((( تجمع أمهات حواء ))) .............................2

كيونة الحقيقة انا انسانة ما تستحمل تمرميطة من دون حمامات نظيفة عقدتي الأزلية وعشان كذا ما اقدر على روحة اماكن بعيدة ......
حاليا برنامجنا يوم لمة في البيت مع بنات عمهم وصدقيقيني مع ركيضهم طالعين نازلين بالبيت وفي الحوش هم يحرقون وايد وياكلون وايد :متفكر:
ثانيا كل جمعة بعد يا نطلع نفطر ونتغدى البحر
يا نطلع نتقهوى ونتعشى على الشاطي ونفس الشيء ركض ولعب وربشة وينامن من التعب في السيارة

بثنيناتهم يحبن التصوير ومعاهم كمرات ويحبن يصورن وايد ويمارسن هالهواية كل ما طلعنا مكان على طول
ويحبن التلوين والرسم والاشغال اليدوية
ومؤخرا بدن يكونن ميل للطبخ والمطبخ واحاول انمي هالشيء فيهم
+ ميل للكمبيوتر والالكترونيات بعد
يوم برع يوم في البيت احس فير انف
وايحانا اسوي رحلة الحوش على قيلة اخواني يوم نطلع العصر متأخر الحوش ونجلس نسولف ونلعب ونشوي مشاكيك ونتعشى في الحوش وعاد من الحوش للغرف يتغسلون ويبدلون وينامون على طول
حل جميل وفيه تغير بعد عن المعتاد

اقتباس:

---

أرسل أصلا بواسطة كيان بلقيس

واااابوي فوق النجم طلعتي دهيرية بو ما تحب تطلع عن البلاد ... :لسان:
سبحان الله..يمكن جو البلد هادي و انتي ما تحبي الربشة ..

---

نعم إنك ضحكتيني:كاشخ::كاشخ: بس صدقيني هي ما مسألة دهورية أنا إنسانة روتينية أخاف التغير
ونفس الشي ما أحب أبهدل نفس في السيرة والجية عشان خاطر أسكن مسقط بيتي لدوامي خمس دقائق لا غير ونقلي صعب أفر راسي من الموالح إلى شغلي ب45 دقيقة صراحة ما يخلص ونفس الشي بيتي قريب من بيت أخوي أمي تجي وقت الصباح تجلس عند ولدي وتشوف الشغالة بصراحة من إل أشوفه وأسمعه ما أقدر أخلي ولدي بروحه مع الشغالة فالموالح من لي لا لا ما أقدر

اقتباس:

---

أرسل أصلا بواسطة فجر جديد

حبيت كلمة اخوض تعطيني احساس انها حرب :متفكر:

ويش يدور معي هالايام ....... تجهيزات العيد اولا ...... تجهيزات اعراس الأهل في الإجازة ثانيا
تجهيزات وترتيبات للإجازة الصيفية ثالثا .......

شيء ثاني: كنت اعاني من ازمة كثرة الصرف على خرجات برع ..... ومع تغير وضعي وزيادة مصاريفنا العائلية بحكم صار لنا بيت كبير مصرفة اكبر طبعا من منزلنا السابق
صرت افكر في كيفية تقليل المصاريف الشهرية بتقليص مصاريف الخرجات من دون التقصير في حق البنات ونصيبهم في الترفيه عن عمارهم

محصلة افكاري : لمات اسبوعية لهم مع بنات عمامهم في منزلنا (بلاي ديت) يعني
مع توفير برامج تلفزيونية ورسوم اطفال يتابعوها ..... + سناكس صحية لأنه بنت عمهم تعاني من مرض السكري
+ نشاطات معينة يمارسوها .....
كل اسبوع انظم شيء ..... الأسبوعين الماضيات كان عبارة عن متابعة برامج تلفزيونية ولعب
الأسبوع القادم ناوية على حركة في حركة ( سكوترز وسياكلهم في الحارة خاصة انه حارتنا ما زالت مهجورة وما فيها حركة سيارات وما في جنبنا جيران مباشرين )
وعطلت الأسبوع إلي بعد ناوية على اعمال رسم وتلوين واشغال يدوية
ممكن تساعدوني بافكار ؟؟؟؟ اعمار البنات تتراوح من عمر 3 سنوات وحتى 6 سنوات

---

ما شاء الله هلا بفجر وين هالغيبة ؟؟صدق إن الواحد م يعرف وين يسير بعدكم أنتوا رحمة فمسقط كله قريب منكم إحنا البحر نهاية الأسبوع نسير نشل غدانا أو عشانا ويقضوا الأطفال وقت جميل يشيلوا سياكلهم وسكوتراتهم والبنات زلاجاتهن ويستمتعوا بس فجر الملل يصيب الأطفال أيام الاجازات بس أيام المدارس ما في مجال إلا نهاية الأسبوع يوم عند أهلي ويوم نسير مسقط ويوم عند أولاد عمهم وخلصنا

انا ايام الإجازات دائما ادخلهم مدارس صيفية
وهالسنة ناوية على مدرسة قرءان بعد ما نرجع من سفرتنا إن شاء الله
وناوية مرة نطلع إجازة بعد إجازة العيد ونروح نزور اهل لزوجي في قطر
والفترة بين الإجازتين مثل ما قلت لك ناوية على مدرسة قرءان
نفس نظامي وانا صغيرة :)

والحقيقة ايام المدارس هم يرجعون من المدرسة ثلاثة العصر وعشان كذا ما احب اضغط عليها واجد :متفكر:

الحين بشكل عام معظم الولايات الكبيرة بدت تتطور وتحصلين فيها اشياء حلوة مثل صحار ومثل بركاء لكن الباقي للاسف لا زالت حالته مش ولا بد

على العموم بنات حد فيكم سمع عن الأكوريوم غلي فتح في الشارقة؟ افيدوني اريد اشل البنات يتشوفونه

اقتباس:

---

أرسل أصلا بواسطة فوق النجم

نعم إنك ضحكتيني:كاشخ::كاشخ: بس صدقيني هي ما مسألة دهورية أنا إنسانة روتينية أخاف التغير
ونفس الشي ما أحب أبهدل نفس في السيرة والجية عشان خاطر أسكن مسقط بيتي لدوامي خمس دقائق لا غير ونقلي صعب أفر راسي من الموالح إلى شغلي ب45 دقيقة صراحة ما يخلص ونفس الشي بيتي قريب من بيت أخوي أمي تجي وقت الصباح تجلس عند ولدي وتشوف الشغالة بصراحة من إل أشوفه وأسمعه ما أقدر أخلي ولدي بروحه مع الشغالة فالموالح من لي لا لا ما أقدر

---

كذي السالفة ..عيل معاك مليووون حق الصراحة ..
ما شئ احسن من السكن قريب الأهل كثير يساعد .. :)

فجر.. ما انفعك عن سياحة دولة الامارات ..المعومات صفر :مستحي:

===

عندي تساؤل بسيط ..
كيف ممكن نحمي افكار و اخلاق اولادنا من البيئة المحيطة؟
تعرفوا قبل ما يدخلوا روضة ومدارس يكونوا اكثر شئ في حضنا و يكتسبوا منا الكثير.. بس اول ما يبدأوا يطلعوا بره و يحتكوا بالعالم المحيط..تلاقي كثير كثير مؤثرات ..سواء من الاقارب او المدرسة .. فيه سلوكيات سيئة يكتسبها الطفل في مراحل العمر المختلفة و متخوفة لاني احس اني ما قادرة اسيطر على الوضع

تصرفات اولاد حميتي ما تعجبني ابدا.. مال 9 و 12 سنة بس ابدا ما يتطرشوا.. ما يحترموا لا ام لا عم .. اذا حد طرشهم فما يقوموا و يتصرفوا تصرفات ما حلوة على المائدة..
ولد عاد تو" اعتبره شايب صراحة " عمره 12 سنة و يعمل حركات على المائدة ما تعجبني و كاتمة غيظي دام الام راضية و تضحك على تصرفاته و الكل راضي فانا ما دخلني صراحة.. مرة ولدهم سكب العصير على الكوب لحد ما انكب على بساط الأكل.. و بعدين الكل بدأ يضحك...و انا مستعجبة ليش؟ طلع الولد متعود يعمل هالحركة عشان يضحكوا عليه .. اونه لازم يذوق البساط من العصير..حركات ما احبها ابدا و ما اقدر اتدخل ..تراها مناسبات قليلة جدا تجمعنا على مائدة واحدة..

بس بشكل عام ..اكثر اولاد يحتكموا فيهم اولادي هو اولاد عمتهم فقط.. وطبعا اولادي يكتسبوا .. و يقلدوا... صايرين كانهم قرود ..همج ..يتقفزوا في الاثاث و يطلعوه من مكانه و ما يسمعوا الكلام..يطنشوا..نفس طبع اولاد عمتهم..
اضرب و ما شئ فايدة.. العناد العكس يزيد ..و طيعا ما احب اخليهم على راحتهم لاني ما اريدهم يكبروا مثلهم بلا رقيب و لا احترام للكبير..

اكره العشوائية في الحياة و احب النظام.. كيف افرض نظام حياتي على اولادي..؟ساعدوني؟

بنتي عمرها 3 سنوات و7 اشهر وااايد حركيه ومن زود الحركه مفتر راسي بالبيت يوم اجلس معها بداية السنه قررت ادخلها مدرسة تحفظ قران الحمدالله تروح المدرسه وترد تنام
المشكله الي تعاني منها انه ما اعرف كيف اسوي لها اشياء حلوه لانها حركيه ووايد وما عندها شي بالاجازه تحرق هالطاقه والحركه يالليت تنقضوني من هالشي وتعطوني كم فكره لها خاصه انها وحدها بالبيت وطفلي الي اصغر منها عنده شهر يعني تمل وتزهق وما تعرف تلعب مع من ؟؟

اقتباس:

---

أرسل أصلا بواسطة كيان بلقيس

فجر.. ما انفعك عن سياحة دولة الامارات ..المعومات صفر :مستحي:

===

عندي تساؤل بسيط ..
كيف ممكن نحمي افكار و اخلاق اولادنا من البيئة المحيطة؟
تعرفوا قبل ما يدخلوا روضة ومدارس يكونوا اكثر شئ في حضنا و يكتسبوا منا الكثير.. بس اول ما يبدأوا يطلعوا بره و يحتكوا بالعالم المحيط..تلاقي كثير كثير مؤثرات ..سواء من الاقارب او المدرسة .. فيه سلوكيات سيئة يكتسبها الطفل في مراحل العمر المختلفة و متخوفة لاني احس اني ما قادرة اسيطر على الوضع

تصرفات اولاد حميتي ما تعجبني ابدا.. مال 9 و 12 سنة بس ابدا ما يتطرشوا.. ما يحترموا لا ام لا عم .. اذا حد طرشهم فما يقوموا و يتصرفوا تصرفات ما حلوة على المائدة..
ولد عاد تو" اعتبره شايب صراحة " عمره 12 سنة و يعمل حركات على المائدة ما تعجبني و كاتمة غيظي دام الام راضية و تضحك على تصرفاته و الكل راضي فانا ما دخلني صراحة.. مرة ولدهم سكب العصير على الكوب لحد ما انكب على بساط الأكل.. و بعدين الكل بدأ يضحك...و انا مستعجبة ليش؟ طلع الولد متعود يعمل هالحركة عشان يضحكوا عليه .. اونه لازم يذوق البساط من العصير..حركات ما احبها ابدا و ما اقدر اتدخل ..تراها مناسبات قليلة جدا تجمعنا على مائدة واحدة..

بس بشكل عام ..اكثر اولاد يحتكموا فيهم اولادي هو اولاد عمتهم فقط.. وطبعا اولادي يكتسبوا .. و يقلدوا... صايرين كانهم قرود ..همج ..يتقفزوا في الاثاث و يطلعوه من مكانه و ما يسمعوا الكلام..يطنشوا..نفس طبع اولاد عمتهم..
اضرب و ما شئ فايدة.. العناد العكس يزيد ..و طيعا ما احب اخليهم على راحتهم لاني ما اريدهم يكبروا مثلهم بلا رقيب و لا احترام للكبير..

اكره العشوائية في الحياة و احب النظام.. كيف افرض نظام حياتي على اولادي..؟ساعدوني؟

---

كيونة أنا أمي ربتنا على النظام والترتيب كانت تأكلنا بنفسها عشان ما نبهدل ونوسخ ملابسنا مع إنا كنا في سن يسمح إن ناكل بنفسنا عل الرغم إنها ما متعلمة عندها خامس ابتدائي كان لما يجي عندنا ضيوف ونغلط بس تشوف علينا بنظرة نعرف إنا واحد منا ارتكب خطأ لأن جدتها لما كانت هي وخالتي صغار جابتلهم مؤدبة تعلمهم السناعة على قولتها وهذا الجيل تربيت شغالات واجد أمور تستاء منها لما تشوفها تصدر من أولاد أولادها أنا الحمدلله أولادي مسيطرة عليهم وتربيتي أنا وأبوهم نفس الشي بس أبدا ما مثل تربيت الوالدة الله يحفظها يعني السيطرة عليهم يحتاجلها حزم وتعب أكثر منا
تعرفي من أكبر الأخطاء إن الطفل يخطأ والأهل يرضوا ويضحكوا على أخطاؤه أنا ألاحظ ولدي الصغير لما يخطأ وأخوانه يضحكوا يكرر الخطأ لذلك دايما أعاقب الأربعة وأوضح لهم سبب العقاب ولأن بناتي شوي أكبر أفهمهم ليش أنا غضبانة وليش عاقبتهم وأخليهم يلاحظوا تصرفات أخوهم
استغرب من أمهات عندهن كل شي عادي أقول لزوجي والله إن ولادي أرحم من إل أشوفه من بعض أولاد أقاربنا أخاف لا يقلعونا عيونا والأم تناظر ولادها ولا تقول حتى كلمة عيب ولا خطأ
بس عندي مشكلة تجيني حالة نفسية عند وجبات الأكل تعرفي ليش أول ما أحط الأكل على الطاولة تبدأ كل السوالف أذيك الساعة يعني لو قلتلك يجلسوا أكثر عن ساعتين ياكلوا نعم مالأكون بالغت أبوهم ياكل ويقوم وهم كل سوالف الدنيا يطلعوها على الأكل كم مرة أعاقبهم أشل الأكل من قدامهم وأخليهم بدون أكل بس ما نفع نعاهم ويش أسوي عييت

أفتقدتكم ماميز :مستحي:
فجوره
ما شالله عليكي شطوره خلصتعي أغراض العيد
أنا اذا أشتريت من الحين بيلبسوهن العيال وما أقدر ما أشتري غيرهن أتحانق :)
ما شالله حبيت برنامجك للبنات كثيييير مميز
أنا بنتي واااايد تحب الرسم وما شالله عليها أنا في نظري فنانه طريقة تلوينها مميز وأكبر من سنها
أحب أنميلها هذي الموهبه أجيبلها دفاتر وألوان من كل الأنواع أللي مساعدني أنه مدرسة الفنيه ملاحظه موهبتها وتشجعها كثير ولوحاتها أحيانا تعلقهن في ممرات المدرسه
الأطفال يتعلقوا بالموهبه أكثر كل ما شافوا أحد يساندهم ويشجعهم للأستمرار والمتابعه
كيان
أحس الطفل أهم شي مراحل الأولى من حياته أذا أسستيه زين ما راح يتأثر واااايد بالمحيطين بالذات اذا يشوفهم قليل أو في المناسبات
ألاحظ على أولادي ( البنت ) الحمد لله عاقله وأحسها ما شيه معي ع الخط يعني الشي أللي تحسه غلط أبدا ما تسويه حتى لو شافت أولاد خالها المشاغبين يسويوه
أما الولد فأحسه غير لما يشوفهم جايين أحسه أذا طول معهم بيجي مثلهم :مفتر:
أحاول قدر الامكان أني ما أخليهم واجد معهم أحاول أنتقي الاشخاص أللي يماشوهم عشان ما يكسبوا تصرفات خاطئه
أناأحب النظام والترتيب والولد صراحه أبدا ما يعرف شي أسمه نظام مجننني
أما البنت فديتها وربي يحفظها عكسه تمام ما تحب تنام ألا لما تكون مرتبه غرفتها وكل شي نظيف وفي مكانه

كيان هم التقاط اطفالنا للعادات السيئة هم وكابوس يطارد كل ام
وكل وحدة فينا تبذل المستحيل عشان تجنب اولادها وتعلمهم الصحيح
عن نفسي احاول استخدم لغة الحوار معاهم
وبما انهم بنات فدائما ابدا حواري بهالجملة "انتي اميرة صح وإلا لا؟"
الأميرة ما تركض داخل البيت .... الأميرة تركض لما تلعب برع ولما تسوي رياضة بس الأميرة ما تنط على الاثاث الاميرة تاكل اكل صحي الأميرة ما تلعب بالتلفونات وهلم جرا
ما اقولك 100% تنفع .... ولكن 80% تنفع ..... وهذي نسبة جدا مقنعة لي حتى يوصلون سن اكبر يستوعبون فيه اكثر كلامي ويوصلون لنسبة الـ 100% وياي

ابتسامة صمت انا ما خلصت ملابس العيد انا بديت فيهم ولله الحمد .....
يعني ضغل المخاوير والقطن البنات صايرات يحبن يلبسن مخور يوم نروح البلد خاصة ....... وصايرة احب اطقم وياهم وايد
وهالسوالف يبالها طرح وتطريز + عندي كمن عرس عائلة قريب فلازم ارتب فساتين وملابس تقليدية وهذا كله يباله اقمشة وتفصيل وترتيب من الحين

اقتباس:

---

أرسل أصلا بواسطة فجر جديد

ابتسامة صمت انا ما خلصت ملابس العيد انا بديت فيهم ولله الحمد .....
يعني ضغل المخاوير والقطن البنات صايرات يحبن يلبسن مخور يوم نروح البلد خاصة ....... وصايرة احب اطقم وياهم وايد
وهالسوالف يبالها طرح وتطريز + عندي كمن عرس عائلة قريب فلازم ارتب فساتين وملابس تقليدية وهذا كله يباله اقمشة وتفصيل وترتيب من الحين

---

حلوووووووو فديتك
تعجبني البنت لما تلبس مخوره في العيد وهذي معاناتي مع بنتي أللي ما ترضى تلبس مخاوير :حزين:
فديتك عادي تحطيلنا صور الفساتين للأعراس لما يجهزوا :مستحي::مستحي:
ذوقك يعجبني :وردة:

فجورة..وين تطرزي المخاوير؟
انا احبها كثير و اشتريها جاهزة من سوق السيب..

اقتباس:

---

أرسل أصلا بواسطة فوق النجم

كيونة أنا أمي ربتنا على النظام والترتيب كانت تأكلنا بنفسها عشان ما نبهدل ونوسخ ملابسنا مع إنا كنا في سن يسمح إن ناكل بنفسنا عل الرغم إنها ما متعلمة عندها خامس ابتدائي كان لما يجي عندنا ضيوف ونغلط بس تشوف علينا بنظرة نعرف إنا واحد منا ارتكب خطأ لأن جدتها لما كانت هي وخالتي صغار جابتلهم مؤدبة تعلمهم السناعة على قولتها وهذا الجيل تربيت شغالات واجد أمور تستاء منها لما تشوفها تصدر من أولاد أولادها أنا الحمدلله أولادي مسيطرة عليهم وتربيتي أنا وأبوهم نفس الشي بس أبدا ما مثل تربيت الوالدة الله يحفظها يعني السيطرة عليهم يحتاجلها حزم وتعب أكثر منا
تعرفي من أكبر الأخطاء إن الطفل يخطأ والأهل يرضوا ويضحكوا على أخطاؤه أنا ألاحظ ولدي الصغير لما يخطأ وأخوانه يضحكوا يكرر الخطأ لذلك دايما أعاقب الأربعة وأوضح لهم سبب العقاب ولأن بناتي شوي أكبر أفهمهم ليش أنا غضبانة وليش عاقبتهم وأخليهم يلاحظوا تصرفات أخوهم
استغرب من أمهات عندهن كل شي عادي أقول لزوجي والله إن ولادي أرحم من إل أشوفه من بعض أولاد أقاربنا أخاف لا يقلعونا عيونا والأم تناظر ولادها ولا تقول حتى كلمة عيب ولا خطأ
بس عندي مشكلة تجيني حالة نفسية عند وجبات الأكل تعرفي ليش أول ما أحط الأكل على الطاولة تبدأ كل السوالف أذيك الساعة يعني لو قلتلك يجلسوا أكثر عن ساعتين ياكلوا نعم مالأكون بالغت أبوهم ياكل ويقوم وهم كل سوالف الدنيا يطلعوها على الأكل كم مرة أعاقبهم أشل الأكل من قدامهم وأخليهم بدون أكل بس ما نفع نعاهم ويش أسوي عييت

---

حبيبتي فوق النجم..شكلك من صغرهم عودتيهم ياخذوا راحتهم بالاكل و يسولفوا و ياكلوا..
احس التحكم كثير اسهل لما كانوا صغار.. صحيح من شب على شئ شاب عليه ..:متفكر:
كم اعمارهم تو اولادك بو سوالف؟
يعتمد على الاعمار عشان تعرفي تتعاملي مع هذي المشكلة..اتوقع لو كبار مال 12 سنة و فوق يكونوا حساسين..راح يشيلوها في قلوبهم ضدك لما تشيلي الأكل من قدامهم و ما انصحك بهالحركة.. ما زين تخلي اولادك يكبروا و هم شالين حقد في قلوبهم عليك..ترا عقول الابناء و تفكيرهم غير شكل و ما تظني راح يعطوك عذر.. الا يمكن يعملوا عليك تحالف لما تعجزي .. :لسان: ..بعيد الشر ان شاء الله ما يكون كذا..الله يحفظهم و يجعلهم بارين بك و بأبوهم يا رب..
المصيبة يا اختي لو انتي تشدي و الاب ما احد اطيب منه .. هنا المصيبة العودة..بيحسبوك عدوة ..
نصيحة .. احترمي اعمارهم و تعاملي معهم حسب سنهم .. ما اي عقاب ينفع لاي مرحلة عمرية.. فيه تصرفات معينة تصلح لكل عمر..فارجو انك تنتبهي لهالشئ..

اقتباس:

---

أرسل أصلا بواسطة ابتسامة صمت

أفتقدتكم ماميز :مستحي:
كيان
أحس الطفل أهم شي مراحل الأولى من حياته أذا أسستيه زين ما راح يتأثر واااايد بالمحيطين بالذات اذا يشوفهم قليل أو في المناسبات
ألاحظ على أولادي ( البنت ) الحمد لله عاقله وأحسها ما شيه معي ع الخط يعني الشي أللي تحسه غلط أبدا ما تسويه حتى لو شافت أولاد خالها المشاغبين يسويوه
أما الولد فأحسه غير لما يشوفهم جايين أحسه أذا طول معهم بيجي مثلهم :مفتر:
أحاول قدر الامكان أني ما أخليهم واجد معهم أحاول أنتقي الاشخاص أللي يماشوهم عشان ما يكسبوا تصرفات خاطئه
أناأحب النظام والترتيب والولد صراحه أبدا ما يعرف شي أسمه نظام مجننني
أما البنت فديتها وربي يحفظها عكسه تمام ما تحب تنام ألا لما تكون مرتبه غرفتها وكل شي نظيف وفي مكانه

---

اشتاقت لك الجنة حبيبتي ..:)
سبحان الله..صدقك البنات شوي غير.. انا اللي مطلع لي قرون الولد .. اكثر شئ.. البنت لما تتصرف تصرفات صبيانية و انتقدها تتأثر..بس الولد..قمة التطنيش..

اقتباس:

---

أرسل أصلا بواسطة فجر جديد

كيان هم التقاط اطفالنا للعادات السيئة هم وكابوس يطارد كل ام
وكل وحدة فينا تبذل المستحيل عشان تجنب اولادها وتعلمهم الصحيح
عن نفسي احاول استخدم لغة الحوار معاهم
وبما انهم بنات فدائما ابدا حواري بهالجملة "انتي اميرة صح وإلا لا؟"
الأميرة ما تركض داخل البيت .... الأميرة تركض لما تلعب برع ولما تسوي رياضة بس الأميرة ما تنط على الاثاث الاميرة تاكل اكل صحي الأميرة ما تلعب بالتلفونات وهلم جرا
ما اقولك 100% تنفع .... ولكن 80% تنفع ..... وهذي نسبة جدا مقنعة لي حتى يوصلون سن اكبر يستوعبون فيه اكثر كلامي ويوصلون لنسبة الـ 100% وياي

---

فجورة..حياتك اسهل شوي لانهم بنوتات..عسولات ..
تصرفات البنات مهما كانت مشاغبة ما توصل الى مرحلة القردنة (تصرفات قرود :ضحك:) .. اكره ما عندي لما يطلعوا الاثاث من مكانه و يرفضوا يرجعوه و يتنطوطوا في الاثاث و يشخبطوا في الجدران (لوحة فنية) .. و العقاب ما يهتموا له .. ما يخاواّ... جيل غير شكل..

يعني حتى أنتوا تعانوا من رسومات الجدران :حزين:
ولدي الصغير عمره سنه ونصف بس ما شالله عليه ما شي جدار في البيت ما فيه بصماته الفنيه :مفتر::مفتر:
رغم أني أنبه أخوانه أنه ما يعطوه قلم ولا يرموا الأقلام في الأرض بس ما أدري من وين يطلعهن :مفتر:
المشكله أني مهما حاولت أمسح الشخابيط من الجدران ما يمتسحوا
هل فيه طريقه أخواتي ؟ :متفكر:

اقتباس:

---

أرسل أصلا بواسطة كيان بلقيس

حبيبتي فوق النجم..شكلك من صغرهم عودتيهم ياخذوا راحتهم بالاكل و يسولفوا و ياكلوا..
احس التحكم كثير اسهل لما كانوا صغار.. صحيح من شب على شئ شاب عليه ..:متفكر:
كيونة أنا ما عندي مشكلة إنهم يتكلموا بس خاصة وقت المدرسة كل حد يدلوا بدوله عن مغامراتهم ومعلماتهم بس المشكلة إنهم يتكلموا والصحون بأكلهن أنا وأبوهم ما أقولك ما نتكلم بس ناكل ونخلص وهم ماسكين يدينهم ويثرثروا ودايما أعصب على زوجي لما نتغدى أول ما نجلس نتغدى أول سؤال يطرحه عليهم ها كيف اليوم المدرسة وعاد يفتر راسي كل حد يجيب إل عنده ومحد ياكل يقولي مستحيل ما أسألهم هذا السؤال حتى الصغير إل ما يروح المدرسة يجلس يجيب عن أشياء خيالية من راسه وأستاذاته وويش قالن تصدقي أرحم الشغالة دايما تتغدى العصر بسببهم:حزين::حزين:
كم اعمارهم تو اولادك بو سوالف؟
عندي البكر بنت 9سنوات ونص والبنت الثانية 8 والولد6 والأصغر 3 سنوات بس تراه البنات هاديات وما يسون ربشة بس هالكاتني بثرثرتهن على الأكل وطول الوقت يلعبن بروحهن ويمارسن هواياتهن إلا وقت الأكل تبدأ الثرثرة والمشكلة ناقلات هذي العادة لأخوانهم الأثنين تخيلي ولد ويكون ثرثار دايما لما يبدن يتكلمن أقولهن والآن تبدأ إذاعة f.m بالبث ويتمن يضحكن وأنا معصبة عليهن في بعض الأحيان أسويلهم بس مسابقة عشان يخلصوا بسرعة بس عاد تعرفي مسابقاتهم أخاف عليهم عن بغصوا:منتزق::منتزق:
يعتمد على الاعمار عشان تعرفي تتعاملي مع هذي المشكلة..اتوقع لو كبار مال 12 سنة و فوق يكونوا حساسين..راح يشيلوها في قلوبهم ضدك لما تشيلي الأكل من قدامهم و ما انصحك بهالحركة.. ما زين تخلي اولادك يكبروا و هم شالين حقد في قلوبهم عليك..ترا عقول الابناء و تفكيرهم غير شكل و ما تظني راح يعطوك عذر.. الا يمكن يعملوا عليك تحالف لما تعجزي .. :لسان: ..بعيد الشر ان شاء الله ما يكون كذا..الله يحفظهم و يجعلهم بارين بك و بأبوهم يا رب..
لا عاد ما لهذي الدرجة أنا في هذي المسألة عندي قناعة إذا الوالدين بارين بأهلهم فأكيد الأولاد بيطلعوا عليهم يعني كما تدين تدان والحمدلله إحنا احترامنا لأهلنا وبرنا بهم حتى أستحي أقول لأمي صبي لي أشرب
المصيبة يا اختي لو انتي تشدي و الاب ما احد اطيب منه .. هنا المصيبة العودة..بيحسبوك عدوة ..
صحيح أبوهم ما كثير يعصب عليهم ونادر جدا يضربهم وخاصة البنات ما أتذكر شل إيده يضربهن بس له هيبة عندهم أكثر مني مع إني أنا إل أوجه وأصلح سلوك وأنازع وبعض الأحيان أضرب بس ما يخافوني كثر أبوهم لأن عنده عقاب يضحكني وهم يكرهوا هذا العقاب كره العمى لما يشوفني خلاص تعبانة منهم يناديهم ويخليهم يرفعوا يدينهم وجههم على الجدار مال ربع ساعة وهم كله ولا تسويلهم هذي الحركة :كاشخ::كاشخ::كاشخ:
نصيحة .. احترمي اعمارهم و تعاملي معهم حسب سنهم .. ما اي عقاب ينفع لاي مرحلة عمرية.. فيه تصرفات معينة تصلح لكل عمر..فارجو انك تنتبهي لهالشئ..

---

بصدق أنا البنات ما كأني أمهم كأني صديقتهن أسمعهن وأسولف معهن وأعززهن ومدلعتنهن بس في تصرفات متعبة تصدر منهم تحتاري ويش تسوي معاهم:مفتر::مفتر::مفتر:

اقتباس:

---

أرسل أصلا بواسطة ابتسامة صمت

يعني حتى أنتوا تعانوا من رسومات الجدران :حزين:
ولدي الصغير عمره سنه ونصف بس ما شالله عليه ما شي جدار في البيت ما فيه بصماته الفنيه :مفتر::مفتر:
رغم أني أنبه أخوانه أنه ما يعطوه قلم ولا يرموا الأقلام في الأرض بس ما أدري من وين يطلعهن :مفتر:
المشكله أني مهما حاولت أمسح الشخابيط من الجدران ما يمتسحوا
هل فيه طريقه أخواتي ؟ :متفكر:

---

بسومة أنا الحمدلله هذي العادة ما عندهم يعني إل يشخبط فدفتر أو في كتاب وحاطه لهم كراسة رسم ودفاتر تلوين بالهبل عشان يشخبطوا ويرسموا وكل ما استهلكوهن اشتريتلهم من انتقلت بيتي 6سنوات ما أذكر واحد خذ قلم وشخبط في الجدار
بس عندي مشكلة تكسير يعني لا مزهرية ولا تحفة ولا أي شي ممكن أحطه في طاولات وتدوم في البيت لازم تكون مرفوع وبعيد عن متناولهم طبعا راح يكون مصيرها الكسر كثير أشياء تعجبني وأحبها تكون في بيتي وأتراجع ما أشتريها لأن أقول حدها شهر ولا شهرين ومصيرها الزبالة

اقتباس:

---

أرسل أصلا بواسطة ابتسامة صمت

حلوووووووو فديتك
تعجبني البنت لما تلبس مخوره في العيد وهذي معاناتي مع بنتي أللي ما ترضى تلبس مخاوير :حزين:
فديتك عادي تحطيلنا صور الفساتين للأعراس لما يجهزوا :مستحي::مستحي:
ذوقك يعجبني :وردة:

---

افا عليش انا بسوي حملة كاملة لكل ملابس العيد وتجهيزات المدرسة لبناتي إن شاء الله :كاشخ:

اقتباس:

---

أرسل أصلا بواسطة كيان بلقيس

فجورة..وين تطرزي المخاوير؟
انا احبها كثير و اشتريها جاهزة من سوق السيب..

---

الله يسلمك انا اخور بالبريمي على قطن صوري او قطن صلالة واحيانا قطن سعودي جدا مريحات في اللبس والبنات ما يتعذبن فيه وبالتالي يرتاحن في لبسه ويناسب بشرتهن البيبي
والتطريز يا تطريز عادي يا تطريز طبعة
بناتي يحبون الطبعة غلي تكون محددة بالفصوص
اسعارهم جدا معقولة في البريمي
يعني البنات الصغار مع التفصيل 10 ريالات تقريبا

اقتباس:

---

أرسل أصلا بواسطة ابتسامة صمت

تعجبني البنت لما تلبس مخوره في العيد وهذي معاناتي مع بنتي أللي ما ترضى تلبس مخاوير :حزين:

---

عشان تحببيها فيه اولا اشتري لها قماش شبيه بقماشك بس مثلا على الوانها المفضلة عشان تحس انها مطقمة وياش وفي نفس الوقت عاكسة ذوقها وشخصيتها
استهدفي اقمشة القطن بأنواعها لأن الصغار في المعتاد يكرهون يلبسون هالسوالف بسبب الخامات يريدون يلبسون خامات مريحة يقدرون يتحركون فيها ويلعبون

وعلشان ما تحرمينها من غلي هيه تحب تلبسة نوعي في لبسها يعني مثلا صبيحة العيد تلبس غلي هيه تباه
وعلى وقت الغداء تبدل وتلبس المخور والمساء تغير مرة وتلبس شيء هيه تباه وتحبه وبالتالي ما تنحرم من غلي هيه تحبه وتبدا في نفس الوقت تلبس المخورات

انا حتى الويل افصل لبناتي بس على شكل دريسات بناتي يحبون الدريس ويوم صغيرة امي كانت تفصل لي الويل على شكل دريسات وكنت بعد اموت فيهن

صباحكم ذكر وطاعة الرحمن
فجر أنا بناتي من سنتين بدوا يلبسون المخاوير كانن أبدا ما يحبنهم أنا متعودة أفصل لنفسي في الشارقة مخاوير للعيدين وجربت أفصل لهن بس بصراحة ما يخلص بنات صغار وتكون قيمتهن قريبة من قيمة مخاويري وصرت اشتريلهم جاهز أسمع كثيرين يفصلوا في البريمي بس مشكلتي ما أدلهم الخياطين وما كثير نسيرلها البريمي

اقتباس:

---

أرسل أصلا بواسطة ابتسامة صمت

يعني حتى أنتوا تعانوا من رسومات الجدران :حزين:
ولدي الصغير عمره سنه ونصف بس ما شالله عليه ما شي جدار في البيت ما فيه بصماته الفنيه :مفتر::مفتر:
رغم أني أنبه أخوانه أنه ما يعطوه قلم ولا يرموا الأقلام في الأرض بس ما أدري من وين يطلعهن :مفتر:
المشكله أني مهما حاولت أمسح الشخابيط من الجدران ما يمتسحوا
هل فيه طريقه أخواتي ؟ :متفكر:

---

حبيبتي بسومة..احنا صبغنا البيت من اول و جديد تصدقي؟.... ما استحملت الشخابيط .. بس الحين مشددة عليهم كثير.. اول ما يمشكوا قلم انبه على الجدران اول شئ.. و الحين منضبطين .. اتمنى يواصلوا..

بعيد علي..:(

اقتباس:

---

أرسل أصلا بواسطة فجر جديد

الله يسلمك انا اخور بالبريمي على قطن صوري او قطن صلالة واحيانا قطن سعودي جدا مريحات في اللبس والبنات ما يتعذبن فيه وبالتالي يرتاحن في لبسه ويناسب بشرتهن البيبي
والتطريز يا تطريز عادي يا تطريز طبعة
بناتي يحبون الطبعة غلي تكون محددة بالفصوص
اسعارهم جدا معقولة في البريمي
يعني البنات الصغار مع التفصيل 10 ريالات تقريبا

---

اقتباس:

---

أرسل أصلا بواسطة فوق النجم

بصدق أنا البنات ما كأني أمهم كأني صديقتهن أسمعهن وأسولف معهن وأعززهن ومدلعتنهن بس في تصرفات متعبة تصدر منهم تحتاري ويش تسوي معاهم:مفتر::مفتر::مفتر:

---

تصدقي..تحدي تربية الابناء كثير صعب .. و يلعوز .. ما تعرفي ايش اللي يدور بعقولهم و نفوسهم .. !!
الله يعننا على تربيتهم على طاعته و مرضاته .. ياااارب..

افا عليش كيونة انتي عطيني الخامة وانا اشلها اخور لك ما يغلى عليك جهزي روحك انا بروح على اخر شهر 3 إن شاء الله :كاشخ:
هذي ميزة لما تبدي تتجهزي للعيد قبل بفترة طويلة
تقدرين تطرشين مع صاحباتك وتشترين من الجاهز وتشترين من النت
يعني كمحصلة نهائية كله عشرة على عشرة وتخرجين بعيالك بالصورة المثالية بالعيد

عن نفسي همي الوحيد هالفترة انه شعر فجر المقصوص يطول بسرعة :متفكر:
ما اتخيل يجي عرس عمتها والعيد وهيه بشعر قصير على هالشكل

اقتباس:

---

أرسل أصلا بواسطة فجر جديد

افا عليش كيونة انتي عطيني الخامة وانا اشلها اخور لك ما يغلى عليك جهزي روحك انا بروح على اخر شهر 3 إن شاء الله :كاشخ:
هذي ميزة لما تبدي تتجهزي للعيد قبل بفترة طويلة
تقدرين تطرشين مع صاحباتك وتشترين من الجاهز وتشترين من النت
يعني كمحصلة نهائية كله عشرة على عشرة وتخرجين بعيالك بالصورة المثالية بالعيد

عن نفسي همي الوحيد هالفترة انه شعر فجر المقصوص يطول بسرعة :متفكر:
ما اتخيل يجي عرس عمتها والعيد وهيه بشعر قصير على هالشكل

---

تسلميلي فجورة..كلك ذوووق يا ذووق.. :)
اش عليك بشعر البنت .. ستايلش ..:ضحك:

اقتباس:

---

أرسل أصلا بواسطة فوق النجم

بسومة أنا الحمدلله هذي العادة ما عندهم يعني إل يشخبط فدفتر أو في كتاب وحاطه لهم كراسة رسم ودفاتر تلوين بالهبل عشان يشخبطوا ويرسموا وكل ما استهلكوهن اشتريتلهم من انتقلت بيتي 6سنوات ما أذكر واحد خذ قلم وشخبط في الجدار
بس عندي مشكلة تكسير يعني لا مزهرية ولا تحفة ولا أي شي ممكن أحطه في طاولات وتدوم في البيت لازم تكون مرفوع وبعيد عن متناولهم طبعا راح يكون مصيرها الكسر كثير أشياء تعجبني وأحبها تكون في بيتي وأتراجع ما أشتريها لأن أقول حدها شهر ولا شهرين ومصيرها الزبالة

---

الغاليه أنا ما عانيت هذي المشكله مع بنتي وولدي بس أللي متعبني الصغير ما شالله عليه مجنني ومفررللي راسي :مفتر::مفتر:
حتى لو عطيته دفتر بعده يغافلني ويروح وراء الستاره عشان ما أشوفه
صارت جدران البيت خريطه :حزين: لمعالم دوله غير معروووفه :ضحك:ضحك:

اقتباس:

---

أرسل أصلا بواسطة فجر جديد

عشان تحببيها فيه اولا اشتري لها قماش شبيه بقماشك بس مثلا على الوانها المفضلة عشان تحس انها مطقمة وياش وفي نفس الوقت عاكسة ذوقها وشخصيتها
استهدفي اقمشة القطن بأنواعها لأن الصغار في المعتاد يكرهون يلبسون هالسوالف بسبب الخامات يريدون يلبسون خامات مريحة يقدرون يتحركون فيها ويلعبون

وعلشان ما تحرمينها من غلي هيه تحب تلبسة نوعي في لبسها يعني مثلا صبيحة العيد تلبس غلي هيه تباه
وعلى وقت الغداء تبدل وتلبس المخور والمساء تغير مرة وتلبس شيء هيه تباه وتحبه وبالتالي ما تنحرم من غلي هيه تحبه وتبدا في نفس الوقت تلبس المخورات

انا حتى الويل افصل لبناتي بس على شكل دريسات بناتي يحبون الدريس ويوم صغيرة امي كانت تفصل لي الويل على شكل دريسات وكنت بعد اموت فيهن

---

بنتي للأسف ما ينفعها حتى لو سويت كذا :حزين:
العيد الماضي جدتها سوتلها وما شالله وااااااايد روووعه
تطريز كويتي بالغصب تلبسه ولما رجعنا من بيت أهلي كانت معصبه أنه كل البنات لابسات فساتين ألا هيه :حزين:
تحب التنانير وااايد :كاشخ:

اقتباس:

---

أرسل أصلا بواسطة كيان بلقيس

حبيبتي بسومة..احنا صبغنا البيت من اول و جديد تصدقي؟.... ما استحملت الشخابيط .. بس الحين مشددة عليهم كثير.. اول ما يمشكوا قلم انبه على الجدران اول شئ.. و الحين منضبطين .. اتمنى يواصلوا..

---

نوبه أنا صبغت البيت
وبعد أسبوعين جات عمتهم وما قصر ولدها رغم أنه كبير:حزين:
وعاد طبعا ولدي الكتكوت كمل الباقي :متفكر:

اقتباس:

---

أرسل أصلا بواسطة فجر جديد

ابتسامة صمت انا ما خلصت ملابس العيد انا بديت فيهم ولله الحمد .....
يعني ضغل المخاوير والقطن البنات صايرات يحبن يلبسن مخور يوم نروح البلد خاصة ....... وصايرة احب اطقم وياهم وايد
وهالسوالف يبالها طرح وتطريز + عندي كمن عرس عائلة قريب فلازم ارتب فساتين وملابس تقليدية وهذا كله يباله اقمشة وتفصيل وترتيب من الحين

---

مرحبا فجورة
ع طاري ملابس العيد والمخاوير
في كل مواضيع الماميز ما حد طرا الملابس العمانية التقليدية
مع انهن روعة حق البنوتات وفيه منهن موديلات
عن نفسي في كل عيد شي اساسي عماني ظمن تجهيزات بنتي

صباح الخير ماميز
عندي طلب
كيف ممكن اعلم بنتي على الحمام
شو احتاج وكيف عشان في الليل كل ساعه اصحيها والا كل ساعتين
اللي جربت تخبرني بليييز
انتظركم

اقتباس:

---

أرسل أصلا بواسطة حياتو أنا

صباح الخير ماميز
عندي طلب
كيف ممكن اعلم بنتي على الحمام
شو احتاج وكيف عشان في الليل كل ساعه اصحيها والا كل ساعتين
اللي جربت تخبرني بليييز
انتظركم

---

حبيبتي

قبل لا تنام وديها دورة المياه .. و حاولي اذا عملتها على ملابسها لا تصرخي في وجهها و تحسسيها انها مجرمة..كوني كوول و هادية و كلميها باسلوب لطيف ان الحلوات يعملوها في دورات المياه.. و انتي وديها بين فترة وثانية و اشتري لها حمام مصغر اللي يحبوه الاطفال على اشكال حلوة .. و ان شاء الله بتتعود..

اهم شئ باليل وديها قبل لا تنام مرة ..

مشكورة كيان بلقيس
وان شاء الله راح اعمل بنصايحك
والله يسهل الامور يارب

مساء الخير شخباركم امهات
عندي ابن بس قبل يومين مكمل سنتين وايد مشاغب ماشاء عليه لدرجه اني اربط له رجله علشان يقعد مكان واحد لاني حامل وما اقدر اهرب ورائه دايما وحدي مرهقة
ولكن ما يحزني ان والده يضربه ويفشله جدام الاهل ويربطه ايضا والاكثر حزنا ان اطفال البيت جمعهم اكبر منه وشياطين لا احد يتكلم عليهم فقط يتكلموا على ولدي انا وايد مضايقة احيانا من كلامهم الزائد والعصبية اضرب ابني ثم اندم وخاصا لايريد ان يأكل ما اعرف ويش فيه

هل وحدة من الامهات نفس مشكالتي

اقتباس:

---

أرسل أصلا بواسطة الام الحنونة

مساء الخير شخباركم امهات
عندي ابن بس قبل يومين مكمل سنتين وايد مشاغب ماشاء عليه لدرجه اني اربط له رجله علشان يقعد مكان واحد لاني حامل وما اقدر اهرب ورائه دايما وحدي مرهقة
ولكن ما يحزني ان والده يضربه ويفشله جدام الاهل ويربطه ايضا والاكثر حزنا ان اطفال البيت جمعهم اكبر منه وشياطين لا احد يتكلم عليهم فقط يتكلموا على ولدي انا وايد مضايقة احيانا من كلامهم الزائد والعصبية اضرب ابني ثم اندم وخاصا لايريد ان يأكل ما اعرف ويش فيه

هل وحدة من الامهات نفس مشكالتي

---

لا يا أختي هذا من أكبر الأخطاء إنك تربطي ولدك بالعكس هذا يعطيه نتيجة سلبية يمكن يزيد من المضارب والمشاكسة كنتيجة عكسية هو يسويها دامك إنك ربطيه لفترة :منتزق::منتزق: كيف يهون عليك ولدك تربطيه؟؟:معصب::معصب::معصب: حاويل توجيه وتكلمي معاه وعلى فكرة الأولاد أحسهم عندهم طاقة زايدة عن البنات حاولي تشتريله ألعاب إل بيذل فيها طاقة كثير وخبري أبوه يطلعه وين ما راح حتى المسجد لما ياخذه معه
بصراحة ما أأذي ولدي عشان غيري مستأ منه وتعرفي ليش أهل بيتكم يتكلموا عن مشاكسته لأنهم ما يعاقبوا ولادهم مثل ما أنت تسوي فتظهر مشاكسته قدامهم أكثر من الثانيين وحاولي تنصحي زوجك إن ما ينازعه قدام أقرانه لأ تقولي صغير صدقيني بيفهم وكل ما طنشتيه وما جلستله على الوحدة هو بنفسه يبدأ يخف من عنده وحاولي تعززيه كثير على كل فعل إيجابي يسويه ولو كان صغير مثلا تقوليله أنت اليوم كنت مأدب على الغداء راح أعطيك حلاوة وهكذا بس بجد بجد لا تسويها سالفة الربط هذي

اشكرش على النصائح بس انا لما اربطه 5 دقائق ف الغرفة بيني وبينه ما يهون عليي فأفك الرباط عنه
اما ابوه جدام الكل وانا اعرف الي اسويه غلط بس والله غصبا عني انا كأم عاملة ارجع البيت تعبانة وحامل واطبخ وانظف والبيت عائلي فوق هذا ولدي العزيز ما يجلس مشاكس يعني ايد ف الطبخ ايد مع الولد انصحه لا تسوس اجلس عيب خطر بابا وما يسمع يعاند تعرفي الاباء مو مثل الامهات مو كلهم يتحملوا شقاوة الاطفال

ربي يصبرني بس

الله يعينك حبيبتي بس انا اشوف بصراحه كل الاطفال كذا وحاولي تصبري عليه ودايما تفهميه باسلوب هادي واهم شي لا تضربيه قدام حد ابدا

صباح الخير ماميز
اشتقتلكم كثييييييير
فجوره
ما شاء الله عليك عاد تخلصي امور العيد والمدرسه
انا عن نفسي باديه اجهز لأولادي ملابس الصيف بعدني بس مقرره نهاية شهر
ابريل اروح بيبي شوب الامارات لاني ادور حق اولادي ملابس نفس الديزاين
يكونن وهنا عجزت ما احصل ابدا بس قالولي اروح بيبي شوب الامارات وبحصل
اللي اريده
اختي الام الحنون
نصيحه لا تضربي ولدك لانه ف هالمرحله بعده ما يستوعب اللي قاعد يسويه بس
حاولي تأنبيه شويه انا ولدي الصغير الاسبوع الماضي مكمل سنتين ونفس الشي
فوضوي بس ما اضربه امس لما طلعت متوظيه لصلاة المغرب لقيته جايب كريم
الشعر من فوق وجالس يسويه ف شعره بس ما سوى وايد خذيته عنه ورحت اصلي
راح غرفة عماته وجاب كريم أولاي ودهنه ف شعره دهاااااااان بس بعد ما ضربته
بس احاول ما اعطيه مجال يسوي شي ابوه جابله سياره كهربائيه امس ومنشغل فيها
حاولي تخليه ينشغل بأي شي لا تعطيه فرصه اشتريله لعبه مثل البليستيشن اسمها
جيم بوي حتى لو ما يعرف يلعب بس بينشغل فيها انا اخذت حق ولدي وحده ويصير
تدخلي فيها مقاطع فيديوا واناشيد انا دخلت لولدي توم وجيري واناشيد وولدي يحب
السيارات وسويتله العاب سيارات
الله يوفقك ان شاء الله ويسهل عليك ولادتك

اشكركم جميعا على النصائح ربي يسعدكم دوم

انا وابوه مشترين حقه العاب كثيرة بس تصدقوا اذا يطلعه من الغرفة والله يضيعوا مثل ما قلت اني عايشة مع عائلة والاطفال ماشاء الله عليهم ياخذوا العابه ويضيعوه وانا طبعا اروح الصباح وارجع المغرب من يحافظ على العابه تصدقوا كم سيارة لعبة واشياء كثيره وكم كرة فوق 14 والله العظيم لانه يحب الكرة وااايد ومن غير الهداي الي حصلهم لما كمل السنة ضايعة منه لانه صغير ما يعرف يحافظ ولا يقدر يرجع العابه من عند حد هو اصغر منهم ولما اكون موجودة بالبيت مايصير طول الوقت اراقب من اخذ العابه ومن ضيعهم وانا وحدي انشغل وما يصير اقعد ف الغرفة طوال الوقت لاني ارجع من الدوام اشتغل بالبيت
بس قررت اني ما اضربه ولا اربطه مسكين حبيبي وايد ارحمه

صباح الخير كيف امهات حواء