باغي يشتري سياره

[Essam Seven]

السلام عليكم كيف الحال
صديقي توه مطلع ليسن وعاد باغي
يطلع سياره مستعجل

فاقترحت عليه تويوتا اي نوع

لكنه يريد يشتري واحد من ذيلا
السيارات بس ماراضي يسمع
نصيحتي


والقايمه لي محضرنها

*النترا سبورت 2017
*سوزوكي جيمني فورويل صغيره
*دودج دارت 2017
*موستانج
*مازدا 3 موديل2015

مالك غير عن رباعتك
شتري لك كورولا احسن


انتو وش رايكم في القائمه اشوفها غريبه
نوعا ما

فإذا هو ما يريد تويوتا
شي اقتراح سياره اقتصاديه
ماتعذبك

[قمر جميرا]

خله يشتري رنج فوج من وكالته

[صهيب الحارثي]

الخياوات متناقضة ، الموستانج ما بيقدر عليه ، الدودج ما تعجبني وكالتهم ، عليه بالسيارات الصغيره
مازدا 2 او 3 ، النترا او اكسنت ، نيسان سنترا بنا ان توه مطلع ليسن، الجيمني خيار ممتاز ، سيارة اقتصاديه وفورويل حل رحلات وزينه حل مواقف

[هيبة صمت]

تو هو بالصح محتار بين هذلا
انا و افتر راسي كيف عاد انت و هو

ع العموم فيه خيارات كثيرة حقيقة و هو له الحرية
ما نقدر نحدد له لأنه من الخيارات اللي طرحها ما واضح ايش ميوله

الموستانج خليه يستبعدها و خصوصا انه هو الحين مطلع الليسن و السبب معروف

عنده خيار انه يشتري كرولا او كامري من التيوتا
من النيسان .. تيدا و سنترا او التيما 2.5
مازدا 6
الدودج انا من الوكالات اللي استبعدها
الجيمني حلوة و خيار افضل اذا كان يحب الاوف رود
و السيارات الكورية الى الحين انا ما مقتنع في جودتهن

[sothelopower]

مازدا 3 محرك 2.0 سكاي اكتيف
افضل اختيار و الالنترا اثبتت نفسها بصراحه
ينتبه لموضوع الثبات و لا يصير تحن على راسه بسيارة غاليه لا مواصفات و لا ثبات و لا راحه تجني على الرجال ليش يا خي