ارهابيه طمنينا ع البيبي حبيبتي .
عرض للطباعة
ارهابيه طمنينا ع البيبي حبيبتي .
ارهابيه حبيبتي قلبي معاك ومع البيبي ربي يطمن قلبك عليها هذا اختبار من رب العالمين عسى ربنا يشفيها ويعافيها..
مساء الخير كروشات
@ERHABIA
اسأل الله رب العرش العظيم ان يشفيها و ان يرفع عنكم. البلاء ..
&&&&&&&
هالاسبوع كنت ف الوطيه و جات ممرضه من قسم التوليد عطيتنا محاضره عن قص العجان و الخياطه بسكل عام. .. همه يقصوا لاسباب اما يكون فتحة المهبل ضيقه او انه نبضات البيبي ضعيفه و هو قريب يطلع منك فبدل العمليه يقصوا الافضل .. كذلك نصحتنا بتمارين كيجل و ان المنطقه ما بين المهبل و الشرج تدهن بزيت الزيتون يعني الفتحه اللي يطلع منها البيبي نعمللها تدليك لطيف .. عشان العضله ما تكون قاسيه و تكون اكثر ليونه ...
اسأل الله لي و لكم ولاده سهله يسيره و اطفال معافيين من كل شر
الخياطه متعبه صراحه بس يضل افضل من انه تروحي ع قيصريه..اقتباس:
أرسل أصلا بواسطة بقايا ألوان
انا الممرضه كنت اسمعها تقول احسن نقص عشان البيبي بدا يتعب ف فهمت انه اذا قصت راح يطلع البيبي اسرع..
اليوم دخلت السابع.. الحمدلله حسبت اني ما يخلص من السادس من طوله
من رجع لها الوحام بالسابع؟ :حزين:
مرحبا كروشات..
خاطري اخبركم عن وولادتي وايش صار ..
خبرتكم انه سداده نزلت من اسبوع وشي تقريبا وبعدين كأنه شي لم يكن الالم خف وما كان في دم..
يوم السبت كان فيني دم فيني والم متوسط وكان يزيد ويزيد لين س ٣ الفجر خبرت زوجي ما اقدر اتحمل وديني المستشفى..
رحنا السلطاني وتوكلت ع الله.. كان زززززحمه شديده مثل ما قالت فايننسر لدرجه انه ما كان في سرير كنت اتقلب من الالم وانا جالسه ف كرسي ..
تخيلو من س ٣ لين ٩ صباح وانا ع هالحال وبعدين عاد شافو اني تعبانه كثير فرغولي سرير وقاسوني وسولي تخطيط طلع فاتح بس ٢ سانتي .. انهرت كثير صراحه ع هذاك الالم ٢ سانتي مفتوح بس..
وسبحان الله الوقت يمضي وانا ع هالحال لحد س ٤ العصر بدا يفتح وصل ٦ سانتي وفتحولي الماي وبعدين بدا يفتح اسرع الرحم لين س ٧ ونص تقريبا فتح كامل وولدت ولله ال٩مد والشكر..
طولت كثير بالمستشفى من ٣ الفجر لحد س ٨ تقريبا بليل..بس زين رحت اخذت مهدي الي هي ابره الفخذ هالمره كثير فادتني والله ريحتني لين ما فتحو ماي البيبي..
الولادة الطبيعيه ما شي سهل ابدا كانت اصعب من تجربتي ف العمليه القيصرية مقارنه بالالم والجهد وغير انه كان رمضان وصارلي جفاف..
بس نحمد الله ونشكره طلعنا بألف صحه وعافيه ..
هالمره تجربتي ف السلطاني غير.. الممرضه الي معي ما خلتني لين ما ولدت هيه هنديه بس كثير حنونه وطيبه كنت ادعي انه الله يسخرلي ناس كذا وقت ولادتي وغير عن امي حبيبتي الي ما خلتني ولا لحضه .. الله يحفظ لكم امهاتكم ويحفظ اولادكم يارب...
عقبال كل البنات ان شا الله
قلبي لين الحين مع @ERHABIA
طمنينا عليك حبيبتي كيف البيبي عسى تحسنت
ايوا ترا همه يعرفوا وين الافضل لنااقتباس:
أرسل أصلا بواسطة Nmariq2
اقتباس:
أرسل أصلا بواسطة baby boutique
انا بدخل ان شاء الله بدخل التاسع و بعدني ع الوحام :حزين:
@ERHABIA
يارب تدخلي وتتطمنينا ع بنوتك
ربي يحميها يارب من كل شر وسوء ويفرح قلبك بسلامتها
كثيير افكرر فيج وفيها ..
سبحان الله كلنا نفكر فيها
ربي يطمنا عليها و ربي يطمن. قلبها
@ERHABIA
كلنا معك حبيبتي ومع بنتك طمنينا عليها، عسى ربي يطرح ف جسدها الصغير الصحة والعافية وببركات هالشهر الفضيل يارب
@Nmariq2
نمارق وحدك طلبتيها ابرة الفخذ؟؟
انا عطوني اياها ببنتي ف السلطاني وريحتني واجد
الحين بولد ف خولة واخاف عن اطلبها وم حد يعبرني، لان زوجة اخوي مربية ف خولة وكان طالبة ابرة الظهر والدكتورة كتبتلها اياها ف الكرت قبل الولادة ولما راحت م عطوها وقالتلهن ولا حياة لمن تنادي
حريم
من ربت ف مستشفى خولة؟؟ وكيف كان الاهتمام؟؟
وبالنسبة للملابس لازم اشل لي لبسات ولا م يرضوا لازم بلبس المستشفى؟
@للصمت حكاية
حسب الطاقم اللي يجيك صراحه ...
و ملابس اذا ناويه غرفة خاصه شلي و اذا لا ترا يعطوكً
@بقايا ألوان
اها، عاد الغرف الخاصة بالدور اذا حصلتي يعتمد ع الزحمة
صايرة هالفترة افكر ف الولادة وألمها اتمنى اغمض عين وافتح عين احصل نفسي بدون كرش :كاشخ:
التفكير واجد زايد ربي يعينا و يسهل علينااقتباس:
أرسل أصلا بواسطة للصمت حكاية
مبارك عليكم الموواليد وجعلهم الله من الذريه الصااالحه يارب
@ERHABIA طمنينا عنك شافا الله طفلتكي وعافها من كل شر
وعليكي بالاستغفاار كثيييرا
اريد حد يعملي سرير الام والطفل حلوووو وباسعار احلى شي
وهذاك المدس كم واحد احتاج؟
واحد كفايه؟؟
مراحب كروشات
ارهابيه الله يشفيها وكلنا بنات جروب ندعي لها
نمارق حمدلله ع سلامه ومبرووك م جاك
اقتباس:
أرسل أصلا بواسطة baby boutique
ما شاء الله اختى
انا ع الاثنين تقريبا بدخل السابع ان شاء الله
هلااا كروشات حبيباتي مشتاقتلكم ومشتاقه الدردشة معاكم
عسى ربي يخفف عليكم حملكم ويرزق التواسع التسهيل والتيسيرر
طبعاً م نسيتكم وقت الولادة دعيتلكم ربي يسهل عليكم ومحد يعاني
وربي يرزق كل وحده تنتظر الحمل
@Nmariq2
ما شاء الله الف مبروووك حبيبتي ربي يبارك لك وجعله ربي من الصالحين
الحافظين لكتابه ورزقك الله بره و الحَمدُلله على سلامتك :وردة:
.....................
بنتي الحَمدُلله من قبل ومن بعد ، من يومين انتكست حالتها
واتصلوا فينا ورحنا وكانت نسبة الاكسجين ناازززله عالاخر
من س12بالليل لحد س3 الفجر واحنا ع رجولنا ندعي ربنا
يساعدها لان الدكتور ركبلها اقوى جهاز تنفس صناعي
وركبولها كل الادويه القوية وقالنا سويت الي عليي وم
بايدي اسوي اكثر هذي اقصى العلاجات الموجوده
طبعاً حالة بنتي من يوم انولدت م تتحرك ولا تصيح ولا تتنفس
وعملولها انعاش وع طول ركبولها جهاز تنفس صناعي وخلوها
ف حالة تبريد يعني تخدير
اكمللكم : الساعات تمر وانا عيني م راحت عن الاجهزه كل شي
يرن ع عداد الخطر وادعي والدنيا مظلمه فيني وتلف وتدور
م اخبي عليكم انا من داخلي منهارة زوجي يصيح وبناتي
بنتي الكبيره تصيح وتسال وين البيبي ليش م يعطوك اياه تجيبيه
البيت ،،
عالساعه 3 استقرت حالتها وقال الدكتور بنحاول نحافظ ع هذا الاستقرار قدر الامكان
رجعنا البيت واملنا بالله كبير م تمر دقيقه علي الا وادعي واستغفر
نمنا يمكن 3ساعات ورجعنا للمستشفى حتى النوم مالي رغبه انام م مرتاحه
لو انام اليوم بطوله
وصلنا للمستشفى وكان دكتور جديد شرحلنا وضع البنت وقال الوضع مستقر
بس البنت م عليها اي علامات للحركة او للتنفس !! وراح نعمللها فحوصات
واشعات للقلب وللدماغ عشان نشوف اذا في نزيف لاسمح الله
او تضرر او شي متعلق بمشكلة التنفس
رجعنا البيت الظهر وبعد المغرب رجعنا عالمستشفى وحصلنا الدكتور
بادي يعمللها اشعة الدماغ الاولية لانه قاللنا صعب انقلها
لاشعة الرنين المغناطيسي وهي مركبلها كل هالاجهزه
وهو يعمل الاشعة الله يعلم ان الدنيا بعدها تلف فيني وتدور
خلص وجات اول بشارة خير ان الدماغ سليم من اي نزيف او
خط خطر ظاهر ، وبقت اشعة القلب قالوا بكرا رجعنا البيت
والله يعلم اني اعد الدقايق والساعات واي رنة تلفون القلب يوقف
ع بالي المستشفى ،
وجى الصباح ورجعنا المستشفى وبدوا ف اشعة القلب
وايدينا ع قلوبنا والرجول م تشيلنا والدنيا تلف وتدور
و الحَمدُلله القلب سليم لكن الضغط الرئوي فيه عالي جداً
وع طول عطوها ادويه ومضادات ، بس قالولنا مع الوقت
هالشي يروح بإذن الله،
رجعنا البيت الظهر وبعد المغرب رحنا المستشفى>> طبعاً
هالفترة انا اشفط حليبويحطوه
فالتجميد لان البنت مركبلها مغذيات وسقايات وبدأ جسمها
يتورم ونحاتيها بس أملنا بالله كبير وماخاب الامل والرجاء فيه
رجعنا بعد المغرب وكانت فيه تباشير بالخيرلاحظناعالبنت
حركة ف اصابع ايدها ورحنا نخبر الدكتوره تقول لالا م في حركة
بس احنا نشوفها!! بس الدكتوره م كان فيها بارض ترد ع حد ولا تشرح
وضع الطفل ولا اي شي
رجعنا البيت والارض م تشلنا من الفرحه
صباح اليوم الثاني رجعنا ومااحلاه من صباح بشرنا الدكتور
انه في حركة ملحوظه وان الاعصاب عندها شغالات ويافرحتنا
لم دخل ايده وسوا حركات نقريه باصابعه ع رجولها وتحركة
شعوررر لا يوصف ، وبطلوا المغذيات وبدوا يعطوها حليب
من امس وبدا يخف التورم واليوم ولله الحمد بدت تزيد الحركة
وقللوا من قوة جهاز التنفس الصناعي من 100% بالتدريج
الى اليوم المساء بنسبة 40% ولله الحمد والشكرر
الرجاء والامل كبير بالله ادعي ادعي واقري عليها واستغفر
وم ادخل اسال اي دكتور عن حالتها زوجي يتابع معهم واستفسر
لاني موكلة اموري لله تعالى والي يعجز الاطباء عنه فالله تعالى
لا يعجزه شي
أشكركم كل الشكر على دعائكم وسؤالكم حبيباتي ربي يبارك
فيكم ولا يوريكم اي مكروه ف اطفالكم واجنتكم يارب ويرزقكم
اطفال معافين ويقر عينكم بشوفتهم
@ERHABIA
قلبي معك حبيبتي
أسال الله ان يشفيها يارب وان يقر عينك بشفائها
ما شاء الله بعد ذا المقال يسدكم م تبوا قصة الولادة :ضحك: :ضحك:
اقتباس:
أرسل أصلا بواسطة Financer
@Financer امين ياارب ربي يسمع منكم ويستجيب دعائكم
@ERHABIA
هههههه حبيبتي بالعكس الحمدلله كنا ننتظرك بفارغ الصبر
عشان تطمنينا ع البطله الصغيره والحمدلله ربي يتمم شفائها وتحكيلنا قصه ولادتها
انا طول الوقت قلبي معك وادعيلك وادخل اتطمن اذا رديتي ولا
نحن ف هذا التجمع الحمدلله كلنا مثل الاخوات
صحيح ما نعرف بعض شخصيا بس قلوبنا ع بعض
الله يرزق الجميع الذريه الصالحه ويسهل ع الجميع يارب
اقتباس:
أرسل أصلا بواسطة Financer
@Financer
حبيبتي ربي يعطيكم الصحة والعافيه يارب
اكيد والله يعلم معتبرتنكم مثل خواتي وم يكتمل يومي
الا لم اسال عن احوالكم وادردش معاكم :وردة:
الحمدلله رب العالمين
كل ساعة ادخل اشيك ع ردك انك تطمنينا
يارب الله يتمم شفائها و يقر عينك بشوفتها بأحسن حال
يارب لك الحمد على جميع نعمائك
@ERHABIA
هلااا وغلااا
انا ما اعرف شو اقولك ولا شو اكتب
المشاعر الي ف قلبي مالها اي تفسير
اقرا ردك وانا خلاص خانقتني العبره..
كلما اريد ادخل اتطمن واقول عسى جيتي تتطمنينا ع اخبارك واخبار الصغيره
واتردد كثير ..
قرأت ردك وانا يدي ع قلبي ودموعي تسبق احساسي
ربي يردها لاحضناك ويقر عينك بهاا
يارب تبشريناا بسلامتهااا وتجي معاج البيت
اسأل الله العظيم ان يقوي جسدها ويعافيه من كل سوء
ويبرد قلبك وانتي تضميها بيديك..
استغفري وادعي وتصدقي .. قلبي معك ويدعيلك..
وبإذن الله تترخص البنوته بس انصحك لا تدخلي حد معها ابدا
الا الي يخدمك ويساعدك يكون شخص واحد ..
البنوته بتكون مناعتها ضعيفه بسب الادويه والمضادات ومن غير انها صغيره
ع الاقل شهرين لاحد يدخل معك حتى ما تاخذ اي عدوى لا سمح الله
الله ألطف بعباده..
@ERHABIA
ربي يقر عينك بسلامتها انه على كل شي قدير ..
صراحه ادخل اكثر شي عشان اطمن عليك
استودعناكم الله.
@ERHABIA
حبيبتي ارهابيه الله يطمن قلوبكم عليها.. نحن بس نقرأ وتأثرنا الله يصبركم يارب ويفرحكم بشفاءها التام.
بعض الدكاتره من جد يقهروا وخاصه وهي حرمه يعني ربما تكون أم وعارفه معنى الأمومه لكن الحمدلله اللي فرح قلوبكم وطمنكم عليها.
ايش كان السبب؟ هل تعسرت ولادتها أو من أيام الحمل قالولك! مع أن اعتقد ولدتي قبل الموعد اللي اعطوك ياها، صح؟
@صمت الانهيار طمنينا انت بعد كيف صحتك الحين؟ وكيف البنوته وأمور الرضاعه معها؟