صباح الورد لاحلى ماااميز
مشكورات عزيزاتي خلود وفوق النجم وفجر ع كلامكم ودعواتكم
الحمدلله اليوم نفسيتها احسن ووجها منور وهذا بفضل الله والاستغفار
اللهم لك الحمد ولك الشكر
خلود ....انا بعد ولدي تخصص كمبيوتر ويدرس ف كلية الشرق الاوسط....سبحان الله اهتمام البنت بدراستها يختلف تماما عن الولد
الله يوفق كل الطلبه ويجيبوا نسب تفرحهم وتفرح اهلهم
ممكن سوال من جربت كاشف حمل كلورنس قبل موعد الدورة بثمان ايام
وهل النتيجه تكون صحيحه ولا لازم انتظر بعد الدورة
هلا ام رزاناقتباس:
أرسل أصلا بواسطة ام رزان
سبحان الله في صفات وايده نتشابه فيها
الله يوفق اولادك ان شاءالله
خالص ودي
حياكم الله ماميز .......
أريد أفكار منكم ...........
بنوتي عمرها2 و10أشهر ، والحين اوديها الروضة .. بس ما ترضى تروح ... جربت فكرة إني أشتريلها هدايا لها ولصديقاتها .. ونفعت ليوم ورجعت مرة ثانية ما تريد تروح ....
عندكم أفكار جديده ....؟
آمين يارباقتباس:
أرسل أصلا بواسطة خلود الهاشمية
والله يحفظ عيالك ويفرحك فيهم
عزيزتي بينك فلاور...بنوتك بعدها صغيرونه ...اكيد بتواجهي صعوبه ف البدايه الى ان تتعود
بصراحه ما جربت اودي عيالي ف هاالعمر..بس اكيد الامهات الي مجربات ما بيقصرن معك
Pink Flower
انا اودي بناتي الحضانة من سن سنتين
اول فترة لازم يرفضون وتحسينهم يسون ربشة اول الصبح وبكي ودموع وغيره
كلمي مدرساتها شوفيها كيف هي وياهم؟ انطوائية؟ ما تلعب مع باقي الأطفال؟ ما تتحرك؟ تعزل نفسها عنهم؟ ترفض تتجاوب وياهم؟
غذا كان الجواب على كل هالأسئلة بلا فما يحتاج انك تقلقين مجرد ردة فعل طبيعية لطفلة بهالعمر :)
صباحكم سعيد مااامييز
الحمدلله رزان اليوم امتحنت رياضياات والامتحان كان سهل....الله يسهل عليهم باقي المواد يارب العالمين
اكيد عاد اليوم مشاعرها صارت احسن .... ترى المصيبة يوم الواحد يعيش مرحلة الأنتظار
الله يوفقها ويسهل عليها
وخليها تسترخي هالفترة وتعتمد اكثر على مذاكرتها السابقة لأن كثرة المذاكرة لحد اخر لحظة قبل الأمتحان تلخبط بالواحد
الحمد لله رب العالميناقتباس:
أرسل أصلا بواسطة ام رزان
ربي يسهل عليهم الامتحان وأن شالله كل الامتحانات تكون سهله
أنا ولد أختي في الثانويه فدييييييييييتته مثل بنتك متوتر بس عسى مثل قالت فجر الحين بيخف التوتر بسبب انتهاء الانتظار :)
الله يوفق ولدي وبنت اختي ف الاختبارات
آمين يارب العالميناقتباس:
أرسل أصلا بواسطة ابتسامة صمت
الحمدلله اليوم بعد الاسلاميه سهل وحلت زين....والله يسهل ع جميع الطلبه وينجحهم
والحمدلله التوتر راح والنفسيه عال العال
مساء الجوري ماااميز
اخباركم
ام رزان الله يوفق بنتك في الامتحانات ويسهل عليها يا رب
ويسهل ع كل الطلبه يا رب
صبااااااااااااح الورد والياسمين
مهرجان مسقط قرب وبناتي الصغار متحمسين للاخر للمهرجان .....
لكن اشوف بالسبلة صاير هجوم كبير على المهرجان بشكل لا يتصور :متفكر:
ماميز بتشيلون عيالكم المهرجان وإلا كلكم مقاطعين
انا سنويا اودي عيالي يتجننون على فعاليات المهرجان ويحبونه واجد
يعني سنويا ما نفوت ركن الطفل
والسنة الماضية البنات انبهرن بالكرنفال وازيائهم التنكرية والمركبات الغريبة
ووايد حبن عرض النوافير وعرض الالعاب النارية
وعاد شهد مطلعة وحدة من كميم البرد وعازلتنها ما تخلينا ندخلها الكبت
تقول راح تلبسها يوم تروح المهرجان عشان ما يجيها برد :)
فجورة العسل..يا وحشاني...:)
و ليش نقاطع.. باذن الله قدام..حماس مهرجاان مسقط..في المقدمة باذن الله..
متحمسة لان اولادي كبار و متأكدة بيعجبهم .. تصدقي ما متعودين ع الزحمة دووم اعزلهم فلما نروح اماكن زحمة يجلسوا بس يطالعوا مستغربين كأنه ما جالهم يشوفوا ناس...:ضحك:
حماس قمة الحماس..كثير يعجبني المهرجان ..تغيير جو .. ;)
السموحة..بابدأ الدوام من السبت يعني بأرجعلكم باذن الله نجرجر مثل اول و اكثر... :ضحك:
ايش احسن فعاليات المهرجان لنا و لاطفالنا؟
مشكوره الغلا ع الدعوه الحلوه ...والله يسهل ع جميع الطلبه ...والحمدلله اليوم الاحياء كان سهل بعد :نطوط:اقتباس:
أرسل أصلا بواسطة ابجديه
فجر وكيان ....انا عني ما احب المهرجان ولا اودي عيالي ...
أم رزان أنا مثلك أبدا ما أحب المهرجان وما أروحه لا أنا ولا عيالي ولا زوجياقتباس:
أرسل أصلا بواسطة ام رزان
بصراحه ما أحب الزحمه :متفكر: ولا يجي ع باللي أروح :متفكر:
عيالي مره يمكن بس شلهم عمهم معه :مفتر:
صباح الاجواء الجميله
شخباركم مامييز ؟؟
ليش الكل مختفي :متفكر:
صبااااااااااااااااااااح الفل
انا زوجي ما يحب الزحمة بس عادي نروح ونشل البنات
انا ابدا ما عانيت من زحمة المهرجان لسبب بسيط جدا
انا اروح المهرجان الساعة اربعة ونص اول ما يفتح
واطلع الساعة سبعة ونص عشان موعد نوم بناتي
وعمري ما عانيت من زحمة او ضغط المواقف او حتى مضايقات :)
وطبعا القاعدة الذهبية
تجنب الذهاب في ثلاثة ايام والابتعاد عن المهرجان نهائيا فيها
الأربعاء والخميس والجمعة طبعا :)
ما عدا حديقة القرم الطبيعية نواصل فيها للساعة 9 عشان الكرنفال هذا السنة الماضية ......
بناتي السنة الماضية صدق صدق انبهرن بالكرنفال ..... وكانوا متحمسين خاصة على الأطفال المتنكرين على اشكال نحل ومعاهم الأطفال المتنكرين على شكل فراشات وورود
وكان في وليد لهلوب مكلبص متنكر بزي نحلة عمره تقريبا 8 سنوات
كل مرة يخطف على بناتي يلاعبهم ويمازحهم وبناتي صاري يترصدونه في كل مرة
امطار الأمس كانت حماسية
نزل معانا برد في منطقتنا :)
مرررررررحبا
فجووورة انا ما احب الزحمة ولا زوحي السنة الماضية ما رحت المهرجان ولا الي قبلها..
بس هالمرة متحمسة اشل الاولاد سليمان يحب هالاجواء وحتى فيصل
مساء الخير
موضوعكم عن المهرجان ؟؟ما أحب شي اسمه مهرجان بسبب الزحمة واحس بعد توقيته صعب في البرد خاصة هذي الأيام زايد البرد مرة وعندي ولدي الصغير يعاني من حساسية في الصدر لذلك ما أحب أطلع في هذي الأجواء لأن وراها تنويم في المستشفى لذلك عندي قاعدة الوقاية خير من العلاج :كاشخ::كاشخ:أفضل
اجلس في البيت أو أسير أماكن مغلقة ولا أطلع في هذي الأجواء مع إنه بناتي وولدي طفرانيين لأنهم صارلهم فترة من أجزوا نطلع السنتر والبهجة ونرجع المشكلة أنا بعدني ما أجزت ولا مفكريين وين نسير؟؟:مفتر::مفتر::مفتر:
ام امانا اتبعي القواعد الذهبية الثلاثة وبتستانسياقتباس:
أرسل أصلا بواسطة ام سليماني
ما تروحي ايام نهاية الاسبوع
روحي اول ما يفتح المهرجان
اطلعي على سبعة ونص ولا تجلسي اكثر
كله عوائل فقط ومافي عزابية والنشاطات الحلوة تكون كلها بدت
جربي خاصة قرية الطفل في حديقة القرم
انا وبناتي بثلاثتنا معانا حساسية في الصدر وربو وكثير ما يصير نتنوم في المستشفى بسبب نوبة ربو قويةاقتباس:
أرسل أصلا بواسطة فوق النجم
بس الحمدلله دائما نلبس ثقيل وقت البرد
ومعظم نوبات الربو الخطيرة في الحقيقة تجينا وقت الحر بسبب الغبار والأتربة
ووقت البرد هي الفرصة الحقيقية لينا نطلع برع البيت للحدائق والشاطئ والمتنزهات
خاصة للاطفال عشان يحصلون اماكن يركضون ويلعبون فيها ويتحركون :متفكر:
على امل ان ازمة بناتي تنتهي مع عمر الخمس سنوات
اما انا ما اعتقد انها بتروح لأنها جاتني على كبر :متفكر:
بما انا هالفترة معانا فترة برد والشمس تكون فيها خفيفة وغالبا ما تكون متغطية بغيوم
كثرت نشاطاتنا الخارجية
اخر مرة رحنا الشاطي نتقهوى ويوم حلت الجلسة كملناها وتعشينا هناك نحنه والبنات
حاليا استهدفنا الشاطئ وحديقتي ريام والصحوة
ويش الأماكن الثانية إلي تصلح للنشاطات الخارجية؟؟؟؟؟ :متفكر:
ما اريد السنترات نهائيا ......
اريد اماكن مفتوحة عشان البنات يقدرون يركضون ويلعبون
فجووورة .. ولا يهمك بتخذ النصايح الذهبيه ههههه
اسوم اذا عندكم اشتراك في نوادي الي تكون مقابل البحر مثل نادي الطيران وغيره
فاحسسسن تقدري تقضيي يومكم كااامل عند البحر والبنات بيستااانسن كثييير
معانا عضوية في نادي راس الحمراء ....... مفكرة اشلهم هناك قريب صار لنا فترة ما رحنا هناك ..... يمكن هالكمين يوم القادمات قبيل الويك اند :)
للاسف ما احس معانا وايد اماكن مفتوحة للعب الأطفال ..... حبيت الرصيف البحري والمنطقة المعشبة في شاطي القرم البنات يحبن يروحن يلعبن بسياكلهن والسكوترز في هالمنطقة
يالله تحمست اشل نصور حبيبي يلعب بالذات انه صار يمشي
بس مشكلته البرد
ولو لبسته لبس ثقيل اذا جلس براا يمرض ويتعب :(
صباحكم وردة وردية .. :)
منورة المكان كيونة نقعينا بواحد من مواضيعك المتسنفرة
انا خلاص نضبت افكاري :متفكر:
مرحباااا ماميز
لوسمحتن اذا تعرفن حضانة للاطفال من سن ثلاث شهور ..اذا وحده جربت او سمعت حضانة يمدحونها؟
ف مسقط تكون ف العذيبه او قريبه منها
المخ مقفل فجورة...:كاشخ:
بس عندي مشكلة صغيرونة... و ياليت تساعدوني بتجاربكم مع اهلكم و اولادكم..
بنتي صار عمرها 5 سنوات..و اخوها اللي بعدها تقريبا 3 سنوات و نص.. و تعرفوا كثير يتضاربوا..و بعدين يتوجهوا الى الام عشان تنصفهم و تنازع المعتدي.. و هكذا على كل هواشة و عاد ما باحسب عدد الهواشات..
انا كأم كيف المفروض اتعامل مع ضرابتهم و شكاويهم..؟ حسب قرائتي لأحد مصادري المفروض ما اتدخل و اتركهم يتضاربوا و يتصالحوا بأنفسهم .. و هذا اريح لي طبعا ..:متفكر:
بس في نفس الوقت اخاف على البنت من دفاشة الولد لانه يكفخ من قلبه و البنت ما تقدر له صراحة.. .. :ضحك: .. كم مرة اشوفها تغلط عليه و يردلها الاعتداء بصفعة محترمة و تجيني تشتكي.. الصراحة ما عارف اتصرف صح بالمشكلة اللي تتكرر يوميا..
اذكر ايامي لما كنت صغيرة.. كنت كثير تحسس من امي و ابوي لما كنت اتضارب مع اخواني و يكونوا معتدين و اشكيلهم و ما يعطونا وجه و ينازعوا الجميع و ريح بالك (:لسان:)..
نفسيا حملت معي الكره الشديد للظلم و اكيد حسيتوا بهالشئ..كثير يستفزني الظلم سواء كان يخصني او يخص غيري لاني مريت بمواقف في حياتي و انا صغيرة كانوا اخواني يغلطوا علي و نتضارب و امي و ابوي يهربوا من هواشاتنا و ما ينصفوني.. (:مستحي:) ..
الحين كأم الصراحة احس بموقف امي و ابوي و اقول صدق من فيه بارض.. مشاكل الحياة اليومية و بعدين نجلس نشتغل قضاة على ضرابات اولادنا ... ما يخلص!!
انتوا ايش رايكم بالموضوع؟كيف لمفروض يكون الترصوف الصحيح مع ضرابات الابناء بمختلف الاعمار (الكتاكيت الى مرحلة المراهقة حتى .. )
ياليت يا اخواتي تفيدوني بأرائكم لاني ما احس بالرضى عن نفسي تجاه هالموضوع..
اقتباس:
أرسل أصلا بواسطة كيان بلقيس
كيان أنا متبعة قاعدة أمك وأبوك بصراحة المضارب والصراخ مطفريبي ما شاء الله 4 |أطفال الله يحفظهم وكلهم مأجزين أجي من الدوام يستقبلوني بشكاويهم هذا ضريني هذي صفعتني هذا شل لابي هذا وهذي تعبت صراحة
وتعرفي المشكلة الأكبر عندي بنتي الأكبر إل عمر9سنوات وولدي إل عمر 6 هذيلا كل واحد ما يطيق الثاني :غاضب::غاضب::غاضب:والبنت الأوسط والولد الأصغر مسالمين يضاربوا بس إذا حد تعدى عليهم :كاشخ::كاشخ::كاشخ:حاولت أجلس مع بنتي وأفهمها إنه هذا أخوك الأصغر وأنت بمثابة أمهم لما أكون ما ما موجودة ولكن لا حياة لمن تنادي لذلك أنازع الكل وفي حالة أخرج من طوري أضرب الكل المعتدي والمعتدي عليه :كاشخ::كاشخ::كاشخ:
كيونة ...... انا اعاني من نفس المشكلة مع شهد وفجر طول الوقت يتضاربن
وبما انهم بنات لما الأعتداء يكون بسيط اخلي المعتدية تعتذر من المعتدى عليها .... وتبوسها مكان عورتها ..... :متفكر: وبعدين تحضن اختها وتبوسها على راسها وتقول لها اسفة وعاد بناتي يزيدن من عندهن الدراما يضلن متحاضنات وهن يصيحن واختي حبيبتي وهلم جرا :كاشخ:
لما يزيد وزن الأعتداء وخاصة انهم ما يكذبون في من ضرب ومن كان البادي ..... اعاقبهم بشيء يحبونه مثلا لو صار الموقف عندنا بالسيارة بشل المعتدى عليها من الكرسي الوراني واجلسها معاي واقول لأختها ما بخلي لك اختك عشان تقتليها .... وعاد الثانية بتدا تصيح وتتقلب واخر شيء تعتذر لأختها وتستسمح ........ وارجعها في كرسيها الوراني .....
واحيانا يوم يكون الأعتداء على وزن كبير لدرجة تكون الأخت المعتدى عليها مفحمة من الصايح من الالم ....... هنا انقلب طفلة واضرب بنفس مستوى الضرب .... يعني لو عاضة اختها اعظها :كاشخ: ولو قارصتنها اقرصها :كاشخ: وهلم جرا
ويوم اكون تعبانة مرة .... ويسون لي هالحركات اقلبها عليهم واعطيهم محاضرة ..... وانا جاية من الدوام تعبانة وانتوا ما تحبوني وما ترحموني .... كله تزعجوني وكله تتضاربوا .... كأنكم اولاد .... وانا احسن اطلع من البيت :كاشخ:
وتنقلب عليهم بعد لأنهم يركضوا وراي ويبديوا يراضوني وماما نحنه اسفين وماما ما نسوي مرة ثانية ......
بس بامانة قد ما اقدر انصفهم .... لاني بالفعل ما زلت اتذكر كيف يوم كنت صغيرة وانضرب انا على كل غلطات اخواني ونادرا ما كان والدي ووالدتي ينصفوني .... وعاد كنت البنت الوحيدة وسطهم حتى اضطريت اني اصير ادفش عنهم واتعلم اضارب بس عشان احمي نفسي من بطشهم :متفكر: بالفعل إن لما تكن ذئبا اكلتك الذئاب :متفكر:
ما ادري لو تصرفي صح بس اتذكر اني لا زلت في داخلي لليوم احقد على حقيقة اني كنت وايد انضرب على غلطات اخواني :متفكر:
ماميز انا صار لي شهرين اعاني من ازمة مع فجر .... اعتقد سبق وحكيت لكم عنها يوم قصت غرتها الأمامية وكادت تتسبب في انهيار نفسي حالي
من كمن اسبوع كنت منتهية حدي تعبانة من الدوام وشغل البيت وخدامتي التحفة يعني كنت نايمة نومة اموات
طبعا بما اني نايمة متأخر الصبح كنت لسه ما قادرة افتح عيوني ونايمة نوم عميق :متفكر:
وانا وسط احلامي الوردية ...... فجاة - والظاهر اني كنت نص نايمة - سمعت صوت مقص يفتح :متفكر:
لما فتحت عيوني لقيت فجر مشبكة رولنج برش في شعري وعاد جايبة مقص عشان تقص شعرية وتطلعه من البروش :متفكر:
واطش لكم هذيك الطشة وطبعا ضربتها على ايدها وعطيتها محاضرة طويلة وظليت ساعتين اناديها جمعة (اسم فجر يوم نعاملها على اساس انها ولد وهي اكره ما تكره انه نقول لها انا نعاقباها بمعاملتها على اساس انها ولد لأنها ما تصرفت مثل البنات الامورات الأميرات ) :متفكر:
طبعا البنت تاثرت ووعدتي ما تسوي هالحركات مرة
من يومين كنت بالمطبخ اسوي العشاء وهمه جالسين بالطابق الفوقي يشوفون تلفزيون مع ابوهم
ومرة ثانية تنتاول مقص عدة المناكير وتخطف على شعرها من الأطراف تقصه ..... :متفكر:
والله تعبت من هالبنت والمقاص مسوية لنا رعب ..... كل يوم تقص شيء .... ما بقينا مقص ما خشيناه وبعدها توصل لهم ....... :متفكر:
يا خوفي يوم من الايام تقوم اختها من النوم تلقى شعرها كله مقصوص :متفكر:
ما استبعد هالشيء ......
ويش مقترحاتكم مع هالمشكلة العويصة؟ ترى تعبت
اخر مرة ضربتها على ايدها ضرب لحد ما بكت من خاطرها وحلفت عليها من العصبية انها لو مست شعرها مرة اوديها الحلاق واقص شعرها مرة مثل الأولاد
لأنها بالفعل حرقت لي اعصابي وانا الم شعرها من البيت ..... يعني بالفعل قصت كمية كبيرة من شعرها :متفكر:
امي كانت تسوي هالحركة :كاشخ:اقتباس:
أرسل أصلا بواسطة فوق النجم
اسميني لكن كنت احقد بصدق على الكل بعد هالشيء خاصة انه انا دائما المعتدى عليها
واخواني كانوا دائما يناقروني وينغزون علي ويعقون علي كلام
فوق النجم و فجر جديد..صراحة فطست من الضحك و انا اقرأ مغامراتكم مع الضرابة .. :ضحك::ضحك::ضحك:
عاد اكشن فجر جديد اقوى شئ و لكنك ذكية ما شاء الله.. اهم شئ الصراحة يكون عندك بارض.. الصراحة أشوف المفروض ما نتجاهل ضارباتهم و تنصف المظلوم..عجبني تصرفك فجر لما تعاقبي المعتدية بالحرمان .. :عيار:
مشكورات لا عدمناكم..انتظر باقي التجارب.. :لسان:
طيب فجر..صدق انها مشكلة عويصة عاد حلاة البنت بشعرها ..:)اقتباس:
أرسل أصلا بواسطة فجر جديد
جربي في وقت هدوء و روقان تعرفي منها ليش تحب تقص شعر؟ ليش ما تقض اوراق مثلا؟ هل ممكن يكون ورق القص و اللصق الملون يكون حل لمشكلة بنتك مع المقص؟ خليها تقص اوراق و تلونها او اوراق ملونة جاهزة و بعدين تعمل منها لوحة فنية و تلزقها في كراسة و يطلع ابداعها.. ولدي يوسف كثير يحب يستخدم المقص بس في الفن..الحمد لله ..