اي عمر مناسب لطفل لعزلهم

[البسمة الدائمة]

اسمحيلي بذي الكلمة انتي مجنونة كيف تخلي بناتك ينامن مع الشغاله ... هذه امانه امانه ...

سمحيلي ما حد مجنون غيرك واسلوبك فالتخاطب واضح ... اول شي الحمدلله امانه واعرف هالشي ومثل ما قالن البنات معظمنا نمنا مع الشغالات ما صارنا شي وازيد واعيد تراه بعضهن يحطن عيالهن

مع الشغالات وقت الدوام والحمدلله اراقبهن وبناتي ما صغار حبوبه واذا ما تعرفي وضع الناس لا تحكمي على الشخص بالجنون .... وكثير ناس اعرفهم لان البيت ضيق يناموا عيالهم مع الشغاله والحمدلله

ما صار شي والتفكير السلبي والافكار السوداء ما من طبعي الدنيا بعدها بخير ونستودع عيالنا والله الحافظ...

[بريق السعاده]

اسمحيلي بذي الكلمة انتي مجنونة كيف تخلي بناتك ينامن مع الشغاله ... هذه امانه امانه ...

اشوف عادي ما فيها ينامن عند الشغاله بما انها تراقب

حشا ليش مكبره السالفه بعيد الشر

[um meral]

أتوقع بعمر 5 سنوات مناسب وبالنسبة للعلاقة الحميمية السموحة على الشفافية بس ترا هي ما مقتصرة على الليل في اوقات كثيرة الاطفال مشغولين ويلعبوا ممكن الزوجين يستغلوا هالاوقات

معاج بهالنقطه. بس يعتبر الليل افضل الاوقات كونه العيال يكونوا نايمين ومايكون في ازعاج بالموضوع. ولاتنسي يا اختي بعض الناس دوامهم طويل في ناس ترجع المغرب من الدوام مو معقوله تدش الغرفه وتصك الباب والعيال بالبيت. حتى لو مشغولين يلعبوا يجيهم فضول ويطقوا عالباب مليون مره ماما و ماما ههههه. بشكل عام النهار مايكون محبذ لكثير من الازواج كونه الناس حواليهم صاحين ولازم حد ساير جاي بسالفه او اخرى الا اذا معوده اللي حوالينك انك تردي وتنامي ومحد يجيلك لمده ساعه او اثنين. الموضوع الاساسي هو سن عزل الطفل. بعض الاطفال من كثر متعودين يناموا وسط اهاليهم كلما يكبروا كلما يكون صعب عزلهم لانهم تعودوا. بنظري كلما عزلتيهم بدري كلما كان افضل. اول طفل يكون الوضع صعب شوي بس من ثاني وطالع اسهل لان الطفل يتحمس ينام مع اخوانه او خواته.

[zezima]

انا بنظري الطفل من بعد السنتين يفهم ويبدا يتكلم. مايصير ينام مع الوالدين بغرفتهم. اللي تنوم عيالها معها لحد 6 سنوات( اعذروني عالسؤال) كيف وضعكم بالعلاقه الحميمه؟؟!!. لاتقولي الطفل نايم لانه حتى نايم بيحس ويسمع وممكن يكون حلمان وفجاه يقوم يصيح. شو الترتيب؟؟ انا عن نفسي بعمر السنتين افطم واعزل. الطفل يستوعب ترا ويطلع يتكلم برا عن لبسك عن نومك عن كل شي حتى لو زوجك حضنك بيقول وفي اهل بنفسهم يطلعوا الكلام من فمه بالاسئله والطفل برئ مايعرف شو مفروض يقول و شو لا. وبعدين الزوجين لهم خصوصياتهم لازم يكون لهم وقت لنفسهم. طول النهار دوام ونرجع مشغولين مع العيال ندرس فلان ونلاعب فلان والزوج يريد وقت وخصوصيه. شقتي فيها غرفتين وعزلت بنتي الكبيره بعمر السنتين وكنت احط سماعه. ع عمر السنتين صرت ماعطيها غرشه. قبل النوم بساعه اعطيها حليب فالكوب وابولها قبل عن تنام واروح معها غرفتها وانومها. وبالليل احط منبه واقوم مرتين اروح اشوفها واوديها الحمام وهي نايمه لان بعد السنتين ماعندي نظام حفاضات. وامورها كانت مضبوطه. ولما جبت الثانيه عزلتها مع اختها ع سنه ونص لانها كانت تصيح وتريد البيبي تنام معها خخخخخ. مسكينه فيها حنان فايض. كانت تنام بسريرها والبيبي بمنزها وطبعا باب الغرف مفتوحه بس ماشاء الله الاولى كانت جدا مهتمه باختها واذا صاحت او شوي قامت سيده تركض لغرفتي تصحيني هههههه. واحين عندي 4 عيال ولله الحمد وكلهم نفس النظام. وباذن الله تتيسر الامور عالسنه الجايه ويجهز البيت وبيكون للبنات غرفه والشباب غرفه.

بالضبط قلتي كل شي في خاطري

[صبروامل]

هو المفروض عزله بكير علشان يتعود

اشوف نفسي بناتي مايرضن ينامن الا يالقرب مني

[um meral]

بالضبط صبروامل. هذا اللي اريد اقوله . واحيان في اطفال يتعودوا بسرعه بس في اطفال عنيدين. اذا الام عندها طفل سابق وماعزلته من بدري وعزلته فلنقل ع 5 سنوات وكانت الامور معاه اوكي مو شرط الثاني يتبع الاول ويتعود مثله. ممكن يكون عنيد ومايطيع. فكلما كان قبل كان افضل.

[البسمة الدائمة]

بالضبط صبروامل. هذا اللي اريد اقوله . واحيان في اطفال يتعودوا بسرعه بس في اطفال عنيدين. اذا الام عندها طفل سابق وماعزلته من بدري وعزلته فلنقل ع 5 سنوات وكانت الامور معاه اوكي مو شرط الثاني يتبع الاول ويتعود مثله. ممكن يكون عنيد ومايطيع. فكلما كان قبل كان افضل.

صحيح والله بعضهم عنيدين انا بنتي الكبيره ماشاء الله عليها غير عن الصغيره عنيده وبضرابه ترضى تنام مع اختها في احسن تعودوهم من البدايه دام احد معهم

[صبروامل]

انا احاول فيهن ينامن بروحهن بس ماشي فايده خلاص تعودن

حتى بنتي الصغيره اذا نوموها بالمستشفى المفروض سريرها يكون منفرد عن سريري

بس مااقدر عليها تنام بسريرها تعاند وتنام معي

فعلا الوحده لازم تعودهم وهم صغار لان من يكبروا صعب تقنعيهم يناموا بروحهم

وبكذا صعب انتي وزوجك تاخذوا راحتكم اصلا

حتى لو نامن بين فتره وفتره يقومن

[2018]

ماشاءً الله
من كان يسوي لهم الحليب ويبدل لهم البامبرز ؟؟

أكيد أنا

فصلتهم عن غرفتي بالغرفه المجاورة واحط بابي وبابهم مفتوح

[البادي2009]

اعتقد يفضل بعمر السنتين بس عاد يباله بارض وصبر لين ما يتعود الطفل وتتعودي انتي ك أم

حاليا

احاول في ولدي اقل شيء ينام في منزه بس اذا صحى وحصل انه في منزه ببيوقف وبيصيح لين ما اشله واخليه معي

عسى ان شاء الله ربي ييسر هالموضوع

[فرحة القلوب91]

أنا ولدي من يوم ربيته حطيته في سرير خاص له جنبي .. الحين عمره ثمانية أشهر وفِي وقت الظهر أنومه في سريره في غرفته جنب غرفتنا وبابي مفتوح وايضاً بابه .. عشان أعوده ينام بروحه بس ما أكون نايمة الظهر عشان اسمعه وبالليل معي في الغرفة في سريره ..

فعلا بسبب الاشياء الي تصير الحين المفترض نعزل الطفل من عمر مبكّر ، وحدة من المستشارات الاسريات قالت يفضّل عزل الطفل من عمر ست شهور طبعا الكل شهق وقال مستحيل وجابت الأسباب وكذا ..
عموما دامه الطفل يرضع عادي في غرفتنا بس سرير بروحه ومن يبدأ يأكل ويقلل من الرضعات يكون بغرفة بروحه مع المتابعة من الام وربي يحمي الجميع

[ADORA]

أتوقع بعمر 5 سنوات مناسب وبالنسبة للعلاقة الحميمية السموحة على الشفافية بس ترا هي ما مقتصرة على الليل في اوقات كثيرة الاطفال مشغولين ويلعبوا ممكن الزوجين يستغلوا هالاوقات

أنا عزلت ولدي لما كمل 4 سنوات
وبالفعل ما مقتصرة على الليل

[كلنا غزة]

تعزلوهم بسن 5 و6 سنوات

الحمدلله مقتنعة تماماً بضرورة عزلهم قبل السنتين حتى لأنهم يبديوا يفهموا ويلاحظوا وعزلت طفلي الأول بعمر 8 أشهر والثاني عمر 6 أشهر قبل ما يتعلق بي ويصر على النوم بجانبي

مثل ما لأطفالنا حقوق نحن كذلك لنا حقوق

نخلي الغرف مفتوحة وأتابعهم في الليل والحنان أعطيهم إياه الصباح وقبل النوم

عزلتهم لعدة أهداف ما فقط بسبب العلاقة:
- الطفل المفترض نومه مبكر لهذا يحتاج غرفة مظلمة وهادئة وإذا كانوا معي في الغرفة كيف بستخدم الغرفة بعد نومهم
- أيضاً بعد نومهم أحتاج أشحن بطاريتي لليوم الثاني يكون ألاعبهم وأقوم بدوري الأمومي بدون تقصير وشحن البطارية يكون بالإسترخاء والجلوس مع الزوج وتبادل أطراف الحديث وغيره قبل ما أنام وهذا ما يتيسر في حال إنه أطفالنا معنا في الغرفة
- أعودهم على النظام والإستقلال منذ الصغر

وهذا كلام كل التربويين والمتضلعين في التربية وهذا النهج انتهجته أمي معنا والحمدلله ما نقصنا شي من الحنان

[um meral]

تعزلوهم بسن 5 و6 سنوات

الحمدلله مقتنعة تماماً بضرورة عزلهم قبل السنتين حتى لأنهم يبديوا يفهموا ويلاحظوا وعزلت طفلي الأول بعمر 8 أشهر والثاني عمر 6 أشهر قبل ما يتعلق بي ويصر على النوم بجانبي

مثل ما لأطفالنا حقوق نحن كذلك لنا حقوق

نخلي الغرف مفتوحة وأتابعهم في الليل والحنان أعطيهم إياه الصباح وقبل النوم

عزلتهم لعدة أهداف ما فقط بسبب العلاقة:
- الطفل المفترض نومه مبكر لهذا يحتاج غرفة مظلمة وهادئة وإذا كانوا معي في الغرفة كيف بستخدم الغرفة بعد نومهم
- أيضاً بعد نومهم أحتاج أشحن بطاريتي لليوم الثاني يكون ألاعبهم وأقوم بدوري الأمومي بدون تقصير وشحن البطارية يكون بالإسترخاء والجلوس مع الزوج وتبادل أطراف الحديث وغيره قبل ما أنام وهذا ما يتيسر في حال إنه أطفالنا معنا في الغرفة
- أعودهم على النظام والإستقلال منذ الصغر

وهذا كلام كل التربويين والمتضلعين في التربية وهذا النهج انتهجته أمي معنا والحمدلله ما نقصنا شي من الحنان

اتفق معاج. تصدقي وانا اقرا النقطه الثانيه افكر شو دخل شحن البطاريه بنوم الاطفال عبالي قصدك بطارية الجوال هههههههههه. ماشي الاحد مخليني مسطله بقوة خخخخخخخ