أفضل ماركات ملابس الأطفال

[عهد ووفاء]

ايش رايكم في ملابس موناليزا؟

[Black Blue Eyes]

بصراحه نشتري من دبي من الموالات ومن العين
صحه شوي غالي
بس يكدن واجد واخذ مقاسات كبيره حال بناتي
يعني مثل هذا المحل يبيع فساتين كشخه واجد
reberto cavalli
Pinco Pallino
وهذيلا المحلات ف العين

OKAIDI & OBAIBI
TCP- THE CHILDREN'S PLACE
NEST FOR KIDS

[كلي شموخي]

انا مع كلام الأخت من مولات الامارات والعين تحصلي ماركات كثيرة وحلوات من كل نواحي الخام والألوان والديزاين و القياسات بعد

عن تجربة اتسوق من هناك خاصة وقت تنزيلات عندهم عروض حلوة




[QUOTE=Black Blue Eyes;49555590]

[عهد ووفاء]

للأسف في ما فيه محلات كثيرة في عمان مثل دبي

[البسمة الدائمة]

ملابس الاطفال وجودتهن هذا المشكله كل ما نشتري من معظم المحلات وماركات مرات الملابس زينه ومرات يضيعن على الغسيل ...

انا صارلي فتره ما طحت السوق كل اطلب لعيالي من علي اكسبرس وقبل لا اطلب اقرا التعليقات والحمدلله الاشياء توصلن زينه وحلوه مثل ما اريد مرات ما تضبط معي

بس الباقي الحمدلله واسعارهن حلوه بأمانه ... انا احب ملابس H&M احسهن جودتهن حلوه وتدوم بامانه ولمكده ولما اروح الامارات اشتري من فرعهم الي في دبي مول جدا جميل بصراحه

ونفس الشي كارترز الي في دبي مختلف عن الي معنا ف لما اروح دبي ما اقصر الف كم لفه صوب المحلات واشتري مقاسات اكبر لاستخدام فالمرات القادمه

[حروووفي]

مساء الفل أمهات

نقطة الضعف مع الأمهات ملابس الاطفال تدخلي محل تشتري لك وتطلعي مشحنه للبيبي وناسيه نفسك.

انا ولدي عمره سنتين ما شاء الله كثير يحتاج ملابس بسرعه يكبروا الله يحفظهم ، اخذله غالبا من نكست ومذركير وماماز اند باباز ، اخذتها مره وحده من بيبي شوب وتبت أول غسله اختربت واخذتله من ماتلان جيوا ع الحظ فيه منهم تشرخوا ع أول لبسه وفيه منهم قطنوا مع ان أسعارهم ٥ و٦ يعني ما رخاص بعدين حميتي خبروني انها تشتري لأولادها مع محلات تركية بوتيكات ملك عمانيين رحت وبحبشت اشيائهم جميله ويدومن بس صراحه ما كلهم بعضهم صح تركيات بس جودتهم جدا سيئه.

جربت ميني مي اشيائها جميله جدا وشيك المشكله انها تبيع طقم كامل مع جوتي ودوم الجوتي يجي صغير عليه بس تضطر ندفع قيمته وجربت فيه محل جنبها ما اذكر اسمه بس يعد اشيائهم جميله واسعاره متفاوته وجربت بيبي بوتيك في السويق لكن عندهم خدمة التوصيل حقيقه احسن بكثير جودة وأسعار مناسبه وصاحبة البوتيك لطيفه جدا وتعاملها مع الزبائن ممتاز الحلو ان عندهم خدمة الطلب قبل الوصول لان هي بنفسها تروح تركيا تجيب وتحط صور اللي تطلب وهي فتركيا يكون السعر ارخص.
عندي زميله جهزتها من الألف إلى الياء مع التوزيعات والضيافه والمنز العربه والكارسيت ب٤٠٠ بس وكانت ضيافتها والتوزيعات مميزه وراقيه لما شفنها توقعنا اكثر من ٧٠٠ مخسره لتجهيز مولودها

هلا اختي

ممكن رقم صاحبه محل بيبي بوتيك في السويق ؟

[أزهار الحنين]

أنا صايرة أحب ملابس محل أوكايدي للطلعات ، اللي في سيتي سنتر

وعن مولات دبي صح عندهم خيارات واجد بس صراحة بعده غالي خاصة ان الاطفال بسرعة يتغير قياس ملابسهم
اخر روحة لدبي كنت مقررة ما اشتري شي والحمدلله قدرت اقاوم إغراءات المحلات

[asma al busaidi]

كل المحلات يلي تعرض ماركات معنا ما تنفع ابدا
الملابس يتغير لونها او يصغر حجمها
افضل انواع الخام وعن تجربه في المحلات الصيبنيه
يلي في التنين والسوق الصيني في بركا
وفي مركز عمان للمعارض
وكذالك في دبي موجودات بكثره
الملابس جميله جدا
والخيارات متوفره
وما تتغير ابدا
استغلن فترة المهرجان موجودين بكثره
صح سعرهن غالي
بس سعرهن فيهن

[شمعه الجلاس]

ع حسب احيانا ناخذ ملابس من ماركات لها اسم والملابس ماكثير جوده والعكس صحيح
احياناً المساله مسأله حظ..

ملابس سنتر بوينت بدون تنزيلات افضل عن اللي ينزلن ف التنزيلات..

[شمعه الجلاس]

كل المحلات يلي تعرض ماركات معنا ما تنفع ابدا
الملابس يتغير لونها او يصغر حجمها
افضل انواع الخام وعن تجربه في المحلات الصيبنيه
يلي في التنين والسوق الصيني في بركا
وفي مركز عمان للمعارض
وكذالك في دبي موجودات بكثره
الملابس جميله جدا
والخيارات متوفره
وما تتغير ابدا
استغلن فترة المهرجان موجودين بكثره
صح سعرهن غالي
بس سعرهن فيهن

ما دائماً اختي..

[NiceRose]

كنت ما استغلى ع بنتي اشتريلها من نكست وكارترز ومونسون للمناسبات وH&M


بس بعد ما بديت تمشي وتاكل وكل لبسة لمرة ومرتين وخلاص اكنسلها استحي البسها مره

صرت اشتريلها من ماكس وار اند بي وف حرمه فالعامرات تبيع ملابس ماركات رخيصة تجيبوهم من دبي نفس مصانع عجمان

وتو ف الصيف البسها ف البيت بجامات من المعرض رخيصات 4حبات ب5ريال

وفساتين بصراحه قررت ما اشتري كلماتصير مناسبه اجيبلها من ع بنت اختي فساتينها جديده وكبرت ع ومعلقه ف الدرج ومشترتنهم بالغلا