تحذير من عصابات في البلدان السياحية وبعض المواقع السياحية // شاركنا تجاربك
اعزائي منذ شهر ذهبت انا وصديقي الى تايلند للعلاج وبالمرة للسياحة وتنفيه عن النفس وكالعادة بانكوك مكتظة بالسياح الاجانب والخليجين وكنت امشي انا وصديقي في حي العرب نانا ستريت المعروف ب تواجد الخليجين بكثرة فيه ..:منتزق: استوقفنا شخص اسيوي ( هندي ) وجلس يتحدث مع صديقي وقال له امور كثيرة حصلت في حياته واحضر ورقة وقلم واعطى ورقة بيضاء كتب فيها ارقام غريبة وانا لم اعر الموضوع اي اهتمام لانني كنت مشغول بشراء بعض اغراض المعروضة وصديقي يضحك ويستهين بالهندي وتواصل معه الحديث من داعي الفضول ..وقال له الهندي : انت تعاني من مشكلة وانا استطيع ان اساعدك اعطيني كامل المبلغ الذي في محفظتك واتفاجأ بصديقي يعطيه المبلغ بلا شعور تماما وانا لم استوعب الوضع هل جن صديقي ام ماذا ... لا اعرف ماذا اوصف لكم الحدث ... ويقول لصديقي تعال معي نجلس مع بعض لكي اساعدك لايجاد حل لمشكلتك ... وصديقي لا يتلفظ ولا كلمة واخذ يمشي معه .. وانا انتبهت للوضع .. وادركت صديقي وعنفت الهندي قلت استرجع المبلغ هيا اذهب من هنا لا نريد حلول منك .. هيا .. رفض استرجاع المبلغ .. وجاءوا مجموعة تايلندين عنفوه الهندي بقوة ورمى المبلغ وهرب ولحقه شرطي واخبرونا التايلندين جزاهم الله الف خير انه يوجد عصابة من الهنود يستوقفون العرب لهدف سرقتهم وتنويمهم مغناطيسيا والضحك بعقولهم يمكن الكثير لم يصادف هذا الشي ولكن للحذر واجب .. احذروا يا اخواني لا تتحدثوا الى الغرباء وبالاخص الهنود المتواجدين في بانكوك ..
اي شخص يقول لك انت وانت وانت وامور تخصك لا تعيره اي اهتمام واذهب عنه .. او قل له سابلغ عليك الشرطة ..واخبروني التايلندين عن العصابة موجودة بكثرة من الهنود والشرطة تبحث عنهم ولا يخرجون دائما الا فجأة او وقت الظهيرة ..
اتمنى الحذر يا اعزائي لم اكتب الموضوع من فراغ ,,
صديقي لم يستوعب الوضع قال احسست بصداع قوي ولا اذكر اي شئ ما حصل ؟؟؟
:مستغرب:
اللهم اني بلغت وانتو عاد لا زم تاخذون الحيطه والحذر
تحذير خطير عن موقع النصب ( www.flightscanneronline.com/ ) لحجوزات التذاكر
http://www.flightscanneronline.com/images/tg_logo.png
إحـــــــذروا هــــــذاا لموقع لأنه موقع نصب و إحتيال.
أيها الأخوة الكرام حبيت كنت ناوي أشتري تذاكر السفر عبر الويب و حصلت موقع يعطي أسعار رخيصة جداً مقارنة بالمواقع الأخرى فيه أحياناً تذاكر أرخص بـ 100 ريال عماني و بصراحة شكيت في الأمر و بحثت في النت و وجدت أن الموقع هو موقع نصب و إحتيال و الحذر الحذر أخواني من التعامل معه
الحمدلله أنني نجيت من هذا الموقع و لذلك حبيت أنصحكم حتى لا تقعون في الفخ كما وقع غيركم من شباب السعودية.
إليكم تجربة أحد الأخوة الســعوديين مع الموقع النصاب www.flightscanneronline.com/
================================================== =========
تــــحــذيـــــــــــر
السلام عليكم ورحمة الله وبركاته
يا شباب حبيت احذركم من التعامل مع الموقع هذا www.flightscanneronline.com لان صارت لي سالفه مع الموقع .
طبعا نويت اسافر على الفلبين في شهر ابريل و قلت خلني احجز عن طريق النت ارخص و اسرع
ودورت بين المواقع على افضل سعر ولقيت هذا الموقع سعر معقول و وفر لي 1000 ريال على كل تذكره و كنت ابي احجز ثلاث تذاكر .
لقيت الرحله و التاريخ المناسب لي و ادخلت بيانات الركاب و كل شي اوكي حتى الان . طبعا يوم جيت ادفع كان فيه ثلاث اختيارات للدفع اما عن طريق paypal او تحويل بنكي او عن طريق الوسترن يونيون وقلت مو معقوله مافيه فيزا او ماستركارت و شيكت في الموقع و لقيت ان الدفع عن طريق الفيزا و الماستركارت متعطل في الموقع و كاتبين انهم راح يحلون المشكله في اقرب وقت قلت ما فيه مشكله عن طريق التحويل البنكي ودقيت على البنك علشان اعرف المستفيد و قالو بعد 48 ساعه قلت ما فيه الا عن طريق paypal لكن قريت كاتبين
Please note that unfortunately we will not be able to accept PayPal payments from .Africa and Middle East
قلت ما فيه الا الحل الاخير عن طريق الوسترن يونيون و ارسلو لي الموقع بيانات المستلم و المبلغ كامل كان التحويل لبريطانيا .
For your convenience our company can provide eTickets BEFORE your payment is received. These tickets can be confirmed by the air company, but will be fully activated after your payment is confirmed. Please let us know if you'd like to receive your eTickets before you submit your payment.
Recepient First Name: MODRIS
Recepient Last name : KONONOVS
Recepient City: Birmingham
Recepient Country: United Kingdom
Transfer Amount: $2561.3 (after 3.2% discount)
Please note that your transfer is sent to our UK outlet.
و حولت المبلغ كان 1545 باون يعني مع عموله التحويل حوالي 10026 ريال بالضبط
وارسلت ايميل للموقع انه تم التحويل وعطيتهم رقم العمليه MTCN وقالو خلاص .
Thank you for your payment!
We will verify your payment information and provide you with your eTickets after your payment is processed. We will email you once your eTickets are ready. You can also check your eTicket status on the Trip Information page.
Thanks again!
طبعا انتظرت يومين ولا صار شي و ارسلت ايميل ثاني اسال عن الحجز و ارسلو لي .
Hello,
We do apologize for the delay. You would be getting it within a short while.
Thanks!
و بعد كم ساعه شيكت على الموقع ولقيت انه تم استلام المبلغ و تاكد حجزك و تقدر تروح تقص التذاكر في شركة الطيران طبعا كنت حاجز على الاتحاد للطيران رحت الى المركز الرئيسي للاتحاد على طريق الملك عبدالعزيز و طبعت التذاكر من الموقع و عطيتها الموظف و يوم شاف ارقام الحجز قال هذي مو ارقام حجز في الاتحاد لانها كانت تبدا ب 123 قلت وشلون و الموقع يقول هذا رقم حجزك قال خلني اشيك على اسم العائله و ما لقى شي انا هنا حسيت بالسرقه قلت طيب خلني اكلم عليهم وفعلا كلمت الدعم الفني وطلع هندي و جالس يخربط بالانجليزي المهم قال كلمني بعد خمس دقايق خلني اشيك على السستم ؟ قلت كيف الموظف يقول كذا دق علي وين عايشين قلت خلاص ادق عليك وبعد خمس دقايق دقيت و سكر الخط بوجهي ؟؟؟؟؟؟ و ابثرته بالاتصال حتى رد و جالس يتاسف وقال السستم متعطل دق بعد ساعتين ؟؟ و دقيت بعد ساعتين ولا حياة لمن تنادي و على وجهها و راحت الفلوس و لا صار شي حتى موظف الاتحاد دق على المطار و ارسل لهم فاكس بالتذاكر وقالو ما فيه حجز بالاسماء هذي هنا خلاص وقفت و قلت الله يعوضني على اللي راح . ورجعت البيت و شيكت على اسم مدير المبيعات اللي الموقع و طلع ابو الشباب نصاب و هذا رابط لواحد انسرق من نفس الموقع و من نفس اسم مدير المبيعات .
flight scanner online Complaint 97630 - False Advertising $480.00 - Scambook
وهذي كل اللي صار معي فحبيت اني احذركم من التعامل معهم فقلت لازم احذر الناس من هالموقع و هذي اول مشاركه لي وارجو من الجميع التحذير ونشر هذا الموقع .
و السلام عليكم و رحمة الله وبركاته