بو يتوتالي اوكيه

**NITRO** · 13/11/2017 02:05 AM

موه اخباركم؟؟

العنوان تو بأي لغة؟
بو يدوس الارض بقوة ويمشي في السراميك وينقع البلاط
اكثر من كذاك ما اقدر المح
مبين اني السنة الماضية ربحان جايزة كما ذا الوقت؟؟

تو قبل خليوني اقولكم القصة قبل عن اقول المعاني,بس لاحد يقول باغي عزيمة
لانه الموضوع عاد حايل سنة وبو فات مات

@الرجوع من الماضي ماكنه هذي وحده من فراشات الترويح؟

طبعا انا بو يسويلي منشن في حسابات المسابقات اشوف وما اشارك لبر
لانه عوين حظي مقروف ,واقول حموه اتعب عمري ماجاي افوز تراني
الا ذيك اليومة يوم العيد الوطني كما ذي الليلة بس بيكونشي عند العتيم

منشني ربيعي وذي المرة كان شي بارض ومنشنت اخوي وود عمي وبو جيرانا بو معهم حصان(ما اروم اذكر اسمه عن تعرفوه)
وعت صكرت السالفة ,وبينما كنت فالصناعية ارتب ذيك السياية وجالس منزل صورة في الخاص مالتي
الا جاني ربيعي مبروك؟
طبعا تعرفوني انا عماني طيب الساس ,قبل عن ارد قمت افكر موه مسوي؟متفوق فالكلية ولا موه؟
بعدين تذكرت اني مسوي صورة المرسيدس ذك الحينة,قلت له الله يبارك فيك الغالي بس ماحالي تاها

قالي هاعة,مبروك تراك فزت في لحساب لفلاني وربحت النعال بو اصدار العيد الوطني
واذا ماباغنها جيبها حالي
وكذاك الكشخة اهواي لو كان معي فلوس كما @الرجوع من الماضي اطي كل لهنود ذيك الحينة ريال ريال,واحليلي ماجالني فزت بشي الا ذيك اليومة
حتى خلاط بو اللؤلؤ ماجالني ربحيت لكن لهناقرة يزيدوهم فلوس كماهم هم بنت العم
على كل شرية ربحانين شي ,شي سيارة وشي تلفزيون ,وحنوه اذا ربحنا ربحنا بطارية ولاسيعة بو ريال
وكانو هم كاتبين اسمي في لحساب بدون منشن ومن كذاك ماوصلني الخبر

فالحمدلله رب العالمين نعمة من الله غير متوقعة

ولبستها نعم ورحتبها الكلية وكذاك مايشوفو عليني ,ويقولو مانروملك ابوي,وانا اتكشوخ واغطي عمري بلوقاية بو مينا عن يشوفوني
يوم اضحك او يوم يحمرن غنوزي بس ماقلت لهم اني ربحاننها لانه

قالت فتاة العم @نور الهدى 11 قولهم مشترنها عشان يعرفونا انا هوامير

والعنوان توتالي يعني هذي تفيد في التوعد
بو يتوتالي اي يطلعلي اوكيه او ادعسه ب رجلي
اسميه ذي النعال ماجات عليكم كان كذاك بطرتني

ف تو تعالو نتقاول

كيف جالكم ربحيتو شي ؟؟

وتو دوروهن لحسابات بو يسوين مسابقات ومنشنونا فيهن حتى لو بو مكياج يغيب حتى انافس فيهن

وعاد الرجوع وفتاة العم سمحولي شوية سويت فيكم بهارات
لكن موه سوي من القهر والغيرة (استغفرالله العظيم
لا اعتراض على هبات الرحمن لنا)

وعن حد يسير يخبر حياني اني سهران لين نص الليل عن يضربوني

**نور الهدى 11** · 13/11/2017 02:25 AM

صباح الخير
جالسة اتصل بتلفةن حرمة عمينا بس لقيته مغلق ..

انته الله يهديك كله تخبر به

توايقال ذلا اغراضهم من الجوايز بس

..ما مشترينهن وحدهم .

ولد عمي انا مثلك ما جاللي ربحت شي .. حتى يوم يسووا مسابقات بو المدرسة ما حد يسحبلي اسمي البر.

أنا حدي ف الأشياء اللي اربحها .. يوم اول الايسكريم بو قصبه يطلع لك و تروح تجيب غيره .. غير كذا ما شي

راقي الموضوع ولد العم

@NITRO

**ابتسامة الشمس** · 13/11/2017 06:01 AM

السلام عليكم
مسالخير
،،
حظك ونصيبك

بو متذكره شو ربحت ..
مره ربحت منظار باتمان

مره ربحت عدسه .. كما بو يستخدمها شارلوك ..

.. مره ربحت سياره .. بس بحجم .. صغير .. يسوقها الاطفال ..

واكثر اللي اربحهن العاب.. وساعات ..

اخر مره دشيت مسابقة صاير حظي

ما برابر لدرجه بيني وبين اللي فائز خط بس

نقطه يعني ..

،،

نوبه نعال... تتودعد تدوس بنعال

التوبه يا ربي التوبه

المهم ما صورت لنا النعال @NITRO

وصح تو مشاركه بمسابقة عسى افوز

وبس

**NITRO** · 13/11/2017 02:07 PM

أرسل أصلا بواسطة نور الهدى 11

صباح الخير
جالسة اتصل بتلفةن حرمة عمينا بس لقيته مغلق ..

انته الله يهديك كله تخبر به

توايقال ذلا اغراضهم من الجوايز بس

..ما مشترينهن وحدهم .

ولد عمي انا مثلك ما جاللي ربحت شي .. حتى يوم يسووا مسابقات بو المدرسة ما حد يسحبلي اسمي البر.

أنا حدي ف الأشياء اللي اربحها .. يوم اول الايسكريم بو قصبه يطلع لك و تروح تجيب غيره .. غير كذا ما شي

راقي الموضوع ولد العم

@NITRO

الله بالنور والسرور لمسيهروة @نور الهدى 11

بمرة نتيه تخبري ,سكتي جالس متعب منزللكم موضوع وانتيه باية تخبري عليني

تراني ابين انه الغني يزاد غنى ويافقير كون دمير
حتى اسكريم تو مايطلعلنا

لو فينا عرق هندي انشبع جوايز صدقيني نعم
حتى بو حظ نصيب جالش شتريتي وطلعلش شي؟؟انا ماجاله

وصحيح بس الاسكريمات بو تنعمنا فيهن

المهم تجهزي اليوم ادور كل لحسابات بو الانستقرام وحيت شي مسابقة مسولش فيهن منشن
عسى نفوز عدنا

اشكرش فتاة العم
وتشريف تواجدكم فالنهار وفي انصاف الليالي

**NITRO** · 14/11/2017 12:17 AM

أرسل أصلا بواسطة ابتسامة الشمس

السلام عليكم
مسالخير
،،
حظك ونصيبك

بو متذكره شو ربحت ..
مره ربحت منظار باتمان

مره ربحت عدسه .. كما بو يستخدمها شارلوك ..

.. مره ربحت سياره .. بس بحجم .. صغير .. يسوقها الاطفال ..

واكثر اللي اربحهن العاب.. وساعات ..

اخر مره دشيت مسابقة صاير حظي

ما برابر لدرجه بيني وبين اللي فائز خط بس

نقطه يعني ..

،،

نوبه نعال... تتودعد تدوس بنعال

التوبه يا ربي التوبه

المهم ما صورت لنا النعال @NITRO

وصح تو مشاركه بمسابقة عسى افوز

وبس

وعليكم السلام والرحمة مؤمنة @ابتسامة الشمس
تم تو اراويش اياها لحسن الحظ اني ماحاذفنها الصورة

ماشاء الله
الله يزيدكم من واسع فضله وعسى يارب دوم هالفوز

هيه تراني تو متجنن وعادت الوطية مبطرتني

عسى يارب تفوزي بس نتيه ماتهتمي وسوي عمرش كماي مامهتمة عشان تفوزي

**NITRO** · 23/11/2017 04:35 PM

- الفاشلين يقسمون إلى قسمين :قسم يفكر دون تنفيذ ، وقسم ينفذ دون تفكير.

**NITRO** · 25/11/2017 10:39 PM

@يحلو الوصال

حذفتيه الرد بس مايمنع بنرد

هو حظش ربحتي شي ,شي منهم مساكين ماجالهم ربحو شي لبر

وانا قايل يبغالنا عرق هنود عشان فكل جايزة يدخل اسمنا فيها

يالله ماعليه انريض مسابقات الامارات بو السيارات وانجرب حظنا

الحمدلله دائما وابدا

**كيان آخر** · 25/11/2017 11:02 PM

موضوع غاوي من نيترووو
ها هيه السنه تنتهي ونيترو ما زال يتحفنا بمواضيعه الجميله والشيقه

تحياتي لكم دمتم بخير

**lob soldier** · 28/11/2017 08:48 PM

تو مو ذي الهرجة يالحبيب

مبروك عليك النعال، أحمد ربك زين طلع لك شيء

بس ما فهمت إيش قصة صورة المرسيدس

أنا نوبة طلعت لي جائزة تقريباً قبل عشر سنوات

ولكن ما إستفدت منه عوين حياني هم بو كاتبين إسمي على الكوبون وأثناء السحب طلعت إسمي ربحت تلفزيون، بس شلوها عني عوين هم حاطين الكوبون

قلت ما عليه برايه دام إلا كلنا ساكنين في بيت واحد خلي الكل يستفيد مو أسويبه وحدي

**NITRO** · 29/11/2017 11:48 AM

أرسل أصلا بواسطة كيان آخر

موضوع غاوي من نيترووو
ها هيه السنه تنتهي ونيترو ما زال يتحفنا بمواضيعه الجميله والشيقه

تحياتي لكم دمتم بخير

هلا هلا بالغالي
انت الاغوى @كيان آخر

بعدنا مستمرين بس نتوه تو ماتبغيو تجيو هنا
عن تكون زعلان؟وا باغي عزيمة؟؟

**NITRO** · 29/11/2017 11:50 AM

أرسل أصلا بواسطة lob soldier

تو مو ذي الهرجة يالحبيب

مبروك عليك النعال، أحمد ربك زين طلع لك شيء

بس ما فهمت إيش قصة صورة المرسيدس

أنا نوبة طلعت لي جائزة تقريباً قبل عشر سنوات

ولكن ما إستفدت منه عوين حياني هم بو كاتبين إسمي على الكوبون وأثناء السحب طلعت إسمي ربحت تلفزيون، بس شلوها عني عوين هم حاطين الكوبون

قلت ما عليه برايه دام إلا كلنا ساكنين في بيت واحد خلي الكل يستفيد مو أسويبه وحدي

@lob soldier
انته من جيل الدلوعين بو مايوالمهم يتكلمو قحي

الله يبارك في حياتك الحب
نعم والله ماكنت متوقع

الله يسلمك جايبين مرسيدس تصدير وذيك الحينة مخلي الصورة الا يجيني ربيعي يقولي مبروك

وجاء في بالي عالسيارة

ماشاء الله
صحيح تلفزيون تراه,عاد عب دور ولادك ان شاء الله حد تطلعله سيارة وانته تشلها

**مسقطاوي بهلاوي** · 29/11/2017 11:50 AM

احنا نمشي بالدور على المواضيع
ما نخالف العادة

**NITRO** · 29/11/2017 11:58 AM

أرسل أصلا بواسطة مسقطاوي بهلاوي

احنا نمشي بالدور على المواضيع
ما نخالف العادة

@مسقطاوي بهلاوي

نصعو ذاك الموضوع وخلصوه
وعت عازمنكم هنا

بس عليك سندويكات ابو نصحة

**مسقطاوي بهلاوي** · 29/11/2017 12:01 PM

أرسل أصلا بواسطة NITRO

@مسقطاوي بهلاوي

نصعو ذاك الموضوع وخلصوه
وعت عازمنكم هنا

بس عليك سندويكات ابو نصحة

ما يهمك سيدي سمعا وطاعة يا مولاي

نخلص الموضوع ونقطه

وراح نجي نعسكر هنا
لا تشل هم

**كيان آخر** · 29/11/2017 03:15 PM

أرسل أصلا بواسطة NITRO

هلا هلا بالغالي
انت الاغوى @كيان آخر

بعدنا مستمرين بس نتوه تو ماتبغيو تجيو هنا
عن تكون زعلان؟وا باغي عزيمة؟؟

جهز العزيمه

@NITRO

**شواطئ الذكريات** · 10/12/2017 07:39 PM

يرفع موضوع اخوي التتون

**الرجوع من الماضي** · 11/12/2017 06:26 AM

@NITRO والله يالغالي الحال من بعضه ، انا في حياتي ما ربحت بجائزة البر

لدرجه ان احد مسوي مسابقة في الانستجرام ، المهم انا ما شاركت لك رحت وتواصلت معهةع الخاص قلت له مستعد اعطيك مبالغ الجوائز بس تفوزني

**نور البشرية** · 11/12/2017 07:18 AM

هلا نايترو

اذكر مره زمان كنا نجمع غطيات القواطي وربحنا كثير اكواب مال كاكولا
وبعده مخبرينا خدعة ما اي غازات نشتري ننقييه الغطاء المعدني اللي يدور كامل او نصف يعني فيه مال ربح
بس كله اكواب ما شي بو جائزة عوودة ما طاعن يطلعن

نعم انه ذكريات اوول ونترس دفاتر السنتووب

@NITRO

**NITRO** · 12/12/2017 11:11 AM

أرسل أصلا بواسطة شواطئ الذكريات

يرفع موضوع اخوي التتون

احسنتي ختينا الطيبة

**NITRO** · 12/12/2017 11:12 AM

أرسل أصلا بواسطة الرجوع من الماضي

@NITRO والله يالغالي الحال من بعضه ، انا في حياتي ما ربحت بجائزة البر

لدرجه ان احد مسوي مسابقة في الانستجرام ، المهم انا ما شاركت لك رحت وتواصلت معهةع الخاص قلت له مستعد اعطيك مبالغ الجوائز بس تفوزني

عب انا واياك رباعة
انزين اسكريم ولا بو حظ نصيب بشر؟؟ماشي؟؟

داهية في زمن قل فيه الدوااهي ,عالاقل الفرحة
@الرجوع من الماضي

**NITRO** · 12/12/2017 11:13 AM

أرسل أصلا بواسطة نور البشرية

هلا نايترو

اذكر مره زمان كنا نجمع غطيات القواطي وربحنا كثير اكواب مال كاكولا
وبعده مخبرينا خدعة ما اي غازات نشتري ننقييه الغطاء المعدني اللي يدور كامل او نصف يعني فيه مال ربح
بس كله اكواب ما شي بو جائزة عوودة ما طاعن يطلعن

نعم انه ذكريات اوول ونترس دفاتر السنتووب

@NITRO

ياهلا بيك @نور البشرية
يوووه ذكرتنا على ايام الاكواب ,,صراحة ايام
اشياء بسيطة وتفرحنا وتبث السعادة فينا

ودفتر السنتوب تعبنا مانضول ومافزنا والبسكوت مرة وحده صح فزنا بسكوتر

**نور البشرية** · 12/12/2017 11:22 AM

أرسل أصلا بواسطة NITRO

ياهلا بيك @نور البشرية
يوووه ذكرتنا على ايام الاكواب ,,صراحة ايام
اشياء بسيطة وتفرحنا وتبث السعادة فينا

ودفتر السنتوب تعبنا مانضول ومافزنا والبسكوت مرة وحده صح فزنا بسكوتر

هههه زمان نعم انه

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: بو يتوتالي اوكيه

أدوات الموضوع

البحث في الموضوع

نمط العرض

بو يتوتالي اوكيه

مواضيع مشابهه

بيبيتي حبابوتي خالوتي عموتي كلهم اوكيه وانا بايخ

ما اوكيه حد يزعل سبب ما يستحق

وشـــــــــــــــــــــ ( ي )ــــــــــــــــ( ثاني)ـــــ عندي سبله ما اوكيه ـــــــــــ

وشـــــــــــــــــــــ ( ي )ــــــــــــــــ( ثاني)ـــــ عندي سبله ما اوكيه ـــــــــــ

قواعد المشاركة