مساء الخير اخواني ..
بغيت شوي استفسر منكم في نقطة مهمة
كلنا نعرف السيارات الالمانية وانه صناعة ما مال ترقيطة على قولتهم
يعني مصنع باعتمادات صحيحة وليس بعيوب ومشاكل ..

ولكن عندنا . المشكلة البعض منا يربط الالماني بمشكلة في الصيانة
وصعوبة في قطع الغيار
وانه ما حد يعرف له غير جنسيات عربية محددة وطبعا شغلهم غالي


بالتالي حبيت اسال وبصراحة
لاني فعلا لما اشوف مرسيدس على الطريق اشعر بصراحة بهيبة السيارة وجمالها ووقعتها في الشارع
خاصة بدخول المستوردات وكثرتهم
يعني كما يقال شاري سيارة صح..
وما اقارنه بسيارات اخرى كل سيارة لها ميزتها
لكن المرسيدي بصراحة سيارة ترسم لك شخصية
وتشعر وانت تقودها براحة وثقة تامة ..


بالتالي اخواني اسالكم..
وين صيانتكم تتم لمثل هذيلا السيارات
وكيف قطع الغيار
وهل صار الكرجات العادية يعرفوا لهم


يعني مثلا المكيف ما يبرد
صعب علي اروح صناعية العين عشان مكيف
بحجة انه ولا كهربائي يعرف بالسيارة

او فرضا صوت في السيارة ..
لان في فترات ماضية لاحظت اغلب العمالة الهنود والبنجالية وحتى البكستانية ما يعرفوا للالماني ابدا ..
ويتعذروا منك لو بغيتهم يفحصوا السيارة

بس بصراحة السيارة تستاهل الواحد يقتنيها..
وتكون عنده لمشاورير وخطوط لانها فعلا عليها وقع خاص ولها رساوة في الطريق

بالتتالي اتمنى يشاركنا الاخواة اصحاب المرسيدس بالذات
كيف الصيانة
وكيف القطع
وهل تواجهوا مشكلة في من يصلح السيارة لو صار فيها عطل
وهل فعلا السيارة على قولت البعض ل10 سنوات فقط وخلاف تبدا الاعطال
ويصير وجودها مجرد مصرف مالي لا اكثر..