- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 111
الموضوع: تبى تعرف قيمتك ... عليك بالزعل !!!
-
تبى تعرف قيمتك ... عليك بالزعل !!!
يا مرحبا وسهلا فيكم
حبيت أتشارك وياكم هذا الموضوع الخفيف
تلقيت نصيحه
بأن الزعل هو أحد الحلول لتخليص بعض المعاملات الإجتماعيه
شي طبيعي انه الواحد يزعل لسبب معين
ويجي الطرف الثاني يحاول يرضيه وينفذ طلباته ..
ولكن الغريب انك اذا زعلت واكتشفت انه الطرف الاخر ينتظر هذي الزعله عشان يقطع علاقته بك ..
طبعا هنا ما احدد نوع العلاقه الاجتماعيه هذي ...
طيب ..
الحينه ممكن حد يزعل بدون سبب .. طبعا لا !!
بس أكيد فيه ناس تزعل لكل سبب .
ويظل الطرف الاخر يراضي ويراضي لكل الاسباب ..
هنا الزعل المستمر مع التراضي المستمر .. ممكن يسبب فجوه تتكون من اصل العتاب المستمر ومن كثرة الاذلال بالتراضي المستمر
أقصد انه كثرة الزعل وطبيعة تعاطي الطرف الاخر مع الزعل هو اللي يحدد نوعية علاقة الطرفين وطبيعتها وقوتها وضعفها ..
يعني الزعل ممكن يبني علاقات وممكن يهدمها ايضا ..
شي ناس لما تزعل ما تتكلم وياك الا بالصراخ ..
وبعضهم لازم يستخدمون كلمات سب وشتم ...
والبعض يفتح كل الملفات القديمه اللي يفترض انها تصكرت ..
والبعض الاخر يجلس يتهدد ويتوعد ويتحداك ...
والبعض يشمله كل هذي الصفات لما يكون زعلان ..
الحينه أسألتي ..
كيف ممكن تتعامل مع شخص يزعل على كل شي ما يناسبه ؟؟
الى متى تظل إنت الطرف اللي يجلب الحل والرضا للطرف الثاني ؟؟
ومحور الموضوع الرئيسي هل صحيح إنه الزعل سبب رئيسي لمعرفة مقدار قيمتك عند الطرف الآخر وورقة رابحه لتنفيذ طلباتك ؟؟
عسى فهمتوا شي ..
with love
noor umri
-
مادة إعلانية
-
07/05/2018 12:08 PM #2
مساء النور يا نور
كأن الموضوع يمس بنات حواء
وبشكل كبير
الزعل انا اعتبره سلاح ذو حدين
بزعل تعرف قيمتك
بزعل بعض الاحيان تاخذ حتى حقوقك
لكن المشكله اذا هدم بيتك
دائما يقال الشي اذا زاد عن حده انقلب ضده
كثرة الزعل تضر العلاقات
والضرر الاكبر من طريقه التصرف وقت الزعل
شخصيا لما ازعل اضرب صاحبي طاف وما اتكلم ابدا بس عيوني كذا
-
من قال تتحدد قيمتي اذا زعلت
ياما زعلت وماحد عطاني وجة لانهم يعتبروا الزعل
احيانا دلع ومالة لزوم
ومنها عرفت لو زعلت لو بينت اني زعلانة ومنكسر
خآطري ماحد بيعطيني فيس لانة ممكن قيمتي صفر
ع الشمال
...
حلو تزعل ويجي الطرف الثاني يراضيك ويترضاك
ويسوي اي شيء عشان ترضى
...
جوابا ع اسألتك
1- احاول قدر الإمكان اني ما اسوي شيء يزعل الشخص
الي اتعامل معة وبدوري احاول اراضية اني ما اعيدها
مرة ثانية ..."
2- عادي عندي اراضي بكل مرة "
ما عندي اشكالية .. يوم يرضى الطرف الثاني ويفرح كأني سويت
انجاز يمكن بتقولي انتي بكذا تقللي من قيمتك ما اقلل من فيمتي
دامني راضية عن نفسي والشيء الي اسوية ولو الشخص شافني
بنظرة دونية ما تهمني نظرتة كثر ما تهمني نظرتي لنفسي "
...
نور عمري "
صرت اتعآمل مع الناس الي حواليي ع انهم
اشخآص ممكن افقدهم بأي لحظة واحاول قدر
الإمكان اني ما اسوي اي شيء يخليهم
بوضع يكونوا زعلانين مني او اكون انا زعلانة "
كثر ما اشوف الفقد يصير بغمضة عين
صرت اخاف اتعامل مع الناس الي احبهم
بكبرياء وغرور وتكبرعشان زعل لو خليت
الكبرياء بصوب ينبرى وينحل ويرجع كل شيء
مثل اول وممكن احسن "
-
07/05/2018 12:24 PM #4
من وجهة نظري نعم / الزعل في أغلب الأحيان مقياس لقوة الرابطة الإجتماعية
و ما شرط انه تكون ردة الفعل مباشرة لأنه بعضهم عندهم كبرياء ما يسمحلهم
ينذلوا _ بحسب تفكيرهم _ للشخص عشان يرضى ولكن في كل الاحوال
اذا كان قدره الشخص كبير في قلبه مصيره راح يرجع و يتصالح
بسس اللي يريد يتخلص من شخص معين ينتظر هذي الفرصة عشان يبتعد و يهجر
و هذا وقع من خلال تجربة و واقع
آخر تحرير بواسطة هيبة صمت : 07/05/2018 الساعة 12:42 PM
-
07/05/2018 12:24 PM #5
مساءك سكر يا سكر
هنا اذكرت اخوي يوم يزعل يطلع من الجروبات العائله
ومحد يراضيه وبعد فتره يجي خاص دخلوني الجروب
مشكله اللي يزعل ومحد يعرف كيف يراضيه
والمشكله الثانيه اللي طالع نازل زعلان
وبتجي غيرة مشكله اللي يتصنع الزعل بس علشان يراضوه
نادر ازعل واذا زعلت بس اسكت مااتكلم
-
07/05/2018 12:29 PM #6عضو نشيط
- تاريخ الانضمام
- 01/08/2017
- الجنس
- أنثى
- المشاركات
- 835
هلا بك نور عمري ..
تعرفي تتحدد ع حسب الأشخاص اللي عندك
بمعنى من يعملك حساب ويحترمك ومسويلك قيمه قبل كل شي
هذاك صح اللي عارف قيمتي حتى قبل لا أزعل..
ياما زعلت وتحسست حتى من أقرب الناس لي وما حسيت بقيمتي عندهم
بس ترا القليل الحين من تجد من يحطلك قيمه ويحسب لك حساب
تقديري عزيزتي
-
.
.
عودا حميدا لقلمك نور..اعجبني الموضوع..
.
على حسب معزة الشخص..ممكن.يراضيه الطرف الثاني مره ومرتين وثلاث
وهذا النوع بعد..ما ممكن يفتح الملفات القديمة ويسب ويجرح
لان الرابط اللي بينهم قوي..
وما اعتقد انه زعل قوي ايضا..ممكن يكون " كسر خاطر" فقط
.
النوع اللي يقلب 180 درجة عليك..
ويسب ويشتم..ويفتح ملفات وغيرها
هذاحتى لو تراضيتوا..البعد عنه اسلم..
وخلي العلاقه لها حدود..لان الشخصية الحقيقيه بانت..
.
" لا تقيس غلاك مع ناس ما تغليك"
يعني ما تروح تزعل ع الطالع والنازل مع ناس انت اصلا ما مهم عندهم..
لان فعلا ما راح يعبروك ولا يهتموا..
ويقولوا الحمدلله " جات منه "
.
كثرة الزعل عشان تنفيذ الطلبات فقط..
راح تفقد " بريق الزعل " منك بالذات..
والطرف الاخر راح يمل ويكشف اسلوبك..
ممكن ينفذ مره ومرتين..بس بعدين بيعرف انه اسلوب تهديد
لتنفيذ امور ومتطلبات لا غير..وبعدها راح يتوقف..
.
احسنتِ..
-
هلا وغلا
صحيح انه حواء كثيرة الزعل
بس حتى آدم دوم بمد البوز من اتفه الاسباب ... سور على التعبير المحلي يعني
طيب ي مشرفتنا ..
الصمت يعتبره الكثيرين هروووووووووووب من المواجهه
أما اذا الزعل الصامت يكبر حجم المشكله لان الطرف الاخر ما يعرف اساسا انتي ليش زعلانه ... وشو يراضي منك بالضبط .
-
بعد عمري ي زهور ... الصراحه القاتله ..
يعني يفترض ما نعطيهم فيس هذولا اللي دوم زعولين ...
طيب ي زهور
جوابك على السؤالين سيقال عنه انه شخص انهزامي ويستسلم بسهوله وخاصه اذا كان الزعل على اسباب تافهه ومايلها معنى
ودام انه يعطي وعود بعدم تكرار الشي فهو يتجرد من شخصيته الحقيقية مقابل الحفاظ على علاقه واستمرارها ..
الجزء الاخير من ردك ... ياريت كل الناس يفكرون بنفس طريقتك ...
شكرا لكِ
-
-
مساءك ورد ي العقد
حتى أخوي يسوي كذا واضحك عليه بأنه الزعل للبنات وخاصه اذا كان على إختلاف في الاراء فقط ..
هي هذي المشكله ي أختي
ناس تزعل كل حين والسبب انها محصله ناس تراضيها كل حين بعد
إذن المشكله مو ف الزعلان الحل بيد الطرف اللي يراضي .
يعني اللي يزعل وما يتكلم .. انسان ما يحب النكد وما يحب المشاكل ..
شكرا لكِ
-
-
-
07/05/2018 01:24 PM #14
هوه شوفي أختي نور .الزعل دايما حله فايدة بين الأحباب
ما اللي ينتظر منك زله ويقول في خاطره زين جات من
معها ولا مني. يعني اللي يبا يزعل يركز زعله للطرف
الثاني مؤثر أم لا ..بعدين يزعل.
-
07/05/2018 01:25 PM #15
بعدين الزعل ما للأحباب بس..انا ممكن ازعل حتى تتحقق
مصلحة حلي..حتى في مجال الشغل
-
07/05/2018 01:25 PM #16عضو نشيط
- تاريخ الانضمام
- 01/08/2017
- الجنس
- أنثى
- المشاركات
- 835
-
07/05/2018 01:33 PM #17عضو مميز
- تاريخ الانضمام
- 05/11/2009
- الجنس
- ذكر
- المشاركات
- 3,777
الي اراه اذا زعلت او قاطعت احد اشوف مااحد يعبرك ولايتقر ب اليك او يسألك اش المشكله يخليك لحالك
ههههه
-
07/05/2018 01:40 PM #18
ما شرط انه هي اللي ترجع تصالحه
الرجل نفس الحالة اذا كان يحبها ما راح يتركها
و راح يكسر الكبرياء اللي فيه و العكس صحيح
هذا اذا كان العلاقة بين ذكر و انثى
لكن انا خطابي موجه بشكل عام
سواء من نفس الجنس او من جنسين مختلفين الأمر واقع
و الكبرياء صفة ليست موجودة في الرجال دون غيرهم
فيه بعض النساء بعد عندهن هذي الصفة
تحياتي لك اختي
-
هو فية كلآم ما قالوة الناس "
بيقولوا غبي وانهزامي وما عندة شخصية
وشخصيتة ضعيفة وقليل حيلة "
كلآم الناس واجد بس ماحد يفهم ان العلاقات
شيء عآبر والشيء الي يصير بأي علاقة
اي كانت صداقة اخوة وأي كانت هي مجرد رتوش
ممكن نكبرها ونخليها شيء كبير عشان ما يقولوا
ضعيف وما عندة شخصية .. او عشان نخليها تمر
بسلآم لإن لحظات حياتنا مجرد وقت يمضي ويروح
واحنا جالسين ع الزعلان ويطول الزعل وو او اكون
انا زعلان وانتظر احد يراضيني "
اراضي نعم وخاصة الناس الي لها معزة كبيرة
عندي "لكن ابدا ما استنزل من قيمتي فانا داخليا
احس برضى كبير "
واما عن الوعود في كل علاقة اي كانت مطلوب التنازل
مطلوب الحفاظ عليها بعدم تكرار الأخطاء مرة ومرتين وثلاث"
والوعد هي مبدأ حفاظ على علاقة اكثر من انها تعتبر
شخصية انهزامية ومستغلة في حال الوعد "
...
لكن يا نور "
فية زعل يستاهل نراضي فية وفي اسباب لأ !
لكن يتحدد مع قيمة الشخص الي قدامي فقط "
فحتى لو السبب تافهه وما يستاهل والشخص غالي
جدا عليي وزعلان عليي فانا مستعدة اراضية "
اما اذا شخص ما بذك الأهمية "
ما اعطي اهمية كبيرة للموضوع "
ما اتمننة يرضى كثير "
عموما "
احنا ما نعامل الناس عشان ما يقولوا عنا انا وانا
وانا " احنا نعامل الناس عشان نرضى عن انفسنا "
ما دمنا راضيين عن نفسنا فكلام الناس لا يودي
ولا يجيب "
ومثل ما قادرين يفهوا الناس غلط وبشكل سلبي
هم قادرين يفهمونا بشكل ايجابي ويفهموا ليش
احنا نتعامل مع الناس بشكل ودي "
...
نور "
اخآف فكرة رحيل شخص عن الدنيا وهو زعلآن مني "
ماخذ في خاطرة مني " فجدا تعاملي حذر "
-
07/05/2018 04:08 PM #20
أيلي زعل بكفيـه
خلى كيفـه يراضيـه
وأيلي رحل بشوره
خلى شوره يـرده
الزعل مع البنااات أبيسه
ع كلمة وكلمتين أتشوفهـا وارمه
وتقعف بالمـرة و تغادر سوى كان من الجروب أو من الجلسه
وبوووكذاك طبه لا تراضيه من أيشبع أيرضى
وبسس
وشكـرا
-
-
08/05/2018 08:34 AM #22
ما اعتقد قيمتة الشخص تنعرف وقت الزعل
لان الزعل يعتبر غضب على بعض التصرفات التي صدرت من الطرف الاخر
الرجال معظمهم ما يحبوا يتنازلوا ويعتذروا ليس لأنهم عديمي الاحساس ولكن بسبب فطرتهم والمرأة الذكية تعتذر ولا تعطي الموضوع اكبر من حجمه
في النهاية التطنيش مطلوب في حياتنا
رغم اني انسانة حساسة وازعل بسرعة بس بمجرد التفكير اني انا الخسرانة من الناحية الصحية وغيرها ينتهي الزعل
-
08/05/2018 08:54 AM #23
هلا @noor umri
اذ زعلت اسكت وما اكلم حد لحد م اهدى وانسى وخلصت السالفه
بس اذا اللي مزعلني قريب واجد مني بعد م اهدى اكفخه ويبرد فوادي
مثل ما قلتي بعض م يصدق يصير سوء تفاهم بينهم تحصليه يسب ويفت كل شي
-
-
-
-
-
-
-
مواضيع مشابهه
-
دورة : (تعرف عليك) للأستاذة ريم اللواتية
بواسطة ابو المهند 14 في القسم: سوق الخدمات الأخرىالردود: 16آخر مشاركة: 05/09/2016, 07:59 AM -
هل تعرف من يبكي عليك عندما توافيك المنية؟
بواسطة نديم الروح في القسم: السبلة الدينيةالردود: 18آخر مشاركة: 18/10/2011, 07:40 PM -
هل تعرف من يبكي عليك عندما توافيك المنية؟
بواسطة am reem في القسم: السبلة الدينيةالردود: 12آخر مشاركة: 29/03/2011, 09:02 AM -
هل تعرف من يبكي عليك عندما توافيك المنية؟
بواسطة أميرة الأحمر في القسم: السبلة العامةالردود: 19آخر مشاركة: 20/02/2011, 06:51 PM -
هل تعرف من يبكي عليك عندما توافيك المنية؟
بواسطة علي عادل في القسم: السبلة العامةالردود: 7آخر مشاركة: 03/01/2011, 12:25 PM