ذكريات الماضي في الصيف

[أمير بلا قصر]

ايام الطفوله وايام زمان مختلفه عن الجيل الجديد
ايام لا تنس من ذاكرتنا وكم نحن لها واحيانا نحلم
بها في النوم بكتب لكم بعض ذكريات زمان
في الاجازه الصيفيه نسافر الى المزرعه ماشي سفر
برع عمان او عطلات تمشيه مثل الحين في الصيف
يكون موعد النخيل في فجر اليوم وبعد صلاه الفجر
نتجهز ونستعد للمزرعه نذهب مشي الى المزرعه حتى
سياره ماشي عندنا فقط كان عندنا حمار وعربه يجرها
الحمار نذهب كلنا للمزرعه صغير او كبير غصب عنه
يروح ومن نوصل المزرعه كل واحد يشل معه قفير
او وعاء يلقط فيه البسر من النخله كل يوم هذي الشغله
وبعد فتره يصير موعد الجداد وعمل الشاق نشل عندنا
الريوق المزرعه ومن تجي ساعه 9 ونص نوقف عملنا
لانه صيف وشمس ونتريق ونرجع البيت كل يوم نفس
الشغله لين يخلص جداد كل النخل ونحط الرطب وبسر
على الدعون في مساحه كلها شمس من اجل يتحول
الى تمر وبعد فتره نشل عندنا جواني التمر ونبدء
في جمع التمر في الجواني ومن تمتلى الجونيه
نصكر عليها بحبل صغير ونحمل الجواني الى المخزن
وبعد فتره نحصل دبس في المخزن
نعم كانت ايام لا تنس اما الان فقد تم هجر المزارع
او الاعتماد على العمال فقط في المزرعه

[عذبةالمشاعر]

الدنيا بعدها بخير والحمدلله ..

[زهرة الحناء91]

الا ليت الزمان يعود يوما