السرعه لا تزيد عن 60 ومؤشر ر ب ام لا يتعدى 2

[abum]

السلام عليكم

عندى بى ام الفئه الخامسه ولكن السرعه لا تزيد عن 40 الى 60 ومؤشر الار ب ام لا يتعدى 2
أخذتها لكراج في المعبيله وغير الكمبيوتر والموتور وبرمجها بمبلغ خيالى اشتغلت شهر ورجعت المشكله فممكن حد يفيدنى عن سبب المشكله أو يدلنى على كراج محترم؟؟

[سيباوي كول]

رجع له مره
تصليحه ما زين ولا ما رجعت مره

[sothelopower]

السلام عليكم

عندى بى ام الفئه الخامسه ولكن السرعه لا تزيد عن 40 الى 60 ومؤشر الار ب ام لا يتعدى 2
أخذتها لكراج في المعبيله وغير الكمبيوتر والموتور وبرمجها بمبلغ خيالى اشتغلت شهر ورجعت المشكله فممكن حد يفيدنى عن سبب المشكله أو يدلنى على كراج محترم؟؟

هلا فيك تعال الخاص

[الشنجوب]

كان معي مرسيدس نفس المشكلة طلع من البلكات فقط

[هيبة صمت]

شمجي معه نفس السيارة و نفس الفئة
و معه نفس هالمشكلة
بدل حاجات كثيرة بصراحة ما تحضرني
و عمل اكثر من مرة فحص كمبيوتر
و المشكلة ما زالت حتى انه الحين كاره السيارة و حاطنها فالبيت واقفة بس

اذا عندكم الحل زين تفيدونا

[abum]

تم تصليح السياره ولله الحمد
المشكله كانت في الكمبيوتر وقطعه أخرى
نصيحه لوجه الله لا تصلحوا سياراتكم عند الشامين والأتراك لأن أسعارهم نار وغش دفعت فوق 300 ريال لأحد الشامين والمشكله رجعت بعد شهرين والحين صلحتها عند شباب عمانين في صناعية نزوى وقطع الغيار من نزوى ولله الحمد أسعارهم وشغلهم عال العال شباب عمانين

[وسط الحشا]

مبارك لك و الشباب العمانين يستاهلوا الدعم و الثقة بارك الله فيهم

[فني استزراع]

انصح الجميع بإمتلاك هذا الجهاز

https://www.aliexpress.com/item/all-...d-493a392913da

هذا ما اعلان من عندي او شيء
بس هذا الجهاز قليل من الوكالات تملكه فمابالك بالورشات ؟ طبعا الورشات مايهتموا فيهن إلا الشخص اللي يريد يطور ورشته

الجهاز يفحص السياره اذا فيه إلتماس او مشكلة في الوايرات
طبعا هذا الجهاز يستخدم بعد فحص السياره بالكمبيوتر (سكانينج) لان اذا كان فحص السياره بالكمبيوتر ماظهر فيه مشاكل معناته هناك إلتماس (قبل دخول الميكانيك)
اذا مافيه إلتماس بعدها يخص الميكانيك