فجر كل سنه ونتي بخير ومرتاحة البال وبصحه وعافيه والله يشفيك من جميع الامراض ويلبسك بلباس العافيه زين تسوي ريحي نفسك شوي والله كريم ان شاءالله
تعرفي انا من جبت ولدي الحين عمره اربعة شهور من جبته كله ما اشوف حد بالدنيا الا هو واحس ضميري يانبني اذا مثلا خليته شوي عند الشغاله عشان بس اتسبح
بس الحين الحمدالله راحت كل العقد هو ارتاح مني شوي وانا ارتحت
قمر ظفار هذي اعراض الأمومة إلي تكون بالبداية
تحسين على ابسط الأمور يعذبك ضميرك
عديت هالأزمة نوعا ما لكن ما 100%
يعني مثلا قلت لك اخلي بناتي يباتون بيت امي واجلس انا وابوهم
الحقيقة ضميري يعذبني اني اخذ هالوقت لنفسي بدل ما اطلعهم يغيرون جو ويستانسون
الحبسة مو بس انا منحبسة انا وهم منحبسين
صباح الخير ...اليوم الخميس ادري محد يدخل بس حبيت اصبح
خاصه الجو روووعه اليوم الله يدوم علينا ....فجورة بس بشرينا اذا شغالتش وصلت
لاني صرت قلقانه عليش ...والله يسهل امرك ترى انا مو اول بيبي ....
اخواتي الحبيبات ... شكرا لكل ام سألت عن بنتي.. الحمد لله هي بخير..الله يعافي كل اولاد المسلمين و يحفظ اولادكم و كل اولاد المسلمين..
ريم الاريام
حاولي تعرفي ايش يشد زوجك بالضبط في اصحابه؟ اكيد يعجبه شئ (معين) و هو اللي يدفعه لحب التواجد معهم و قضاء بعض الوقت..استخدمي دهائك لمعرفة هذا السر بدون ان يعلم زوجك بذلك..و اذا عرفتي السر فباذن الله بتقدري تسحبي البساط عن اصدقاء زوجك و راح يفضل زوجك يكون معك انتي بدل ما يكون معهم (و هذا الافضل ما دام انهم صحبة سيئة).. بعد معرفة السر حاولي تكوني انتي الصديقة اللي بيقضي معها هذا الوقت... الصحبة السيئة تاكل الاخضر و اليابس..اجتهدي في معرفة السر..هذا رايي عن تجربة..كوني انتي صديقته ..
من الغباء بالنسبة لي ان اتساهل في فكرة ان يخالط زوجي اصحاب السوء..نعم خليه يكون له صحبة و يغير جو..بس مع بني ادمين محترمييييين و ثقااااااااافة و اخلاااااق ...:)
مرحبا كيان بلقيس شخبارك يمكن فاتني عن بنتك ليش ايش فيها سلامتها ؟؟؟وكلامك صحيح بس انا في اعتقادي الشخصي الرجل يحب يغير عن بيته لمجرد التغيير واحيانا ما يكون في اسباب
من خلال متابعاتي لمنتديات نسائيه كثيرة الاحظ الزوج في بعض الاحيان يحب الهروب احيانا مع الاصدقاء واحيانا عند اخوانو او اهله او مع نفسه عشان كذا احسن الوحده فينا تفك شوي عن زوجها عشان لا يحس انها ساجنته بالبيت ومحاصرته والله المستعان
فجر جديد.....غيري الروتين باي حركة بسيطة تشعر زوجك انه اهم من التنظيف.. اعملي حفلة عائلية بسيطة بشرط تكون مفاجئة و خلى بناتك ينزقوه و هو نازل للعشاء قبل ما يشوف المفاجئة.. و ممكن تشتري عشاء جاهز و خبيه.. و اعملي حركات سريعه ع السفرة و بتكون لمة خفيفة و مختلفة و ما تاخذ وقت.. و بعد العشاء سولفوا لين تشبعوا.. حاولي ما تأجلي شغل الى ما بعد العشاء عشان تسترخي و تريحي مع نفسك و زوجك... يعني انتي محتاجة تغيري جدول التنظيف تبعك.. يزميا تنظيف عن الغبار ما مشكلة.. كم وقت تاخذ..؟حدك ساعتين للتنظيف.. وباقي الاعمال وزعيها لايام اخرى براااااااحتك.. ما لازم كل شئ تخلصيه يوميا.
انا لما مات القذافي زوجي تحول في هذاك الاسبوع الى شخص عصبي جدا و ثائر طول الوقت.. و انا ما احب النكد و ما احب اطالع في وجه يوميا مكشر و متنكد و عامل ضغط في البيت و قلق .. فعملت له فكرة البحث عن الكنز..عشان اشغله نفسيا و استغليت جلسة الغداء اللي كنا فيها عشان اصارحه بهذا الامر..امر اني افتقدت ابتسامته و روحه الحلوة و شقاوته بسبب موت القذافي.. و من يومها تغير المود تبعه ونسى سالفة السياسة و الحمد لله..
يا فجر انا خايفة عليك تركزي على اشياء على حساب اشياء ثانية.. من رايي اولوياتي هي : الراحة النفسية لزوجك و بناتك و بعدين نظافة البيت.. شغلي مخيخك في جدول (جديد).. حطي فيه وقت لبناتك تفرحيهم و لو على فترات متقطعه.. يعني كل ربع ساعه طلي عليهن بشي.. لعبي ع السريع معهن.. اي شئ يناسبك و يناسبهن.. انا اولادي يحبوا الرسوم و يحبوا الرسم و يحبوا الغسيل و يحبوا سقي الزرع.. و احاول من وقت لثاني اناديهم عشان نعمل هالنشاطات مع بعض.. نلعب و نستانس..ترا مرحلة الطفولة تمر بسرعه فخلينا نغرس في ذاكرتهم ذكريات جميلة و نخليهم يستناسوا كثر ما نقدر.. نفسيا بناتك يحتاجووووووك اكثر من الغسيل..
و الزوج.. احس انك عصبية و من النوعية اللي تعملي ضغط و زوجك من النوعية الكوووول..هادي..اظنه ما يحب يعيش في ضغط غياب العاملة.. يا فجر لا تطفشيه من البيت تراه في هاللحظة البسيطة بتحصلي يتلايم على اصدقاء و يبدا مسلسل الهروب من البيت مع الاصدقاء..هو انسان وله حد معين يتحمل فيه معك هالضغط و بعدها راح يمل و يتعب.. حاولي لا تحسسيه ان غياب الشغالة يعتبر "مشكلة" .. تنازلي عن اولوياتك اللي حددتيها بنفسك لنفسك و عودتي نفسك عليها عشان عائلتك ...
مشكلتك نفسية بحته.. و بتذن الله بتقدري تحليها..بس عودي نفسك ع التنازل عن بعض امور المنزل مرة و 2 لحد 5 و بعدين راح يكون الامر عندك عادي...
هلا وغلا قمورة.. دخلت عملية قسطرة قلب.. الحمد لله كانت بسيطة..اقتباس:
أرسل أصلا بواسطة قمر ظفار
كلامك صحيح ..هو يريد يطلع و يكون له صحبة سواء فيه سبب او بدون سبب.. بس يطلع بحثا عن راحة و تغييرو يجد (متعه) في هذا الخروج.. ما اتوقع يطلع و ما يستمتع.. و انا مع خروج الزوج بس اذا الصحبة زينة..احسن له و لزوجته.. انا اشجع البحث عن سبب انسجام هذا الزوج مه هذه الصحبة عندما يتطلب الامر ان تبعده زوجته عنهم..
انا زوجي للاسف كان صاحبه "راعي علاقات محرمة" و زوجي كان متدين جدا .. و تعرف على هذا الصاحب من زمالة عمل فقط.. و صاروا يطلعوا مع بعض و بدأت الاحظ ان زوجي بدأ تدريجيا يخرج من عالم التدين و كان يخبرني اول باول عن هذا الصاحب السئ..سبحان الله الانسان يتدرج بسبب الصاحب و التغيير ما يحصل بين يوم و ليلة.. بس الحمد لله كنت منتبهه و كنت اكره هالصاحب من اعماق قلبي.ما اطيقه مع ان زوجي كان حسب قوله يحاول نصحه و ينبهه و الخ.. المهم لم انتظر طويلا.. سحبته عن هذا الصاحب و ادخلته عالم التجارة و البيزنس.لان زوجي كان يخرج مع هذا الصاحب بسبب (الفراغ) .. و الفراغ فكرت ان اسده بالتجارة النافعه لزوجي ولأسرتنا.. شجعته و ساندته بكل ما استطعت.. و الحمد لله وقته مشغول بنسبة 110% حتى انني افتقده احيانا.. و لكن هذا افضل بمليوون مرة عن الصحبة.. الان معه علاقات متوسعه سطحية..و استفاد من ناحية شخصيته و هو سعيد بهذا..الامر الاخر الذي ساعدني هو محاولة ان اشاركه هواياته و ميوله و الحمد لله احس انه صديقي و نستمتع في بعض الاوقات بممارسة هذه الهوايات
جــمعة و صــحبة طيــبة ,, :)
اللــه يجمعكم دووم ع الخـــير يــارب ,,
ســوي أتطــفل دووم عندكــم و أقــرا ,, <<نــستفييد للمستقبل :لسان:
و شــي نطبقه فـ صغارية العيلة :عيار:
بــالتوفيــق لكم ,, :)
صباح الخير ماميز
ادري وحشتكم كثير خخخخ :كاشخ: يا حليلي
اخذت اجازه يومين :نطوط: حلوه الحياه من غير دوام
ريم الاريام
بصراحه انا رائي في موضوع اصحاب السوء يناقض الكل
انا اشوف ان زوجي مو طفل :متفكر: بكيفه يمشي مع اللي يريد
ما احب اتحكم فيه لأني ما احب اي شخص يتحكم فيني
الحمد لله عندي صديقات من مختلف البيئات و بعضهم ممكن الكل يشوفهم صديقات سوء
بس انا اؤمنن اني قادره اغيرهم للافضل و الحمد لله في احيان كثيره قدرت اغيرهم
و بالنسبه ان احيانا يكونوا الاصحاب متزوجين اكثر من وحده و ممكن يشجعوا الزوج فما يهمني
اللي الله كاتب لي بيصير و لو مكتوب ان زوحجي يتزوج علي هذا نصيبي من ربي
فجوور
كل عام و انتي بخير
شغالتك طولت كثيييييييييييير :منتزق:
شوفي المكتب و كلميهم
ما صارت
ما اعتقد في حل لحالتك غير الشغاله
اعرفك مثلي ما تتحملين البيت غير مرتب
انا تجيني حالات نفسيه و ضيق اذا اشوف البيت مكركب او الغسيل مكود
شغالتي الجديده وصلت و الحمد لله
بس احسها كبيره بالعمر و بديت اخاف انها ما تتحمل شغل البيت :حزين:
الله يستر
ماميز اذا تسمحون بطرح موضوع اليوم
و موضوعي يجي من الاحساس بالذنب على بنتي الكبيره
و اللي عندهم اكثر من طفل بيفهمون اكثر
احس بنتي الكبيره فار تجارب
كثير اغلط معاها
مثلا اول ما دخلت المدرسه نسيت سالفه التسجيل و ما على بالي ان المدارس ما تستقبل
و كثير انسى واجباتها و مشاريعها احس نفسي ما اعرف
بينهما لما يجي الموضوع لبنتي الصغيره اكون خلاص خبيره لأني مريت بموقف و عرفت اتصرف مع اختها الكبيره
احس الكبيره صايره الضحيه معاي :حزين:
هل تمرون بنفس الموقف و الاحساس ؟ و شو الحل يا ترى؟؟
قمر ظفار جاتني انتكاسة صحية لا جلست مع بناتي ولا استانست مع زوجي
والخدامة ما وصلت
الخميس الجاية معي عرس بالبيت وعاد من الحين احاتي وافكر :(
انجولة انا اعاني من هالعق\ة مع الصغيرة بحكم اني مع الكبيرة كنت اكثر مبالغة في الحرص ووسواسية
والحين مع الصغيرة احس اني اكثر ايزي جونج وما وايد مهتمة ما اعرف كيف
انجولة و فجورة.. صبحكم الله بالخير.. :)
عادي انجولة..اهم شئ ان الأمورة ما حست بالفرق لانها كانت صغيرة ..احس كنتي بتحتاجي تاخذي موقف لو كانت الكبيرة متحسسة..
و الله انكن متولفاااات انتي و فجر..كله تعذبوا نفسكم و تحاتوا.. اعطوني شوية من احساسكم و ضميركم.. ما شاء الله
انا عندي اخطائي من اندم عليها خلاص امسحها بمساحة..ما افكر فيها ابد عشان ما تاخذ مساحة من حياتي الحالية..خلاص اخطات و شعرت بالذنب و ندمت..فخلاص اعقد اتفاق جديد مع نفسي على تفادي الخطا و اصححه ان امكن و بعدين خلااااص امسحه و ما افكر فيه مهما يكووون عشان ما اتعب نفسيا في التفكير في امر خلاص انتهى
..
صبـاح الخير
انجوووولة انا انا اشتقتلك وااااجد
انا عندي سليماني متعبني ما يحب يكتب يريد بس يمسك الالوان ويلون
فجوووورة.. سلامتك كيفك الحين؟؟
كيووونة.. كيفها بنوتك الحين؟؟
صباحكم سعيد يا احلى امهات
فجوره كل عام وانت بألف خير
كيونه أخبارك منوره الغاليه...عظم الله اجرك ...والسموحه ع التقصير
ما شي موضوع جديد اليوم
انجولة . . . .
طبيعي أول بنت تكون فأرة تجارب . . . . لأن ما عندك خلفية ولا فكرة عن الاشياء إلي لازم تتبعيها. . . فطبيعي بيطلع منك قصور
أما البنت الثانية . . . . لأن خلاص مريتي بهذي التجربة . . . تبي تتفادي أخطائك مال المرة الاولى مع هذي البنت . . . فتحاولي تحسني من أسلوبك
بس عشان تتجنبي هذي الامور . . . . حاولي تسألي أهل الخبرة . . . الحريم إلي خلاص مرن بهذي التجارب . . . . عشان تاخذي فكرة عن متطلبات أول بنت
صباح الخير ماميز
انجل طبيعي الولد الكبير يكون حقل تجارب بحكم قله الخبره وهاذي سنه الحياه عشان الواحد يتعلم ويستفيد من اخطائه
فجر الله يكون فعونش ليش ما تستعيري شغاله والداتك مثلا ع الاقل فنهايه الاسبوع وتستغلي الويكند ف الترفيه عن نفسك وعن بناتك
الغدا طبخيه بالليل ع اساس لما ترجعي من الدوام ترتاحي شوي
ام سليماني حبيبتي..الحمد لله بافضل حال .. شكرا ع السؤال :)
ام رزان غلاتي.. الحمد لله على كل حال..
اليس العسولة..كيفك و كيف امورتك؟
عندي سؤال:
ثقافيا كأمرأة سواء ام او زوجة او انتي كشخص كيف مهتمة بهالجانب ؟
اقصد شو المجالات اللي جالسين تثقفوا فيها انفسكم و كيف؟
اذا فيه منكم وحده تحب القراءة فياليت ترص لنا اخر كتاب لفت انتباهها بدرجة كبيرة جدا و كيف اثر فيها؟
سؤال لفجر جديد :ليش تغسلي الغسيل بالنهار؟ مو افضل بالليل عشان حرارة الشمس حتى للشغالة اشوف الليل افضل و ابرد..انا شغالتي متعودة تغسل باليل .. و ترا الغسيل ما يحتاجله شئ.. نتركه في الغسالة و نشوف امور ثانية..
ايش رايك؟
صباح الخير على الجميع الحمدالله اللي احيانا بعد ان اماتنا....
كيفكم بنات كيف كان الويكند معاكن ؟؟؟كيان بلقيس اجر وعافيه ان شاءالله وماشاءالله عليش عرفتي كيف تلهي زوجك بشيء مفيد
مع انه في رجاجيل ما يفيد معاهم اي شيء ...
انجوله انا عاد سبحان الله هذي اليومين راحمه ولدي اللي قبل الاخير تعرفي انا ولدت وجبت ولد عمره اربعه شهور الحين
اللي مقطع لي فواددي ولدي اللي اكبر منه عمره سبع سنين يعني احسه نفسيا تاثر صار كل الاهتمام للجديد
ونا فعلا مشغوله بالجديد بعد كان كل اهتمامي فيه بس شو اسوي الصغير محتاج كل الوقت والاهتمام
فجر الله يعطيش العافيه ما عليه اذا لك عمر اكيد بتعوضي في الويكند الجاي والله يعينك على العرس اذا في مجال تسووه في مكان ثاني افضل يعني بروحك الله يعينك هالدور عرس؟؟
انا احب اقرأ وايد بس اقرا روايات واجلي اتفكر فيها
من اواخر ما قرات رواية عزازيل ورواية جند الله
عزازيل فيها لمسة عجيبة صدق .... الرواية تعكس حكاية راهب مسيحي ونظرته للحياة في زمن انقلاب المسيحة من ديانة توحيد وادخال فكر التثليث فيها
جند الله رواية اب يعاني الأمرين لما ابنه ينظم للقاعدة كجندي استشهادي ...... فيترك حياته ويتبعه على امل ينقذه ويرجعه ليتفاجئ انه ابنه من امراء القاعدة وواحد من هذولا إلي يجندون الجنود الاستشهادين ويفجعون اهاليهم بيهم!
الروايتين يفتحون في نفس الأنسان ابواب للتسائل والتفكر ..... والروياتين حبتيهم واجد
حاليا اقرا رواية القوس والفراشة بس قرائتي فيها جدا بطيئة لعدم وجود الوقت
كيان بلقيس ترى انا الحين اغسل المساء ....... بس ثيابي وثياب زوجي اروحهم برع وثياب البنات داخل :متفكر:
احيانا اغسل الفجر او الصبح بكير حسب مدى تفرغي
كيان ...سؤالك حلو ومهم اعتقد لانو فعلا الثقافه غايبه عن حياتنا انا الحمدالله اشجع اولادي على القراءه بس الصراحه ما في فايده يريدو نت وتلفونات وبلاي ستيشن وبس
تمنيت اني ما اشريتلهم ....اخر كتاب قريته كان قبل سنه لاني لمن حملت كرهت كل شيء كنت اسويه والحين ما عندي وقت الكتاب كان اسمه بنات السعوديه شيء كذي حلو وعلرفني على بنات السعوديه او طبقه معينه
كنت باشتري كتاب الامير الوليد بن طلال وكتاب محمد بن راشد روؤيتي بس ما صار نصيب
نحن بصفه عامه ما عندنا مكتبه كبيرة تظم اخر الاصدارات كان بوردر حلو اللي بالسيتي شالو ومادري اذا فتحوه بمكان ثانيه كنت استمتع لمن اروح بوردر بس سبحان الله
طيب كيان انتي خبرينا شو اخر كتاب قريتيه وكيف تثقفي روحك وسؤال من عندي تحب الزرع؟؟
بس الحقيقة كيونة اني اخاف من العناكب والحشرات كثير ومنطقتنا جديدة اخاف اطلع اغسل بعد الساعة 6 :مستحي:
هلا كيان . . . .
انا وملاكي . . .. الحمدالله عال العال
بخصوص الثقافة . . . . أنا من تزوجة أنعدمة عندي القرأه . . . لأن ما عندي وقت أقرأ . . . أنا إذا مسكت تلفوني عند زوجي يزعل . . . يقولي سافهتيني . . . عاد أمسك كتاب
وأنا من النوع إلي إذا قريت كتاب . . . أنسى نفسي وإلي حوالي . . . .
قبل الزواج كنت . . . . كثير أقرأ الرويات البوليسية . . . . وخاصة من تأليف ( أجاثا كريست )
بعد الزواج أعتقد قريت كتابين بس . . . ( استمتع بحياتك . . . و الرجل من المريخ والمرأة من الزهرة )
كثير حبيت الكتابين خاصة الثاني . . . . بس للاسف ما خلصتة . . . .لأن كنت أقراه في المكتب بعيد عن زوجي
منورة ام رزان وينك مختفيه صار لك كم يوم :)اقتباس:
أرسل أصلا بواسطة ام رزان
المفروض يوم انا اغيب انتوا تستلموا التجمع وما تخلوه يموت :)
تسلمين حبيبتي عيد ميلادي اخر 11 بس صاحباتي مصرات يخلوني اواصل الأحتفالات لحد اخر 12 :كاشخ:
مرحبا ماميز
كيان
بالنسبه لموضوع التعامل مع الاولاد انا بصراحه ولدي الصغير كثير مظلوم بعكس الكبير اللي اخذ الحظ الاوفر من الدلال
والحب والالعاب وغيره وغيره حتى لما كمل سنه المسكين ابوه ما رضى يسويله غير حول حول اما الكبير لما ولدته سواله
عزيمه ولما كمل سنه سواله عيد ميلاد محترم
اما اخر كتاب اشتريته فهوه كتاب اسمه لغات الحب للكاتب كريم الشاذلي هذا الكاتب كثير احب كتبه بس بعدني ما قريته
فجور
سلامتك وما تشوفي شر الله يعدي هالازمه على خير وتجيك الشغاله وترتاحي
كنت كثير احب القراءة بس للأسف بعد ما انجبت ولدي إياد صرت ما احصل وقت حتى للنوم..
المهم قرئت الكثير بس من اكثر الاشياء اللي قرأتها وانصح بقرائتهاكتب الراحل مصطفى محمود قريت معظم اذا ما كل اصداراته، ومصطفى امين ونجيب محفوظ رواية (اولاد حارتنا و (زقاق المدق) و(حميده) (توت عنخ امون) و رواية (موسم الهجرة الى الشمال) للطيب صالح واحب اقرأ ل داني براون (شيفرة دافنشي) و (الرمز المفقود)بس مشكلة روايته انها طويله جدا وامثالنا يحتاجوا شهر او اكثر عشان يخلصوها وكتاب (مرتفعات وذرينغ) ل إيملي براونتي و(ذهب مع الريح) ل مارجريت ميتشل وفي فترة المراهقه قريت تقريبا كل روايات اجاثا كريستي بعد كتاب استمتع بحياتك وكتاب لا تحزن طبعا غنيه عن التعريف هذي اللي تحضرني الحين والكثير من الكتب اللي للأسف بس نشوف عليها وما قادرين نحرك ساكن فيها
كنوزالشوق نفس الحاله حاصله معاي بنتي الاكبر حصلت الكثير من الدلال من ابوها بعكس اخوها الصغير مسكيناقتباس:
أرسل أصلا بواسطة كنوز الشوق
عند ولادتها ابوها سوا عزومتين بس الولد للأسف ماسواله شي مسكين، ولما كملت سنه سوالها حول حول وعيدميلاد وعشا بس الولد يقول بنسويله عشا بس مافي داعي للمصاريف..:مستغرب:
صدقك فجووووووره سالفة التنظيف البيت والوقت الرومنسي مسوي لنا عقده نحن العاملات ....
انا مثلك كثيره اكره اذا شفت شي في الارض على طول اضغط على نفسي وانظف زوجي يقووولي عادي خليه ما وسخ كثير بس مشكلتي ما اقدر ....
من ارجع من الدوام احاول اقسم وقتي مره انظف البيت ومره اغسل الملابس واحياناً زوجي يساعدني ويعزمني على عشاء برع خصوصاً لما يشوفني تعبانه من شغل البيت ...
المشكله ما اقدر اجيب شغاله واحطها بروحها بالبيت وما حد قريب من بيتي علشان احطها عندهم بس بديت اتقبل الوضع واحاول امشي اموووووووري ....
النور نورك حبيبتي...والله يجعل ايامك كلها افراحاقتباس:
أرسل أصلا بواسطة فجر جديد
كنت مشغوله بأختي مرضه عندي وبعدين رزان لكن الحمدلله صارن بخير
انجوله....سوري حبيبتي ما شفت انك فتحتي موضوع جديد
لو اقولك سوالفي مع البكر بتموتي ضحك كنت صغيره عمري 17 سنه وكنت العب فيه كنه لعبه وكل التجارب فيه
صباح الخير بنوتات وماميز وكل متصفحات سبلة حواء
ليش الموضوع اليوم نازل تحت ....
امس خسوف القمر كان رهيب سبحان الخالق ....
صباحكم سعيد ومنعش...