :حزين:
ها حبيبتي يالس أضك الدوابي تو :ضحك:
دوابي هيش حبيبي والوردة وتجي تركض وراي تراضيني وكذا :مبهت:
خوزي عن ويهي ما متفيق تو أضك اخر وحدة وبجي " لمي ثمك " :ضحك:
وحدة من الأعضاء تقرا الموضوع تو قررت تتصل بزوجها عاد تبا تقلد الافلام التركيه :ضحك:
@الأحلام الذهبية
حبيبي وين نته ؟
موجود حبيبتي في السوق تو أجيب قت حال هوشك لاه
نزين حبيبي أبا " بطاطش " وهي تقول بطاطس أصلا يالسه تاكل وجا حرف الشين بدل السين :ضحك:
بطاطش هيش الله يهديك ؟:مستحي:
أعرفكم ما تجاوبوا ع الأسئلة لكن كذاك نمشي الموضوع :لسان:
أي الحُب تُفضل ؟ حب العيايز ولا الافلام التركيه ولا جيل البطاطش :مستحي::ضحك:
