- محرك البحث العام
- المركبات
- الأراضي
- العقارات
- الوظائف
رؤية النتائج 31 إلى 60 من 61
الموضوع: الحجة انه شبعان ...الين نشتري الاكل
-
12/10/2017 11:08 AM #31
انا اشوف الواحد ما يرتبط مع حد في الاكل ياكل بروحه افضله
يروح مطعم بروحه
ياكل في دوام بروحه ما يرتبط مع شباب
وكذا احسن عن القيل والقال هذا جاب وهذا ما جاب
خليك بروحك افضلك
-
مادة إعلانية
-
12/10/2017 11:27 AM #32
مرحبا سيدتي الفاضله
المشكله الكبرى انك تستحى منهم او كما اشارتي انك صعب ترد حد عن الاكل
والمصيبه العظماء انهم ما يستحون ياكلون من عندك
نطالب منهم الدفع والاعذار كثيره
ما جايب المحفظه اليوم
ما عندي تو بعدين لما اسحب
بعطيك بعدين
ولا يهمك بالمقابل ما تشوف شي
وفي النهايه اليوم الثاني تستحى تطلب منهم
واذا عزمت فئه على فئه ما يعحبهم ويتم التقاول عليك
حال كم واحد بجيب اكل من البيت تره بعده نفس الشى
بينزول ياكلو معك
هذولاه ياكلو الاخضر واليابس
مال المطعم او مال البيت
اهم شي ببلاش
شكرا لك
-
12/10/2017 11:36 AM #33
بعد نسيت حاجه لما تكون في دوام ونريد نطلب غداء او اكل او ريوق
بيجي واحد من شباب بيقول نسيت محفظتي في سيارة ههههههههههههههههههههههههه هه يتعمد يخليها في سيارة
بصراحه شبا عليهم سوالف بصراحه
مثل هذي نوعيه ما حد يرابعهم مكان ولا حد يروح عندهم اي مكان فضائح نعم انهم
-
12/10/2017 11:58 AM #34
مثل هذولاء الناس مافيهم دم
مايستحيوا
كل مره يدفعوا عنهم ماحلوه منهم
احنا معنا فالدوام نجمع مبلغ بدايه كل شهر ونجيب منه فطور
واذا حد قال اني بتبرع لكم نحاول الشهر اللي بعده نسوي مثله نضبط يوم تكون الامور متسيره
واحيانا نجيب اكل من البيت وكل حد يجيب شي اتفاق لازم
-
12/10/2017 12:09 PM #35عضو مميز
- تاريخ الانضمام
- 16/09/2007
- المشاركات
- 3,580
مثل هالمواقف تخليني اتضايق من هكذا زملاء .. بل تصل إلى درجة الاستياء .. زملاء ممكن يكونوا قريبين من قلبي .. أو .. الظروف تلزمني معايشتهم في فترة معينه .. لذلك .. لما راقبت تصرفاتي وجدت أن المجاملة والخوف من حكمهم وأيضا الخجل عيوب تمنعني من إصلاح فعلي في مثل هالمواقف .. ولما بديت اشتغل على هالعيوب صرت أقول "كل أحد يدفع حسابه شباب" .. هذا هو حالي في معظم تجمعاتي الحالية مع ربعي وزملائي .. رغم إني أحيانا أجد الاندهاش على وجوه بعضهم .. لكني .. أجلس على الطاولة وأنا مرتاح .. ما مثل قبل .. فوادي وعقلي مشغول في "تو من بيدفع ذا الحساب"
أما في مسألة أكلي الخاص .. سواء فطوري ، غداي ، عشاي .. لا أجامل .. هذا أكلي .. تفضل ما تفضل مافيه .. آكل قدامهم ولا عندي خبر .. وكذا وضعي في الدوام .. غرفة مكتبي فيها اثنين زملاء .. معظم افطاري اجيبه من البيت .. ولما يجي وقته اطلب شاي ونيم نيم
-
12/10/2017 12:20 PM #36
-
12/10/2017 12:44 PM #37
مالني نوبه
اخجل والله اكل وما ادفع
طبع اغلب الحريم كذا
يمكن انتوا عادي معكم بس ما الكل
@NITRO
-
والله شباب عليهم سوالف مثل مايقول المثل مال عمك مايهمك
الحمدالله فالبدايه وين مااروح مااصادف بمثل هذا الفئه من الاناث ونادر جدا اسمع حد من الاناث يشتكي من هذا الجانب ممكن صفه الحياء ماثره فذلك ولكن الذكور كل مره اسمع منهم ينتقدوا هذا الفكره وعاد من غير المواقف اللي يسووها انتقام لهذا الفئه الله يهديهم فلذلك اسلفت الذكر ممكن صفه الذكور اكثر !!!
احترامي لك @ورد الصيف الحارق
-
طيب تراه الشباب بياخذوه حقهم ماعليك منهم @مسقطاوي بهلاوي
-
12/10/2017 12:59 PM #40
واجد منهم ويا كثرهم
في الدوام وفي البيوت بعد موجوده الحركه ذي
عشر حريم وفيهن كوده يطبخن يدعين الشبع
وبعد ما وحده تزهب الغداء أو العشاء ينهضن ياكلن
وفي وقت الدوام موجود ناس تقاسمك حتى على قوطي البارد
ما احب الاتكاليه والبلاش
بس الناس أطباع
-
12/10/2017 01:07 PM #41
@ام شموه
سيدتي الفاضله
التكاتف في السكن شي جميل جدا ومن المفروض ايضاء لانها بتكون ما اقل عن سنه في نفس السكن مع بعض
ولكن البعض ممكن يدفع المبلغ و لكن ما يحب يطبخ او يغسل
والبعض ياكل ويهرب على طول بعض
ما اعرف هذولاه كيف الوحد ممكن يتعايش معهم
اعرف واحد مرة قال لنا مستعد ادفع ضعف المبلغ 3 مرات بس بشرط ( اجي اكل واروح ما امس شي )
شكرا لك
-
12/10/2017 01:12 PM #42
السلام عليكم ورحمة الله وبركاته
إلى متعود كذا غسل يدك منه انه يجي يوم ويدفع
لوكن اقولك شي انت شوف متى ينزل الراتب
وهذا السوم شله مغك يتغدى ولكن ماتشل معك فلوس لبر
ويوم توصل قوله فلان شب معك قرض لين خلاف
بيكون ايعطيك واذا عطاك وهذه اشك فيها بعد قوله
هذه ما قرض هذه اليوم الغدا عليك كل يوم توكل بلاش
استغرب من هذه الفئه بصراحة
كل يوم ما معه بعيد الشر ولا ينحرجوا
-
12/10/2017 01:13 PM #43
@نسيت أنسى1
سيدتي الفاضله
جميل التعاون هذا واكيد هذلاة ناس فاهمه السنع ما مثل البعض هم الوحيد ياكل ويروحشكرا لك
في ناس كلمنهم والى الحين بنفس الاسلوب
وفيه ناس تدفع بس ما تحب تساعد او تخبره روح انته اشتري حتى لو تعطيه فلوس ما يطيع
آخر تحرير بواسطة ورد الصيف الحارق : 12/10/2017 الساعة 01:18 PM
-
12/10/2017 01:15 PM #44
@مسقطاوي بهلاوي
سيدي الكريم
صعب الواحد يروح وحده ياكل
ما يحس بمتعه بالاكل اذا ما احد معه وانته اعلم بهذا
شكرا لك
-
12/10/2017 01:15 PM #45عضو نشيط
- تاريخ الانضمام
- 10/12/2010
- الجنس
- أنثى
- المشاركات
- 774
الحمد لله ما عندي صديقات ولا شي كله ادفع حال نفسي وأحيانا أحط نظام ٢٠٪ بخشيش ههههههههههه
-
12/10/2017 01:21 PM #46عضو مميز
- تاريخ الانضمام
- 02/04/2015
- الجنس
- ذكر
- المشاركات
- 1,640
يقولوا مال بلاش طعمه حلو
-
12/10/2017 01:32 PM #47
@المقنّع
مرحبا سيدي الفاضل
معك حق فيما قالت وفيما تفعل وانا اتفق معك لانك تملك الجراة
اما ما سطرت به باللون الاحمر فالبعض لا يستطيع او لا يملك الجراة لهذا الكلام
وان قالت لك بانك مخطى فقد ظلمتك
واما ان انطق بها انا فهذي ايضاء صعب علي
المصيبه يا اخي المقنع ان البعض لا يهمه حتى ولو اشارت اليه بمقدمات فهوا يجعل لك راس صم لا يسمع او لا يتحسس من شي
والمساله الثانيه
ما اشل فطور من البيت فهذا مستحيل ... كله علشان ما يتعود علي اجيب لهم فطور
وان من طبعي مستحيل ما اقول لاحد تفضل
شكرا لك
-
12/10/2017 01:35 PM #48
-
12/10/2017 01:40 PM #49
@asma al busaidi
مرحبا سيدتي الفاضله
اما انتي جاء رد مميز شويه في جانب قوطي البارد
من الاخر ... نحنا خلاص نسينا قوطي البارد والحين كله غرشه كبيره بس نشترى
طبعا والسبب هم هذولاه
شكرا لك
-
12/10/2017 01:45 PM #50
@العذراء الحزين
مرحبا سيدتي
الله يهديك بس يوم ينزل الراتب ...بالله عليك هو كل يوم يمكن يدوم بنصف ريال او يجيب ريال واحد
هذي الفئه خلاص عارف كل شي
ولا الغم يفتح ثلاجتك مال المكتب يشوف عسى يحصل شي فيه بعده
شكرا لك
-
12/10/2017 03:25 PM #51
وحدي ما اشوف فيها شي اذا شخص جايب شي ونوكل منه
حموه نوبه نجلس نسوي كذاك
اتفق لو هو قايل نجمع مبلغ او شي وانا قلت ماباغي وبعدين جلست اكل
هنا صح
عب تو لو جبت بيتكم سيويا ولادنجو نوبه ما اتوكلي؟
@شموع انثئ
-
12/10/2017 03:54 PM #52عضو مميز
- تاريخ الانضمام
- 06/07/2017
- الجنس
- ذكر
- المشاركات
- 1,259
صار لي نفس الموقف لكن ... لازم ما تتذمر منهم بالعكس تعتبرها صدقة...
ويؤثرون على انفسهم ولو بهم خصاصة ومن يوق شح نفسه فأولائك هم المفلحون....
-
15/10/2017 11:30 AM #53
عادي هذا يوم تجيب شي وجاى زياره
احنا نقصد مثلا نطلب غدا او فطور وشخص ياكل معك
وما دفع ما حلوه انا اشوفها
انت شو رايك ؟؟؟؟ @NITRO
-
15/10/2017 09:35 PM #54
@شموع انثئ
هو شوفي هنا يعتمد
اذا مثالا انا من النوع البخيل بو مايبغى يدفع وقلت ماعفوادي معش حق انه اصلا ما اكل
اما مثالا انا كنت طالع مكان او دخلت المكان وتمو يعازموني ويغصبوني عت اكل
-
15/10/2017 10:02 PM #55عضو نشيط
- تاريخ الانضمام
- 12/01/2017
- الجنس
- أنثى
- المشاركات
- 598
أنا وربيعتي، كل وجبة ناكل مع بعض..
بس ما أتخيل نفسي إني ما أدفع، وافضيحتنا!
وخصوصا أنا الله يبارك بس خاطفة وأقولهن
خلا ناكل ( ما عندي شغل )..وإذا مثلا
صار ف يوم إنه ما معي فكة وحد دفع عني،
عاد مستحيل أظن أنام غير دافعتنهن..
أما ف البيت صراحة معجبة، كله أباه مال بلاش
ما أظن إني جالي دفعت من جيبي
-
16/10/2017 11:57 AM #56
عن نفسي اذا صادفت هذي النوعيه من الناس صح انه يجيني قهر بس ما اقدر اقول شي لان ما من تربيتي افضح الناس بس يمكن احيانا اذا جاتني الجرأه اجيبها بمزاح واقول اللي ما دافع ما ياكل
او اقول المره الجايه تعشينا ع حسابك
وف النهايه ( راعي المعنى يستعني ) والشخص بنفسه راح يتحسس اذا ظميره حي طبعا وياما سويتها مع عدة اشخاص وفعلا تحسسو وخذوها بجد ،،
واذا ما حس الشخص اعتبرها عزيمه مني ولوجه الله
وطبعا ما دايما ،،
وسلامتكم
آخر تحرير بواسطة feelings never dies : 16/10/2017 الساعة 12:02 PM
-
16/10/2017 03:29 PM #57
صادفت هذا النوعيه من البشر وما كنت اعرف
كان قبل اربع سنوات واكثر .. كان موظف جديد وما كنت اعرفه كثير
كان ف قسم المحاسبه .. كنت اطلع البريك اروح البيت اتغدى اكثر الوقت
واحيانا مع الشباب ننزل تحت احد مراكز تسوق القريبه جدا من المكتب
مرت الايام ونزلت مع سباب عشان غدا .. وهذا جاء مسكني ع طرف
قال ناقص عندي فلوس ممكن اليوم تعطيني مبلغ .. عطيته ريال من باب صداقه ف العمل
بعد يومين كرر نفس الشي .. عطيته .. وبعد اسبوع جاء بطريقه ثانيه .. رجال يجمع الاكل
وقت مكان الدفع .. يقول نسيت المحفظة و و .. وكان زميل روح بالروح وقت الدفع يختفي غريبه
وهنا من باب الشهامه قلت بدفع لك .. ويوم رحت فوق .. اقوله انت وين تختفي وقت الدفع عند الكاونتر ؟!
يقول فلان بنت فلان دفعت له فلوس حق اكل ؟ قلت ايه وكيف عرفت .. يقول هذا رجال من توظف
وانا معه ف نفس القسم .. قسم بالله فلسني كل يوم تسلف من عندي .. وتشوف الحركات الي سواها لك
كان يسويها معي .. وقلت انت ساكت وما تخبرني .. قال كنت ما اجي معك بس اليوم وقبل اسبوع شفتك تدفع
عرفت انه بدأ يخرفك فلوس هههههههههه قلت هذا سوالفه طلع
اخر حركة سواها .. رحنا مطعم ف بريق الشاطى نطلب الوجبات .. وهو معنا كنا ثلاث اشخاص وهو رابع
كلنا طلبنا وهو طلب واكل وكل شي .. وجاء وقت الدفع .. وكلنا كنا عارفين شنو يصير .. تخيل طلعنا محفظتنا
وندفع .. هو شويه ويقول ( شت نسيت محفظتي ف المكتب ) هنا زميلي ضحك وضحك وانا اهديه .. قلت افا عليك حسابك علي اليوم
قال برجع لك فلوس و و و و قلت مشكور اعتبر وصل المبلع
ومن بعدها تووووبه اروح اي مكان هو فيه وعرفنا اسلوبه وطريقته .. وهنا كرهنا نروح معه
اي مكان في دفع او فلوس تشوفه يورطك والغم انه يشتري اشياء مو شي .. وتقول خلاص عنده فلوس
واخر شي يقول ما عندي او نسى او اي كذبه والحمد الله انه ما استمر كثير ف العمل وارتحنا منه
هذا النوعيه كثير منبوذين وللاسف يعرفون انه ناس ما تريد ترافقهم بسبب هذا العاده
الا انهم ما يسحتون ع وجهم ومتعودين ع هذ الشي
وربك كريم عاااد
-
17/10/2017 06:42 AM #58
-
17/10/2017 06:44 AM #59
-
17/10/2017 06:47 AM #60
مواضيع مشابهه
-
هل يوجد دواء يتناول قبل الاكل ، يحددد من ارتفاع السكر الحاااااد بعد الاكل
بواسطة ارضي في القسم: قسم الاستفسارات الطبيةالردود: 7آخر مشاركة: 04/03/2015, 12:49 PM -
حد شبعان .. وحد ميت جوع !!!!
بواسطة الفنان 4343 في القسم: السبلة العامةالردود: 9آخر مشاركة: 01/05/2014, 11:38 PM -
وفاة العضو عراقي شبعان قهر
بواسطة عراقي عروبي صدامي في القسم: سبلة السياسة والاقتصاد للشؤون الدّوليةالردود: 5آخر مشاركة: 08/01/2012, 12:01 PM -
فوائد الاكل باليد اليمنى واضرار الاكل باليد اليسرى
بواسطة الدمعة الحائرة في القسم: قسم مواضيع التثقيف الصحي والمعلومات الطبيةالردود: 26آخر مشاركة: 05/12/2011, 04:50 PM -
فوائد الاكل باليد اليمنى واضرار الاكل باليد اليسرى
بواسطة الدمعة الحائرة في القسم: السبلة العامةالردود: 10آخر مشاركة: 18/04/2011, 02:58 PM