عرض للطباعة
السلام عليكم
عندي سيريون موديل 2006، وقبل إسبوعين غيرت كل التواير مال السيارة وسويت ميزانية للتواير وللرودات. الحمد لله مشت معي أسبوع تمام، وإلا أحس بأهتزاز السيارة عند سرعة 80 وبعدها الأمور تمام.
رجعت السيارة للمحل، وتأكدوا من الميزانية وكل شي كان تمام. ولكن الهزه ما زالت موجوده !!!
أتمنى الإفاده من أصحاب الخبره.
ولكم جزيل الشكر.
يمكن من التواير
اذا مشيتبهن مسافه ما تروح ؟
الهزه ع ال 80 وفوق ال 100 ما شي إهتزاز
التواير موديل شهر 6- 2012
تاكد من رنجات :كاشخ:
يختلف صاحبي ع نوع الاطارات
يمكن جودتهن رديئه
او عندك ورم في الاطارات يصير حتى ولو كانن جديدات
مشكور يالنزواني
الإطارات من نوع دنلوب
هل في حل لورم الإطارات ؟
الميزانية مامضبوطة اخي العزيز
سويلها ميزانية من مكان اخر
وتأكد انه يسويلك مثل الدباسات فالرنج
واذا مسولك عليك بالميزانية الالكترونية
بالنسبة للورم عليك تودي الاطارات للضمان وسيتم الاستبدال واذا ماتجاوب معاك عليك بحماية المستهلك(السالفة حدثت معنا والحمدلله ربحناها)
مشكور أخياقتباس:
أرسل أصلا بواسطة NITRO
إن شاء الله بسوي اللي أشرت عليه
مثل ما اشار البعض احتمال الميزانية ما ضبطت او من الاطارات بالنفس .. هل الرنجات بها ضربة ؟
اذا الميزانية تمام التمام .. اكثر احتمال ان الاطار فيه ورم ..
ودام التواير فيها ضمان انصحك ترجع للمحل اللي ركبت منه ..
لان بسبب الاهتزاز فيه احتمال تظهر لك مشاكل بعد فترة
الله يوفقك صديقي
قد كسرت رصيفات ودقيت حتا قلت بس والحمدلله للحين اتواير والرنج بخير ههههههههه الله كريم
السلام عليكم
شكرًا على الردود...
في الحقيقة حاولت في جميع الاحتمالات المذكوره أعلاه ، ولكن المشكله طلعت في الأكسل ! اتضح انه في تسريب في الأكسل من جهة واحدة ، ًوتم تغيير قطعة نصف دائرية تغطي ثلاث كرات تساعد على الالتفاف.
والحمد لله الأمور طيبه..
الحمدالله رب العالمين
والاهم انه توصلت للمشكلة المطلوبة
شكرا لتجاوبك اخي العزيز
عندي نفس المشكلة والحل بسيط خلي الهوا 24 والامور طيبة