- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 951
الموضوع: معاً نحو رومنسيه أفضل😂🏃
-
08/01/2018 06:41 AM #1عضو مميز
- تاريخ الانضمام
- 24/06/2012
- الجنس
- ذكر
- المشاركات
- 1,663
معاً نحو رومنسيه أفضل😂🏃
نصائح مهمه جدا للشباب في فتره ما بعد الملكه ...في البدايه بعد لملكه يبيدى التعارف بين الشاب والبنت من خلال الطلعات والرحلات ... وعشان تكون راقي في نظر خطيبتك من اول طلعه عليك بالنصائح هذه ..
1-قبل كل شي :في طلعتكم الأولى مع بعض لازم تتكشخ زين وحلق لحيتك وشعرك خلي كل شي خفيف وسوي تنظيف عشان تأخذ عنك فكره حلوه من اول نظره
2- السياره :نظف سيارتك وبخرها وعلق فيها قلب فيه حرفك وحرفها ..عشان يلفت نظرها وتبتسم وتبدى ترتاحلك ..
3-تملق : اول ما توصل عند بيتها هبط مال 5 دقائق تملق قدام امها وسألها تبي شي نجيبلك .. ... بس لا تتملق قدام خوانها وابوها لانهم عارفين هالسوالف يفهموك..
4-لا تخليها هي تفتح الباب :انت افتحلها الباب ..وخليها تركب كامل بعدين صكره ..ولا تصكر الباب بقوه ..لانه بتقول ف بالها هذا من اولها دفش ..
5-في الطريق: اسألها عن اخبارها بالهدوء ..وابتدي بالسوالف معها ..بس لا تعلي صوتك.. خليه صوت هادي .. ولا تقوم تلعي وهي ساكته .. عطيها فرصه تسولف معك .. ولا تتسرقع ضحك وتطلع انيابك..فقط ابتسم وشوف عليها ...
6-العشاء : لا تسألها وش تبغي .. خلك واثق وقولها انت وش العشاء بتأخذو ..بس لا تختار عشى مال اول مثل سمبوسه فلافل شوارما وسندويش وعيوش بابو كل هذا ما ينفع .. اختار مثلا بيتزاهات او عش بلبل أو شي
6-المشروبات : لا تفكر تجيبلها ديو او سفن اب او مشروبات غازيه لانه تشبع وتخليك تتجشى كثير ..ولا سنتوب مال ميه ...جيبلها عصير فرش فيه ايسكريم مع غرشة ماي ..
7-مكان تناول العشاء : لاتسويها وتقولها اسوق ونتعشى .. بتكره حياتها أذا سويت ذي الحركه ...الصح انك تسألها عن رأيها مثلا تقول شرايك نتعشى ع الشاطي ولأ في حديقه ! ..وعاد هي تختار وانت تملق قول اي شي (من عيوني ,آمري وتدللي،انا تحت أمرك)..
8- طريقة تناولك للعشاء :لا تكون مجرعه ومزطه ..في البدايه خذ قطعه صغيره وناولها ....وبعدين تبدى انت تأكل .. لا تأكل مال بسرعه وفي لقمه وحده ..لا تصدر اصوات أثناء الأكل وتصير كأنك كلاشنكوف... ولا تشوف ع فمها وهي تأكل كذا ما تأخذ راحتها ..بس حط عينك ف عينها ..والعصير شربه بالهداوه لا تشفطه كل مره وحده ...كل شفطه مدتها ثانيتين فقط ..ولما يخلص لا تلحكه وتقوم تهزه عشان تنصعه .. كذا بترحمك وتقول لك شرب العصير ماليوبعد العصير افتح لها غرشه الماي وخليها تشرب .. وبعد ما تخلص اشرب انت من نفس الغرشه
9- العوده :لا تسرع امشي شوي شوي وقوم عطيها كلام معسول وحتى لو شلخ (الوقت مر معك بسرعه ،ما حسيت بالوقت ، ياليت لو شي وقت عشان اجلس معك أكثر ) ولما توصولو بيتها لا تخليها تنزل بمره.. اطلب منها 5دقائق تجلس معك قبل لاتنزل ... وبعد الخمس دقائق طلعلها هديه مفاجئه وبوس راسها واستأذن منها وعاد هي بتنزل ...بس لا تحرك السياره ألا بعد ما تشوف عليك وتبتسملك... وأول ما تدخل بيتها رسلها ع الواتس بيتين شعر شوفلك هالبيتين من جوجل عادي يمشي اتفرحبهن ههههه
وبعدين رجع بيتكم وزيد عشى وشرب غازات وفرغ اللي قفلبك
-
مادة إعلانية
-
08/01/2018 06:56 AM #2مرحبا
شعبت ضحك من موضوعك بصراحه
كلام جميل جدا
ولكن المشكله فيما بعد اي بعد الزواج راح تسالك هين( التمليقه) او اين الخدمات التي كنت تقدمه قبل الزواج مال اول
ايش راح تقول ...
عاد كمل انته اما انا ما اعرف ايش بقول لاني ما راح اسوي كذاك
ما شغلي اكون بشخصيه غير عن الشخصيه الواقعيه
بحيث ان تملك شخصيه واضحه امام الكل افضل من ان تملك 700 شخصيه وكل يوم شخصيه تختلف عن الاخرى
هو موضوعك يصب في مصلحه انك تبرهن للطرف الاخرى انك مهتم فيه وهذا لا يمنع ولكن ان يستمر هذا الاهتمام فيما بعد فهذا الاهم
شكرا لك
آخر تحرير بواسطة ورد الصيف الحارق : 08/01/2018 الساعة 07:16 AM
-
08/01/2018 07:46 AM #3
وينها بس
-
08/01/2018 07:47 AM #4
نعم جاتني ضحكه
وطبقت المثل انت بو يقول مع الخطبه اللسان رطبه
تو عاد انت كشفت لنا حيلكم وانكم ما تتمتعوا بذي الصفات
تقصوا علينا هاه
بس ما تمشي علينا لان عارفينكم إنكم مجرعه
أكشن ذا الموضوع من الصباح
-
08/01/2018 07:56 AM #5
هههه تو ما عرفنا هيش يبغيوا بعض البنات يعني لازم الواحد يتملق ويتعير ويجيب أبيات شعر وغزل من الجوجل عشان يحبوه
بس أقول كلام طارح الموضوع صحيح؛ ولكن ترا وقت الأكل ما نتحمل ذا البرستيج وسالفة تضحك بصوت خفيف وتسوق بهدوء وما أعرف تجلس تبطل لها الباب هذا كله عيارة وبعد الزواج ما قامت تشوف شيء منه
-
08/01/2018 08:17 AM #6
انزين وإلي مشروط عليه ما شي لا طلعات ولا خرجات غير حد شابق معهم وسطة
-
08/01/2018 08:24 AM #7عضو عميد
- تاريخ الانضمام
- 23/06/2014
- الجنس
- ذكر
- المشاركات
- 28,294
موضوع غاوي
أهم شي لا تتسرقع من الضحك قدامهن وتطول وإلا بيجيك قصف
-
08/01/2018 08:34 AM #8عضو مميز
- تاريخ الانضمام
- 29/09/2014
- الجنس
- أنثى
- المشاركات
- 1,500
واللي على طول ملكه ودخله نفس اليوم
-
08/01/2018 08:36 AM #9
-
08/01/2018 08:41 AM #10
السلام عليكم ورحمة الله وبركاته. .
صباح الخير ..
واضحك الله سنك كنت اشرب شاي وتشرقت
..
..
بس ليش هذا كله واللف والدوران..((والتكليف))
هذا اول اللي تسوا هالاكشنات بس عشان
تغيروا من وضعكم وشخصيتكم..
الحين صار الوضع جدا عادي ..والكل مكشوف..خاصة الحين نسمع سوالف وقصص تصير فالواحد صارت عنده خلية من المعلومات والتوقعات. .!
الحين كل شخص وطبيعته ويمكن بعد يزيدها حبتين..
وكلما كان الانسان عفوي وع شخصيته كان
افضل واريـح..
شئ طبيعي لما تتعرف ع شخص جديد.. تبدأ
معاه [ بمعامله حسنة ] وهذا ما تصنع اعتبره
واجب ع الانسان ومن [ الاخلاق والادب ]
من وجهة نظري عُمر التصنع ما يبني بيوت!
فالاول والاخير هذي زوجتك.. عشت معها في
فترو الخطوبة او بعدين..
مثل ما قلت ف ردي واكرر واعيد اللي
ذُكر اعلاه المفروض يجي من الشخص
نفسه اقصد حسن المعشر والكلمه الطيبة
والموده بدون اكشنات وتصنع..
انت الحين تبني اسره ومحتاج تتعرف ع زوجتك
ما تتصنع عشان تكسب حبها.. شئ مبني ع
الموده والصدف من البداية راح تريح راسك
من الحنه بعدين..
وشكرا
اتمنى وصلت الفكره
ما اعرف اشرح
آخر تحرير بواسطة شواطئ الذكريات : 08/01/2018 الساعة 09:21 AM
-
08/01/2018 08:57 AM #11
الافضل انه الشخص يتصرف على طبيعته ولا يخلي نفسه انه كامل كل شخص له عيوب
افضل ان يكون الصراحه .
من أخطر الامور على الزوجين أن تستمر المجاملات واخفاء نظرة أحدهما لمادية الآخر، بل أن هذا الأمر ينبغي أن يتم تسطيره قبل الملكة، أي في فترة الخطوبة، والأمر أسهل إن كان الزوج هو المعيل للأسرة، وإلا فإن كان للمرأة دخلا ً مادياً، فإن عليهما أن يسطروا بنود التفاهم بينهما، ويبقى الإخلاص وحب الآخر لذاته هو المحرك الأساس لعقد اتفاق ودي
حتى لا ينصدم كل طرف بالاخر بعد الزواج وتبان على حقيقتك
مع هذا اجمل الايام هي فترة الخطوبة والملكه تعيش اجواء رومنسية والتى اتمنى ان تبقي مدى الحياة ولا تكون فقط فترة الخطوبة
-
08/01/2018 08:58 AM #12عضو نشيط
- تاريخ الانضمام
- 02/01/2012
- الجنس
- ذكر
- المشاركات
- 978
فاتنا ياخي
يستوي ذا الشيء على كُبُر، وله ما زاهي؟
-
08/01/2018 09:00 AM #13السلام عليكم ورحمة الله وبركاته
وليش يتصنع شخصيه ما شخصيته؟
ترا بكرا راح تعيش معه وبتعرف طباعه وشخصيته الحقيقيه!!
أفضل يكون على طبيعته
بعفويته
عصبيته
هدوءه
ربشته
يخليني بالصوره أعرفه كيفما كان!!
بعيدآ عن التصنع والتمثيل!!
لكن المشكله إذا كانوا الأهل ملتزمين ومتقيدين بتقاليد
وما يسمحوا لإبنتهم بالخروج إلا لما ينقلها هنا بتنصدم
فيه بعد أول يوم لأنها ما تعرف شيء عنه!!
-
08/01/2018 09:05 AM #14
-
08/01/2018 09:06 AM #15
-
08/01/2018 09:11 AM #16عضو نشيط
- تاريخ الانضمام
- 02/01/2012
- الجنس
- ذكر
- المشاركات
- 978
ما زاهي بنت الحلال نعم ما زاهي
وحلات الثوب رقعته منه وفيه
تراها حتى لو إستوت بتكون للحظات ولفترة مؤقتة
وخلاف برجع بنفس طبعي
من هذا كله أهم شي يكون لـ فؤاد صافي
وكل الأمور بتتيسر والرومنسية بتحصليها وحدها بتتدفق بدون شعور
وبو ما زاهي ، تراه ما زاهي
واموه تقولي نتيه بنتي
-
واخرتها يطلع عصبي ينكد بالواحد
ما فية بارض حالها وع ابسط حاجة
ينازعها وو!
احنا محتاجين لرومنسية حقيقية
بدون تكلف وتصنع نحتاج لحب حقيقي
كل شي يسوى نابع من قلب نحتاج ابراز
شخصياتنا بأكثر واقعية عشان لا صار شيء
نقدر نتعامل مع الطرف الآخر ومعالجة
الشيء الغير مرغوب "
اما هالحركات عشان استميل طرفي الآخر
وخاصة سالفة ان الرجال يفتح للبنت باب
السيارة هاذي من الف المستحيلات يسويها
تحصلة مرتز بالسيارة واذا تأخرت شوية
يسويلها محاضرة "
رومنسيتكم خلوها لبعد الزواج وتكون نابعة
من قلب مُحب ما عشان مصلحة او اي شيء
عشان تتقارب القلوب وتحب بعضها اكثر
وتتآلف وتكون علاقتهم قوية "
ما يعني الرومنسية بوقت الملكة معدومة
بس بالملكة سويوا شيء معقول غير متكلف
عيشوا كل لحظة بعفوية اكبر عن ينصدموا
الاطراف ببعضهم بعدين
-
08/01/2018 09:17 AM #18
عمي قالوا وابخت لبنيه لو كانت مع شايب
يعني ما يتعايا حتى لو ما زاهي لكن عاد
تعرف يبغي يكسب قلب الطيره بو معه
وراح يتفنن ويسوي اشياء الشباب ما سووها
لكن عاد ما لحزه يوم الخطبه عاد يروم
يتفنن كذا بعدين ولا من اول اسبوع عرس
البنيه تعيش بصدمه وتحطيم
ونعم حلات الشي من رقعته
بقول طريقه حال الشيوبه نوبه زينه
يعودها من الفجر يزورها ويقولها
اجي الصباح ساعه 6 اتقهوى
وشلها مطعم شعبي حال الغداء بو يسوي سحناه وجوله
مشيها صوب الفلج ما تمشيها صوب البحر
آخر تحرير بواسطة العذراء الحزين : 08/01/2018 الساعة 09:23 AM
-
08/01/2018 09:18 AM #19عضو مميز
- تاريخ الانضمام
- 11/02/2016
- الجنس
- ذكر
- المشاركات
- 1,868
المشكله اذا استويت رومانسي الحبيبه تبيعك والخطيبه ترفع راسها عليك وكانه ما حد ف الدنيا غيرها
وترا عااااادي بموقف واحد تنسف لك كل اللي قدمته وسويته
فالافضل تكبر شواربك وتحمر عينك وتخلي عنك هالرومانسيه اللي بيجي يوم وتندم عليها
هذا انا خبرتك عاد انته وشورك
-
08/01/2018 09:21 AM #20عضو نشيط
- تاريخ الانضمام
- 01/08/2017
- الجنس
- أنثى
- المشاركات
- 835
ما أنصح بهذي النصايح أبدا ..
لانها مؤقته وبعدين يبدى الفلم الحقيقي وتبدأ المشاكل ||
بس حاول تواازن ف علاقتك مع الطرف الأخر ومن دون تمثيل ومبالغه ||
-
08/01/2018 09:22 AM #21
-
08/01/2018 09:24 AM #22
-
08/01/2018 09:27 AM #23عضو مميز
- تاريخ الانضمام
- 11/02/2016
- الجنس
- ذكر
- المشاركات
- 1,868
صدقيني العين الحمرا تجذب
يا ما اعرف اصدقاء مطلعين عيون حريمهم لدرجه انا والله اقولهم عاد ما كذاك
الغريب تشوفي الحرمه مااااايته فيه ومستويه كما الصراط المستقيم
وبالمقابل ناس تدلع حريمها وتقتل نفسها عشانهن وهن شوي ويدوسنهم
هذا DNA في الحرمه
تنقاد للي يكسر راسها وتدوس اللي يطلب رضاها
-
08/01/2018 09:32 AM #24
بقولك شي من اخت لك
الحرمه بشكل عام تحب الرجل إلي له هيبه
ما الرجل إلى يكسرها ويدوس لها راسها
هيبه بمعنى ان إذا غلطت او تمادت في شي يحاسبها عليه
ينبهها ان هذا الشي غلط يعني بخليها تلزم الحدود في كل شيء
الشخص إلى يغار عليها وإلى تبان العين الحمراء في المواقف الغلط
على طلعت منها ما في كل شي تحبه يطلع عينه الحمراء
يعني في أشياء ما تتسهال العين الحمراء
التعامل المحترم والمتزن فيه هو إلى يخلي الحرمه تموت في رجلها
اما مساله انه يكون لها كما قال هذا الاخ في الموضوع
هذا تمشية حال وراح بالفعل يكون لها خاتم بعد لان
وراح تسوي إلى تباه
-
08/01/2018 09:35 AM #25عضو مميز
- تاريخ الانضمام
- 11/02/2016
- الجنس
- ذكر
- المشاركات
- 1,868
-
08/01/2018 09:38 AM #26
-
08/01/2018 09:39 AM #27
-
08/01/2018 09:39 AM #28
-
08/01/2018 09:42 AM #29
-
08/01/2018 09:48 AM #30
مواضيع مشابهه
-
[ معروض ] اعلان هاااام 🏃🏃🏃مراجعات مكثفة لطلاب الثاني عشر قبل الاختبارات
بواسطة knoz في القسم: سوق السلع الاخرىالردود: 1آخر مشاركة: 29/04/2016, 07:47 AM -
[ معروض ] 📢جدول بدروس التقوية والمراجعة قبل الاختبارات للصف ال11 و 12 🏃🏃🏃🏃
بواسطة knoz في القسم: سوق السلع الاخرىالردود: 1آخر مشاركة: 18/04/2016, 12:05 AM -
[ معروض ] مراجعة وتهيئة قبل الاختبارات للصف ال12 ودروس تقوية 🏃🏃🏃🏃
بواسطة knoz في القسم: سوق السلع الاخرىالردود: 0آخر مشاركة: 17/04/2016, 12:41 PM -
[ معروض ] تخفيضات في اسعار القطن المطرز 🏃🏃🏃
بواسطة amy alhosni في القسم: قسم الاقمشة والملابس المنوعهالردود: 0آخر مشاركة: 15/06/2015, 01:20 AM -
[ معروض ] أفضل الأسعار على بخور صلالة 😍😍سارعن اخواتي 🏃🏃
بواسطة amy alhosni في القسم: العطور والبخورالردود: 0آخر مشاركة: 22/05/2015, 07:55 AM