توبدوهن الثلاجات بو البيبسي؟

http://forum.hawahome.com/nupload/451328_1318943367.png


سلام عليكم ورحمة الله وبركاته الكيكاركيكزية
اخباركم؟؟
اشوف اوزانكم زايدة ماشاء الله ,جاين سمينين ماشاء الله ومثقلين بالشبكة:عيار:


تو متعاي ياخي كيف اقولكم بداية الموضوع,,اخاف اقول اني اوبدهن(اتذكرهن) وتقولو كيه ذي كبير
ف احسن اقول انه حد قايلي
اندين

http://i.ebayimg.com/00/s/MzAwWDE3Ng...5.JPG?set_id=2

يخبروني في سنة من السنون,يوم كنا حنوه تتونين ويوم كنتو نتوه كبار وكنتو ولاد وبنات 25 سنة
يعني تو عماركم جوب 45,,وكل واحي فاهم واتمنى ماحد يستعنى ويقول كبرتني وكذاك
بس الحكيكة مبونها تزعل مامن اليوم:بلابلا:

اندين
يوم خبروني قالولي شي ثلاجات زمان اول في الاصواق يخلين فيهن بارد بيبسي ديو ومرندا وسفن اب وكذاك ,
ف تو مهوه يوضح هذا الشأن؟؟
ولا احسن اقول الحبكة عشان احسسكم اني مطور

يوضح انه زمان اول مطوين اكثر من تو مانتعنى للمحلات ,مثالا بو نزوى ظهر حسو انه ماطايع يسيح لهم الغدا
بيروحو ركض عند مخبز مسقط وايشتريو بيبسي من ذك المكينة

ف تو حال موه خازوهن؟؟:معصب:
هل عشان انه غلاء البيبسي والخمسون بيزة ماعرفو يتصرفوبها؟
ام انه حدثت صرقات عالمية؟؟
وبو يوبدهن يقول بلا خجل او كلل,عشان نعرف لكبار ونعرف الزغار

وحياني محذريني عن ارابع لكبار للعلم:عيار:

ف تو خبروني لانه لن يشفي غليلي الا من تو اشوفهن مرجعات:ضحك:

http://th01.deviantart.net/fs40/PRE/...y_The_Prez.jpg

وكلو قشاط بو داني وخاطفات عليه السقاطين,عن تقولو بعدكم بو ذا البيت بخيلين
وماجالهم طيونا شي
http://up02.s-oman.net/JnhrMI9V.jpg

وعاد نتوه مشرفين القسم تعبيت كثر ما اقولكم عن التثبيت والتنجيم
بس ماتصطاخو لبر :معصب:مستوين بخيلين نعم

ونتوه الاعضاء اتمنى دوركم مانسياننه بو لايك والشير والسب سكرايب

لا تذكرنا بالزمن الجميل:ضحك:

:متفكر:
احيده مايعجبنك الغازات
احس تبتعد عنهن تري مازينات
امس شربت فيمتو غازات لكن ندمت اني شربته
وامي بعد تقول لازم تعودوا نفسكم تشربوا الغازات لو يغمه

مو يعني توبدوهن .؟ :متفكر:

اقتباس:

---

أرسل أصلا بواسطة ناعومي

مو يعني توبدوهن .؟ :متفكر:

---

تتذكروهن - تعرفوهن

اخوينا @NITRO صحيح اتذكر بس اكثر شي اذكر اللعبة بيبسي مان اللي يشرب البيبسي :مفتر: بس الله يهديك الحين بضيع على الناس اصحاب الدايت :نطوط: هيسيروا يركضوا على دكان يشروا بيبسي ولا صح هم يحبوا الديو:كاشخ:


وبعدين التتونين مازين حلهم :كاشخ:

لنا اوبد السينما مال الهنود بو ف المدة

عههههههه حسا ريحة السنان والعرق بس بصراحه متعه

عهههههه

اقتباس:

---

أرسل أصلا بواسطة label

لنا اوبد السينما مال الهنود بو ف المدة

عههههههه حسا ريحة السنان والعرق بس بصراحه متعه

عهههههه

---

:ضحك::ضحك::ضحك:

مازين عليك اخوينا @label تقول كذاك ولد الحلال ما الهنود وحدهم هتحصل باكستانيه وبنجاليه وغيرهم:ضحك:

السلام عليكم

اوبدهن
لكن ما انتبهت انهن انقرضن
:متشكك:

عن أبي المهلب، قال: ((ما من عبد يقول حين يصبح: الحمد لله الذي أذهب الليل بقدرته وجاء بالنهار برحمته ونحن في نعمته، سبحان ربنا إنْ كان وعد ربنا لمفعولاً، إلا ظل مغفوراً له، ولا يقولها حين يمسي إلا بات مغفوراً له)).

مساء الخير

الله يهديك نايترو جايبلنا عن البيبسي جيبلنا موضوغ حلو
المره الجاية عن فوائد الخمر نريد نستمتع :كاشخ: عاشوووا :نطوط:
@NITRO

وحدي م اذكر اني شفتهن :مبهت:


بيكون شفتهن و ما اتذكر :متشكك:
او ما شفتهن :متشكك:
او يتشاشالي انه شفتهن و م اتذكر :متشكك:

شكلي م اوبد شي :مطنش:

@NITRO @ ولد العم

اقتباس:

---

أرسل أصلا بواسطة طيب الاحساس

تتذكروهن - تعرفوهن

---

اهااا ..

هذي الهرجه مال أي فرع ؟ .. :متفكر:

اقتباس:

---

أرسل أصلا بواسطة ناعومي

اهااا ..

هذي الهرجه مال أي فرع ؟ .. :متفكر:

---

لهجة عمانية

اقتباس:

---

أرسل أصلا بواسطة طيب الاحساس

لا تذكرنا بالزمن الجميل:ضحك:

---

:كاشخ:نعم انه راح زمن اول
حتى الاشياء بو نوكلهن قبل راحن علينا

@طبيب الاحساس

اقتباس:

---

أرسل أصلا بواسطة واسطة العقد

:متفكر:
احيده مايعجبنك الغازات
احس تبتعد عنهن تري مازينات
امس شربت فيمتو غازات لكن ندمت اني شربته
وامي بعد تقول لازم تعودوا نفسكم تشربوا الغازات لو يغمه

---

@ سفيرة المطبخ العربي
@واسطة العقد
من قايلش؟؟
ليل نهار انا اشربهن نعم مارمت اقطعهن

حال موه ندمتي؟؟صاه مايضر يقوي لعظام,هو كثرته مازينة الواحي زين نوبه مايبالغ

وصرقها امش لزمن تتعودو ,من كذاك نتوه عظمانكم هشة وغاديين كما الحطبة حيت انكم ماتشربو بيبسي وديو:كاشخ:

اقتباس:

---

أرسل أصلا بواسطة ناعومي

مو يعني توبدوهن .؟ :متفكر:

---

@ناعومي
الله يهديش خالتينا تو نتيه بو المطورين وامهوه؟
كيف ماتعرفي موه معنة توبدوهن؟

توبدوهن يعني تتذكروهن ,هذي يقولوبها بو الداخلية وماعرف كان شي منطقة اخرى

اقتباس:

---

أرسل أصلا بواسطة زهور الظاهرة

اخوينا @NITRO صحيح اتذكر بس اكثر شي اذكر اللعبة بيبسي مان اللي يشرب البيبسي :مفتر: بس الله يهديك الحين بضيع على الناس اصحاب الدايت :نطوط: هيسيروا يركضوا على دكان يشروا بيبسي ولا صح هم يحبوا الديو:كاشخ:


وبعدين التتونين مازين حلهم :كاشخ:

---

هؤ هؤ هؤ
كيه طلعتي من سناينا ,بس بيكونشي نتيه الا اكبر
هيوا لعبة بيبسي مان :كاشخ:ما انضيع عليهم خالتينا البيبسي هو اصل الدايت نعم
ماتصدقي بو يقولش يزيد الوزن ويضيع لعظام

:ضحك:
شتريولهم وخليولهم اياه فالثلاجة
@زهور الظاهرة

اقتباس:

---

أرسل أصلا بواسطة label

لنا اوبد السينما مال الهنود بو ف المدة

عههههههه حسا ريحة السنان والعرق بس بصراحه متعه

عهههههه

---

:ضحك:السينما صحيح اول مشهورة
ولين تو تحصل لهنود جالسين هناك :مفتر:

بس تو انته من هين,؟تعاينابك صاه:كاشخ:مرة من العبلية ومرة من بهلاء ومرة من مسقط

ورسلنا في لقروب معلومة عن الهايلكس:ضحك:
@label انشهد انه موتر شيوخ

اقتباس:

---

أرسل أصلا بواسطة العقيد12

السلام عليكم

اوبدهن
لكن ما انتبهت انهن انقرضن
:متشكك:

---

وعليكم السلام والرحمة @العقيد12
تو نقرضن مايخلين في الشوارع,تو بس تحصلهن مثال فالمستشفيات والاماكن اللي فيها مراقبة

اول اذا توبد كانن فالشوارع عند الدكاكين والمخابز

اقتباس:

---

أرسل أصلا بواسطة نور البشرية

الله يهديك نايترو جايبلنا عن البيبسي جيبلنا موضوغ حلو
المره الجاية عن فوائد الخمر نريد نستمتع :كاشخ: عاشوووا :نطوط:
@NITRO

---

:ضحك:انته بو ادخلنا السجن قريبا
انته اشوفك جليس السوء @نور البشرية ما عهدتك هكذا :ضحك:
للخمر الدينوي فوائد ولكن اضراراه اكثر من افئدته
عت عن تجلس حيتي عن تحرقلي دهداشتي بو العيد:عيار:

اقتباس:

---

أرسل أصلا بواسطة نور الهدى 11

وحدي م اذكر اني شفتهن :مبهت:
بيكون شفتهن و ما اتذكر :متشكك:
او ما شفتهن :متشكك:
او يتشاشالي انه شفتهن و م اتذكر :متشكك:
شكلي م اوبد شي :مطنش:
@NITRO @ ولد العم

---

فتاة العم نتيه مبونش مطيرة عيونش فوق عليات راسش واموه يقولو الشيوبة؟:ضحك:
كيه كانت وحده اتذكرها عند بو السليماني بو الذهب مقابل الجامع

راقت لي يتشاشالي ف كذاك ابغاش ماتتكلمي بو متورين وكنش بترانة:ضحك:
بيكونشي شايفتنهن في مستشفى الجامعة او التقنية بو نزوى:ضحك:

@نور الهدى 11

اقتباس:

---

أرسل أصلا بواسطة NITRO

فتاة العم نتيه مبونش مطيرة عيونش فوق عليات راسش واموه يقولو الشيوبة؟:ضحك:
كيه كانت وحده اتذكرها عند بو السليماني بو الذهب مقابل الجامع

راقت لي يتشاشالي ف كذاك ابغاش ماتتكلمي بو متورين وكنش بترانة:ضحك:
بيكونشي شايفتنهن في مستشفى الجامعة او التقنية بو نزوى:ضحك:

@نور الهدى 11

---

:حزين: مكثر ما يقولولي مطيرة بعيوني
مو اسوي صاه تركيزي ضعيف :حزين:

:مبهت: وبييييه .. كيف عجب ما شفتها
بو المستشفى اشوف مال القهوة بس ... مال البيبسي قليل اشوف :ضحك:

واحليلي انا .. من هين طاحني التطور ... من صغيرة و انا انقي الرطب و السح و خلاف اساعد ف الكناز .. و يشلونا نجد بعدنا :مغتم:

@NITRO

اقتباس:

---

أرسل أصلا بواسطة نور الهدى 11

:حزين: مكثر ما يقولولي مطيرة بعيوني
مو اسوي صاه تركيزي ضعيف :حزين:

:مبهت: وبييييه .. كيف عجب ما شفتها
بو المستشفى اشوف مال القهوة بس ... مال البيبسي قليل اشوف :ضحك:

واحليلي انا .. من هين طاحني التطور ... من صغيرة و انا انقي الرطب و السح و خلاف اساعد ف الكناز .. و يشلونا نجد بعدنا :مغتم:

@NITRO

---

:ضحك:بنت العم عن تتكفري مالش كذااك ماتركزي
عب نتيه منهم بو يحجرو بالواحي يوم يختارو الملابس

شي شايفنها وفيها سنكرس وكافيات وبطاطز وحركات ,تو يعني مطورة اكثر عن قبل
مال هاي هاي البطاطز بمية بيزة

:كاشخ:كذاك زين بنت العم ,الواحي مايصاخبه يكون متور,احسن يوم تعيشي هذي العيشة عشان تحسي بمتعة الحياة

تو جاي الكناز وعتي جهزي الناقوف واموه ذاك سماه بو يخوز السحاليف؟:كاشخ:
@نور الهدى 11

اقتباس:

---

أرسل أصلا بواسطة NITRO

:ضحك:بنت العم عن تتكفري مالش كذااك ماتركزي
عب نتيه منهم بو يحجرو بالواحي يوم يختارو الملابس

شي شايفنها وفيها سنكرس وكافيات وبطاطز وحركات ,تو يعني مطورة اكثر عن قبل
مال هاي هاي البطاطز بمية بيزة

:كاشخ:كذاك زين بنت العم ,الواحي مايصاخبه يكون متور,احسن يوم تعيشي هذي العيشة عشان تحسي بمتعة الحياة

تو جاي الكناز وعتي جهزي الناقوف واموه ذاك سماه بو يخوز السحاليف؟:كاشخ:
@نور الهدى 11

---

هيوا ولد العم ... هيه هذي الالة بو اعرفها فيها قهوة و كافيات و شبسات


كيه حاموه تخوزالسحاليف :ضحك: :مبهت:
احيدك تنقي رطب و تكنز ... ما تسحل خشب
قول اسحل زورة اسويها عصا ح الصغيرين بو المدرسة :عيار:

@NITRO

اقتباس:

---

أرسل أصلا بواسطة نور الهدى 11

هيوا ولد العم ... هيه هذي الالة بو اعرفها فيها قهوة و كافيات و شبسات


كيه حاموه تخوزالسحاليف :ضحك: :مبهت:
احيدك تنقي رطب و تكنز ... ما تسحل خشب
قول اسحل زورة اسويها عصا ح الصغيرين بو المدرسة :عيار:

@NITRO

---

هيوا
اما اول كنت مختصة بالمشروبات الغازية فقت

شيه يوم يوم تخلصي تروحي السح من الدعن تجيش سحاليف ولا نتوه دعنكم جديد؟:كاشخ:

:ضحك:لاتنسي يافتاة العم انه الضرب ممنوع صاه اتدخلي قضايا واتسجني وما احيد حد من حيانا دخل السجن
ف عنلا تضربي حد
@نور الهدى 11

اقتباس:

---

أرسل أصلا بواسطة NITRO

هيوا
اما اول كنت مختصة بالمشروبات الغازية فقت

شيه يوم يوم تخلصي تروحي السح من الدعن تجيش سحاليف ولا نتوه دعنكم جديد؟:كاشخ:

:ضحك:لاتنسي يافتاة العم انه الضرب ممنوع صاه اتدخلي قضايا واتسجني وما احيد حد من حيانا دخل السجن
ف عنلا تضربي حد
@نور الهدى 11

---

اهاااا .. هيك يعني :متشكك:

ما اعرف مو الدعن اصلا انا :ضحك: :ضحك:


ابوي اسحل عصا و اضرب الطاولة ما اضرب الصغيرين :مطنش:

اقتباس:

---

أرسل أصلا بواسطة نور الهدى 11

اهاااا .. هيك يعني :متشكك:

ما اعرف مو الدعن اصلا انا :ضحك: :ضحك:


ابوي اسحل عصا و اضرب الطاولة ما اضرب الصغيرين :مطنش:

---

:منتزق:بنت العم موه ذا الكلام بو اسمعه منش؟:معصب:
شيه هذا الدعن
http://www.uaeaghnam.com/up//uploads...a08bf0d451.jpg

هيه كذاك عب زين,عبارة باية تخوفيهم:كاشخ:
يوم نجد النخيل ذكريني اجهزلش كمين خضرية

اتذكر خالي كانت معه عصى سمينة وبعده مسولها لزق ومخلنها في الشنطة ماله:كاشخ:
تو ماعرف هين خلاها يوم منعو الضرب
@نور الهدى 11

اقتباس:

---

أرسل أصلا بواسطة NITRO

:منتزق:بنت العم موه ذا الكلام بو اسمعه منش؟:معصب:
شيه هذا الدعن
http://www.uaeaghnam.com/up//uploads...a08bf0d451.jpg

هيه كذاك عب زين,عبارة باية تخوفيهم:كاشخ:
يوم نجد النخيل ذكريني اجهزلش كمين خضرية

اتذكر خالي كانت معه عصى سمينة وبعده مسولها لزق ومخلنها في الشنطة ماله:كاشخ:
تو ماعرف هين خلاها يوم منعو الضرب
@نور الهدى 11

---

هذا الدعن :متورط:
ولد عمي مال اي عصر هذا ؟!
و صحيح انتو تستخدموه؟!


احنا م نستخدم ذا .. نسوي طربال




جهزلي اياهن نته :ضحك:

:مستحي:
الله يرحم هذاك الزمن
كانت معنا وحده ف السكن:كاشخ:
وياما وياما شربنا وادمنا الغازات..:منتشي:
بس بعدين ضاعت وشلوها خير شر من السكن:كاشخ:


هذا الشى ما خبرتكم عنه:بلابلا:
لا تسير تخبر امينا:حزين: @NITRO