- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 29 من 29
الموضوع: منوعات من هنا وهناك :نطوط:
-
28/12/2017 02:38 PM #1
منوعات من هنا وهناك :نطوط:
هلا بالخميس هلا هلا هلا
اعرف مافيكم بارض تقريوا مواضيع اليوم
خلاص جالسين تجهزوا اغراض الشردة
والاستمتاع بالاجازة والابتعاد عن التخميس
عموما
الموضوع الاول : الاحمر العماني:
اليوم وبعد ساعات قليلة بيلعب منتخبنا الوطني ضد الاخضر السعودي
ونتمنى الفوز للاحمر العماني
يارب نفوز
وتو
سدحوا لي توقعاتكم هنا
واللي بيتوقع صح بيحصل جائزة مني شخصيا
بعطيه رصيد تعبئة بريال
لاي مشغل ..اوريدو او حياك او مرحبا او اهلاوسهلا
اتكلم جد
ومو بس يتوقع الفائز
وانما النتيجة
يعني يكتب
مثلا
عمان 1 السعودية 0
يعني اللي بيتوقع ويحط النتيجة المتوقعه
وما مشكله حتى لو وصل اللي توقع اكثر عن شخص بعطيهم الرصيد
الشيء الثاني
التوقع يكون قبل بدء المباراة يعني مايجي احد ويكتب توقعه بعد انتهاء المباراه
ماتمشي عليي هالسوالف هاه
الموضوع الثاني :رسائل الواتس اب:
تو اسالكم سؤال
ما اهتلكتوا بالرسايل الصباحية مال صباح الخير وجمعة مباركة وتجليات معينه
انا تلفوني انترس والله من هالرسايل انبط
المشكله ماهنا
المشكله انو الرسايل اللي تجيني مكرره من اكثر من شخص
وبعض الرسايل كارثية
انا اتوقع اللي يرسل بعض الرسايل مثل هذه مايقرأها نهائيا
بس يشوف عليها كم وردة وحركات تجميلية ويعيد ارسالها للاخرين
ياخي اذا انت مستبلي او تعجبك كما هالرسيال اقراها شوي
يعني اعط نفسك وقت للقراءة عشان تعيد ارسالها بعد ما تتاكد من مضمونها
ولاتحط نفسك في موقف محرج
اقسم انه جاتني رساله من صديق ياربي عاد مافطست ضحك عليه
تدروا شو راسل لي
دعاء وفي نصه مكتوب اللهم احفظ اللي ف بطني
وسهل عليي يا الله
وابوي عليك نته الصديق
اللي ف بطنك باه ؟
حتى ماعرفت شو ارد عليه
قلت له محرزو حبابي محروز
ان شاء الله محفوظ اللي ف بطنك وتتسهل عليك الامور الداه نته
وخبرني متى موعد الولاده
ورد عليي افا ليش؟
قلت له شوف رسالتك بو راسلنها لي
ولما شافها جلس عاد يبرر
وانا ماشفتها وانا اسف وماقصدي ووووو
تو عاد
عب ليش ما انتبهت قبل لاترسل والا مافيك بارض تقرأ
واتذكر فيه شخص اعرفه راسل لي في ايام العيد رسالة تهنئة
ومذيل رسالته باسم مو اسمه
وكاتب مع خالص تحياتي / محبكم فلان بن فلان الفلاني
وهذاك ما اسمه اسم شخص اعرفه
فالقراءة مهمه قبل الارسال
واتنمى تخف هالرسايل انزعجنا صراحه
وتو عاد يسدني
نشوفكم ع خير
-
مادة إعلانية
-
28/12/2017 02:44 PM #2
بو جيه تتوقع ع السريع
.
عمان تفوز
٢/١
آخر تحرير بواسطة رياح الصدق : 28/12/2017 الساعة 07:52 PM
-
28/12/2017 03:17 PM #3
مساء الخير والخيرااات....
وبيييه أحسه قمااار
إذا الحكم القطري النتيجة راح تكون..
المنتخب العماني...1
المنتخب السعودي...0
وإذا كان الحكم ما القطري نتيجة راح تكون
المنتخب العماني..1
المنتخب السعودي..1
....................
أما على سالفة رسائل الصباحية
محد يرسلي غير شخصين..
وبعدني ما أقراهن
الرسائل الصباحية أهون عن رسائل تروجية للبضاع أول محل
توصلك 5مرات في اليوم واذا قلت لهم طلعوني من رسائل جماعية يزعلوا
في مرة من المرات وحده كاتبه تهنئة بمناسبة عيد ميلاد ربيعتهااا
والغم راسلتنها حال كل اللسته بو فونها
سلااامات إحنااا ويش دخلنااا
وتحياتي لك..
وأنصحك تجيب الرصيد من تو
-
28/12/2017 04:33 PM #4
بيكون أنت لي داز مقطع الصوت المتداول مال رسائل صباح الخير ومساء الخير
ما عاجبنه
هو صح البعض يسوي نسخ لصق أرسال بدون ما يقرا أو يعدل .. البعض فيه طشة
عجز حتى يعدل ..
عجب يرسل لك السبت او الاحد أو أي يوم لحد الخميس وف النهايه جمعه مباركه
أو جمعه طيبه ..والمسا يرسل صباح الخير وكذاك يعني ..
..
التوقعات :
تعادل 1/1
تعادل 0/0
عمان 1 ..السعوديه 0
عمان 0 ..السعوديه 1
مجرد توقعات يسد وا زيد ؟
بالتوفيق ..
-
28/12/2017 05:38 PM #5
اني أكثر شي يجني الرسائل الصباحية وعدت مااشوف شي من الرسائل لحد اليوم الثاني .
التوقعات
تعادل سلبي
0/0
أو
1/1
لكل فريق
وبس
-
28/12/2017 06:29 PM #6
طبعآ انا افوز
بو ما شغلها تشوف مباريات
اللي يفوز يخبرني بالنتيجة
..
انا الرسائل الجماعية يوصلني بالهبل كان صبح ولا مساء
انتظر وقت النوم وادقهن مسح جميع الشات وارتاح
وطبعا مسوية silent ح الرسائل عبارة ما اشوفهن غير
من ادخل الواتس اب ..
-
28/12/2017 07:08 PM #7
انا اتوقع
٣ عمان
٠ السعودية
اللي يريد يتوقع بس عنده محاوله وحده
بجي ارد بعدين
-
28/12/2017 09:25 PM #8
مبرووووووكين عيال قابوس
-
28/12/2017 09:27 PM #9
مبروكين
صراحه كان الشوط الثاني حماس أكثر عن الأول
-
28/12/2017 09:30 PM #10
الحمدلله
.
.
مبارك عليكم التأهل
-
28/12/2017 09:50 PM #11
اول مره اشوف مباراه وبكل حماس
مبارك لكم التأهيل
-
28/12/2017 09:51 PM #12
-
28/12/2017 10:40 PM #13
مبارك لكم التأهل ..
*om*
-
28/12/2017 10:42 PM #14
يوم مولدي 28/12 وتأهل منتخبنا المربع الذهبي..للذكريات
-
28/12/2017 11:02 PM #15
مبروك عليكم التاهل
سواها المتتخب وقلب التوقعات ويفوز 2
هذا العماني والبطوله في دمه
الراس عالي دام هالمجد عالي
الي عشق هذا التراب وضمه
يكون الأول مايكون الثاني
مسائكم عماني
-
ههههه ربي يجعل ايامك سعيده وانا 29/12 ربي يجعلها ايام خير وبركات
@نور البشرية
-
@ٲنا تو مخلص صايح عادي اجاوب تو
ههههه بنسبه لتناقل الرسائل الحمدلله مريحه راسي مامفيسه حد. يالله يادوب حد يرسل عشان ارد عليه ماعاد مشتغله اعاده ارسال
بايه اسالك هذيك المباره بو خسروا صحت ولا هاعه
-
ابييه خواتينا معهم وحدي حشﮮ لله ماجايه اشد عصابي هم هيخلصوا المباره وهيرتاحوا واحنا نجلس هذاك منه الخطا او لو سوﮮ كذا او كذا تراه اذا فازوا هنفرح واذا العكس بنكون مرتاحين لان ماشفناهم يوم يلعبوا
@واسطة العقد
@شواطئ الذكريات
-
29/12/2017 06:51 AM #19عضو مميز
- تاريخ الانضمام
- 05/06/2017
- الجنس
- أنثى
- المشاركات
- 3,285
عمان بتفوز
بهدفين
والسعوديه صفر
انتظر الهديه
-
29/12/2017 10:56 AM #20
آمين وانت كذلك يوم مميز لك ما توقعت حد قريب
مني في التاريخ صدفة وانت كذلك ربي يجعل ايامك
بكل خير وحب وسعادة ويبارك في عمرك @زهور الظاهرة
-
آمين يارب العالمين ولك بالمثل اخي@نور البشرية
-
29/12/2017 05:24 PM #22
سمعت انه جاي شاروخان ؟
-
@ومدى الدهر عماني
امكن عب بيكونشيه في بيت اخينا بو تو مخلص صايح @ٲنا تو مخلص صايح
-
30/12/2017 12:15 PM #24
اتوقع تفوز عمان 1-0
والرسايل الصباحية ما افتحهن عت عارفنهم اشخاصها
-
31/12/2017 10:54 PM #25
انا بصراحة صايرة ما اقرا رسائل التلفون أبد
افتحها و اسكرها .. طبعا بعد ما اتأكد انها رسالة صباحية او مال الجمعة او ذا ..
بس اذا كانت رسائل صباحية .. او هالرساىل بو سامحوني و هلا تفتح صفحة جديدة ف السنه الجديدة
افتحها و اسكرها
-
01/01/2018 07:38 PM #26
محد توقع صح
بفتح المجال لتوقعاتكم القادمة لمباراة عمان والبحرين غدا
عاشوا
-
اخي العزيز الصياح الناريلة
كلامك صحيح في سالفه الرسايل العشوائية وان بعض الشناجيب الله يهديهم كله نسخ ولصق
لدرجه ان واحد رسل لنا يقول : اخواتي الكريمات
المصيبة ان في الجروب ناس كبار فوق ال ٥٠ ومطاوعه وياي ذا بو شاكليته يقول اخواتي الكريمات
من الصدمه لو محصل حجاب كنت بتحجب ذيك الساعه
واحب اهديك اغنية بمناسبة النيور يور
ياعين كفي الدمع يا عين لا تبكين
يمكن حبيبش يعود في ليلة الاثنين
-
01/01/2018 08:32 PM #28
انا شايفه الموضوع وكان متوقعه النتيحه صح
شي حالي رصيد يعني ع توقعي
-
01/01/2018 08:33 PM #29
انا شايفه الموضوع وكان متوقعه النتيحه صح
شي حالي رصيد يعني ع توقعي
مواضيع مشابهه
-
عرض مارس :نطوط::نطوط:** الدماني للرشاقة والتجميل ***:نطوط::نطوط:
بواسطة الدماني للرشاقة في القسم: صالونات التجميلالردود: 10آخر مشاركة: 28/03/2017, 09:56 AM -
[ معروض ] لكزس جي اس 400 بحالة الوكاله :نطوط::نطوط::نطوط:
بواسطة عبدالله530 في القسم: المركبات اليابانيةالردود: 0آخر مشاركة: 13/07/2015, 06:59 AM -
منوعات من هنا وهناك اطلاله سريعه
بواسطة وادي الأبيض في القسم: سبلة التصوير الضوئي والتصميم والخطوطالردود: 15آخر مشاركة: 05/06/2011, 11:26 PM