1-Click Setup for WordPress, Drupal & Joomla!
 
رؤية النتائج 1 إلى 29 من 29

الموضوع: طلب مشورة

  1. #1
    تاريخ الانضمام
    14/03/2016
    الجنس
    أنثى
    المشاركات
    95

    افتراضي طلب مشورة

    مرحبا اخواتي في سبلة حواء..
    اريد اعطيكم موقف صار لربيعتي الاسبوع الماضي ..جايه تشاورني بس بصراحه ما عرفت شو ارد عليها..
    المهم سمعن مو تقول..
    انه معها اولاد وفي بيت وحدها تسكن بعيد عن زوجها..يجي زوجها مال يومين في الاسبوع ..وهي بصراحه تنتظر الخميس بفارغ الصبر تنظف البيت وتجهز اولاده وتسوي العشاء اللي يحبه ..
    وتتكشخ له وتلبس غاوي ..ولكن الزوج ابدا ما يلاحظ هالاشياء كانه عادي ساكن معهم ولا شي جديد..حتى كلمه حلوة ما شي..
    صديقتي جدا متواضعه ما تطلب منه شي فوق طاقته وكثير تساعده وحتى لما يتأزم ماديا تعطيه بعض من ذهبها او فلوس عشان يمشي اموره..ولكن كانك تنفخ في جدار ..
    فيه مرة استوى موقف معها وعصبت عليه وما كلمته قالها بنروح عند امي وسوقي عني لانه راجع من العمل ..الحرمه سمعت الكلام والا تتفاجا انه راكب وراء عند الاولاد وخلى البنت تركب عند الام قدام..ما كلمته وعصبت عليه كثير لانها جالسه تنتظره بفارغ الصبر لحد ما يوصل البيت ..وعادي عنده الامور طيبه كانه ما مسوي حاجه ..وربيعتي اعتبرتها اهانه حالها ..وهو يقول عادي نغير ما كل يوم قدام..

    ما موقفكن من هالتصرف؟؟
    وهل تقبلي لو زوجك تصرف معك نفس التصرف؟؟

  2. #2
    تاريخ الانضمام
    14/03/2016
    الجنس
    أنثى
    المشاركات
    95

    افتراضي

    وبعد عادي معه رجع الدوام وبدون ما يراضيها باي كلمه ..بس قالها تراه واجد حساسه

  3. #3
    تاريخ الانضمام
    11/06/2015
    الجنس
    أنثى
    المشاركات
    9,521

    افتراضي

    كم عمر زواجهم
    وعدد عيالهم
    هل جلست مع زوجها
    تناقشت معه وأسباب تعامله معها
     التوقيع 







    نحنُ أصحاب الأرواح السّبع،لقد مِتنا ألاف المرات دُون أحداثِ ودُون عزاء !*
    ربي أسألك شفائك

  4. #4
    تاريخ الانضمام
    02/05/2009
    الجنس
    أنثى
    المشاركات
    594

    افتراضي

    بعض الازواج عندهم بروود في إظهار مشاعرهم وحبهم إتجاه الحرمه واتوقع لو ناقشته وكلمته بيقولها عادي ترا احبك وما ادري شوو بس هو طبعه ما يظهر هالمشاعر وجاف جدا..
    بس الافضل تناقشه وتصارحه ولا تسكت لانه من حقها تشوف حب زوجها وشوقه لها
     التوقيع 
    دائما يستهلكون: مشاعري , افكاري , روحي , حياتي........

    يملؤؤن انفسهم بها....... يتركوني وحيده....... ويرحلون..


    بآآآآآحثه عن عمل بمؤهل جامعي

  5. #5
    تاريخ الانضمام
    29/02/2016
    الجنس
    أنثى
    المشاركات
    2,625

    افتراضي

    السلام عليكم
    يا اختي جاوبيني على هالاسئلة من فضلك
    هل الزوج عنده عادات سيئة؟!
    هل يشرب او مدمن مخدرات؟!
    ويش هي الصفات الحسنة اللي لاحظتها الزوجة في زوجها خلال سنوات الزواج؟!
    @فرح اليقين
     التوقيع 
    الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

  6. #6
    تاريخ الانضمام
    03/05/2016
    الجنس
    أنثى
    المشاركات
    2,226

    افتراضي

    حبيبتي خليها تجلس معاه وتناقشه
    لاتخلي الامور تتراكم بينهم عشان لا توصل لباب مسدود

    ثاني شي
    خلها هي تبادر في المدح والاطراء
    وشوي شوي تسأله عن رايه ف لبسها ميكبها اغراضها كذا يعني حبه حبه لحد ما يتعود هو يبادر من نفسه

    هالنوع م الرجال يبيلهم بارض وذكاء في التعامل
    وطولة بااااااااال
    لحد مايتغير
    بس نصيحه لا تخليها تسكت
    وتتفاهم بعقل وحكمه مو بصراخ وعناد

    الحياه محتاجه شوية تنازلات ومنا ومناك وتمشي بإذن الله

    الله يألف بين قلوبهم ويسخره لها
     التوقيع 
    استغفر الله العظيم الذي لا اله
    الا هو الحي القيوم وأتوب إليه

  7. #7
    تاريخ الانضمام
    29/11/2011
    الجنس
    أنثى
    المشاركات
    4,304

    افتراضي

    هي ادرى بعلاقتها مع زوجها احنه ماعندنا فكره حتى عن ابسط الامور كيف تريد مشورة شخص مايعرف عنهم غير الي سمعه منها فقط

    اذا ف موقف بسيط ماعارفه تحل مشكلتها رغم اني ما اعتبرها مشكله لو تجلس بكل هدوء وتناقشه بتفهم الي تريد تفهمه وبتعرف الاسباب ابدا لاتضم شي ف خاطرها خل تناقشه ترا الرجال مايفهم حركات زعل ما زعل تكلمه مباشره بكل هدوء وخلها تاخذ وتعطي بالكلام
     التوقيع 
    لا اله إلا الله محمدا رسول الله

  8. #8
    تاريخ الانضمام
    29/11/2011
    الجنس
    أنثى
    المشاركات
    4,304

    افتراضي

    اقتباس أرسل أصلا بواسطة بودي سباركلز مشاهدة المشاركات
    السلام عليكم
    يا اختي جاوبيني على هالاسئلة من فضلك
    هل الزوج عنده عادات سيئة؟!
    هل يشرب او مدمن مخدرات؟!
    ويش هي الصفات الحسنة اللي لاحظتها الزوجة في زوجها خلال سنوات الزواج؟!
    @فرح اليقين
    يووووه وصلت مخدرات ما مخدرات
    هذي النتيجه لماتشاور ناس لاتعرفك ولاتعرفها
    ابسط الامور تشاور فيها فلان وعلان
    خبري صاحبتك البيوت اسرار تحافظ ع علاقتها مع زوجها بذكائها وفطنتها وخبرتها بسنوات زواجهم مثل ماقالت الاخت جوري. السلطنه تسأله شو رايك بلبسي شو رايك ببخوري وكذااااا والحياه اخذ وعطا يا حبيبتي. ما كل شي ينقال للغير والنقاش مع الزوج خير من طلب المشوره من اشخاص غرباء
     التوقيع 
    لا اله إلا الله محمدا رسول الله

  9. #9
    تاريخ الانضمام
    11/06/2015
    الجنس
    أنثى
    المشاركات
    9,521

    افتراضي

    اقتباس أرسل أصلا بواسطة muqaimi مشاهدة المشاركات
    هي ادرى بعلاقتها مع زوجها احنه ماعندنا فكره حتى عن ابسط الامور كيف تريد مشورة شخص مايعرف عنهم غير الي سمعه منها فقط

    اذا ف موقف بسيط ماعارفه تحل مشكلتها رغم اني ما اعتبرها مشكله لو تجلس بكل هدوء وتناقشه بتفهم الي تريد تفهمه وبتعرف الاسباب ابدا لاتضم شي ف خاطرها خل تناقشه ترا الرجال مايفهم حركات زعل ما زعل تكلمه مباشره بكل هدوء وخلها تاخذ وتعطي بالكلام
    صباح الخير اخواتي
    لفت انتباهي التعليق هذا عزيزتي
    كيف الزوج ما يعرف زعل ما زعل
    اذا ما يعرف هذي بروحها مصيبه
    يلي اعرفه في الحياه الزوجيه الزوجين من قوة الترابط بينهم
    قادر كل واحد فيهم يقرا ملامح الطرف الثاني
    وفي ازواج حتى في التلفون يسال زوجته
    فلانه صوتك فيه شي والعكس صحيح
    ما في شي اسمه ما يعرف زعل او غيره
    الا اذا كان مشاعره مايته وما يحس بزوجته ابدا
     التوقيع 







    نحنُ أصحاب الأرواح السّبع،لقد مِتنا ألاف المرات دُون أحداثِ ودُون عزاء !*
    ربي أسألك شفائك

  10. #10
    تاريخ الانضمام
    29/11/2011
    الجنس
    أنثى
    المشاركات
    4,304

    افتراضي

    اقتباس أرسل أصلا بواسطة asma al busaidi مشاهدة المشاركات
    صباح الخير اخواتي
    لفت انتباهي التعليق هذا عزيزتي
    كيف الزوج ما يعرف زعل ما زعل
    اذا ما يعرف هذي بروحها مصيبه
    يلي اعرفه في الحياه الزوجيه الزوجين من قوة الترابط بينهم
    قادر كل واحد فيهم يقرا ملامح الطرف الثاني
    وفي ازواج حتى في التلفون يسال زوجته
    فلانه صوتك فيه شي والعكس صحيح
    ما في شي اسمه ما يعرف زعل او غيره
    الا اذا كان مشاعره مايته وما يحس بزوجته ابدا
    ماشاء الله كل الكلام ما لاحظتيه بس لاحظتي هذا

    يقولش مايشوف زوجته الا يومين فالاسبوع وهي ما تبين له تخبي ف خاطرها وتسكت
    اي حد ما بيلاحظ دام كذا السالفه ما بس الزوج
     التوقيع 
    لا اله إلا الله محمدا رسول الله

  11. #11
    تاريخ الانضمام
    06/05/2012
    الجنس
    أنثى
    المشاركات
    697

    افتراضي

    ردة الفعل في مثل هذي المواقف تعتمد على أشياء كثيرة - في أكثر من طريقة ننظر فيها للموضوع:

    (1) الزوج أصلا طبعه كذا ما يجامل ابد
    (2) خلى بنتها تركب قدام هذاك اليوم لأنه فعلاً تعبان ويمكن بنتها أكبر الأولاد ف عشان كذا خلاها قدام عشان تنتبه في الشارع ويا أمها
    (3) إنه هو متغير - ما هو نفس الشخص اللي تزوجته .. عشان كذا الحين ألف فكرة وفكرة في راسها

    في كل الأحوال عليها تأخذ يمكن أصعب خيار وهو المواجهة .. والمواجهة ما تعني الصراخ وضرابة ومعركة طاحنة .. باختصار تجلس مع زوجها بهدوء وتقوله فلان الموضوع كذا .. برأيي هذي الطريقة الوحيدة عشان تفهم الموضوع وتوصل لحل .. أما توقف هي شايلة في خاطرها وفكرة توديها وفكرة تجيبها ما ينفع.
     التوقيع 
    ربي أسألك حسن الخاتمة

  12. #12
    تاريخ الانضمام
    13/09/2014
    الجنس
    أنثى
    المشاركات
    3,595

    افتراضي

    اقتباس أرسل أصلا بواسطة فرح اليقين مشاهدة المشاركات
    مرحبا اخواتي في سبلة حواء..
    اريد اعطيكم موقف صار لربيعتي الاسبوع الماضي ..جايه تشاورني بس بصراحه ما عرفت شو ارد عليها..
    المهم سمعن مو تقول..
    انه معها اولاد وفي بيت وحدها تسكن بعيد عن زوجها..يجي زوجها مال يومين في الاسبوع ..وهي بصراحه تنتظر الخميس بفارغ الصبر تنظف البيت وتجهز اولاده وتسوي العشاء اللي يحبه ..
    وتتكشخ له وتلبس غاوي ..ولكن الزوج ابدا ما يلاحظ هالاشياء كانه عادي ساكن معهم ولا شي جديد..حتى كلمه حلوة ما شي..
    صديقتي جدا متواضعه ما تطلب منه شي فوق طاقته وكثير تساعده وحتى لما يتأزم ماديا تعطيه بعض من ذهبها او فلوس عشان يمشي اموره..ولكن كانك تنفخ في جدار ..
    فيه مرة استوى موقف معها وعصبت عليه وما كلمته قالها بنروح عند امي وسوقي عني لانه راجع من العمل ..الحرمه سمعت الكلام والا تتفاجا انه راكب وراء عند الاولاد وخلى البنت تركب عند الام قدام..ما كلمته وعصبت عليه كثير لانها جالسه تنتظره بفارغ الصبر لحد ما يوصل البيت ..وعادي عنده الامور طيبه كانه ما مسوي حاجه ..وربيعتي اعتبرتها اهانه حالها ..وهو يقول عادي نغير ما كل يوم قدام..

    ما موقفكن من هالتصرف؟؟
    وهل تقبلي لو زوجك تصرف معك نفس التصرف؟؟



    خبريها تمسك فلوسها وذهبها لنفسها ومستقبلها
    نفس هالاشكال قد يكون تلعب يمين ويسار
    خلي يتأزم ماديا ليش هي تساعده
    هو مارجال يتصرف وحده

    ليش الزوجه تساعده ؟؟؟

    ترا ماحلو الزوجه تسوي نفسها سوبرمان قادره ع كل شي
    قالها سوقي عني انا تعبان
    تقوله ما اقدر أسوِّق خلينا نأجل المشوار

    الله يكون ف عونها

    الحل تجلس وتتناقش معه وتشوف الأسباب
     التوقيع 
    💞💞💞
    Instgram : ibtkar

    متجدد ٢٠٢٠ توزيعات جاهزه للاستلام الفوري بأسعار خاصه

    https://avb.s-oman.net/showthread.ph...6#post50618986


    توزيعات يوم المعلم ٢٠٢٠
    https://avb.s-oman.net/showthread.php?t=2876115

  13. #13
    تاريخ الانضمام
    29/02/2016
    الجنس
    أنثى
    المشاركات
    2,625

    افتراضي

    اقتباس أرسل أصلا بواسطة muqaimi مشاهدة المشاركات
    يووووه وصلت مخدرات ما مخدرات
    هذي النتيجه لماتشاور ناس لاتعرفك ولاتعرفها
    ابسط الامور تشاور فيها فلان وعلان
    خبري صاحبتك البيوت اسرار تحافظ ع علاقتها مع زوجها بذكائها وفطنتها وخبرتها بسنوات زواجهم مثل ماقالت الاخت جوري. السلطنه تسأله شو رايك بلبسي شو رايك ببخوري وكذااااا والحياه اخذ وعطا يا حبيبتي. ما كل شي ينقال للغير والنقاش مع الزوج خير من طلب المشوره من اشخاص غرباء
    لو فاهمة المغزى من الاسئلة كان ما كتبتي هذا الرد
    ما كل الحريم يفهمن طريقة محاورة الزوج ولا كل الازواج يتقبلوا الحوار
    المهم هالاسئلة لصاحبة الموضوع وليست لكِ @muqaimi
     التوقيع 
    الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

  14. #14
    تاريخ الانضمام
    29/11/2011
    الجنس
    أنثى
    المشاركات
    4,304

    افتراضي

    اقتباس أرسل أصلا بواسطة بودي سباركلز مشاهدة المشاركات
    لو فاهمة المغزى من الاسئلة كان ما كتبتي هذا الرد
    ما كل الحريم يفهمن طريقة محاورة الزوج ولا كل الازواج يتقبلوا الحوار
    المهم هالاسئلة لصاحبة الموضوع وليست لكِ @muqaimi
    بس تمام
     التوقيع 
    لا اله إلا الله محمدا رسول الله

  15. #15
    تاريخ الانضمام
    14/03/2016
    الجنس
    أنثى
    المشاركات
    95

    افتراضي

    مشكورات كل اللي اعطن رايهن في الموضوع ..
    صراحه امر محير ما نعرف ويش نرد على كذا مواضيع ..

  16. #16
    تاريخ الانضمام
    14/03/2016
    الجنس
    أنثى
    المشاركات
    95

    افتراضي

    اقتباس أرسل أصلا بواسطة asma al busaidi مشاهدة المشاركات
    كم عمر زواجهم
    ١٢ سنه تقريباوعدد عيالهم
    ٤
    هل جلست مع زوجها
    تناقشت معه وأسباب تعامله معها
    اكيد جلست معه كثير

  17. #17
    تاريخ الانضمام
    14/03/2016
    الجنس
    أنثى
    المشاركات
    95

    افتراضي

    زوجها انسان زين لا يشرب مخدرات ولا شي ..بس هذي المشكله عدم الاهتمام وبعض التصرفات التطنيش وعدم الاحترام

  18. #18
    تاريخ الانضمام
    14/03/2016
    الجنس
    أنثى
    المشاركات
    95

    افتراضي

    اقتباس أرسل أصلا بواسطة وحيدة الدرب مشاهدة المشاركات
    بعض الازواج عندهم بروود في إظهار مشاعرهم وحبهم إتجاه الحرمه واتوقع لو ناقشته وكلمته بيقولها عادي ترا احبك وما ادري شوو بس هو طبعه ما يظهر هالمشاعر وجاف جدا..
    بس الافضل تناقشه وتصارحه ولا تسكت لانه من حقها تشوف حب زوجها وشوقه لها
    ايوا كذا هو ..بس كيف تقدر تخليه يطلع مشاعره؟؟

  19. #19
    تاريخ الانضمام
    14/03/2016
    الجنس
    أنثى
    المشاركات
    95

    افتراضي

    اقتباس أرسل أصلا بواسطة جوري السلطنة88 مشاهدة المشاركات
    حبيبتي خليها تجلس معاه وتناقشه
    لاتخلي الامور تتراكم بينهم عشان لا توصل لباب مسدود

    ثاني شي
    خلها هي تبادر في المدح والاطراء
    وشوي شوي تسأله عن رايه ف لبسها ميكبها اغراضها كذا يعني حبه حبه لحد ما يتعود هو يبادر من نفسه

    هالنوع م الرجال يبيلهم بارض وذكاء في التعامل
    وطولة بااااااااال
    لحد مايتغير
    بس نصيحه لا تخليها تسكت
    وتتفاهم بعقل وحكمه مو بصراخ وعناد

    الحياه محتاجه شوية تنازلات ومنا ومناك وتمشي بإذن الله

    الله يألف بين قلوبهم ويسخره لها
    كلامك جدا رائع ..اشكرك اختي

  20. #20
    تاريخ الانضمام
    29/02/2016
    الجنس
    أنثى
    المشاركات
    2,625

    افتراضي

    اقتباس أرسل أصلا بواسطة فرح اليقين مشاهدة المشاركات
    زوجها انسان زين لا يشرب مخدرات ولا شي ..بس هذي المشكله عدم الاهتمام وبعض التصرفات التطنيش وعدم الاحترام
    اذا هي تعترف بأن زوجها زين وما عليه سوالف ولا كلام
    اذا فلتتغاضى عن بعض الامور لتكون الحياة سعيدة
    دايماًالمفروض نفكر في ايجابيات الانسان عندما تواجهين اي مشكلة مع الطرف الاخر
    الحل يكمن في التغاضي وعدم اعطاء الموضوع اكبر من حجمه
    طبيعة المرأة انها تريد تلفت انتباه زوجها باللبس والتجميل وطبخ الاكلات الشهية له ولكن هل هي حاولت تغري زوجها؟!
    ضروري تركز على هالامور بعض الرجال اخر همهم لبس الزوجة ولكن هي كمرأة وانثى بدال ما تزعل تبدأ هي بمدحه والثناء عليه حتى على ابسط شي سواه لها
    واذا مافي نتيجة تتغاضي عن السلبيات وتركز في ايجابيات شريك حياتها

    آخر تحرير بواسطة بودي سباركلز : 20/02/2018 الساعة 03:39 PM
     التوقيع 
    الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

  21. #21
    تاريخ الانضمام
    14/03/2016
    الجنس
    أنثى
    المشاركات
    95

    افتراضي

    اقتباس أرسل أصلا بواسطة بودي سباركلز مشاهدة المشاركات
    اذا هي تعترف بأن زوجها زين وما عليه سوالف ولا كلام
    اذا فلتتغاضى عن بعض الامور لتكون الحياة سعيدة
    دايماًالمفروض نفكر في ايجابيات الانسان عندما تواجهين اي مشكلة مع الطرف الاخر
    الحل يكمن في التغاضي وعدم اعطاء الموضوع اكبر من حجمه
    طبيعة المرأة انها تريد تلفت انتباه زوجها باللبس والتجميل وطبخ الاكلات الشهية له ولكن هل هي حاولت تغري زوجها؟!
    ضروري تركز على هالامور بعض الرجال اخر همهم لبس الزوجة ولكن هي كمرأة وانثى بدال ما تزعل تبدأ هي بمدحه والثناء عليه حتى على ابسط شي سواه لها
    واذا مافي نتيجة تتغاضي عن السلبيات وتركز في ايجابيات شريك حياتها


    ما شاء الله كلام اكثر من راىع..تسلموا اخواتي..

  22. #22
    تاريخ الانضمام
    12/02/2013
    الجنس
    أنثى
    المشاركات
    600

    افتراضي

    هو من قبل كذا معاها ولا تغير فجأة؟؟
     التوقيع 
    الحب كالبحر حين تكون على شاطئه يقذفك بأمواجه يستدرجك بلونه وصفائه وروعته ولكن حين تلقي بنفسك بين أحضانه لتبحث عن درره يغدر بك ويقذفك في أعماقه ثم يقذف بك جثة فاقد لإحساسك. !! !!

  23. #23
    تاريخ الانضمام
    29/02/2016
    الجنس
    أنثى
    المشاركات
    2,625

    افتراضي

    اجعلي لكي هدف في يومك ان تسعدي شريك حياتك بما يدخل السرور عليه
    تارة رسالة جوال من كتابتك وتارة رسالة صوتية وتارة ثناء ومديح وتارة موقف وفعل...
    ولا تنتظري المكافئة عليها بل اجعليها عمل صالح تتقربي به الى الله وزيادة في ميزان حسناتك...
     التوقيع 
    الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

  24. #24
    تاريخ الانضمام
    19/12/2011
    الجنس
    أنثى
    المشاركات
    1,947

    افتراضي

    اقتباس أرسل أصلا بواسطة فرح اليقين مشاهدة المشاركات
    مرحبا اخواتي في سبلة حواء..
    اريد اعطيكم موقف صار لربيعتي الاسبوع الماضي ..جايه تشاورني بس بصراحه ما عرفت شو ارد عليها..
    المهم سمعن مو تقول..
    انه معها اولاد وفي بيت وحدها تسكن بعيد عن زوجها..يجي زوجها مال يومين في الاسبوع ..وهي بصراحه تنتظر الخميس بفارغ الصبر تنظف البيت وتجهز اولاده وتسوي العشاء اللي يحبه ..
    وتتكشخ له وتلبس غاوي ..ولكن الزوج ابدا ما يلاحظ هالاشياء كانه عادي ساكن معهم ولا شي جديد..حتى كلمه حلوة ما شي..
    صديقتي جدا متواضعه ما تطلب منه شي فوق طاقته وكثير تساعده وحتى لما يتأزم ماديا تعطيه بعض من ذهبها او فلوس عشان يمشي اموره..ولكن كانك تنفخ في جدار ..
    فيه مرة استوى موقف معها وعصبت عليه وما كلمته قالها بنروح عند امي وسوقي عني لانه راجع من العمل ..الحرمه سمعت الكلام والا تتفاجا انه راكب وراء عند الاولاد وخلى البنت تركب عند الام قدام..ما كلمته وعصبت عليه كثير لانها جالسه تنتظره بفارغ الصبر لحد ما يوصل البيت ..وعادي عنده الامور طيبه كانه ما مسوي حاجه ..وربيعتي اعتبرتها اهانه حالها ..وهو يقول عادي نغير ما كل يوم قدام..

    ما موقفكن من هالتصرف؟؟
    وهل تقبلي لو زوجك تصرف معك نفس التصرف؟؟
    @فرح اليقين أختي أساسا ما في مشكلة فالموضوع كله
    صاحبتك تنتظر من زوجها الاهتمام وكلام الحب والغزل هذي رغبة كل متزوجة

    عندي لها نصيحتين:

    أول نصيحة: دائما الشيء الي ننتظره ما يصير لكن بمجرد أننا ما نركز فيه يصير بمعنى هي تتمنى زوجها يقولها أحبك وأنتي حلوة وتجلس تفكر وتنتظر بأهتمام لدرجة ممكن تسأله او تطالبه بالكلام الحلو فيصير بخيل عناد لها ولانه يحس نفسه مجبور والرجل ما يحب يحس نفسه مجبور
    الحل هنا تهتم بنفسها وتتكشخ وتجهز العشى او الغدا وما تعطي زوجها أهمية بمعنى تسوي نفسها مشغولة بأولادها وأكلهم ودراستهم وممكن تجلس تقرأ كتاب أو مجلة أو حتى كتاب الله فهذي الحالة بس راح تشغل تفكير زوجها وراح يسعى عشان يعرف ايش سبب التغير أهتمام المرأة بنفسها وذاتها وحبها لنفسها راح يخلي الاخرين يحبونها وأول الناس زوجها المهم تكون غامضة ومهم ما تعطيه كلام الحب طول الوقت عشان ما يمل وبعد تحاول ما أي موقف تزعل بالعكس تسوي نفسها ما عندها الوقت للزعل لان عقلها أكبر من كذا دايما المواقف الي تصير اليوم أنساها لكن اذا صارت فرصة واشوفه هادي أناقشه وأقوله فلان هذا الموقف ضايقني أو هذي الكلمة ضايقتني ويكون كلامها بكل هدوء وبكل احترام ودايما تختار الكلمات الي ترفع من شأنه عشان يظل يفكر في كل كلمة قالتها له
    وعشان يفكر فيها وما ينساها ويشتاق أنه يرجع لها_ فاليوم الي تجهز شنطته للدوام تحط بين أغارضه ورقة ملونة صغيرة فيها كلام حب وكم انها راح تشتاقه وممكن تكتب له كيف ان اولادهم دايما يسألونها عنه وحلو لو عطرت الورقة بعطر من عطورها الي هو يحبها او ممكن تخصص عطر تتعطر منه هذاك اليوم ونفس هذا العطر ترشه فهذه الورقة

    النصيحة الثانية: تقلل من مساندتها لزوجها ماديا بمعنى ما لازم تعطيه اذا تأزم خاصة اذا ما طلب منها بمعنى ما تعرض عليه مساعدتها لان هذا الشي يخلي الزوج يحس ان ماله قيمة فالبيت وأن هي ما محتاجتنه كونها مقتدرة بالعكس الرجال يحب الزوجه الي تحسسه بحاجتها له مثلا فلان من فضلك ركب سلندر الغاز وأشتري فاكهة وخضرة وعبي الثلاجة دجاج وسمك تراني ما أقدر أروح أتسوق أكون تعبانة وأولادك ماشاء الله محتاجين أهتمام وأبصراحة البيت بدونك ما له قيمة أنا والأولاد نحتاجك فلا تتأخر علينا.

    موقف أنه ركب ورا وخلا بنته قدام ما يزعل يمكن الرجال مشتاق أولاده وحب يجلس معهم بس بعدها تناقشه فيه وتقوله حبيبي جلوسك قربي يحسسني بالأمان
    وحتى فسياقة السيارة اذا تعبان تقوله نروح بكرة دامك تعبان لاني بعد تعبانة وما أقدر أسوق
    المهم هو يتولى السياقة عشان يحس بأهميته

  25. #25
    تاريخ الانضمام
    14/03/2016
    الجنس
    أنثى
    المشاركات
    95

    افتراضي

    اقتباس أرسل أصلا بواسطة روح منسية مشاهدة المشاركات
    @فرح اليقين أختي أساسا ما في مشكلة فالموضوع كله
    صاحبتك تنتظر من زوجها الاهتمام وكلام الحب والغزل هذي رغبة كل متزوجة

    عندي لها نصيحتين:

    أول نصيحة: دائما الشيء الي ننتظره ما يصير لكن بمجرد أننا ما نركز فيه يصير بمعنى هي تتمنى زوجها يقولها أحبك وأنتي حلوة وتجلس تفكر وتنتظر بأهتمام لدرجة ممكن تسأله او تطالبه بالكلام الحلو فيصير بخيل عناد لها ولانه يحس نفسه مجبور والرجل ما يحب يحس نفسه مجبور
    الحل هنا تهتم بنفسها وتتكشخ وتجهز العشى او الغدا وما تعطي زوجها أهمية بمعنى تسوي نفسها مشغولة بأولادها وأكلهم ودراستهم وممكن تجلس تقرأ كتاب أو مجلة أو حتى كتاب الله فهذي الحالة بس راح تشغل تفكير زوجها وراح يسعى عشان يعرف ايش سبب التغير أهتمام المرأة بنفسها وذاتها وحبها لنفسها راح يخلي الاخرين يحبونها وأول الناس زوجها المهم تكون غامضة ومهم ما تعطيه كلام الحب طول الوقت عشان ما يمل وبعد تحاول ما أي موقف تزعل بالعكس تسوي نفسها ما عندها الوقت للزعل لان عقلها أكبر من كذا دايما المواقف الي تصير اليوم أنساها لكن اذا صارت فرصة واشوفه هادي أناقشه وأقوله فلان هذا الموقف ضايقني أو هذي الكلمة ضايقتني ويكون كلامها بكل هدوء وبكل احترام ودايما تختار الكلمات الي ترفع من شأنه عشان يظل يفكر في كل كلمة قالتها له
    وعشان يفكر فيها وما ينساها ويشتاق أنه يرجع لها_ فاليوم الي تجهز شنطته للدوام تحط بين أغارضه ورقة ملونة صغيرة فيها كلام حب وكم انها راح تشتاقه وممكن تكتب له كيف ان اولادهم دايما يسألونها عنه وحلو لو عطرت الورقة بعطر من عطورها الي هو يحبها او ممكن تخصص عطر تتعطر منه هذاك اليوم ونفس هذا العطر ترشه فهذه الورقة

    النصيحة الثانية: تقلل من مساندتها لزوجها ماديا بمعنى ما لازم تعطيه اذا تأزم خاصة اذا ما طلب منها بمعنى ما تعرض عليه مساعدتها لان هذا الشي يخلي الزوج يحس ان ماله قيمة فالبيت وأن هي ما محتاجتنه كونها مقتدرة بالعكس الرجال يحب الزوجه الي تحسسه بحاجتها له مثلا فلان من فضلك ركب سلندر الغاز وأشتري فاكهة وخضرة وعبي الثلاجة دجاج وسمك تراني ما أقدر أروح أتسوق أكون تعبانة وأولادك ماشاء الله محتاجين أهتمام وأبصراحة البيت بدونك ما له قيمة أنا والأولاد نحتاجك فلا تتأخر علينا.

    موقف أنه ركب ورا وخلا بنته قدام ما يزعل يمكن الرجال مشتاق أولاده وحب يجلس معهم بس بعدها تناقشه فيه وتقوله حبيبي جلوسك قربي يحسسني بالأمان
    وحتى فسياقة السيارة اذا تعبان تقوله نروح بكرة دامك تعبان لاني بعد تعبانة وما أقدر أسوق
    المهم هو يتولى السياقة عشان يحس بأهميته
    كلامك درر اختي.. بالفعل انا لاحظت انه المرأة لازم شوي تبتعد عن الرجال ما طول الوقت وراه..
    جزاك الله خيرا..

  26. #26
    تاريخ الانضمام
    21/10/2016
    الجنس
    أنثى
    المشاركات
    15

    افتراضي

    في ظني تكون عاقله وتحاول تنصح وتحاول تشوف طريقه حسب ما قريت أنها لها فتره متزوجه يعني عارفه شخصية زوجها

  27. #27
    تاريخ الانضمام
    18/05/2010
    الجنس
    أنثى
    المشاركات
    3,035

    افتراضي

    اقتباس أرسل أصلا بواسطة فرح اليقين مشاهدة المشاركات
    مرحبا اخواتي في سبلة حواء..
    اريد اعطيكم موقف صار لربيعتي الاسبوع الماضي ..جايه تشاورني بس بصراحه ما عرفت شو ارد عليها..
    المهم سمعن مو تقول..
    انه معها اولاد وفي بيت وحدها تسكن بعيد عن زوجها..يجي زوجها مال يومين في الاسبوع ..وهي بصراحه تنتظر الخميس بفارغ الصبر تنظف البيت وتجهز اولاده وتسوي العشاء اللي يحبه ..
    وتتكشخ له وتلبس غاوي ..ولكن الزوج ابدا ما يلاحظ هالاشياء كانه عادي ساكن معهم ولا شي جديد..حتى كلمه حلوة ما شي..
    صديقتي جدا متواضعه ما تطلب منه شي فوق طاقته وكثير تساعده وحتى لما يتأزم ماديا تعطيه بعض من ذهبها او فلوس عشان يمشي اموره..ولكن كانك تنفخ في جدار ..
    فيه مرة استوى موقف معها وعصبت عليه وما كلمته قالها بنروح عند امي وسوقي عني لانه راجع من العمل ..الحرمه سمعت الكلام والا تتفاجا انه راكب وراء عند الاولاد وخلى البنت تركب عند الام قدام..ما كلمته وعصبت عليه كثير لانها جالسه تنتظره بفارغ الصبر لحد ما يوصل البيت ..وعادي عنده الامور طيبه كانه ما مسوي حاجه ..وربيعتي اعتبرتها اهانه حالها ..وهو يقول عادي نغير ما كل يوم قدام..

    ما موقفكن من هالتصرف؟؟
    وهل تقبلي لو زوجك تصرف معك نفس التصرف؟؟



    انا ف نظري هي غلطانه..تبيع ذهبها وتعطيه ومتواضعه وماتكبفه وتسويله كل شي
    لو تعبان ماتسوق عنه يزتاحو وباكر يطلع ل امه

    بس كيف علاقتهم كذا حسيت برود
    لو زرجي تصرف كذا استحاله ارضا

    بس هالتصرف له اكيذ له اسباب وبوادر
    تناقشه وتكلمه بدل لاتخبرك
     التوقيع 
    الحمدلله

    أُم لأميرين جميلين وزوجه ل نبيلاً شجاع💓(أومول)

    ‏"اللهم احفظ لي نعمك علي
    اني امنت انك خير حافظ"

    ‏سمع الله لمن حمده
    الحمدلله حمدا يسمعني به الله يرضى عني فيرضيني

  28. #28
    تاريخ الانضمام
    18/03/2012
    الجنس
    أنثى
    المشاركات
    1,925

    افتراضي

    هذي مشكلة بعض الحريم الله يهديهن تعطي وتعطي وما تاخذ،
    تتنازل عن حقوقها، تعتذر في كل الحالات سواء كانت غلطانه او لا، تلعب دورها ودور الرجل، كل هالشي تسويه عشان بس يرضى الزوج ويعتبرها الزوجه المثاليه، بس حبيت اقولك ان تختلف شخصية الرجال، في منهم يحب الزوجه اللي تطيعه الطاعه العمياء لكن عليها ان ما تتنازل عن حقوقها، وفيه رجال يحبوا الزوجه اللي تعتمد على زوجها وتعتبره هو السند والمنقذ وتطلب أكثر من ما تعطي، فيه منهم يحب المرأه المتمرده لانه يشوف فيها قوة الشخصيه وممكن الاعتماد عليها، وفيه منهم يحب المرأه الوسطيه تعطي وتاخذ في نفس الوقت، يعني هي أدرى بشخصية زوجها دام عاشت معه سنوات تراه الرجال تجيه فترات يمل فيها حتى زوجته واولاده هذي طبيعه بشريه والمرأه كذلك، فالحل هو انها تعرف وتدرس شخصية زوجها أكثر
     التوقيع 
    ربي آسـألك أن تريح قلبي وفكري ..!
    وأن تصرف عني ( شتات ) العقل والتفكير ..

    معرف لأكثر من مستخدم

  29. #29
    تاريخ الانضمام
    30/07/2011
    الجنس
    أنثى
    المشاركات
    1,474

    افتراضي

    الرجال فيه نسبة كبيرة من الانانية وطبيعة اغلب الرجال يحبو اان الزوجة تتحمل كل المسؤوليات تركب الغاز اليت تنظف وتطبخ وتربي ولو غلطت غلطة او قصرت يا ويلها

    وهنا الوم الزوجة لان بعض الحريم تحس انها واو ومسوية انجاز تركب الغاز يا ماما لا تتحملي كل شيء بتندمي حتى لو انتي شاطرة بكل حاجة لا تخبريه

    عطيه بعض من المسؤولية اغلب الحريم الحين يشتكوا ان الزوج ما يصرف عليها لانها تشتغل لو تشتغلي خذي منه حتى لو 50 ريال ولما يحتاج كوني عون وسند بس لا تحسسييه انك البنك المركزي الي يضخ بالفلوس وما يخلص

    اعرف حريم يشتغلوا ورواتبهم اعلى من رواتب ازواجهم بس ما تساهم ف البيت حتى بريال

    ما نقدم تنازلات كبيرة ف الزواج لانه كله بياثر علينا
     التوقيع 
    ان تكبر بالعمر هو شيء اجباري اما ان تكبر بالعقل فهو شيء اختياري

مواضيع مشابهه

  1. [ معروض ] صناعية مسورة مسفاة مرحلة2 رقم 526 مساح 1000 م وسطية مسورة بها مكتب مطبخ حمام مطلوب 145 ألف ص مباشرة
    بواسطة السمري الشامخ في القسم: عقارات زراعية وصناعية وسياحية
    الردود: 75
    آخر مشاركة: 20/09/2018, 07:52 AM
  2. طلب مشورة
    بواسطة الزاوية الحادة في القسم: سبلة السيارات
    الردود: 12
    آخر مشاركة: 02/07/2013, 10:34 PM
  3. مطلوب مصورة فيديو + مصورة فوتوغراف + موظفة استقبال
    بواسطة روتانا للتصوير في القسم: إعلانات وظائف الشركات والمؤسسات الأخرى المحلية
    الردود: 4
    آخر مشاركة: 31/03/2013, 09:33 AM
  4. الردود: 3
    آخر مشاركة: 29/01/2012, 10:46 AM
  5. [تغظية مصورة ] [ عُمان X السعودية ] [ تصفيات كأس العالم 2014م ] [تغظية مصورة ]
    بواسطة القوات الفنية في القسم: السبلة الرياضية
    الردود: 28
    آخر مشاركة: 06/09/2011, 06:48 AM

قواعد المشاركة

  • ليس بإمكانك إضافة مواضيع جديدة
  • ليس بإمكانك إضافة ردود
  • ليس بإمكانك رفع مرفقات
  • ليس بإمكانك تحرير مشاركاتك
  •