- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 50
الموضوع: تفصيل العباءة - عبايتي جوده وارخص
-
20/03/2018 10:14 AM #1عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
تفصيل العباءة - عبايتي جوده وارخص
السلام عليكم ايها الاخوه والاخوات حبيت انقل لكم بعض المعلومات حتى يستفيد الناس وخاصة النساء في تفصيل العباءة
ان البعض لما تفصل عباءة تقول عبائتي جودة ونفس الوقت ارخص وبعضهن تقول عبائتي جوده وغالية ويقاس هذا على حسب المكان ان هذا المحلات ارخص عن بعض المحلات او ان الشخص اعرفه وعطاني قيمه ارخص وهذا ثقه وتفصيله رائع او خذيت من معه كمية اكبر وهكذا ولاكن بعض النساء مخدوعات والخياط يستغل جهلهن من هذه النقطه ومسكينه وهيه على نياتها وحسبت نفسها انها تغلبت عليه وما قدر لها في الجدال ولاكن الحقيقه هو الخادع وهيه المخدوعه ومن اجل هذا انا اكتب هذا الموضوع حتى تعرف النساء كيف طريقة الجدال الصحيح ؟؟؟
الاخطاء التي وقعت فيها النساء لما تروح الخياط تقول اريد اشتري هذه العباءه او مثلها او اريد افصل عباءه بهذا النوع واريد التطريز يكون فيها كذا وكذا وعاد تبدء تجادل لحد ما تقتنع في السعر وتروح البيت وتنظر لحد ما ينتهي تفصيل العباءة وتروح تستلمها وكذا يكون قد فصلت بسعر جيد وجوده يعني العملية ناجحه وكل مره كذا تسوي ؟؟
اولا يجب عليك معرفة بلاد الصنع للمنتج لان هذا يحدد السعر الحقيقي للعباءه وحسبي المتر بالمفرد كم والجمله بكم ، كيف بلاد الصنع يحدد سعر العباءة ؟؟ يعني الوحده لما تروح محل الخياط مثال : تقول اريد افصل عباءة نوعه قطر الندء ثم يقولها بالقبمه على حسب المقاسات .. هنا يقع الخداع لان نوعية العباءة قطر الندى تنتجه 5 مصانع او اكثر وكل مصنع يختلف سعر المنتج لان قطر الندى درجات شي درجة اولى وثانيه وثالثه ورابعه وخامسه فالخياط يبايعك قطر الندى من الدرجة الرابعه وهو اقل جوده والارخص بنفس قيمة قطر الندى الاولى وهنا يستغل جهلك لهذا لانك انتي تظني ان هناك قطر الندى نوع واحد وسعر واحد وهاكذا مع سائر الانواع
ثانيا معرفة التفصيل وحده بدون الخلق بكم ؟؟ يعني الخلق انتي راح تشتريه من محل اخر ؟؟ و الساده بكم والاضافات بكم ؟؟
ووكذالك مع الاضافات اساليه عن بلاد الصنع واي درج هذا ؟؟ كالزري والفص وغيره
ثالثا تزوري اكثر من 5 محلات متفرقه وتشوفي الاسعار وتخبريه انك انتي جالسه تزوري المحلات حتى تقارني بين الاسعار ؟؟
وكذا يظهر ذكائك وخبرتك ويحسب لك الف حساب لانك فاهمه ما راح يخدعك لانه يخاف تكشفيه فبيعطيك السعر الحقيقي وراح تكسبي الجوده والنوع المطلوب والسعر الحقيقي والنظره المحترمة من قبل الخياطين لان راح تتغير نظرتة لك لان قبل يقول هذه غبيه واخدعه والان بيقول هذه داهية وذكيه ما اقدر لها
-
مادة إعلانية
-
صباح الخير..
اخي الكريم..
ارى ان الموضوع مناسب هنا..
لـ اطلاع اخوتي مشرفين القسم..
-
20/03/2018 11:54 AM #3
-
20/03/2018 12:05 PM #4
السلام عليكم ورحمه الله وبركاته
نعم انه ماقصرت
وانه غافلين عن امور المتر بكم وكم نوع يجي
الا وبعد يعطينا سعر واحنا ننزل من القيمه بس كذا بدون مانعرف
هل حقيقي السعر او انقص علينا
-
20/03/2018 12:26 PM #5خاطر
- تاريخ الانضمام
- 29/01/2018
- الجنس
- أنثى
- المشاركات
- 46
صراحة موضوع مفيد..وبالفعل اذا رحتي بنفسك واخذتي الخام بتحصليه لا يتجاوز العشرة ريال
بعكس محلات العبايا...ياخذ دبل للسعر
تسلم اخي طارح الموضوع...
-
20/03/2018 12:30 PM #6عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
شكرا --- راح توصل لكم التفاصيل فيما بعد جاينكم العيد
-
20/03/2018 01:27 PM #7عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
افضل نوع
المرتبة الاولى / يابان - قيمة الطاقة الواحده يتراوح ما بين 28 -29 - 30 - 32 ريال عماني - الطاقه فيها 24 متر تقريبا
المرتبة الثانية / الهند - قيمة الطاقة الواحدة يتراوح ما بين 26 - 27 ريال عماني - الطاقه فيها 24 متر تقريبا
المرتبة الثالثة / كوريا - قيمة الطاقة الواحدة يتراوح ما بين 24 - 26 - 27 ريال عماني - الطاقة فيها 24 متر تقريبا
المرتبة الرابعة / الصين ( شاينا ) - قيمة الطاقة الواحدة يتراوح ما بين 16 - 18 -20 ريال عماني - الطاقة فيها 24 متر تقريبا
الشيلة افضل نوع
المرتبة الاولى / اندونيسيا - قيمة الطاقة الواحدة يتراوح ما بين 56 - 54 - 48 - 46 ريال عماني - الطاقة فيها 85 متر تقريبا
تجي شيلة نوع الصيني ( شاينا ) ولاكنه سيئ يعني ما ينفع
كيف تعرفي بلاد الصنع والطاقة كم متر فيها ؟؟ هذا في محلات الجملة تلاقي جميع الانواع وهناك تعرفي تميزي الفرق بينهن لما تشوفي جميع الانواع وتعرفي تقارني فيما بينهن من خلال الملمس تلاقيه مكتوب بلاد الصنع والمتر في الطاقة بنفسها واذا ما حصلتها حتى تساليه عن مكان كتابة الصنع والمتر ...
سعر التفصيل ساده يعني بدون اي اضافات ...؟ يختلف من مكان الى اخر
مثال مطرح ارخص شي ما بين 4 - 5 ريال والخوض تقريبا 8 ريال والمعبيلة 10 والخوير الله يستر وهكذا
سعر تفصيل الشيلة بالجملة من 0.300 الى 0.500 بيسة واذا بالفرد 1 ريال او 1.5 ريال او 2 ريال
الشيلة قياسها 2 متر تقريبا
العباءة لبنت طولها 60 تقريبا 4 متر
العمال الذين يشتغلو في العباءه هم عمال يكونو في المحل او خارج المحل يعني اذا معه زحمه ياخذ عباءتك مع المقاسات ويعطيها شخص ما معه زحمه سواء لمحلات المجاورة او الذين يشتغلوا في المنازل وياخذ منهم فايده وهكذا
عاد الحين عملية حسابية كيف تحسبي قيمة عباءتك ؟؟؟
نحن نختار اجود نوع وهو اليابان
الطاقة فيها 24 متر
سعر الطاقة 32 ريال
الحين نحسب المتر الواحد كم ؟؟ نستخدم عملية القسمه
32 ÷ 24 = 1.3 ريال
نحتاج 4 امتار لعباءة وحده نستخدم عملية الضرب
1.3 * 4 = 5 ريال
يعني قيمة الخلق 4 امتار لعباءة وحده بدون تفصيل 5 ريال
الحين نحسب قيمة الشيلة بنفس الطريق السابقة ..
نختار اندونيسيا اجود نوع
الطاقه فيها 85 متر
سعر الطاقة 56 ريال
85 ÷ 56 = 1.5 ريال
نحتاج لمترين الشيلة الوحده 3 ريال
الحين نحسب ///
التفصيل 10 + الخلق الياباني 5 ريال + الشيلة اندونيسيا 3 ريال + تفصيل الشيلة 2 ريال = 20 ريال قيمة اجود نوع عباية النوع ياباني سادة مع اعلى سعر بالتجزءه بدون مجادلة
-
20/03/2018 01:41 PM #8عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
انا اخترت اعلى سعر واجود نوع وبدون تخفيض ولا مجادلة وبالتجزءة وطلع السعر 20 ريال
يعني اذا اخترت اقل سعر واقل جوده وتخفيض ومجادلة وبسعر الجملة كم راح يكون عاد هذه كل وحده وتحسب ...
طبعا انا كتبت في اشياء تقريبي واذا يختلف بيختلف شي بسيط جدا جدا
-
20/03/2018 01:43 PM #9عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
طبعا يكفي انك لما تخبري الخياط بهذه المعلومات وتشرشحيه منا ومنا راح يفك حلقه ويقولك زين ماما زين مدام زين اختي شيلي عباءة واحد 5 ريال
-
20/03/2018 01:50 PM #10
صراحه معلومات قيمه ومفيده
عن نفسي اكثر شي نجادل الخياط اذا كان فيه تزاين
بدون مااننتبه للخام والصنع والمتر والسعر الحقيقي
-
20/03/2018 02:03 PM #11
معلومات اول مرة اعرفها...بس الهنود يلي معنا زين يعرفوا يفصلوا
-
20/03/2018 02:11 PM #12محظور
- تاريخ الانضمام
- 12/04/2016
- الجنس
- ذكر
- المشاركات
- 1,270
اشوف دموع عضوات السبلة تسكب ف الأرض ...
طلعت العباءة إللي مفصلتنها ب 80 ريال قيمتها الحقيقية 20 ريال
والغم القماش درجة رابعة أقل جودة
الله يهديك أبو أركان السليمي قلبت المواجع
آخر تحرير بواسطة منبع الخيرات : 21/03/2018 الساعة 09:39 AM
-
20/03/2018 03:51 PM #13عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
اذا اشتريت خلق جلابيه وبطان!!!
واشتريت خلق عباءه !!!
ورحت المحل افصل الجلابيه مع بطان ساده 3 ريال
ورحت محل اخر افصل العباءه بدون بطان وساده اقل شي 4 ريال !!!
الحين نريد تفصيل بدون خلق لان الخلق انا اشتريته
والتفصيل يكون ساده ؟؟ هذا لغز من تحل اللغز حالها هديه ؟؟!!! بامكان الاستعانه بالخياط في البحث عن الاجابه ؟؟
-
20/03/2018 03:54 PM #14عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
يعني كيف هذا جلابيه + بطان ب3 ريال
والعبايه اقل شي وبعد اذا حصلتي 4 ريال
هذا نتكلم عن تفصيل الساده عاد كيف لو اضافات هناك الحشره ؟؟؟؟@!!!!! :-) :-) :-) :-)
-
20/03/2018 04:42 PM #15
شكلك معك محل عبايه
-
20/03/2018 05:32 PM #16
-
20/03/2018 07:04 PM #17عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
بعض المحلات من حقهم يرفعو قيمة العباءه لان هناك اعتبارات مثال ايجار المحل غالي وخياطين اصحاب خبره شي ولاكن قليل يعني خياط درجه اولى .. وهذا تلاقيهم في الاماكن VIP وبعضهم يرفع القيمه حتى يظن الواحد من خلال رفعه للقيمه ان محله غالي ومكان خاص واغراضه خاصه وعماله خاصين وهذا ما يكون دائما صحيح بعضهم يوهم الزبون وبعضهم حقيقي وكثير من النساء يفصلن سوق مطرح رخيص ويضبطو الخياطه هذا على حسب كلامهم لان العمال كسبو خبره بسبب ازدحام الشغل معهم
-
20/03/2018 07:09 PM #18عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
الخياط تعطيه للتفصيل عباءه وحده مثال 5 ريال هو بياخذ عباءتك للشخص الذي يخيط ويعطيه 2,500 يعني هو ما مشتغل شي وياخذ نص قيمة التفصيل واذا كان التفصيل 10 ريال صاحب المحل ياخذ 5 ريال والخياط ياخذ 5 ريال صاحب المحل اقصد الفورمن هذاك الذي ياخذ القياس ..
-
20/03/2018 07:11 PM #19عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
طبعا الخياط والفورمن بينهم اتفاق ...
ولاكن ليش العباءه تفصيلها اغلى من الجلابيه انا اعرف الجواب ولاكن اتركه لتحريك العقل ...
-
20/03/2018 07:18 PM #20عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
كيف تعرفي سعر الاضافات ؟ سهل بنفس طريقة تفصيل العباءه بلاد الصنع وكم نوع والجوده يعني اي درجه
مثال اذا قال الفص من الصين والصين كم مصنع فيها لتنتج مثل هذا الفص وكل مصنع يختلف الجوده واذا اختلف الجوده اختلف السعر
-
20/03/2018 07:37 PM #21عضو نشيط
- تاريخ الانضمام
- 10/01/2018
- الجنس
- أنثى
- المشاركات
- 176
ما شاء الله
معلومات قيّمة
بارك الله فيك
-
20/03/2018 09:00 PM #22
زين تثقف الحريم وخاصه في عبايات
لأنه كل أسبوع اكثريهن يفصلن
والكبت يشتكي منهن
-
20/03/2018 09:07 PM #23
-
20/03/2018 11:36 PM #24
ما بس انتي تقدري تقولي 99%من الحريم نفس المرض الي معك
وعبآيات تو أشكال وإلوان غريبه يارب سترك ورحمتك بس @الهمس الاخير
-
20/03/2018 11:58 PM #25
والله ياخوي وش نسوي هذي الدنيا عيل عباءة ولا ذهب بيفتقر الفقير الزوج.بس ما اشكال وانواع الحمدلله نلبس عبايات محتشمة..
-
21/03/2018 11:23 AM #26
-
21/03/2018 02:19 PM #27
-
22/03/2018 10:16 AM #28
حقيقة موضوع جدا مهم
أتمنى من الجميع الإستفادة
شكرا لك طارح الموضوع
-
23/03/2018 07:30 PM #29
موضوع جميل جدا ابو ركان
شكرا وبارك الله فيك
-
24/03/2018 10:25 AM #30عضو جديد
- تاريخ الانضمام
- 08/03/2017
- الجنس
- ذكر
- المشاركات
- 80
السبب وراء رفع سعر تفصيل العباءه اكثر من تفصيل الجلابيه على حسب كلام الخياطين
هناك سببين ؟؟؟!!!
الاول : هو ان العباءه ملمسه خفيف سلس وصعوبه في القص
الثاني : ان لونه اسود وياثر على العين في الخياطه
هذا الاسباب ما مقنعات في رفع السعر لان كم من ملابس غير العباءه ملمسها خفيف وسلس ولونهن اسود وما ارتفع السعر
ولاكن هناك اعتبار مهم مثل ما قالي احد المخضرمين القديمين قال اذا المراه عجبها شي بتاخذه حتى ولو 100 ريال ما تبالي همها المظهر وما همها المخبر .
مواضيع مشابهه
-
[ معروض ] غرفة نوم تفصيل ذات جوده عاليه مستخدمه فتره بسيطه
بواسطة قمر الباطنه في القسم: الأثاث والمفروشاتالردود: 1آخر مشاركة: 20/05/2016, 02:29 AM -
[ معروض ] عبايتي سر اناقتي
بواسطة stage في القسم: قسم الشيل والعبايات وملابس الاطفالالردود: 2آخر مشاركة: 04/08/2015, 10:16 AM -
عبايتي عبايتي عبااايتي
بواسطة الكونتيسه في القسم: الاستفسارات والاستشارات الحوائيةالردود: 17آخر مشاركة: 05/11/2012, 03:25 PM -
المشكلة ... في عبايتي
بواسطة zyooona في القسم: قسم حوارات ونشاطات حواء الجادهالردود: 31آخر مشاركة: 20/09/2011, 07:14 PM