السلام عليكم
عدنا والعود احمد...
توقفنا في الجزء السابق ...
مع حميدان وجده..
واليوم نكمل القصه..
حميدان يااااحميدان.....لبية ياجدي سم ويش بغيت..
يابوك ابيك اتروح ترعى الأبل اليوم ..وتحلب لي الناقة العفراء ..
أبشر ياجدي تأمر...قامحميدان وراح للأبل وساقها ..وكان يهيج بابيات شعرية..جميلة .
يالله يــارب العـبـاد المصلـيـن
انـك تعـز البـل وناسـن قنتـهـا
وانـك تقبـل دعـوه المستغيثـيـن
وترجعلهـا فـي ديرتـن داهلتـهـا
ماحـدر العـارض الا حـد يبريـن
لقصى محيط الشرق هـاذي جهتهـا
من منطقه زايـد وسلطـان ويميـن
هـاذي مرابيـهـا وذي منطقتـهـا
مدهال ملحن طايـره شبـح وذهيـن
ياطـول غاربهـا وطـول رقبتـهـا
ملحن غشاها الملح والنـور والزيـن
مـن خفهـا لراسـهـا وشعفتـهـا
تفرق على صيغـه اكبـار العثانيـن
بالخشـم والخـده وطـول سبلتـهـا
عسما يدين مثل وصـف الموازيـن
يعجبـك ماطـا خفهـا وعسمتـهـا
الا وطت في الارض كـن البراكيـن
مـن ثقـل ماطاهـا تفجـر تحتهـا
فجحا عريضت ساق في خفهـا قيـن
تعجبـك لامـن دبـرت بفجحتـهـا
قطاعت الفرجـه واهلهـا محييليـن
كـم ديرتـن مـن ديرتـن قربتهـا
الابـل عطايـا الله غنـات المقليـن
الا رعـت فـي ديـرتـن قبلتـهـا
يازينها لاجـات مـن خايعـن زيـن
وامست شباع وجـات حـل ثورتهـا
قامولـهـا رعيانـهـا بالمواعـيـن
وتـرزمـت حيرانـهـا لبهلـتـهـا
والابل لها عنـد الرجـال العزيزيـن
قيمـه وعصمـان الشـوارب قنتهـا
يرعونهـا اللـي يحتمـون المخليـن
كـم جملـتـن ذيدانـهـم ذيرتـهـا
وصل حميدان للمرعى وجلس تحت ظل شجرة السمر..
ويناظر أبلة وهي تفلي...
شاهد من بعيد زووول...شوي شوي.بدايقرب
الا شايب غريب الهيئه..سلم على حميدان
وجلس جنبه على الشجره..استغرب حميدان من الشايب شكله ومشيته فيها شيء غير طبيعي
قال حميدان..حياك الله ياشايب الرحمن..
رد الشايب تبقى وتسلم ياولدي
قام حميدان لاحد الأبل وحلب لشايب صبوح
مد الطاسه وقال انطح فالك ياعم
خذالشايب الطاسه وسمى بالرحمن وشرب الحليب كله مره وحده...
حميدان خاف وقال بنفسه بسم الله ..هالشايب به بلى
ياخوفي يكون جني ماهو أنسي
جلس حميدان وهويناظربالشايب ويتمعن فيه..
ولا صحها من سرحانه الا صوت الشايب
يقول ياولد..انت ماشفت لك حصان أدهم مرعليك
قال حميدان حصان وبهالمكان لا والله ياعم ماشفته
قال الشايب ايه يالله الخيره..
ضاع الادهم من يومين ادوره..
ياولدي ان شفته ولا لمحته قوله الوعد راس الطويل
ضحك هههههه حميدان .....وقال وشلون اكلم حصان وهوبهيمه
قال أنت قوله ولاعليك
زاد خوف حميدان
وتأكد ان الشايب من الجن...
صاريزحف لين صقع ظهره بجذع الشجره
ناظره الشايب وضحك...ههههه
أنت وش بلاك ياولد هو انت خاايف..
الله العلم أنك عرفتني
ماعليك انا مسلم مسالم وضيعت ولدي الأدهم ..
وجيت ادوره ...عليك الله وأمانه مايجيك مني شيء
حنا بينا عيش وملح..
شوي الا الشايب اختفى..
جلس حميدان يتلفت يمين يسار..
ويتعوذمن الشيطان...
قيل حميدان تحت شجرته ..ويوم قام أذن لصلاة العصر...
ووقوم وصلى ولما سلم...
تفاجئ بحصان اسود شديد السود جميل المنظر...
خلفه وينظر الية...
قال.
غدا نكمل
