- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 24 من 24
الموضوع: تنظيم حفل حول حول
-
20/02/2018 08:23 AM #1عضو مميز
- تاريخ الانضمام
- 17/11/2008
- الجنس
- أنثى
- المشاركات
- 1,652
تنظيم حفل حول حول
هلا حوائيات. اخباركم؟
اريد مساعده لو سمحتوا. ابي اعمل حفله حول حول لتوائمي. وماجالي اعمل قبل ولا اعرف شو مراسيم هالحفله. اذا ممكن وحده تخبرني. وايضا اريد قاعه او مزرعه او مكان مناسب للحفله وناس تنظملي التوزيعات وثيم الحفله من بالون وغيره. اللي تعرف تكتبلي بليز
-
مادة إعلانية
-
20/02/2018 08:52 AM #2
سبحان الله كأنك تتكلمي عني
اريد ارتب حول حول لبنتي
فكرتي حاليا اسوي طاولات ارضيه وحواليها وسايد للجلوس ف حوش البيت لانه كبير
بس ع وقت الغدا يعني عيش وحلويات مابسوي بوفيه فيه توزيعات للبنات والاولاد والحريم بس ما اعرف شو نوع التوزيعات بعده قيد التخطيط
فيه حسابات يبيعوا ثيمات اعياد الميلاد ع الانستجرام لو حبيتي اعطيك اياهم بس الافضل انك تروحي مطرح كل شي موجود فيها
-
20/02/2018 09:06 AM #3عضو مميز
- تاريخ الانضمام
- 17/11/2008
- الجنس
- أنثى
- المشاركات
- 1,652
انا بتكون عندي المناسبه شهر 4. احس بيكون حر شوي ومايناسب برا. واسكن في شقه صغيره وماتكفي. فعشان كذا افكر اعمل مكان خارج البيت.
مقيميه شو يعملون بحفل الحول حول اصلا!!
-
20/02/2018 09:17 AM #4
هلا ام ميرال
حول حول عادة اجتماعية منتشرة وهي عبارة عن مناسبة تقام لما يكمل الطفل السنة من عمره ويلبسوا الدشداشة العمانية والكمة للبنين واللبس العماني التقليدي للبنات
ويستحب يكون لونه اخضروفيها نقوش جميلة
الطريقة يمكن تختلف من مكان لاخر بس معنا يكون كالتالي
الطفل يا اما يجلس بروحه او تجلس معاه امه او وحدة من حريم الاهل القريبات ويلحفوه بالشال الاخضر
وحوالينه يوقفوا الاطفال دار مدار
وبعدها ينثروا الفراخ البوب كورن مع بعض الخماسين والحلويات والشاكليت على راس الطفل ويكون الصباح طبعاً ولا تنسوا اغنية الحول حول يا صغيري
والظهر يكون الغداء
وبعدها توزيع الفراخ والحلوى على الحضور
-
20/02/2018 09:40 AM #5
بودي سباركلز ماقصرت جاوبتك
-
20/02/2018 10:24 AM #6عضو مميز
- تاريخ الانضمام
- 17/11/2008
- الجنس
- أنثى
- المشاركات
- 1,652
جميل جدا. اتخيا التوائم بالدشداشه خخخخخ.
حد يعرف حسابات تنظم هالاحتفاليه من توزيعات وبالونات و ثيم وخلفيه للاستوديو وغيره لان افكر اجيب مصوره تاخذلنا صور حلوه للحفله
-
20/02/2018 03:57 PM #7
حول حول بنتي كله سويته ونظمته بروحي
مايحتاج تدوري من ينظمه ترا الموضوع بسيط جدا
"الأستوديو" فصلت استاندات عند الحداد صناعيه المعبيله
وخذيتله قماش وخذيت ليتات مثل مال الأعراس ونزلتهم ع طول القماش
وفصلت قواعد لقوس البالون وخذيت أنبوب أسود تبع تسليكات الماي وشكلته مثل القوس ثبته عالقواعد
والبالون خليت شباب العيله ينفخوا ويثبتوهن عالأنبوب المهم هذا أستوديو وف نفس الوقت كان خلفيه لحفلة الميلاد
وفيه محلات يأجرون القواعد تبع القوس بس بصراحه غالي جدا
"البلالين " خذيتها من محل بلالينو عندهم نوعيه ثقيله وفيها لمعه
ديكورات عيد الميلاد بروحي صنعتها شفت من اليوتيوب وطبقت عليه
الحول حول مثل ماقالت بودي سباركلز وبعد الحول وزعنا عالأطفال توزيعات
" التوزيعات " عباره عن ألعاب وحلويات وزعتهم ف أكياس تبع أعياد الميلاد
خذيتهم م السيب فيه محل يبيع ألعاب بالجمله
العصر كان حول حول للأطفال وقهوة للجيران
بعد المغرب عشاء للأهل وبعدها حفلة الميلاد والكيكة
-
21/02/2018 02:54 PM #8
آخر تحرير بواسطة البسمة الدائمة : 22/02/2018 الساعة 12:37 PM
-
22/02/2018 12:51 PM #9
-
22/02/2018 01:04 PM #10
اختي شوفي هالحساب في الانستا
شغلهم واايد حلو وحدة من اهلي منظمة الحفلة عندهم
gladness4016@
-
22/02/2018 01:58 PM #11عضو مميز
- تاريخ الانضمام
- 17/11/2008
- الجنس
- أنثى
- المشاركات
- 1,652
مشكورات ماتقصروا فديتكم.
البسمه الدائمه من وين السلل حبيتهم كثير.
-
22/02/2018 02:06 PM #12
قصدك الي فيه وردي نسميه قفير نحن هذا مال عمتي هي مسوتلهن تلبيسه نستخدمهن وقت الحول حول وباقي الاشياء الي تشوفيهن من سوق فنجا وتحصل قفران في سوق فنجا بعد
بس اذا عندك حد فالعيله مال ترتيب ما يحتاج تجيبي حد يرتبلك نحن ركن الحول الحول والعيد ميلاد وحدنا نرتب بنات العيله كلهن يتجمعن وما شاء الله لكل يعجبه الترتيب بس نستاجر القوس والبالونات
والخلفيه نسويها برنت
-
22/02/2018 03:28 PM #13
القفير انواع واشكال بتحصليهن في الياس
موفقة ان شاء الله ولا تنسي تعزمينا
-
25/02/2018 10:26 AM #14عضو مميز
- تاريخ الانضمام
- 17/11/2008
- الجنس
- أنثى
- المشاركات
- 1,652
حاضرين بودي سباركل. تشرفينا وتنورينا والله
خلاص بمر الياس واشوف الانواع وباذن الله احاول ارتبه وحدي.
-
25/02/2018 11:19 AM #15
صح كلام الاخوات
احلى شي الترتيبات تسوينها بالبيت بروحك...والله تستمعي بها ..
انا سويت السنة الماضيه حول حول بنتي...
فصلنا خشب مربع وخليته كخلفيه..كاستيديو..وركبت عليه قماش بريسم اخضر اللون...وحطيت عليه ليت مال الاعراس..
استأجرت زوالي ومخدات ووزعتهن ع طول الحوش ..معي بالحوش مرجحانه زينتها بورد اصنطاعي..الحوش حطيت فيه بالونات وعلقتهن فيه..
سور البيت حطيت عليه بالونات..
وزعت تاجات ميني ماوس ع البنات اللي حاضرات الحفله
رتبت فلاش بأغاني حول حول يا صغيرين ..واغاني واناشيد ترحيب بالضيوف وبعدين اغاني العيد ميلاد والحول حول وبعدين اغاني خليجيه
عملت ركن خاص وسميته بدكان حبوه استخدمت القفران وحطيت المينو والشيبس فيه وع الطاوله حطيت ايسكريم حبوه والسقايات المثلجه وكل شي من مطرح حلويات زمان
بعد حطيت قهوه للحريم عبارة عن سمبوسه بانواعها ومندازي ومن هالاشياء والقهوة
طبعا دكان حبوه كان للاطفال ياخذوا منه والقهوة للحريم
استئاجرت فقط مكينة شعر البنات
لان الفراخ كنت مسوتنه ومجهزتنه
قبل المغرب سوينا الحول حول ...ومرينا عليهم بالقهوة والحلوى ..
وجاء العشا وكنت مسويه بوفيه ..
والتوزيعات كانت عبارة عن قطعة قماش غلفت فيها مستلزمات كل بنت مثل تاج وربطة شعر مناكير شباصات صغيره وهكذا
كانت التوزيعات بنوتيه بكل ما تحمله الكلمه
وللامهات وزعت عليهن شيله بيضاء للبيت
وللحريم كبيرات العيله ..كانت هديتهن شوي مميزه مع الشيله عطيتهن بوكيه ورد بسيط.
والحمدلله الكل طلع من عندنا وهو مستانس ومتفاجئين انه الترتيبات سويتها اناوزوجي وبروحنا بدون تدخل اي حد
-
25/02/2018 12:32 PM #16
-
25/02/2018 01:15 PM #17
بحاول من الفون
-
25/02/2018 01:18 PM #18عضو مميز
- تاريخ الانضمام
- 17/11/2008
- الجنس
- أنثى
- المشاركات
- 1,652
شي جميل. بس في اشياء تفصلينها وبعدين ماتحتاجين لها. مثل وقت الولاده شريت استاند وصواني ومادري ايش ومااستفدت منهم الا لفترهالنفاس واحين حاطتها صوب. بعدني بشوف كيف الترتيبات بتصير لان يبالها وقت بعد
من وين ممكن استاجر مكينه غزل البنات وكم كلفتها؟؟ وناويه اسوي ركن للايسكريم بعد
وهل تعرفو حد ممكن يجي البيت ويسوينا خبز رخال؟ افكر اسوي ركن للرخال يسوه حار حار حسب الطلب ولا شو رايكم؟؟
-
25/02/2018 01:30 PM #19عضو مميز
- تاريخ الانضمام
- 13/09/2014
- الجنس
- أنثى
- المشاركات
- 3,595
المرتعشة الذهبيه
-
27/02/2018 03:35 PM #20عضو نشيط
- تاريخ الانضمام
- 23/08/2017
- الجنس
- أنثى
- المشاركات
- 133
هلا عزيزاتي تابعوا حسابنا حاليا عاملين عروض ل تنظيم الحفلات
الحساب ع التوقيع.. دمتم بود
-
06/03/2018 09:26 AM #21
عن تجربه مع احد ممتاز يعمل بأدق التفاصيل وافضل سعر
افضل شيء العمل والسعر
هذا الانستجرام وفي التفاصيل والصور
https://www.instagram.com/hennatime4u
-
06/03/2018 01:19 PM #22
ماشاء الله أفكار حلوه حبيبتها بس عاد انا خلصت حول حول ولدي كان جدا بسيط لان عائلي بحت مش كل العائله بس خواني وخوان زوجي
لان بشكل عام سويت كبير للبكر بس بس الباقيين عائلي سويتلهم
كان ثيم سبايدر مان والبنات صوفيا
توزيعات بعد للبنات غير عن الأولاد استاند سويت بلون نص احمر ونص بنفسجي
والكيك بعد نص بنفسجي ونص احمر لان كنت مشتركه مع بنوته بعد حول حولها
طبعا الخلفيه ماسويت قماش هالفكره راحت من بالي بس سويت قوس البالون واسمائهم بالبالون الاحرف ووسطه جبت بالون رقم 1 وعبيته هيليوم وع جانبيه بالونتين حمرات وبنفسجيه
وعلقت ليت بس فيه ثلاث صور لاطفال بمراحل مختلفه هيه لما مولد ولما عمره سته شهور ولما عمره سنه
طبعا كذاك الطاوله سويت فيها فرش بنفسجي واحمر
سويت كب كيك
وفراخ وماي وتيشو وطبعا الثيم خليته يكون فيه صورهم
تحت خلينا قماش البيض للتصوير كخلفيه
التنظيم انا وحمياتي الثنتين كان واجد حلو مع انه عائلي بحت
العشاء كان عيوووش
مع القهوه والحلوى والعصاير
وسلامتكم
-
11/03/2018 01:23 PM #23عضو مميز
- تاريخ الانضمام
- 17/11/2008
- الجنس
- أنثى
- المشاركات
- 1,652
@NOURIYA اختي من وين استاجرتي الطاولات الارضيه؟ واريد كراسي لللايجار بعد!
حد يفيدني من وين احصل ع مكينه غزل البنات!!
-
12/03/2018 10:31 AM #24
@um meral
حبيبتي ما استاجرت طاولات ..ولا كراسي...
بس تقدري تشوفيهن في محلات تجهيز الاعراس يوفرون كل شي معهم
انا فرشت الحوش سجاد...ووزعت الارضيه بالمخدات ...
مكينة غزل البنات لو تشتريها لك تلاقيها ف التنين
اما لو تريديها ايجار تلاقيها مع التاجرات او محلات تاجير مستلزمات اعياد الميلاد
مواضيع مشابهه
-
[ معروض ] وداعا لعم تنظيم المطبخ حامل المكانس وادوات النظافه فى مكان واحد تنظيم جيد
بواسطة ايموفافا2006 في القسم: سوق السلع الاخرىالردود: 141آخر مشاركة: 10/03/2018, 03:37 PM -
تنظيم أعياد الميلاد للأطفال ، تنظيم حفلات خاصة ، تنظيم فعاليات عامة. تواصلوا معنا.
بواسطة ساينو الخليج في القسم: سوق الخدمات الأخرىالردود: 10آخر مشاركة: 13/01/2015, 11:32 AM -
تنظيم أعياد الميلاد للأطفال ، تنظيم حفلات خاصة ، تنظيم فعاليات عامة. تواصلوا معنا.
بواسطة ساينو الخليج في القسم: سوق السلع الاخرىالردود: 0آخر مشاركة: 17/07/2014, 03:18 AM -
تنظيم أعياد الميلاد للأطفال ، تنظيم حفلات خاصة ، تنظيم فعاليات عامة. تواصلوا معنا.
بواسطة ساينو الخليج في القسم: السبلة العامةالردود: 2آخر مشاركة: 24/06/2012, 11:06 AM