@
icsimom
مبرووووك دخول التاسع الله يسهلك ماتبقى وتربين طبيعي.. بالاجازة كان عندي احساس اقول عن تربي هالحرمه من وراي ويفوتني الاكشن واستانست لما سمعت اخبار حلوه ولله الحمد.. الله يحفظهم لك ويحفظك
عاد سلامتك من الصداع والضغط والحموضه ؟ كيف وضعك لحين طمنيني عليك..وصح مبروك ع الصبغة وزين حلو تغيير اللوك قبل الولاده
وشدي همتك وحيلك امشي واكلي اناناس وبشرينا بقدوم الغوالي
@
ERHABIA
هلا اختي اخبارك.وكيف صحتك؟طمنيني عليك عزيزتي ..الله الشاهد ان كل ماادش سبله والله اتذكر وتخطري ع بالي واتذكر معاناتك .. الله يلين قلبك ويخفف همك وحزنك ويفرجها عليك ويعوضك بفرحه تنسيك همك ياااارب.
@
شاهندة
اوووه شعليك وصلتي نهاية المشوار.. الحمدلله حمدا كثيرا الله يحفظك ويسهل لك يارب . خلاص انتي شدي حيلك عشان تربي وتبشرينا بالبيبي سالم غانم انتوا الاثنين . بالنسبه للتخطيط انا اذكر مركز صحي طرشوني خوله مره وحده فقط بشهري التاسع اسويه بالاسبوع 37 لا غير. اما بالخاص كانت دكتورة تطلبه مني اسبوعيا سويته تقريبا 3 مرات وياهم لان من اول مادخلت التاسع مفتوح الرحم 2 سم .. اخر مره كانت اول يوم من الاسبوع 38 الصبح ومافي بوادر طلق ابدا وبليل عاد جاني الطلق ولله الحمد وتسهلت
@
مآرينا
مبروووم الحمل اختي الله يتمم لك بالخير .. عادي شي طبيعي ما يظهر كيس الحمل لحين احيانا في يتاخر عندهن ظهوره لحد الاسبوع السابع والثامن/ انا هالمره ظهر كيسين بسادس بدون نبض ورجعتلها باول يوم من الاشبوع ثامن في كيس اختفى وظهر جنين بالكيس الثاني ولله الحمد
لا تحاتي الالم بالظهر طبيعي وادعي ربك ماتزيد اللوعه اوا الترجيع ..وتعدي هالفتره على خير ان شاء الله .
@
أمنيات بعيده
الله يسهل لك عزيزتي ...ان شاء الله نسمع تباشير قدوم البيبي بأي لحظه . دام الحمدلله البيبي بصحهوعافيه لا تحاتي بس تابعي المستشفى بخصوص السرير وروحيلهم بأقرب وقت
الله يسهل لك ويفرجها عليك يارب وتقومين بالسلامه
@
ابحث عن وظيفة
حبيبتي هو بشكل عام اذا انتي بكر ممكن يقلب البيبي راسه تحت من شهر سابع ويظل على هالحاله لحد لحظة الولاده
اما الحمل الثاني.. قد يظل راسه ع فوق لحد وقت الولاده..اول ماينزل الماي يقلبو يصير تحت.. وقد يتدخل الاطباء ويحركوه لك ..يعتمد ع وضعك لا تحاتين حبيبتي عند وقت لحد الولاده انتي اذا دخلتي التاسع احبي واسجدي عشان تساعدي وضع البيبي يقلب.
@
أزهار الحنين
انا الحمدلله ربيت بالخاص بتجربتي الاولى ... وكانت تجربه جيده وماشكيت منها ولله الحمد الطاقم مميز ومعامله الدكتورة ممتازه ..ولحين مره ثانيه اعيد تجربتي معهم ان شاءالله. عسى الله يتمم لنا ع خير وتسير الامور ع حسبب خططنا . بس بالاخير يعتمد ع المستشفى اللي اخترتيه والطاقم اللي يطيحلك .. قد اكون مرتاحه لدكتورة معينه وانتي لا.. هذا يعتد ع تجربة.. ان شاء الله تحصلين ويسخرلك الله اللي تبينه
