المؤمن لا يلدغ من جحر مرتين :كاشخ: واللي يلدغه الأفعى يخاف من الحبل :ضحك: عند اخوي يعقوب ما شي منه
بديت أتشوق اكتبلكم مواضيع :عيار:
اليوم بتبحر بكم سفينتي إلى قصص شقاوة أخوي يعقوب :كاشخ:
http://img847.imageshack.us/img847/6901/ship1.gif
أخوي يعقوب عمره ست سنوات وبيدخل المدرسة السنة اللي بتجي أحبه كثير لأنه آخر العنقود :كاشخ: وعنده مواقف كثيرة تخلي الواحد يصنع منها أفلام
طبعا أنتو مؤمنين بالمثل اللي يقول المؤمن لا يلدغ من جحر مرتين لكن يعقوب كاسرنه هذا المثل :لا تحاول: يعني بصريح العبارة محذوف من قاموسه
<>
<>
<>
<>
<>
نبدأ بأول مغامراته وأكتشافاته :كاشخ: وكان عمره ثلاث سنوات
كان يعقوب من النوع اذا شاف شي يحاول يقلده وهذا الشي مخوفنا عليه كثير بصراحة لكن مو تسويبه ضرب ونضرب ربط ونربط وما شي فايدة :كاشخ:
الموهيم ابو الشباب شايف فالتلفزيون هذلا بو ينطو من فوق أماكن مرتفعة ويربطو حبل وبعدين يتعلقو فالجو ويطلعو فرحانين:كاشخ:
http://s.alriyadh.com/2011/10/03/img/037130052809.jpg
وطبعا يروح إلى السطح مسوي عمره شجاع ويربط نفسه بحبل موراد :ضحك: من بطنه ويقول بيكون فخاطره ما شي كاميرات يصورني عشان
أعطيهم هذيك الكشخة بعد ما أنفذ هذي النطة الرهيبة :ضحك:
طبعا تم تنفيذ العملية والحمدلله أنه الحبل كان طويل ولا كان بيشترج فبطنه وبينقطع التنفس وطاح يعقوب من السطح وانكسرت يده :كاشخ: ونفجش شوي من عند راسه :كاشخ:
وعاد لما رجع البيت من المستشفى نسأله تو ليش سويت كذاك باغي تقتل عمرك :غاضب: قال لا لا باغي انط كماهم بو فوق التلفزيون ::كاشخ:
الموهيم عدد الطيحات اللي تلقاها يعقوب 4 طيحات وحدة من فوق السطح وانتين من فوق الجدار ووحدة من فوق الباب مال الحوش ... كسرها القاعدة مثل ما خبرتكم :ضحك:
والاصابات التي لحقت به جراء ذلك كسر فاليد ومرة كسر فالرجل ومرة شنطفت الدغمة والنعفة وشروخ فالراس :كاشخ: والامور طيبة
<>
<>
<>
<>
<>
المغامرة الثانية والمشوقة :واثق:
بعد ما أمر الآمر اللي هو أبوي على الصغار أنهم ينطبجو بعد الغداء راح الجميع إلى غرفهم ينامو وطبعا المخرخش ما يريد ينام ووجه يصير كذا يوم يقولوله روح نام
http://www.iwaaan.com/wp-content/upl...B2%D9%831.jpeg
ولكن فوق راسه تدور أفكار جهنمية واليوم أفكاره تقوله مو رايك تروح هذيك النخلة بو فيها النفتة مال القطي عسب تنشرها وتشرد :كاشخ:
راح أخوينا بعد ما ناوص يمين ويسار وحصل الشعب كلهم راقدين وقام يتسلل على صوب الباب كأنه سنور باغي يوكل سمكة :ضحك:
وشردة نحو الخارج وكأنه عصفور خرج من قفصه ....... (وهذي النفتة بو ما يعرفها :مطنش:) ما أعرفكم انتوه مو تسميوها...
http://im33.gulfup.com/9HImx.jpg
الموهيم يعقوب راح حال النخلة بو فيها ذي النفتة وقام يعقها بحصى من بعيد طشونية وما صابها ويقول بيكون فعقله انا ولا انتيه
اذا ما خليتك طيحي فالارض وتقرب منها واجد وصار تحت النخلة وبينه وبين النخلة بيكون ما يجي متر ويفر عليه بهذيك الحصاه
ويلتم الدبي (الدبابير) فخشمه ويتم يصورخ وينوعق ويخرجله ابوي ويقصفه بقدف فوق الصياح اللي يصيحه :ضحك:
وطبعا عدد اللدغات اللي تلقاها أخوينا ما يقارب عشرين لدغة وصار وجه كأنه نفاخة وعيونه تغطين صار كأنه تشايني..
طبعا يعقوب لم يعتبر وتحرش تقريبا في خمس نفتات وكل نفتة تلقى منها لدغة ولدغتان ومرة أخرى يكسر القاعدة في أنه المؤمن لا يلدغ من جحر مرتين :ضحك:
<>
<>
<>
<>
<>
أنزين تو عاد وصلنا فالختام والقصة الأخيرة ونحمد الله على سلامته منها أيضا
وهذي القصة الحمدلله أنها لم تتكرر .... في يوم من الأيام وكان وقت صلاة المغرب وأبوي خارج من البيت رايح عزى ورايح مع شباب وشياب البلد مكان بعيد
وسيارته مخلنها فالبيت طبعا أمي الغالية راحت تصلي واخواني كل حد في مكان دراسته وانا فدوامي...
ويروح مايكل شوماخر حال المفتاح مال سيارة ابوي يدوره من غرفته لأنه متعود يشوفه وين يخليه وحصل المفتاح
وراح السيارة وفتحها وأبوي مسكين ناسي ومخلي السيارة فجير واحد والسيارة مقابلة الدرج مال مدخل البيت وتبعد تقريبا عشرة أمتار
صاحبنا دق السيارة سلف ونطت النطة الأولية وفرح يفكر نفسه راكب فحماره ويضرب سلف ثاني وتنط مرة وهي تتقرب وفرحان ويضربها السلف الثالث وتشتغل
وعلى خطفتها دقدقت الدرج وضاع البنفر واللديتر واشياء واجدة :ضحك:
صاحبنا ما كأنه مسوي شي راح وجلس فالصالة وبكل أحترام ما تكلم ويتابع التلفزيون وحاطله سبيستون ورجل على رجل وعوده بله
بعد ما خلصت أمي مصلية طلعت برى شوي تتنشق بعض الهواء الجميل وتشوف السيارة والحالة اللي مستوية وتقول السيارة مو ستوالها :منتزق: قالت ما حد غيره هذا السلح :غاضب::متشكك:
قالتله يعقوب ولدي السيارة مكانها حلو عند موقفنها تعال خبرني كيف سويت كذاك والبغام ما يعرف أنه هذا فخ لمعرفة الحقيقة :ضحك:
وطاحت المجمعة فهذاك الظهر لين ما قال بس....... طبعا تكليف تصليح السيارة ما يقارب 250 ريال :واثق: وبعده لاف عسج من ابوي
طبعا الحمدلله وما شاء الله يعقوب لحين مخلص روضة تمهيدي والحمدلله جايب الأول وتقول أمي أمبونه اللي مخرخش يطلع ذكي :ضحك:
الخلاصة من الموضوع
ما شي خلاصة ولا هم يحزنون كله نوبة انتوه تريدوله خلاصه :مطنش: قصص ترويحية لا غير:كاشخ:
أسئلة للنقاش
1-تو انتوه عندكم مثل أخوي يعقوب :متشكك: واذا عندكم عطونا قصة وحدة بس ؟؟ :كاشخ:
