تو ماله القسم مستوي قبيب؟

بسم الله الرحمن الرحيم
سلام عليكم ورحمة الله وبركاته معجبيني :متغربل:

ماشاء الله اشوف من غادرت انا من الاشراف تو القسم مستويي قبيب ونص الاعضاء ظهرو(جيو,او حضرو)
ف نستنتج اني انا كنت مخوف الاعضاء ب هيبتي :مستحي:تف تف ماشاء الله عليني
ومن كذاك تو ظهرو حيت اني انا تقاعدت :متغربل:
من اين لي هذه الهيبة؟
كيف ترى هيبتي؟
9999؟
@الرجوع من الماضي @رياح الصدق @ابتسامة الشمس @ومدى الدهر عماني @معاوية @نور الهدى 11
عن تتحسسو بس هذا واقع تراه اني كنت مفزع الاعضاء بهيبتي :متغربل:

المهم
تو تعرفو موه معنى قبيب؟وا هاءة؟

تراني اعرفكم ماشي نتوه بو برستيجي سلطاني ,لانقيتو سح ولا خرفتو النخيل ولاجزيتو الطعام
ولايدكم مست طين (سكت سكت نته بو ايسمعك ايقول شغول وماشي شغلة مامستغلنها
ماكنك تطن(تتحرطم)يوم يجي ذا الشغل ولزمن ب امارة ):متغربل:
ارجو عدم الافصاح عن الاسرار:متفكر:

تعالو شيه تاليوني(اتبعوني) محيت البيذامة حتى اخبركم موه معنى قبيب ؟
القبيب هو @زبيب بني جاء في بالي قلت اهارجه :بلابلا:
http://www.alittihad.ae/assets/image...a-na-91822.jpg

هيها ها ياولادي لو تعرفو قصة ذي البيذامة
بتستعجبو بس مااقولكم اياها :متغربل:

القبيب هو الشي الضيق
يقولك ذي الطريق قبيبة ياخي
ولا تسمع
ياخي ذي السديرية قبيبة
ولا احسن عشان تفهمو زين
ذا الشارع قبيب

فتو عرفتو معناها؟
اذا عرفتو معناها ابغاكم تنشروها حال ربعكم وتسويولي لايكات وشيرات وسبسكرايب
والاشياء بو زينة نفس ذي بالضبط :متغربل:
ولاتنسونا من الاشتراكات

قبل رمضان تزيد الاعمال ونعذر الجميع حتى انا انشغلت
القبيب يطلق اكثر شي للملابس والضيق على مضيق هرمز:مستحي: تو انت هين ختفيت مرتاح تو ماشايل هم :مستحي:

@ابتسامه الشمس @رياح الصدق @الرجوع من الماضي @مدى الدهر عماني @شواطئ الذكريات @العذراء الحزين @الرجل الخفي @السحاري122
@ NITRO@عمري خمسين سنة :ضحك: سويت حال عمري نوبه عن أغار


صباحكم غاوي كما هبوبة القيض البارده بين الأموال و الخرصان و المزارع و الشريعه و كل شيء يتعلق بالبيادير و القت و الجح و النخيل :ضحك:

قبيب مثل ما أهل نزوى يحب ينطقوها و تشديد القاف هو الضيق ( غاوي اللباس الضيق) و حد يقول تايت Tight - tʌɪt

وإذا كان مكان small room أو not enough room

وإذا واحد متكرب و متضيق من شيء وضايقه نفسه يقول

give me space

ونحنوا مال مسقط نقول راص علينا إذا كان ثوب يعني ضيق

االمهم يا أخ نيترو ما جي حيت البيذامه و ما أداراك ما البيذام

طعمه غاوي و لكن لا يميل له قلبي :ضحك::ضحك:

قلت بو أعرفه عن قبيب

والدرب قبيبه يعني واجد ضيقه

والدشداشه قبيه يعني ضيقه

و الحياة قبيبه يعني قاب على عمرك و عايش في تعاسه
:ضحك::ضحك:

هلا
@NITRO

مو اخبارك بعد التقاعد :عيار:


عرفت اني شو معنى القبيب :كاشخ:

بس اتوقع شي من الناس تنطق الجيم بدل القاف

احنا نقول ضيق نادر نقول جبيب



ونمر اجيانا باوقات تضيق علينا الاحوال والحال
ونقول الحمدالله

@ابتسامه الشمس @رياح الصدق @الرجوع من الماضي @مدى الدهر عماني @شواطئ الذكريات @العذراء الحزين @الرجل الخفي @السحاري122 @NITRO@عمري خمسين سنة سويت حال عمري نوبه عن أغار

تعالوا هنا كلكم

صباحك خير وسرور اخينا التتون


المكان قبيت تراه حتﮮ الناس احيانا بسبب تعاملهم يقبوا علينا :كاشخ:

ويوم تروح صوب المزرعه بتشوف ممر صغيرون يقولواعنه قبيب :كاشخ:
وهذاك الخياط الله يعينه ف الاعياد ترجع له الملابس لانهم قبيبات وعاد عطاري الخياط اخاف باكر اجيب الملابس واحصلها قباب الله يستر:متورط:

الحمدلله طلعتوا مثلنا تقولوا قبيب :كاشخ:

اقتباس:

---

أرسل أصلا بواسطة عمري خمسين سنة

@ابتسامه الشمس @رياح الصدق @الرجوع من الماضي @مدى الدهر عماني @شواطئ الذكريات @العذراء الحزين @الرجل الخفي @السحاري122
@ NITRO @عمري خمسين سنة :ضحك: سويت حال عمري نوبه عن أغار


صباحكم غاوي كما هبوبة القيض البارده بين الأموال و الخرصان و المزارع و الشريعه و كل شيء يتعلق بالبيادير و القت و الجح و النخيل :ضحك:

قبيب مثل ما أهل نزوى يحب ينطقوها و تشديد القاف هو الضيق ( غاوي اللباس الضيق) و حد يقول تايت Tight - tʌɪt

وإذا كان مكان small room أو not enough room

وإذا واحد متكرب و متضيق من شيء وضايقه نفسه يقول

give me space

ونحنوا مال مسقط نقول راص علينا إذا كان ثوب يعني ضيق

االمهم يا أخ نيترو ما جي حيت البيذامه و ما أداراك ما البيذام

طعمه غاوي و لكن لا يميل له قلبي :ضحك::ضحك:

قلت بو أعرفه عن قبيب

والدرب قبيبه يعني واجد ضيقه

والدشداشه قبيه يعني ضيقه

و الحياة قبيبه يعني قاب على عمرك و عايش في تعاسه
:ضحك::ضحك:

---

السلام عليكم ورحمة الله وبركاته
موه مسيت شايبنا
ود الحلال الدنيا تو كله مستقبه على بني ادم
والقلوب مستضيبه ومستضيقه
وكل حد راص في بيتهم
وما حد فيه بارض حال حد
وما حد بيرص بجد الا اذا باغي من قدام شي
نقول بس يالله سلم سلم

موه حالكم وهوشكم وبوشكم وعربانكم @عمري خمسين سنة

اقتباس:

---

أرسل أصلا بواسطة عمري خمسين سنة

@ابتسامه الشمس @رياح الصدق @الرجوع من الماضي @مدى الدهر عماني @شواطئ الذكريات @العذراء الحزين @الرجل الخفي @السحاري122 @NITRO@عمري خمسين سنة سويت حال عمري نوبه عن أغار

تعالوا هنا كلكم

---

موه مستوي ليوم شايبنا :ضحك:
اشوفك تصورخ من الصباح
موه متريق حسابنك
عن يكون ماكل لسان جاعده وحد يقول جيعده

حتى حال الدنيا إذا قبينها تنقب .. وتستوي قبيبة :متغربل:

اهم شيء اصحاب اللغة ما يشوفوا ردي :متورط:

@عمري خمسين سنة

شيء عزائم او كيف هنا :متشكك:

اقتباس:

---

أرسل أصلا بواسطة الرجل الخفي

حتى حال الدنيا إذا قبينها تنقب .. وتستوي قبيبة :متغربل:

اهم شيء اصحاب اللغة ما يشوفوا ردي :متورط:

---

حتى حال الدنيا
ولا هذا حال الدنيا :متغربل:

احس الناس كل واحد يوكل الثاني
الدنيا لابقه كما يقولوا ولدي:ضحك:

اقتباس:

---

أرسل أصلا بواسطة الرجل الخفي

@عمري خمسين سنة

شيء عزائم او كيف هنا :متشكك:

---

باكر ساعه وحده طهر عزيمة كان تجي :ضحك:

تو نحن استقبت علينا الترويح
كلها وحينا نخمس هنا :متورط:
السموحه ولدي @NITRO

اقتباس:

---

أرسل أصلا بواسطة العذراء الحزين

حتى حال الدنيا
ولا هذا حال الدنيا :متغربل:

احس الناس كل واحد يوكل الثاني
الدنيا لابقه كما يقولوا ولدي:ضحك:

---

حال من الوضع ..:مرتاح:

نعم عسى ما احد ياكلني اذا كذا يسوي الحر :متغربل:

ما مشكلة باكر ايصوموا وعاد ما ينفع ياكلوا غير بعد المغرب :كاشخ:

اقتباس:

---

أرسل أصلا بواسطة العذراء الحزين

باكر ساعه وحده طهر عزيمة كان تجي :ضحك:

---

حطولي بارسل :عيار:

اقتباس:

---

أرسل أصلا بواسطة العذراء الحزين

تو نحن استقبت علينا الترويح
كلها وحينا نخمس هنا :متورط:
السموحه ولدي @NITRO

---

عن ما يعجبه ..ما ارضى يزعل علي نيترو :مستحي:

:عيار:

اقتباس:

---

أرسل أصلا بواسطة الرجل الخفي

حال من الوضع ..:مرتاح:

نعم عسى ما احد ياكلني اذا كذا يسوي الحر :متغربل:

ما مشكلة باكر ايصوموا وعاد ما ينفع ياكلوا غير بعد المغرب :كاشخ:

---

واحد يسويالحر
ود الحلال
نقول الله يعينا بس

اقتباس:

---

أرسل أصلا بواسطة الرجل الخفي

حطولي بارسل :عيار:

---

ماشي بو يبغى شرط الساعه وحده العزيمه

اقتباس:

---

أرسل أصلا بواسطة الرجل الخفي

عن ما يعجبه ..ما ارضى يزعل علي نيترو :مستحي:

:عيار:

---

عاد نيتروا ما يعجبه
هذا كما هبوب النسناس

قايله شكي مغيرين القوانين
عادي نخمس :منتشي:

مسالخير

.
.
مو هناك حبابوه @عمري خمسين سنة
.
.
عذرذر
من قال مغيرين:مبهت::متغربل:
ترا انا بالنيابه عنه .. موكلني ارد ع الموضوع:متغربل:
@NITRO

خلاص رح اخذ الموضوع عنك مؤمن[رح تلقاه مكمل ال 30 صفحه:مبهت:]


#شردة

اقتباس:

---

أرسل أصلا بواسطة العذراء الحزين

واحد يسويالحر
ود الحلال
نقول الله يعينا بس

---

آمين

اقتباس:

---

أرسل أصلا بواسطة العذراء الحزين

ماشي بو يبغى شرط الساعه وحده العزيمه

---

تم اجي ..وين المكان ..يمكن اكون مسافر :عيار: فعادي افطر

اقتباس:

---

أرسل أصلا بواسطة العذراء الحزين

عاد نيتروا ما يعجبه
هذا كما هبوب النسناس

قايله شكي مغيرين القوانين
عادي نخمس :منتشي:

---

رأيك ..اذا خلاص الموضوع عليك انتي وابتسامة الشمس :كاشخ:

ولم ينغلق انقوله طلع الموضوع قبيب هههه

اقتباس:

---

أرسل أصلا بواسطة ابتسامة الشمس

مسالخير

.
.
مو هناك حبابوه @عمري خمسين سنة
.
.
عذرذر
من قال مغيرين:مبهت::متغربل:
ترا انا بالنيابه عنه .. موكلني ارد ع الموضوع:متغربل:
@NITRO

خلاص رح اخذ الموضوع عنك مؤمن[رح تلقاه مكمل ال 30 صفحه:مبهت:]


#شردة

---

انتيه قايله من زمان
ياخي سامعتنك
عن بكون ذني فيهن سح
ونطارتي باغيه تغير:ضحك:

اقتباس:

---

أرسل أصلا بواسطة الرجل الخفي

آمين


تم اجي ..وين المكان ..يمكن اكون مسافر :عيار: فعادي افطر

---

لا هو في الشمس ولا في الظله
لا في اللارض ولا اسماء

السماء

اقتباس:

---

أرسل أصلا بواسطة الرجل الخفي

رأيك ..اذا خلاص الموضوع عليك انتي وابتسامة الشمس :كاشخ:

ولم ينغلق انقوله طلع الموضوع قبيب هههه

---

انا تو قبيبة عليي السبله:ضحك:
خلوه لبعد رمضان واغلقه
عندي مهام التي تعلمها والتي لا تعلمها

@NITRO
قبيب ... جبيب .. كله يصير المهم خييو

تو القلوب صايره قبيبه:متفكر: تتفق ولا لا؟

الهيبه اه:مطنش:

بالتوفيق ..

.




لأنك فيهآ ::

اقتباس:

---

أرسل أصلا بواسطة العذراء الحزين

لا هو في الشمس ولا في الظله
لا في اللارض ولا اسماء

---

خلاص معذر :مطنش:

اقتباس:

---

أرسل أصلا بواسطة العذراء الحزين

انا تو قبيبة عليي السبله:ضحك:
خلوه لبعد رمضان واغلقه
عندي مهام التي تعلمها والتي لا تعلمها

---

خفي علينا ومهامك ههه .. زين موفقه استاذة :مرتاح:

السبلة بحر واسع ما قبيبة

صباحكم توافيق من الرحمن :وردة:


القسم مستوي قبيب .. لأنك انته تو جاي متعيرض .. مستوي بزنس مان و زايدات فلوسك .. و معرضاتنك شويه .. عشان كذاك طبقت عند الباب و ما رمت تدخل :ضحك:


رمضانك مبارك ولد عمي @NITRO