ذهاب العوائل وحريم الى المطاعم المفتوحه

**إشباح الماضي** · 15/01/2018 01:42 PM

السلام عليكم
موضوعي اليوم عن المطاعم المفتوحه تحصل اماكن فيها كراسي وطاولات جنب بعض وغريب تحصل حريم في الوسط
وقربهن شباب او رجل هوه وحرمته وجنبهم شباب وعادي معهم ياكلوا ولا كانه شي
عندنا في العائله عادي شباب يروحوا وحدهم لكن ممنوع وعيب عندنا احد يشل خواته او زوجته ويجلس في هذي الاماكن ياكل

هل انتم عادي تشلوا خواتكم وزوجاتكم ياكلن وسط الشباب
وهل انتي يا اختي عادي معك تروحي مع صديقتك هذي الاماكن تتعشن

**lob soldier** · 15/01/2018 01:51 PM

وعليكم السلام
هذا الروتين أصبحت تقريباً 100% عادية
وقليل من يبالي بهذا الشيء

الحين إذا أنت تزوجت والزوجة ما تطبخ إيش الحل برأيك؟ بتضطر تلجأ للمطاعم، ومتوفر مطاعم أماكن جلوس مغلقة وخاصة وممكن تختار على الهواء الطلق.

وبالإضافة الدول المتقدمة ما أعتقد الناس فيها تلتفت إلى متابعة خصوصية الناس.

**خضراوي101** · 15/01/2018 02:03 PM

هدي هدي بنت الراشد لاتعصبين الرجال من عالم اخر مثلي انا وربعي مامتعودين على كذا جو
خلونا ناخذ الأمور بالتدريج ،، عسى اتزوج الثانيه وتوديني هذي المطاعم الراقيه
بنغير الروتين شوي ،،

**بريق السعاده** · 15/01/2018 03:53 PM

حن فالبلد مستحيل نجلس فالمطاعم المفتوحه
بس ف مسقط او برع عمان عااادي هههههههه

**زهور الظاهرة** · 15/01/2018 03:55 PM

ارجوا الالتزام في التعليق لصلب الموضوع

احترامي لكم

**شموخ نمر** · 15/01/2018 04:16 PM

أرسل أصلا بواسطة إشباح الماضي

السلام عليكم
موضوعي اليوم عن المطاعم المفتوحه تحصل اماكن فيها كراسي وطاولات جنب بعض وغريب تحصل حريم في الوسط
وقربهن شباب او رجل هوه وحرمته وجنبهم شباب وعادي معهم ياكلوا ولا كانه شي
عندنا في العائله عادي شباب يروحوا وحدهم لكن ممنوع وعيب عندنا احد يشل خواته او زوجته ويجلس في هذي الاماكن ياكل

هل انتم عادي تشلوا خواتكم وزوجاتكم ياكلن وسط الشباب
وهل انتي يا اختي عادي معك تروحي مع صديقتك هذي الاماكن تتعشن

ويش ترتيب في الجامعات أو الدوام أو المحلات
بيخليه يتسوقن بروحهم أو دوام بروحهن
تر عزيزي إذ حرمه متادبه وتخإف ربه ماحد بيقرب صوبه

**ألوان الثقافة** · 15/01/2018 05:04 PM

وين المشكلة في الموضوع ؟؟؟

**BnShams** · 15/01/2018 05:10 PM

كنت مثلك
اشل اهلي السوق ، اتم اطالع الي يطوف واحره بعيوني عن يطالع صوبنا

لكن ذا واقع ولازم نتقبله
الجامعات الحين مختلطه فما شايف جدوى من عوار الراس

اما بالنسبه للمطعم
ترا اغلب المطاعم فيهن قسم عوائل

ولو ما فيه ترا استحب اكون ف مكان منعزل من المطعم

اما بين طاولتنا وطاولة الشباب متر
لا والله م ارضاها واساسا ما بتكون لي نفس حال الاكل

**مبارك بن لندن** · 15/01/2018 07:01 PM

السلام عليكم ورحمة الله وبركاته @إشباح الماضي

سيدي العزيز

نحن اليوم نعيش في زمن ليس بزمن الأمس
وكثير من الأمور والعادات والمبادئ تغيرت
بين الماضي والحاظر ، ومن ضمنها ما تفضلت
به في طرحك مشكورآ .

وجهة نظري أنه لا ضير في إصطحاب العائلة
لأي شخص كان للمطاعم شريطة أن لا يكون هنالك
إختلاط والحمد لله مجتمعنا محافظ إلى الأن
وما ذكرته من حالات هي محدوده ولا ترقي لان
تعمم على الجميع .

كل شخص مسؤول عن تصرفاته واعماله وممارساته
ف اذا كان رب الاسرة هذه راضآ عن جلوس افراد اسرته
في مكان مختلط ف هذا شأنه لا غير .

**واسطة العقد** · 15/01/2018 08:54 PM

السلام عليكم ورحمة الله وبركاته.
احنا اذا حبينا اروح مطعم يروح اخوي يتأكد من المكان واذا مافي مال عوائل يعطينا خبر اذا حبينا ندخل أو لا
بس أكثر شي ننسحب واذا جلسنا ما نرتاح .

**إشباح الماضي** · 15/01/2018 10:54 PM

أرسل أصلا بواسطة lob soldier

وعليكم السلام
هذا الروتين أصبحت تقريباً 100% عادية
وقليل من يبالي بهذا الشيء

الحين إذا أنت تزوجت والزوجة ما تطبخ إيش الحل برأيك؟ بتضطر تلجأ للمطاعم، ومتوفر مطاعم أماكن جلوس مغلقة وخاصة وممكن تختار على الهواء الطلق.

وبالإضافة الدول المتقدمة ما أعتقد الناس فيها تلتفت إلى متابعة خصوصية الناس.

انا ما اقصد المطاعم المغلقه الموجود فيها غرف خاصه او الهواء الطلق
اقصد المطاعم المفتوحه كل حد يشوف الثاني وقرب بعض

**إشباح الماضي** · 15/01/2018 10:55 PM

أرسل أصلا بواسطة بريق السعاده

حن فالبلد مستحيل نجلس فالمطاعم المفتوحه
بس ف مسقط او برع عمان عااادي هههههههه

شكلك من الباطنه شمال
يعنى تستحي في منطقتك ومنطقه ثانيه عادي

**إشباح الماضي** · 15/01/2018 10:57 PM

أرسل أصلا بواسطة ألوان الثقافة

وين المشكلة في الموضوع ؟؟؟

المشكله نحن عندنا ممنوع وعيب هذا شي

**إشباح الماضي** · 15/01/2018 10:58 PM

أرسل أصلا بواسطة BnShams

كنت مثلك
اشل اهلي السوق ، اتم اطالع الي يطوف واحره بعيوني عن يطالع صوبنا

لكن ذا واقع ولازم نتقبله
الجامعات الحين مختلطه فما شايف جدوى من عوار الراس

اما بالنسبه للمطعم
ترا اغلب المطاعم فيهن قسم عوائل

ولو ما فيه ترا استحب اكون ف مكان منعزل من المطعم

اما بين طاولتنا وطاولة الشباب متر
لا والله م ارضاها واساسا ما بتكون لي نفس حال الاكل

ونحن نفس تفكيرك في العائله

**إشباح الماضي** · 15/01/2018 11:00 PM

أرسل أصلا بواسطة مبارك بن لندن

السلام عليكم ورحمة الله وبركاته @إشباح الماضي

سيدي العزيز

نحن اليوم نعيش في زمن ليس بزمن الأمس
وكثير من الأمور والعادات والمبادئ تغيرت
بين الماضي والحاظر ، ومن ضمنها ما تفضلت
به في طرحك مشكورآ .

وجهة نظري أنه لا ضير في إصطحاب العائلة
لأي شخص كان للمطاعم شريطة أن لا يكون هنالك
إختلاط والحمد لله مجتمعنا محافظ إلى الأن
وما ذكرته من حالات هي محدوده ولا ترقي لان
تعمم على الجميع .

كل شخص مسؤول عن تصرفاته واعماله وممارساته
ف اذا كان رب الاسرة هذه راضآ عن جلوس افراد اسرته
في مكان مختلط ف هذا شأنه لا غير .

عليكم السلام ورحمه الله وبركاته
انا اشوف هذي الظاهره واجد تنتشر وخاصه ايام الاجازات اذا امر هذي الاماكن احصلها زحمه واجد

**إشباح الماضي** · 15/01/2018 11:02 PM

أرسل أصلا بواسطة واسطة العقد

السلام عليكم ورحمة الله وبركاته.
احنا اذا حبينا اروح مطعم يروح اخوي يتأكد من المكان واذا مافي مال عوائل يعطينا خبر اذا حبينا ندخل أو لا
بس أكثر شي ننسحب واذا جلسنا ما نرتاح .

عليكم السلام ورحمه الله وبركاته
اكثر شي المطاعم المفتوحه موجوده في المراكز التجاريه الكبيره
اما المطاعم العاديه فيها غرف خاصه

**Zin KJO** · 16/01/2018 12:51 AM

عادي ..كل حد ف حاله

اذا البنات جلسن كلن وطلعن ..الصوت ماعالي
ولا حركاتهن تشد ..ملتزمات وجالسات بأدب
هين المشكلة ؟

اذا حد قام ينغزهن ويسوي حركات ..تكون المشكلة "فيه"

المشكلة الابدية "انتو
مع احترامي
يعني ما بقين الاماكن الا وسويتوا ربشة فيها
وبعدين يجينا نحن الحظر ..

ف الدول الاجنبية ..ف المطاعم ف الملاهي ف المولات
البنات متكشخات ويازينهن ..ماتشوفوا حد يضايقهم
عندنا وحدة حلطة ..١٠ يركضوا وراها

استغفرالله

حمدلله نسير مطاعم وكافيهات
مابشكل دايم ..وقت ما نريد نغير جو

البنت مكانها ف البيت ..نعرف

**نسيت أنسى1** · 16/01/2018 08:10 AM

ع بالي هذا الكلام عاد انعدم
جميل انه أحد يحمل شعور العيب من اشياء فعلا كانت بالنسبالنا شي عيب

أخي الحين استوى عادي
وبعد ازيدك الحين الزوج مع زوجته في السينما والكراسي عند بعضهن
وبعض البنات يتفقن بعد يروحن السينما مع بعض

أما المطاعم أغلبهن احيانا بنات أو عوائل (زوج وزوجته واولادهم)

يعني استوى عادي
خاصة في العاصمة
أما البلدان تجد بعض التحفظ بها

**خميس خلفان** · 16/01/2018 08:28 AM

أرسل أصلا بواسطة نسيت أنسى1

ع بالي هذا الكلام عاد انعدم
جميل انه أحد يحمل شعور العيب من اشياء فعلا كانت بالنسبالنا شي عيب

أخي الحين استوى عادي
وبعد ازيدك الحين الزوج مع زوجته في السينما والكراسي عند بعضهن
وبعض البنات يتفقن بعد يروحن السينما مع بعض

أما المطاعم أغلبهن احيانا بنات أو عوائل (زوج وزوجته واولادهم)

يعني استوى عادي
خاصة في العاصمة
أما البلدان تجد بعض التحفظ بها

رُبما التحفظ في ماهية المكان
أما الشخوص فالكثير من القاطنين في مسقط هُم من تلك البلدان

**asma al busaidi** · 16/01/2018 08:58 AM

.
.

كل زمان له ملامح مختلفه عن الزمن الاخر
كنا نقول عيب نجلس في مطاعم مفتوحه او سينما وما شابه
لكن الان صار امر عادي بعد جوله وتسوق لساعات تاخذ استراحه كوب شاي او عصير من احد المقاهي
في المحلات التجاريه الكبرى
اخي انته من تفرض احترامك في المكان المتواجد فيه
هناك فرق بين جلسة بنات تصدح فيها الضحكات والكلمات
وبين جلسة اخريات بصمت مع تمتمة بعض الكلمات حتى لا يكاد يسمعها المحيطين بها
وما لاحظته الان ولا ابالغ ان قلت
الهاتف شغل العالم باكمله حتى في المطاعم والمقاهي
بعد الوصول وتصوير الشراب والطعام
ينشغل بتعليقات المضافين معه ولا يكاد يرى هنا او هناك
يمكن حتى تاكل اكله وهو ما عنده خبر

**روح الزهور** · 16/01/2018 09:36 AM

المطآعم المفتوحة معنا شيء ممنوع وعيب !
وإذا دخلنآ لمطعم يتأكدوا إنة في قسم عوآئل إذا ما فية نروح أي مكآن
ثاني حديقة او ع البحر ..!

أنا بصرآحة أستغرب من الشبآب لازم حركآت مغازل ونظرات وتبصبيص ..؟!
بنآت بحالهن كيف ما كانت هيئتهن ما ضرنكم ولا معليات صوتهن ولا يضحكن بصوت
عالي خلوهن بحالهن .. !

يفهموآ الامور بالمقلوب

الناس تطورت وتطوروا إنتوآ فتحوآ عقولكم وخلوا عنكم حركات المرآهقين

**Mesommemo** · 16/01/2018 10:05 AM

الموضوع يضحك،،، لا يسمن ولا يغني من جوع

ترا اللي يجلسوا يأذوا بنات الخلق همه هذيلا اللي عايلتهم تمنع وتقولهم عيب انه البنات او انت وعايلتك تجلسوا ف مكان مفتوح
لكذا تشوفهم منتزقين وكأنهم شايفين فريسه يهجمو عليها

الجواب على سؤالك ايوا عادي ،، وعائلتنا ما تمانع واغلب الأوقات اروح وحدي حتى واجلس ف حالي ،،، وحتى لما نطلع مكان ف عمان او برع عمان انا واهلي ان كان المكان مافي مال عوائل عادي نتعشي مع بعض ،،، لكن فالنهايه ننتقي المكان المريح ،،، شخصيا ما احب اجلس ف مكان وراي احد او قدامي احد مباشرةً مو لأنه ممكن يزعجوني ،،، لأنه حدودي واضحه من البداية لكل اللي ممكن يشوفني جالسه ولكن لأني انا من النوع اللي اسرح كذا وعادي اجلس اتأمل فالهواء خاصه لمن أكون جالسه اكتب بحوث ف أخاف حد يفهم غلط

**نخبرهم** · 16/01/2018 10:23 AM

" في البلد ممنوع ولكن في مسقط عادي" ؟؟ لماذا؟؟
هل ضميرك يختلف باختلاف الاماكن؟؟

....

**جوري السلطنة88** · 16/01/2018 10:23 AM

يُيعتمــــد أخي
ع البيئه
والشخص
والمكآن
والضرف
,,,

معنآ إذا مكان مسكر وخاص بالعوائل: طبعـآ عادي
مفتوح بس ف زاويه بعيده : ف حالة مضطرين ( :: مثال اذا كان رحله بحريه او ما شابه:: )
مفتوح ومكتظ وما مضطرين : ممنوووعـ

**جوري السلطنة88** · 16/01/2018 10:26 AM

أرسل أصلا بواسطة نخبرهم

" في البلد ممنوع ولكن في مسقط عادي" ؟؟ لماذا؟؟
هل ضميرك يختلف باختلاف الاماكن؟؟

....

م أتوقع عشان ضمير وغيره
عشان عادات وتقاليد

ف مسقط محد يعرف حد

ف البلد اذا صادفت حد خاااااصه م الربع وانت متيلس مع الحرمه كارثه عند الشباب اتوقع

.

كذا التفكيـــر’

**بودي سباركلز** · 16/01/2018 10:36 AM

نحن في مسقط الحمدلله نطلع مع عوائلنا سواء مطاعم مفتوحة ولا مغلقة
ماحد يشوف علينا كل حد عليه من بطنه في المطاعم

مستغربة من الرجال اللي لما يسافر عادي ياكل مع حرمته قدام الشرق والغرب لكن في بلده عيب
حتى لو الحرمة ما لبست عباية عادي عنده ع اساس ثقافة الدولة الاجنبية وعادي ما عيب

**فيونكا** · 16/01/2018 10:48 AM

ايش المشكلة دام انهن طالعات مع محرم مثل ما ذكرت
عادي رجال مع حرمته وعياله تغير جو لا غير

وثانيا مستحيل يتعرضولهن وهم جالسات مع رجال فلا تحاتي

**فيونكا** · 16/01/2018 10:54 AM

اذا قصدك مطاعم زي مطاعم المكشوفة في مراكز التجارية اللي عالممر اللي رايح واللي جاي يشوفك هالنوع من مطاعم ما دش مخي البر

**نسيت أنسى1** · 16/01/2018 01:28 PM

أرسل أصلا بواسطة خميس خلفان

رُبما التحفظ في ماهية المكان
أما الشخوص فالكثير من القاطنين في مسقط هُم من تلك البلدان

بالفعل كلامك اخي

**نسيت أنسى1** · 16/01/2018 01:33 PM

أرسل أصلا بواسطة نخبرهم

" في البلد ممنوع ولكن في مسقط عادي" ؟؟ لماذا؟؟
هل ضميرك يختلف باختلاف الاماكن؟؟

....

شو دخل الضمير
تراه انت طالع مع اهلك انت موجود محرم
او مجموعة بنات جوعانات يحليلهن
عادي مافيها شيء

وطبعا بو مندسين هذلا حالة وحدهم

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: ذهاب العوائل وحريم الى المطاعم المفتوحه

أدوات الموضوع

البحث في الموضوع

نمط العرض

ذهاب العوائل وحريم الى المطاعم المفتوحه

مواضيع مشابهه

[ معروض ] معدات المطاعم العامّة و المقاهي و المطاعم الجديدة والمستعملة

نداء الى بلدية مسقط: أجبار المطاعم..توفير حمام + تصنيف المطاعم + نظافة العمال والمطبخ

[ مطلوب ] مخورات القوتشي وحريم السلطان

يا فلاسفة أتحــاد الطائره المتهالك . . الاصح هي ذهاب ذهاب وليس ذهاب واياب . .!

قواعد المشاركة