- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 5 من 5
-
25/06/2018 08:36 PM #1
احناج مساعدة في الطلب والشحن المباشر من امازون
احتاج مساعدة في الطلب من امازون،
هذي شاشة أريد اطلبها : https://www.amazon.com/Acer-Predator...F046M88DWS4ZFP
المشكلة أنا ساكن فولاية البريمي، وما عندنا عناوين للبيوت هني، فشو العنوان اللي المقروض أحطه لما أطلبها من أمازون؟
هل ينفع أحط عنوان صندوق بريد عمان؟ لو ينفع، هل ممكن أستلمها بدون ما يكون عندي صندوق بريد؟
يعني توصل لمركز البريد فالولاية وأروح أستلمها منهم مباشرة بدون ما يكون عندي صندوق بريد، هل ينفع أسوي هذي الحركة ولا ما ينفع؟ لأني بصراحة ما فتحت صندوق بريد لأني ما احتجتله قبل
أيضا سؤال ثاني هل فيه رسوم إضافية أو جمارك المفروض أدفعها لما أستلم الشحنة ولا لأ؟ إذا فيه كيف تنحسب هذي الرسوم؟
أنا عندي تجارب سابقة فالطلب من أمازون عن طريق شركات مثل أرامكس وفيدكس، بس هذي أول مرة أجرب اني أشحن عن طريق امازون بشكل مباشر، فارجو منكم إنكم تساعدوني، وجزاكم الله خير..
-
مادة إعلانية
-
25/06/2018 08:49 PM #2عضو نشيط
- تاريخ الانضمام
- 10/12/2010
- الجنس
- أنثى
- المشاركات
- 774
انا سبق وطلبت من امازون والشحنة على طول توصل لصندوق البريد ، احيانا يرفض عنوان صندوق البريد لكنه يوافق على عنوان المنزل او المكتب واذا يرفض جميع العناوين فأختار شوب اند شيب الامريكي
انت عادي حط وصف لبيتكم اسم الشارع ورقم البيت وهاتفك او وصف للمكان الي تشتغل فيه ولما توصل الشحنة عمان شركة الشحن بتتصل لك او ترسل إيميل ، اذا تعرف حد يشتغل ف مسقط فحط عنوان مكتبه او سكنه عشان التسليم يكون سريع ، للعلم انا من مسقط ف الوضع مختلف
-
26/06/2018 12:52 AM #3
هل كان فيه رسوم جمارك؟ اخاف الجمارك يضربون ضرب في الاسعار.
-
26/06/2018 05:28 AM #4عضو نشيط
- تاريخ الانضمام
- 10/12/2010
- الجنس
- أنثى
- المشاركات
- 774
بالنسبة لبريد عمان يعتمد على الغرض ، سبق وطلبت شاشة صغيرة وزنها ٢ كيلو ونص وتم شحنها عبر البريد العاجل واستلمتها بدون جمارك فقط وقعت على الورقة وخلاص بس طبعا انا عندي اشتراك في الصندوق
وبعدها جربت نفس الشاشة اشحنها عبر شوب اند شيب ، دفعت للشحن والجمارك كان اقل عن ريالين وسعرهم بشكل عام كان أرخص عن الشحن المباشر للبريد العاجل
انصحك تشترك صندوق في بريد عمان وتشحن الغرض بإسمك بريد عاجل وبيكون الجمارك مبلغ بسيط او لا يوجد بعكس دي اتش ال وغيره يطلعون لك رسوم وجمارك إضافية او تستخدم شوب اند شيب وتشحن لشخص تعرفه في مسقط اذا ما عندهم توصيل للبريمي
-
26/06/2018 07:42 AM #5عضو نشيط
- تاريخ الانضمام
- 14/02/2018
- الجنس
- ذكر
- المشاركات
- 230
حياكم الله وبياكم
إضافة إلى ما تفضلت به الأخت الفاضله
الشاشة تدعم الشحن إلى عُمان، تحط بيانات البريد العادي ولكن هم يرسلوها لك ع أرامكس
بمجرد وصولها يتواصلوا معك من أرامكس وتستلمها منهم مجاناً.
مواضيع مشابهه
-
[ مساعدة ] الشحن المباشر في امازون ارجوا المساعدة
بواسطة srmada في القسم: سبلة التجارة الإلكترونيةالردود: 10آخر مشاركة: 07/03/2017, 02:10 PM -
الطلب من امازون
بواسطة قهوه في القسم: سبلة التجارة الإلكترونيةالردود: 2آخر مشاركة: 28/02/2017, 09:25 AM -
[ مساعدة ] عناوين الشحن والشحن المباشر
بواسطة oJgJl pJLc في القسم: سبلة التجارة الإلكترونيةالردود: 2آخر مشاركة: 30/03/2016, 08:31 PM -
[ مساعدة ] هل يمكن الشرا من امازون والشحن عبر بريد عمان
بواسطة mohammed0099 في القسم: سبلة التجارة الإلكترونيةالردود: 3آخر مشاركة: 05/07/2014, 10:34 AM -
[ استفسار ] أستفسار الشراء من موقع امازون والشحن عن طريق ارامكس
بواسطة عبود العماني في القسم: سوق السلع الاخرىالردود: 4آخر مشاركة: 04/03/2014, 10:46 AM