- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 52
الموضوع: زين ما بلغت الشرطة علي ياخوي
-
01/01/2018 05:55 PM #1
زين ما بلغت الشرطة علي ياخوي
مساكم الله بالخير
وسنة سعيدة علينا جميعا وعسى الله يجمعنا ع الخير دايما
طبعا اليوم جبت لكم قصتي مع احد الشباب في سوبر ماركت في العامرات
طبيعتي اول ما ادخل المكان اسوي مسح بعيوني اذا محد في السوبر ماركت ما احب اتسوق ما اخذ راحتي لكثرة العمالة الوافدة والكثير من القصص اللي نسمعها ف شفت كم راس عمانيين يتسوقون واخذت العربة الصغيرة وبعد لونها احمر لما كنت اسوي مسح بعيوني لمحني احد الشباب فلما شافني وقف مثل الصنم يحدق فيني مع اتساع في العينين والحلق مفتوح فما اهتميت حطيت فبالي ان موضوع النقاب اللي نلبسه ونغطي وجهنا بيه امر شاذ ويثير بعض الاستفهامات بالنسبة لمسقط اما نحن متعودين عليه
اشوف الشاب يتخبى ويتبعني وكأنه يراقبني وكل شوي اشوفه مطلع لي راسه من مكان وتصرفت عادي وكأني ما شايفة شيء وسمعته سبحان الله يقول لاحد معاه شوفوا هذي يمنيه اللي سمعنا عنهن يسحرن الناس عشان يسرقنهم ومسكينه انا التفت ادور على اليمنيه ابا ارفع عباتي واشرد لاني بعد سمعت يقولوا يدورن البنات وهو يطالعني احسن انه خاطره يمسكني ويربطني ويتصل بالشرطة تميت ابتعد عنه الحين لو شردت عنه بيقولوا انا اليمنيه صحيح وجلست اشتري وطنشت الموضوع اخر شي شافني اسلم على وحدة من البنات اعرفها وهي بطبيعتها وجها دبدوب واحمر وفجأة اسمع الرجال يحلف ان انا يمنيه وجالسه اسحر البنت اللي كنت اسلم عليها والشاب ما تحمل حب يتدخل في الموقف واستوقفني وقال لي شو تبي للبنت قلتله اي بنت قال اللي كنتي واقفه معاها انا فهمت وضعه وتفهمته بالاصح قال انتي شو تسوي هنيه قلتله انت تعرفني قال انتي ما يمنيه قلتله خوز عني الله يرضى عليك ترا ما فيني بارض حالك مو شايف شيفتي يمنيه؟ كيه اليمنيه ما بتجي تتسوق قدام الاوادم وخجل الرجال وقال اسمحيلي اختي انا اسف ما اقصد بس من كثر ما نسمع انهن واصلات العامرات وشفتك منقبة ودخلتي تشيكي ع المحل ربطت الاحداث واعتذر وراح زين ما صرخ علي في السوبر ماركت
شو العبرة من اللي صار صحيح صارت في الفترة الاخيرة احداث خطيرة وتسم البدن بس حاول تميز شوي حاول تفرق شغل عقلك قبل لا تتهم ربما رح تتصرف تصرف يغضب الطرف الاخر تأنى قبل لا ترمي التهمة واحنا كلنا خايفين على نفسنا وخايفين على البلد بس حذاري نتهم الاخرين
اعتقد لو يشوف الشاب هالموضوع رح يخجل بزيادة
-
مادة إعلانية
-
01/01/2018 07:53 PM #2عضو مميز
- تاريخ الانضمام
- 05/06/2017
- الجنس
- أنثى
- المشاركات
- 3,285
ههه سلمتِ بسلامة غزلان
مسكين معذور متإثر من اخر السوالف إلي يوصلن يالله حصل خير
والنقاب حرية شخصية
-
01/01/2018 08:40 PM #3عضو نشيط
- تاريخ الانضمام
- 12/01/2017
- الجنس
- أنثى
- المشاركات
- 598
أقول سلامات بس..
لا والله أنا أشوف وحده متغشية، وأقولها
إنتي يمنية..أما هذي نوبة سالفة..
-
01/01/2018 09:13 PM #4
الله يسلمك @مرسى السفينة رحمته يختي حسيت فيه خوف
-
01/01/2018 09:13 PM #5
الله يسلمك @سلامة وبناتها مسكين ربط وايد احداث
-
01/01/2018 09:25 PM #6
الموضوع طرحه جميل ولكن العذر لكل من يسئ الفهم بسبب ما نسمع عنه من احداث وقصص يشيب الراس
الشخص معذور لانه اصابه شك بالموضوع وربط ما سمعه من احداث واصابه خوف على الناس ولكن بالمقابل
يجب ان يكون اكثر وعي والتاكد ما كل شي يرتبط بالاحداث وما كل بنت تكلمت مع بنت يعني نفس الاحداث الذي سمع عنها
الحذر واجب ولكن التاكد ايضاً مهم لكي لا يتم ظلم الاخرين الغشوه تلبسها العمانيه والعربيه
وليست مقصورة على اليمنيه فقط
-
01/01/2018 09:31 PM #7
@الصراحة راحة بالضبط كلامك
-
01/01/2018 09:34 PM #8عضو نشيط
- تاريخ الانضمام
- 12/01/2017
- الجنس
- أنثى
- المشاركات
- 598
-
01/01/2018 09:44 PM #9
@سلامة وبناتها لما كان الشخص يسألني كانت ف عيونه نظرة خوف وبعدين هو المفروض يشوف ان البنت سلمت علي وراحت يعني ما وقفنا فترة طويلة
-
01/01/2018 10:02 PM #10عضو نشيط
- تاريخ الانضمام
- 12/01/2017
- الجنس
- أنثى
- المشاركات
- 598
-
01/01/2018 10:29 PM #11
@سلامة وبناتها على فكرة حتى نحن هالشيء مسيطر على عقلنا احينه لو يقولوا قنبلة في المكان بتمي واقفة اكيد بتشردي تريدي النجاة ساعتها
فعلا انا سمعته لما قال يمنيه في البداية خفت لان خبرونا يستقصدن البنات وعاد انا الاهل ربي يحفظهم مخوفيني من الخاطر
-
01/01/2018 11:48 PM #12
اختي الافضل والاحسن تشلي احد معك اذا تروحي السوق
-
02/01/2018 08:12 AM #13
موقف لا يحسد عليه ..
السؤال الشاب ما قدر يميز لهجتك وهو يحادثك ؟؟
بعدين حد يقول فلسطينيات وحد يقول يمنيات وين الصح
ما نعرف !! ..
يبغالك تحطي حارس مفتول العضلات
-
02/01/2018 08:42 AM #14عضو مميز
- تاريخ الانضمام
- 11/02/2016
- الجنس
- ذكر
- المشاركات
- 1,868
ليش تلبسي غشاوه من الاساس؟؟
-
02/01/2018 09:03 AM #15عضو مميز
- تاريخ الانضمام
- 08/10/2015
- الجنس
- أنثى
- المشاركات
- 1,589
اول مره اسمع عن سالفه اليمنيات خخخ
والله ماينلام مرات الواحد ..
حرمه مغطيه وجهها ولابسه قفازات . حتى عيونها ماتبين .. وحدي يفزعني بو كذاك
المهم الحمدالله ع سلامتك ..
-
02/01/2018 09:12 AM #16عضو نشيط
- تاريخ الانضمام
- 16/10/2009
- الجنس
- ذكر
- المشاركات
- 316
شافك قصيرة والعيون زرقات لازم يشك ..
-
02/01/2018 12:25 PM #17
اعتقد السبب انك سويتي مسح اول ما دخلتي ف شك انك جالسة تدورين على فريسه
اعذريه هو مجرد حذر وحقيقةً اصبح النقاب مشوه مو مثل ما هو أساسه ف صار البنات وحتى الرجال يستخدمونه للهروب من المجتمع او من القانون
-
02/01/2018 01:19 PM #18
هل كل مرة رح يكون فاضين لي عشان نروح السوق ترا بعدنا عايشين غربة @إشباح الماضي
-
02/01/2018 01:19 PM #19
[QUOTE=Stanford;49527275]ليش
@Stanfordتسألني؟
-
02/01/2018 01:20 PM #20
-
02/01/2018 01:21 PM #21
ما بيميز الكلام لاني اتكلم كلمة كلمة لكن اخر شي عطيته عماني قحي @hand writing
-
02/01/2018 01:30 PM #22محظور
- تاريخ الانضمام
- 09/11/2017
- الجنس
- ذكر
- المشاركات
- 609
الحمد لله على السلامه اخت غزلااان
يمكن بعض الشباب لما ينعجب في بنت يسوى هالمقلب عشان يتعرف عليها ويجي يخطبها .....
يمكن والله اعلم
-
02/01/2018 01:36 PM #23
تصرف غريب وعجيب، غلط من الشاب يراقب الناس
يعني شفت حريم كثر مال تسوول وكل انسان يحكم عقله
اما انه توصل سحر وغيره شي غريب..تصرف الرجل خاطئ
ولو بلغت عليه يحاكم على فعلته ما كل حرمه تتواصل معاها بهذه الطريقة كانها مجرمة وتسبب لنفسك المصائب وتعرض نفسك للمشاكل..لو غيرك يمكن تبلغ عليه وتصير ما يحمد عقباه
هذا يسمى سوء التعامل وتدخل في شؤون الاخرين..الله يهديه @التيتشر غزلان
-
02/01/2018 01:58 PM #24عضو مميز
- تاريخ الانضمام
- 21/02/2012
- الجنس
- أنثى
- المشاركات
- 1,448
ههههههه ضحكني موضوعك نعم
-
02/01/2018 02:01 PM #25
@المهندس الراهي666 لا ما اظن احسه ما مال كذا
-
02/01/2018 02:03 PM #26
@نور البشرية تصدق لو بلغ علي ما بعصب وما يستاهل اعصب لاني حسيت بإحساسه لما يخبر علي كنت انا بعد حسيت نفسي اريد اشرد
-
02/01/2018 02:03 PM #27
@أرسالي قوي الله لا يبليك
-
02/01/2018 02:19 PM #28عضو مميز
- تاريخ الانضمام
- 21/02/2012
- الجنس
- أنثى
- المشاركات
- 1,448
لو عنش اتم اقراله اخليه يطير بعمرة
-
02/01/2018 02:25 PM #29
-
02/01/2018 02:40 PM #30
كيف يمنية و جالسة تكتب مقالات فالسبلة ..... صحيح انه
مواضيع مشابهه
-
خروج ياجوج وماجوج
بواسطة يوسف الدوسري في القسم: السبلة الدينيةالردود: 34آخر مشاركة: 15/11/2013, 09:32 PM -
الشرطة تداهم شقة مشبوهة بمرتفعات القرم وتقبض على 17 متهماً بلعب القمار .. والمواطنون يبدون ارتياحهم
بواسطة جريدة الرؤية في القسم: سبلة السياسة والاقتصادالردود: 2آخر مشاركة: 04/07/2013, 09:08 PM -
ياخوي
بواسطة الشبل البري في القسم: سبلة الشعر والأدبالردود: 23آخر مشاركة: 20/05/2012, 10:51 PM