محلات الاقمشة

**مسقطاوي بهلاوي** · 15/05/2018 01:50 PM

اتمنا من الحكومه او من يهمه الامر النظر في هذا الموضوع بعين الاعتبار محلات بيع الاقمشة يديرها اجانب (الهنود او بنجالية) وتعطاء هذي المهنة للعمانيات نعرف احنا الحين كل محلات الاقمشة مملوكه للاجانب ومن وراء هذي المهنة يدخلون اموال طائلة في هذي المهنة

اقل شي تدخل المحل تاخذ قماش واحد بيقولك 10 ريال او 8 ريال اقل شي وهيه قطعة وحده تخيلوا

افضل شي ليش هذي المهنة تعطاء اخواتنا العمانيات افضل الرزق يروح حالهن والمهنة زينه وما محتاجه جهد او شغل واجد وفيها رزق الوفير

وشكرا لكم
التوقيع : ولد الجن

**هيبة صمت** · 15/05/2018 01:57 PM

العمانيين وحدهم نايمين

الحكومة ما جبرت انه يكون العمال اجانب

**مسقطاوي بهلاوي** · 15/05/2018 02:05 PM

أرسل أصلا بواسطة هيبة صمت

العمانيين وحدهم نايمين

الحكومة ما جبرت انه يكون العمال اجانب

انا اريد تمنع عنهم هذي المهنة نهائيا
وتحل محلهم خواتنا العمانيات هذي المهنة تجيب فلوس وغوازي كثيرة ووفيرة هذي المهنة تدخل ذهب

**بنت السالم** · 15/05/2018 02:09 PM

اذا عمانيات عيل أبشري الاسعار فوق الهندي تحصلي تخفيض و غيرهم يقولج أول تدفعي المائة بيسة وبعدين باقي المبلغ ولاتحلمي يخفض عشر بيسات
خلي لهنود احسن

**مسقطاوي بهلاوي** · 15/05/2018 02:13 PM

أرسل أصلا بواسطة بنت السالم

اذا عمانيات عيل أبشري الاسعار فوق الهندي تحصلي تخفيض و غيرهم يقولج أول تدفعي المائة بيسة وبعدين باقي المبلغ ولاتحلمي يخفض عشر بيسات
خلي لهنود احسن

هذا الهندي مال بركاء يقول كذاك اول ادفع 100 بيسة وخلاف ريال يعني حتا 100 بيسة ما مسامح منها !!!!!!!!!!

بالعكس اقل شي لعمانية لما تفتح المحل بيدخل محلها حريم وهذي الشغلة ما يحتاجلها شغل فقط عليها تقص ثوب بالمق
كم راح تدخل في شهر الاف ريالات من هذي المهنة

فكروا في كلامي هذي المهنة هنود تغانيوا منها واصبحوا اثرياء فيي يوم وليله من الاقمشة

**القلب المظلوم** · 15/05/2018 11:03 PM

أرسل أصلا بواسطة مسقطاوي بهلاوي

هذا الهندي مال بركاء يقول كذاك اول ادفع 100 بيسة وخلاف ريال يعني حتا 100 بيسة ما مسامح منها !!!!!!!!!!

بالعكس اقل شي لعمانية لما تفتح المحل بيدخل محلها حريم وهذي الشغلة ما يحتاجلها شغل فقط عليها تقص ثوب بالمق
كم راح تدخل في شهر الاف ريالات من هذي المهنة

فكروا في كلامي هذي المهنة هنود تغانيوا منها واصبحوا اثرياء فيي يوم وليله من الاقمشة

محن معك الاخ
لكن احيانا لما تدخل محصل فيه عمانيه ولا تعطيك وجه ابدا
هيه جالسه ع تلفونها واللي تريده خذه بنفسك ولا حتي بتجلس تعازمك ،ولا بعد اذا قتلها خفضينا تقولك هذا السعر ثابت اذا تريد خذ واذا ما تريد عادي طلع .ولا كيف مسقطاوي بهلاوي؟ما اعرفك اذا جربت المحلات اللي في نزوي هذا كلامهم .ولا احيانا تبيع القطعه 9 ريال تعال مطرح بتحصلها 4 ريال .
في نزوي بظاعتهم غالي ع الفاضي سوي في القطع او غيره.

**ibra413** · 16/05/2018 08:19 AM

الحمد لله يوجد في بعض الولايات بعض العمانيات فاتحات محلات اقمشه و خياطه
من فتره كنت مشارك في معرض ابداعات عمانيه
من باب الامانه ما شاء الله عليهن الاخوات يشتغلن في بيع الاقمشه و تصميم و التفصيل و الملابس الجاهزه
الله يوفقهن
و اتمنى يزيد العدد محلات العمانيين

**noor umri** · 16/05/2018 12:13 PM

مسقطاوي .. محد ماسكنهم العمانيين عن يفتحوا مشاريع الاقمشه ..

لكن انت تطلب تعمين انشاء هذا المشروع ..
واقتراحك هذا قوي لانه ما ممكن يصير .. لان بيتضرروا أكبر تجار الاقمشه المحتكرين من الهند ..

يعني معظم المشاريع بأسم عماني ومستثمر ومورّد أجنبي..

نطلب فقط ان يكون السوق حر وساعتها ممكن الكل بيستفيد

**عطر الاندلس** · 20/05/2018 01:27 PM

الانواع كثيره ولزبون حرية الاختيار بين الرخيص والغالي بس انتوا تبحثوا عن الموضه يمكن !!

**جود المعاني** · 30/05/2018 12:15 PM

هلا أخوي
محد ماسك العمانيات عن يفتحن محلات أقمشه خاصة أنه الحين ما شاء الله أغلب الحريم يسوقن بضايعهن من البيت
بس أنا كزبونه أفضل أني أشتري من عند الهندي لأنه هو يرغبك تشتري من المعامله والترحيب وبعد يسويلك تخفيض
وعلى سالفة أنهم يدخلوا آلالاف هذا رزق ما تقدر تمنعهم أنهم يسترزقوا وأغلبهم تاركين عوايلهم وأولادهم ومتحملين الغربه والمعامله السيئة مرات من العماني نفسه عشان يوفروا لأهلهم لقمة العيش
والوافد لو محصل رزقه ف بلده كان ما تغرب وترك بلده
وفالنهايه أنا عن نفسي أشتري من الأثنين من العماني ومن عند الهندي
والرزق على الله

**Bent Alarab** · 30/05/2018 12:45 PM

خلونا من سالفة محلات الاقمشه

اللحين واجد عمانيات مسوياتلهن بزنس بيع عبايات وملابس واقمشه ف البيت ويسوقن عن طريق مواقع التواصل الاجتماعي
مثل الانستجرام وغيره

اذا قارنا بين اسعار العمانيه واسعار السوق فرق السماء والارض

تبيعلك العبايه ف الانستجرام ب 50 ريال يقالك اوين هيه مصممه
وتحصل نفس العباه ف مطرح ب 20 ريال

انزين حتى لو انتي مصممه تراش تبيعي ف الانستجرام لا تدفعي ايجارات ولا كهرباء ولا ماي ولا غيره
وفوق كذا التصميم الواحد تبيعي منه الف عبايه
يعني ما عبايه وحده عشان تطلعي كل فايدتش منها

وهذي الحقيقه
حتى لو الواحد بغى يدعم مشاريع ابناء بلده
استغلاليييين

**صبروامل** · 30/05/2018 12:58 PM

بصراحة الهندي ارخص عن العماني بامانه

العماني سعره ثابت ومايغبره

ولو جادلته ماراح ينزل

الهندي بالعكس سعره مناسب وينزل بالسعر بعده

**صبروامل** · 30/05/2018 01:00 PM

أرسل أصلا بواسطة Bent Alarab

خلونا من سالفة محلات الاقمشه

اللحين واجد عمانيات مسوياتلهن بزنس بيع عبايات وملابس واقمشه ف البيت ويسوقن عن طريق مواقع التواصل الاجتماعي
مثل الانستجرام وغيره

اذا قارنا بين اسعار العمانيه واسعار السوق فرق السماء والارض

تبيعلك العبايه ف الانستجرام ب 50 ريال يقالك اوين هيه مصممه
وتحصل نفس العباه ف مطرح ب 20 ريال

انزين حتى لو انتي مصممه تراش تبيعي ف الانستجرام لا تدفعي ايجارات ولا كهرباء ولا ماي ولا غيره
وفوق كذا التصميم الواحد تبيعي منه الف عبايه
يعني ما عبايه وحده عشان تطلعي كل فايدتش منها

وهذي الحقيقه
حتى لو الواحد بغى يدعم مشاريع ابناء بلده
استغلاليييين

فعلا كلامك صحيح

هذا الواقع

**Rca89** · 30/05/2018 01:56 PM

العمانيات ما عندهن صبر وطولة بااااال . شوف العماله الوافدة الحين هالفترة يشتغلوا لحد قرب الفجر . والمنازعه فيهم والمهاوشه وبعدهم متحملين وصابرين
العمانيات يومين تفتح وشهر مغلق المحل يعني شغل على المزاج
العمانيات واعذروووني عاد من تشوف جاينها الخير والرزق والحلال الطيب عاد حتى سلام عليكم ما ترد عليك .
العمانيات معهن حسد اذا شافت حد عدالها فاتح نفس المحل بتلعن خيره وتبدأ تتذمر وتشاكي ..
العمانيات بس في البداية شحطه وحماس بعدين دور ربعك

**القلب الجرئ** · 30/05/2018 02:22 PM

أرسل أصلا بواسطة مسقطاوي بهلاوي

انا اريد تمنع عنهم هذي المهنة نهائيا
وتحل محلهم خواتنا العمانيات هذي المهنة تجيب فلوس وغوازي كثيرة ووفيرة هذي المهنة تدخل ذهب

ع فكرة اخوي في مرة السلطان سوا هذي الفكرة بالتسعينات اتذكر لما أمر سوق الخضرة يكون العمانيين فقط تصدق اول ما مسكها العمانيين صار شح بالخضروات والفواكه الطازجة بالسوق اتوقع للمدة سنتين وارتفع اسعار خضرة والتجار العمانيين يقولوا الهنود بدبي رافضين يبيعوا لنا خضرة ويبيعوا غالي جدا صار احتكار حتى تفشل تجارة العماني اخر شى بالنهاية اضطررت الحكومة تسمح الوافد يرجع تجارة الخضرة وفشلت تجربة التعمين مائة بالمائة يااخوان كل دول العالم حتى ببريطانيا يعتمدوا ع هنود ووافدين ببعض الأعمال يعني نحن بالنهاية بحاجة إلى الآخرين الوافدين حتى تمشي الحياة لان في بعض الشعوب تتحمل المكدة والكراف وبعض الشعوب كسالى بالأعمال المهنية بس ذكية بالأعمال الأخرى تحتاج إلى العقل والتفكير اكثر

**إشباح الماضي** · 30/05/2018 06:17 PM

أرسل أصلا بواسطة صبروامل

بصراحة الهندي ارخص عن العماني بامانه

العماني سعره ثابت ومايغبره

ولو جادلته ماراح ينزل

الهندي بالعكس سعره مناسب وينزل بالسعر بعده

حتى في التعامل احسن

**أرسالي قوي** · 30/05/2018 06:30 PM

تو بو يفتح محل يفتحه برخ يبغى راس مال ومن هين عندها وابوها تفتح مخلات اقمشه ومن قالكم القطعه ب ٩قولوا المتر بخمسه وسته وسبعه

**أرسالي قوي** · 30/05/2018 06:31 PM

وخلوا عنكم بو حرمه تبيع بدكان احسلها توقع في بيتها

**بايعنها ومظلوم** · 30/05/2018 10:32 PM

أرسل أصلا بواسطة أرسالي قوي

وخلوا عنكم بو حرمه تبيع بدكان احسلها توقع في بيتها

ترا محلات خاصه للحريم أصلا ..

**نسيم الياسمين** · 31/05/2018 09:57 AM

أرسل أصلا بواسطة Bent Alarab

خلونا من سالفة محلات الاقمشه

اللحين واجد عمانيات مسوياتلهن بزنس بيع عبايات وملابس واقمشه ف البيت ويسوقن عن طريق مواقع التواصل الاجتماعي
مثل الانستجرام وغيره

اذا قارنا بين اسعار العمانيه واسعار السوق فرق السماء والارض

تبيعلك العبايه ف الانستجرام ب 50 ريال يقالك اوين هيه مصممه
وتحصل نفس العباه ف مطرح ب 20 ريال

انزين حتى لو انتي مصممه تراش تبيعي ف الانستجرام لا تدفعي ايجارات ولا كهرباء ولا ماي ولا غيره
وفوق كذا التصميم الواحد تبيعي منه الف عبايه
يعني ما عبايه وحده عشان تطلعي كل فايدتش منها

وهذي الحقيقه
حتى لو الواحد بغى يدعم مشاريع ابناء بلده
استغلاليييين

كلامك صحيح اختي

**أسافر في بحر الحب** · 31/05/2018 10:13 AM

أرسل أصلا بواسطة Bent Alarab

خلونا من سالفة محلات الاقمشه

اللحين واجد عمانيات مسوياتلهن بزنس بيع عبايات وملابس واقمشه ف البيت ويسوقن عن طريق مواقع التواصل الاجتماعي
مثل الانستجرام وغيره

اذا قارنا بين اسعار العمانيه واسعار السوق فرق السماء والارض

تبيعلك العبايه ف الانستجرام ب 50 ريال يقالك اوين هيه مصممه
وتحصل نفس العباه ف مطرح ب 20 ريال

انزين حتى لو انتي مصممه تراش تبيعي ف الانستجرام لا تدفعي ايجارات ولا كهرباء ولا ماي ولا غيره
وفوق كذا التصميم الواحد تبيعي منه الف عبايه
يعني ما عبايه وحده عشان تطلعي كل فايدتش منها

وهذي الحقيقه
حتى لو الواحد بغى يدعم مشاريع ابناء بلده
استغلاليييين

صحيح كلامك

او وحدة تجيب بضاعة م امارات هي اساسا مب مصصمة ولا شي كله شريش

و قالت بوتيك او مواسمه ذا دفع 50 و 200 ع لبسة

او متعامله مع محل ف امارات او مطرح يخيط

عباة ب 15 او 20 و تجي ف استجرام تبيعهم ب 50

عب لبسة بايخة ب 100 و 200

لاكن مامنهن من حريم بو يشترين و راكضات وراهن

**مسقطاوي بهلاوي** · 31/05/2018 10:16 AM

أرسل أصلا بواسطة Bent Alarab

خلونا من سالفة محلات الاقمشه

اللحين واجد عمانيات مسوياتلهن بزنس بيع عبايات وملابس واقمشه ف البيت ويسوقن عن طريق مواقع التواصل الاجتماعي
مثل الانستجرام وغيره

اذا قارنا بين اسعار العمانيه واسعار السوق فرق السماء والارض

تبيعلك العبايه ف الانستجرام ب 50 ريال يقالك اوين هيه مصممه
وتحصل نفس العباه ف مطرح ب 20 ريال

انزين حتى لو انتي مصممه تراش تبيعي ف الانستجرام لا تدفعي ايجارات ولا كهرباء ولا ماي ولا غيره
وفوق كذا التصميم الواحد تبيعي منه الف عبايه
يعني ما عبايه وحده عشان تطلعي كل فايدتش منها

وهذي الحقيقه
حتى لو الواحد بغى يدعم مشاريع ابناء بلده
استغلاليييين

تجاره شطاره

**adi707** · 31/05/2018 12:55 PM

((وكفلاء)) الهنود
شو مصلحتهم اذا وافقو على عمل النساء

على سبيل المثال
عندي 11 تاجر هندي على كفالتي وكل واحد منهم يعطيني 150 ريال شهراً

والعمانيه بتخرب علي

**Bent Alarab** · 31/05/2018 01:18 PM

أرسل أصلا بواسطة مسقطاوي بهلاوي

تجاره شطاره

هذا يسمى جشع وليس شطاره مع احترامي الشديد يعني هههههه

**بايعنها ومظلوم** · 31/05/2018 10:11 PM

في عجمان واجد محلات مال الاقمشه ورخيصه

**lob soldier** · 31/05/2018 10:53 PM

مقترح جميل
للباحثين عن عمل
وكذلك ممكن تكون مصدر دخل إضافي
يجب أن يتم أتباع إستراتجية منتظمة لتحقيق ذلك.

**lob soldier** · 31/05/2018 10:56 PM

أرسل أصلا بواسطة مسقطاوي بهلاوي

تجاره شطاره

وكذلك الزبون يجب أن يكون شاطر وذكي في إختيار ما يناسبه
ويجيد مقارنة الجودة والأسعار
وعدم وقوع ضحية للمستغلين.

**سهم الباطن** · 02/06/2018 05:36 PM

المشكله اذا العماني فتح المحل وخلى عمانيه تشتغل فيه او حتى تملكه راح تتاذى من الصبر والدين وكله من الاقارب خاصه كله يبغوا بالصبر

**سبلة بيتنا** · 03/06/2018 10:42 AM

الصراحة انا مع التعمين
ولكن المشكلة في التعامل والاسعار

**OMANI NEW** · 04/06/2018 10:29 AM

التعمين مهم لكن هل سينجح

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: محلات الاقمشة

أدوات الموضوع

البحث في الموضوع

نمط العرض

محلات الاقمشة

مواضيع مشابهه

[ معروض ] اكبر متجر لي بيع الاقمشة في الموالح + افضل الاقمشة على مدار 24 ساعة + مطلوب مروجات + مشاهدة صور

[ معروض ] بيع اجود الاقمشة

[ معروض ] الاقمشة الملكية ادخلي سيدتي وتمتعي بأجمل الاقمشة الجديده اكثر من 100 نوع جديد

[ معروض ] الجديد من الاقمشة (( قطن ))

قواعد المشاركة