طريقة ( الهريس )

[غسق الليل 922]

مرحبا صبايا
يمكن اول مرة أشارك هنا يمكن لضيق الوقت ولكني متابعة لكم,,,


أريد اطلب منكم طريقة عمل الهريسة المضبوطة

بالمقادير والطريقة ,,

شاكرة لكم

[ام ساره والخطاب]

المقادير
- كوب ونص حب هريس
- دجاجة ( انا إستخدمت حجم 1200 جرام ) ويطلع الهريس متماسك أكثر وطعمه ألذ
- ربع ملعقة صغيرة هيل - قرفه - سنوت مطحون
- سمن مقشود ( يفضل المقشود العماني )
- حبتين طماط
- ماي ( بدون تحديد )
- ملح حسب الرغبة
- فنجان رز

الطريقة
- نغسل الحب وننقعه في الماي مدة من ساعتين إلى 4 ساعات
- نقطع الدجاج ونغسله ونسلقه ،،، وأول ما يبدأ يغلي نضيف حب الهريس عليه
- نخلي الطبخة على النار مدة ساعة ونص مع مراعاة إن النار تكون هاااادية ونحركها بين فترة وفترة عسب ما يحترق وطبعا ما ننسى الماي
نضيفه كل فترة وفترة وكل ما حسينا إن الهريس بعده ما منطبخ ،،،
- الدجاج مع الوقت راح يتفتت بروحه ،،، ف ما لازم تطلعوه وتفتتوه وتعبون عماركم
- خلال هالفترة وبعد جوالي ساعة نضيف الرز واللي لازم يكون مغسول ومنقوع في ماي ( الهدف من إضافته هو تماسك الهريس )
- بعد الساعه ونص نضيف الطماط ونرجع نحرك الطبخة
- بعد ما نحس إن الهريس أصبح متماسك نضيف البهارات والسمن ،،، وبعد 10 دقائق نطفي على الهريس ونبدأ نضربه ضرب

[asma al busaidi]

حب هريس على حسب عدد افراد العائله
دجاج او لحم
خرسي حب الهريس قبل طبخه بحوالي ساعتين
ينضج اكثر
بعد الساعتين ركبيه على نار هاديه وحطي عليه اللحم او الدجاج
وكبي عليه بدون تحريك
بعد ما ينضج الحب ضيفي عليه شوي هيل وملح وفلفل احمر اذا رغبتي
مع قطعه صغيره زبده وحركيه باستمرار لين يتماسك زين
اخر شي رشي عليه السمن لعماني
هذي طريقتي واكيد في طرق مختلفه عند الاخوات

[غسق الليل 922]

شاكرة لكم اخواتي ،، ام سارة و أسماء

[صبروامل]

المقادير
- كوب ونص حب هريس
- دجاجة ( انا إستخدمت حجم 1200 جرام ) ويطلع الهريس متماسك أكثر وطعمه ألذ
- ربع ملعقة صغيرة هيل - قرفه - سنوت مطحون
- سمن مقشود ( يفضل المقشود العماني )
- حبتين طماط
- ماي ( بدون تحديد )
- ملح حسب الرغبة
- فنجان رز

الطريقة
- نغسل الحب وننقعه في الماي مدة من ساعتين إلى 4 ساعات
- نقطع الدجاج ونغسله ونسلقه ،،، وأول ما يبدأ يغلي نضيف حب الهريس عليه
- نخلي الطبخة على النار مدة ساعة ونص مع مراعاة إن النار تكون هاااادية ونحركها بين فترة وفترة عسب ما يحترق وطبعا ما ننسى الماي
نضيفه كل فترة وفترة وكل ما حسينا إن الهريس بعده ما منطبخ ،،،
- الدجاج مع الوقت راح يتفتت بروحه ،،، ف ما لازم تطلعوه وتفتتوه وتعبون عماركم
- خلال هالفترة وبعد جوالي ساعة نضيف الرز واللي لازم يكون مغسول ومنقوع في ماي ( الهدف من إضافته هو تماسك الهريس )
- بعد الساعه ونص نضيف الطماط ونرجع نحرك الطبخة
- بعد ما نحس إن الهريس أصبح متماسك نضيف البهارات والسمن ،،، وبعد 10 دقائق نطفي على الهريس ونبدأ نضربه ضرب

اول مره اعرف انه يسووله طماط

نحن مانسويله

[ibtkar]

٢ كوب حب هريس منقوع ف ماي كم ساعه
دجاجًه

حطي ماي وظيفي عليه دجاجً وهيل وقرفه وفلفل اسود ًوملح
وممكن تضيفي ماجي
بعدها ضيفي حب الهريس
لحد م يستوي
وآخر شي ضيفي سمن

[يمامة عسل]

موضووع حلو للفائدة امم

[صبروامل]

هدوء غريب في مائده حواء

بيرجع نشاطكن في رمضان

[روح منسية]

المقادير
- كوب ونص حب هريس
- دجاجة ( انا إستخدمت حجم 1200 جرام ) ويطلع الهريس متماسك أكثر وطعمه ألذ
- ربع ملعقة صغيرة هيل - قرفه - سنوت مطحون
- سمن مقشود ( يفضل المقشود العماني )
- حبتين طماط
- ماي ( بدون تحديد )
- ملح حسب الرغبة
- فنجان رز

الطريقة
- نغسل الحب وننقعه في الماي مدة من ساعتين إلى 4 ساعات
- نقطع الدجاج ونغسله ونسلقه ،،، وأول ما يبدأ يغلي نضيف حب الهريس عليه
- نخلي الطبخة على النار مدة ساعة ونص مع مراعاة إن النار تكون هاااادية ونحركها بين فترة وفترة عسب ما يحترق وطبعا ما ننسى الماي
نضيفه كل فترة وفترة وكل ما حسينا إن الهريس بعده ما منطبخ ،،،
- الدجاج مع الوقت راح يتفتت بروحه ،،، ف ما لازم تطلعوه وتفتتوه وتعبون عماركم
- خلال هالفترة وبعد جوالي ساعة نضيف الرز واللي لازم يكون مغسول ومنقوع في ماي ( الهدف من إضافته هو تماسك الهريس )
- بعد الساعه ونص نضيف الطماط ونرجع نحرك الطبخة
- بعد ما نحس إن الهريس أصبح متماسك نضيف البهارات والسمن ،،، وبعد 10 دقائق نطفي على الهريس ونبدأ نضربه ضرب

أول مرة تمر علي هالطريقة أقصد أضافة العيش والطماط

[نسيم الياسمين]

حتى نحنا ما نضيف للهريس طماطم و عيش

[صمت انسان]

الطريقه ل شخصين :::

كوب حب هريس تقريبا يكفي ونص دجاجه لو صغيره او صدر كبير
خرسي الحب فتره طويله ف كل ما خرستيه كان اسرع ف الطبخ
طبخيه مع ماي وملح وقرفه وحب هيل وهيل مطحون ولو تحبي رشه فلفل اسود شوي وخليه يطبخ ع نار هاديه وشلي الطبقه البيضاااا وبعدين ضيفي الدجاج وخليهن ينطبخن لين ما تحسي ما فيه ماي ضربي الحبه وفتتحي الدجاج بالضرب ولو حابه شلي العظام وشيكي الطعم وممكن تسويله شويه سمن وتضربيه

انا هذي طريقتي بدون اضافات لا ماجي ولا طماط حلاته نفس مال اول وبالعافيه

[ما يشبهونه]

��رائع