صديقي تضرب أفضل .....(( قصة حقيقية))
السلام عليكم ورحمة الله وبركاته يالربع :نطوط:
موو حالكم ...ومو باينين ...وموو هباتكم :كاشخ:
موو انتوه و الرحمه و المطر بو طاح في الايام بو خاطفه:مرتاح:
الحمد لله الغيول يجرين و الجبي يعجن بالماي ... بس الواحي يجيب شدييه وينتجل في الماي :منتزق:
وعاد الماي هؤهؤهؤهؤهؤه غواته:عيار:
قييض و الشمس تلفح و الماي بروديته كمها موووه :ضحك:
انزين اليوم باغي أخبركم بالقصة بو وقعت علي من بدييت كمين يوم :متفكر:
تعالوا تقعيوا متقاربين عسب كلويتكم تستلغيوا الهرجة ;)
في يوم من الايام الغاوية النسناسية الهوا المنعشة الفواد ..:عيار:.. وأنا نادر في جولة ميدانية :ضحك:
بعد طول طريق ...وقفيت بموتري وهبطيت من السيارة :متفكر:
وانا هابط سمعت هرن ... جيت وبرقت ع قفاي وشفت واحي جالس في سيارته يضربلي هرن و يتكشوخ
انا احسبه يسلم علي بس :مرتاح:
جيت انا ورفعيت يدي وهارجته كما هارجني وخطفيت عنه اخلص شغلي:ضحك:
المووهيم دخليت وخلصت شغلي وجلست وعابلت وغيره وندرت
وانا نادر شفت ذاك الشخص في سيارته وكنه يحرصني وجاء وسلم علي مره وانا سلمت
تو اقول ماله هذا الادمي تو :متفكر:
خطفت انا صوب سيارتي وركبت وجاي ادق السلف ..وما ادرى الا بذاك الشخص يدق باب سيارتي
جيت انا فتحيت الباب وندرتله قلتله تفضل
قال ياخي داير راسي انا انا داير راسي
ودااايخ ويعورني ...
قلتله سلامات .. ما معي ادول في السيارة تو انا
قالي تو مالك انته باتشاه .. :منتزق:
صديقي انا ما اريد حبوب ...
انا اريد أفضل
شي معاك افضل
ضحكت انا هههههههههه:ضحك:
قلتله تو انته تشوف
شكلي شكل محشش
وادق أفضل هههههههه:ضحك:
قال لا صديقي بس قلت يمكن معاك
قلتله علوووووه ما معي ولا اعرفة ولا جالي دقيته
قالي انا اريد افضل تو راسي خربان
قلتله وابوي عليك .. سير وقبض دربك لا افضل ولا توريان معي وتو معي شغل ما متفيقلك :معصب:
وخطف مقفي
يوووخي اسألكم تو انا شكلي شكل محشش :ضحك:
تو ما اعرف مو فايدته ذا الافضل ومو قصته منتشر بين الشعب
حيت نسير نلقى الاكياس منشوحه في الدرب
والدرج و الاماكن العامه كلهن حمرات من التفال الحصص
انا صراحة اشكر بلدية مسقط يوم فرضت غرامه حال بو يتفل في الاماكن العامة
وهذيي القصة بوو وقعت علي وصارت :ضحك:
