تبزيرة العيد

[العذراء الحزين]

السلام عليكم أيها الترويحيون
كيف حالكم وموه علومكم
كيف أمور العيد تراني أشم ريحته من بعيد
أشم الخل وريحة البزارات وتقشيد السمن
بنات كيف مجهيزات انتن التيزيره ولا ما تساعدن فيها
والشباب مجهزين ورق الموز والجواني والخصفه
ولا تأكلي على شيوبتكم


واسطة العقد :عذاري انا الحمد لله كله جاهزه بس ويش يعني التبزيره ما عرفتها

العذراء: أبوه واسطة ما تعرفي التبزيره إلي تسوى حال الشواء؟!

واسطة العقد:ما أعرفها عذاري يمكن لها أسم ثاني معنا

العذارء :يمكن والله كل شي جائز حتى زواج العجائز من مسمايتها بعد يا واسطة خَماره

واسطة العقد :نزين عذاري سدحي عباره عن هيش هذه

العذراء:من عيوني يا عيوني نحن ليوم مسوين وراح اسدحها لك خطوه خطوه عشان تستفيدي ويستفيدن خواتي ؛تعلمن ترا أفضل تسوا الشيء وحدكم ولا تشتروه جاهز وهذه طريقة الخل:




-ثوم ويكون فصوص يعني ما يدق ولا يطحن
-حبات قليله من القرنقل والهيا والفلفل الاسود وبعد يكون غير مطحون
-فلفل أحمر غبر مطحون
-تمر وافضل نوع للخل سح المبلسي أو الفرض وأن ما موجود عادي أي نوع

تخلط جميع المقادير في وعاء (دلو) وتترك لمدة عشر أيام في الشمس بو نزوى يسوه قبل بشهر في خرس (تعرفوا الخرس) طبعا هم معهم ما كل بيت يسوي الخل بنفسه فيسويه يمكن وكيل الحارة وامن ما اعرف وعاد يوزع ونسال نيتروا وارماداًعن هذا وهذه النتيجة

‏



واسطة العقد :ما شاء الله جميل العذراء تعرفي كل هذا
العذاراء:يا واسطة يا أختى الواحد لازم يتعلم كل شيء تعرفي ومن نحن صغار كنت نساعد امهاتنا
وكان بعد اكثر جهد عن الحين والحين هن كبار بالسن ومريضات فتولينا المهمه انا واختي

واسطة العقد :كيف اصعب ؟!
العذراء: في زمن امهاتنا كان الفلفل والبهارات كلها يقلوها بالبيت ويدقوها بروحهم ولكن الحين الخمد لله كل شي جاهز اشتري من المطحنه وخبريه اريده مقلي ومطحون والامور طيبه


واسطة العقد:عذاري انت ذكرتي التبزيرة ويش هذه بعد ؟!!!

العذارء:هذه يا أختي تبزيرة الشوى وهي كالاتي
طبعا نحن نسوي كمية كبيره ولكن هنا يختلف المقياس من عائله لاخرى
.
.

اول شي تحهزي الثوم قبل بيوم لانً تعب كله تسويه بيوم واحد

في اليوم الثاني تحضري البزارات ((البهارات)وكلها تكون مطحونه (فلفل أحمر مطحون اختاري بو يحرق عشان الشواء يكون احلى /سنوت /جلحلان/جزع/قرفاء/زنجبيل/فلفل أسود /هيل/ ملح

واسطة العقد:وكل هذا تكون بنفس المقادير

العذراء : لا لا الفلفل والجلحاان والسنوت هي إلي تكون بكمية كبيره بينما الباقي ما تشه تشه بس يعني حفنه بسيطة لان لوًكثرتي منها تسبب مروره وتجي التبزيره طعمها مختلف

بعده تصفي الخل عن التمر وتخلطي الثوم في الخلاط ضيفي له خل عشان يختلط سريع

.
.

ومن ثم تخلط البهاررات كلها ..بعدها تحضري صفريه او اي ماعون عشان الخلط
وانتبهي لهذه الطريقه بعد من خلطي اليهارات كامله حطيهت في الصفريه هي والملح..
والقياس يكون كالتالي :مكيال بهارت ومكيالين ملح عشان ما يجي الشواء تفل..
بعدها تضيفي لها الثوم المطحون والخل وتقلبيهم مع بعض ..

من تخلصي تخليط احفظيهم في ماعون نحن نخليهم في زيل (دلو) لين غايتة الشواء

[وكل عام وانتم بخير]