مـــعــاذ

[محمد أبو رثام]

نضـخ دمعي من أعماق الحزن مجراه
ولا ينــضـب فراق مــعاذ له ســـاقي

تــشاغلنـا وفيّـــض حزنــنـا ذكــراه
مع الذكرى حسبـت إنه معي باقـي

أشوفه بوجــه إخـوانه وأتـحـراه
أحد خـوته قبـل ما كذّب أحداقي

أنادي له تــعوّد خـافـقـي يــقراه
إلين الصــمت قلّب للنِدى وراقي

كأن مابــه هـنا غــيره ولا واراه
سوى ليلٍ يجدد موعد إشراقي

حسبت الصبح ياتي به ويا صبراه
أتى بالحــزن غــطّاء كـل آفــاقـي

بكاه اللي يــشوف إبــنه له المرآه
نسخ وجهه وأفعاله وغدى راقي

بكاه اللي دعاه الحزن في مسراه
إلى مالا نــهاية عــمر أشــواقــي

بكاه اللي بقى عايش على ذكراه
أشوفه أسمعه ساكن بأعماقي