- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 78
الموضوع: كيفيه تقسيم مصاريف الزواج
-
14/07/2017 06:37 PM #1
كيفيه تقسيم مصاريف الزواج
لنقل أنك علي وشك الزواج وتريد تحسب مصاريف الزواج
فكيف ستقوم بتقسيم تكاليف الزواج وما هو إجمالي المبلغ الذي ستضعة لزواج؟
موضوع للنقاش لكي نستطيع معرفة التكاليف المترتبة علي الزواج
-
مادة إعلانية
-
14/07/2017 11:12 PM #2
ماحد ما يعرف يقدر المصاريف بس كذا مصاخه
-
14/07/2017 11:22 PM #3
انزيين مالك معصصب @Shihab 90
-
14/07/2017 11:27 PM #4
كيف يعني @Shihab 90
-
15/07/2017 01:53 AM #5
بحتاج عالأقل 13 الف
اعتقد
-
15/07/2017 02:31 AM #6إذا الحرمه بتكون من شناص لصحار أعتقد أن إعتقادك بيكون خاطئ
وإحسبها معي
مهر من 8 - 10 قابل للإرتفاع حسب الوظيفه لدى بعض العوائل
مدرسه مهرها يختلف عن الممرضه والدكتوره وهكذا..
إلا إذا كانت الزوجه من الأهل فممكن يراعوك وينقصوا المهر..
وممكن تحصل مهر قليل بس كل تكاليف العرس عليك من وجبه وذهب وملابس العروس وأغراضها المختلفه..
ضيف بحدود 2000 ريال إذا كفن..
بالملكه حلوى وفواكه مختلفه وفناجين بلاستك وسماطات وعصير وكيك صغير ومكسرات ( أبوي بملكات أخواني يوصل كل هالأغراض لبيت العروس) فما أعرف عاد يمكن يختلف من مكان لمكان.. طبعآ بتحتاجها لبيتك وللعروس ولا تنسى الكيكه الطوابق والعقد أو طقم الذهب والدبل والساعه شوف هذيلا كم حسبتهن؟؟!
يبالك يمكن مال 2000 تقريبآ..
الزهبه أو المندوس اللي يتضمن المواد الصحيه الملابس المختلفه مخورات وغيرها ونعلان وجواتي وعطور وبخور وغيرها وغيرها لا يسع المجال هنا لذكرها يباله مبلغ وغير مبلغ تغليفه وتغليف الهدايا وكذا..
البيت إذا بتبنى ملحق أو تعدل غرفتك وترتب غرفة النوم هذي بروحها مبلغ وقدره..
تذكرة السفر ومصاريفه بروحه مبلغ..
هذا اللي حضرني حاليآ..
بالنهايه مصاريف الزواج وتقسيمها يختلف من شخص لأخر حسب المهر المطلوب والإلتزامات التي ترافقه
المهر القليل بتكون مصاريف أقل والمهر العالي بتكون تكسر الظهر..
والقرار عند الشباب عند تحديد المهر ولا يكلف الله نفسآ إلا وسعها..
ربي يوفقكم ويرزقكم ويرزقنا من واسع فضله..
-
15/07/2017 03:10 AM #7تدكرت شي بعد
الخنجر
والمصر
والسيف
والشال
هذا بروحه مبلغ
-
15/07/2017 03:29 AM #8عضو نشيط
- تاريخ الانضمام
- 19/08/2016
- الجنس
- ذكر
- المشاركات
- 325
انزين عاد الرجال يفكر ينتحر على هالمبالغ من مهور
نسأل الله العافية
-
15/07/2017 04:19 AM #9
-
15/07/2017 04:40 AM #10
للأمانه انا ما فكرت ابداً فمصاريف العرس ~
الي اعرفه انه المهر عالاقل 5 الاف ~
بس ما جا عبالي ابداً كل اللي باللون الأحمر ^
وتقولي بعده غيرها وغيرها؟
يا ترى كم المبلغ المطلوب تقريبا لتغطية تكاليف الزواج مع عدم احتساب الملحق الخاص بي وبدوون احتساب تكاليف شهر العسل ( السفر ) ؟
-
15/07/2017 04:42 AM #11
-
15/07/2017 07:00 AM #12بالعكس فتحت له عينه على أدق التفاصيل
يمكن يكون غافل عنها
المفروض يحط في باله أي إحتمال
وتراه ما شرط كل العوائل تطلب اللي أنا ذكرته
عاد هو وحظه..
أنا تكلمت من واقع تجربه أخر واحد من أخواني متزوج قبل
كم شهر مصاريف زواجه كامل من الخطبه للزفاف كلفته فوق و فوق العشرين الف
مع أن الزوجه لاا تعمل ولكن القلب وما يهوى..
كان داخل جمعيه ب 14 الف وابوي ساعده ب 5000 الاف واخذ من اخواني كم الف يكمل مصاريف زواجه!!!
لو كان ماخذ من بنات أعمامي زواجه ما بيتعدا عشرة الاف ، مهر اربعة الاف ، والباقي مصاريف الزواج ولكنهم بروحهم
يختاروا وماحد يقدر يقول لا لأنهم بيكونوا خاينين لو تركوهن بعد قصة حب والرجل لا يتخلى عن من وعدها بالزواج بسهوله..
بس أنتوا ما المفروض تتعقدوا
تختلف المصاريف وتتفاوت من منطقه لمنطقه ممكن تحصلوا مهر عالي وممكن مهر رخيص
وبعد يختلف إذا البنت تشتغل أو لا إذا ما تشتغل عادي مهر خمسة الاف لكن أكيد أكيد بيحملوه
شي ثاني فوق المهر وبالنهايه تراه هالكلام قابل للتغيير وما كل الأسر والعوايل تفكيرها واحد
وتراه بعد شي منهم يمكن يشوفوا وظيفة الشاب هل يقدر على المهر العالي أو يتساهلوا معه ويطلبوا مهر قليل؟؟!!
وأنتوا وحظكم عاد ولكن تراكم ما مجبورين تأخذوا راعية المهر العالي ودروها وبحثوا عن غيرها أكيد بتحصلوا مهر قليل
إلا إذا كنتوا تحبوا البنت فهنا عشان ما تخسروها مضطرين توافقوا..
-
15/07/2017 07:10 AM #13الشامسي بعد زينة السياره يوم الزفه بتبا مبلغ
لا ، المفروض تجي على بالك أدق أدق التفاصيل
وتراها هالتفاصيل ما ثابته يعني متغيره من منطقه لمنطقه وأنت عليك
بالمنطقه الأقل مهور بتحصل كثير عوايل يهمها الستر لكن عاد لازم تدور
وعسى يارب نصيبك يصيبك من أول مره مع راعية المهر القليل..
صح صح بعد الخيمه أو القاعه يبالها بيزات
إرجع إحسبها مره وأنت كم محطي مهر ببالك من كم لكم وشوف النتيجه؟؟
وحتى لو كان الملحق أو الغرفه جاهزات بيبالك غرفة نوم كامله متكامله من السرير لشخصين
نهاية بفرشاة الشعر على التسريحه..
وعاد بظل الأزمه والغلاء خلوا بالحسبان وتوقعوا حدوث ما لم يكن سيحدث سابقآ..
موفقين يارب..
-
15/07/2017 07:27 AM #14
-
15/07/2017 07:28 AM #15
تو بنت صحار ذكرت احتياجات الحريم والرجال محد سوالهم سالفه
وين نسيتي بعد الرجال يبالهم 10 مراجل عيش و 50 كرتون ماي و 9 ملال حلوى
لكن عجبتني اذا تشتغل مهرها غير واذا ما تشتغل مهرها غير
دام ان الاهل تفكيرهم كذا محد يلوم الزوج
-
15/07/2017 07:59 AM #16
-
15/07/2017 08:05 AM #17
طالع بعدك على فوق مره
بتشوف أني ما نسيتكم
وكاتبه الضيف اللي هو مراجل العيش بيبا مبلغ والملكه بعد
يعني كنتوا من ضمن الحسبه..
والضيف أحيانآ أهل العروس يشترطوا يكون على المعرس
يعني بيطبخ لمكانين وبصراحه معنا أي بيتنا
كل واحد من أخواني تزوج طبخ لضيوف البيتين معآ..
عسى اللي يتزوج بعدهم تتسهل أموره وما يصرف كل هالمبالغ
ويتوفق بــ زيجه سهله وميسره لا بذخ ولا إسراف..
-
15/07/2017 09:16 AM #18
@بنت صحار@
شي باقي بعد ما ذكرتيه جزاك الله خير على التنبيه
خلاص رفعت الجلسه ما نبا نتزوج عافنه الخاطر
-
15/07/2017 09:18 AM #19
@نظره عابره
ما يبوا عيش ولا ماي طنشهم شل حرمتك ورفسهم كل واحد بيحصل ف بيته عيش هههههه
-
15/07/2017 11:23 AM #20
الشامسي لاتسمع كلام القيل والقال.
الحين تارسات بنات يدوروا حد يتزوجهن ويسعدهن ومستعدين يقبلوا باي مهر حتى لو 2000 السوق الحين في فائض والطلب عليه قليل إذن الأمور طيبة الحين الحمدلله أنت بس توكل على الله ونقي على مزاجك ما حد يتشرط عليك.
أما سوالف البنت معلمة والبنت مهندسة والبنت دكتورة والبنت طيارة والبنت طباخة في كل الحالات المهر يظل ثابت ما له علاقة إذا كانت المرأة تشتغل أو لا وإلا إندرجت تحت مسمى التجارة الربحية أو نقدر نقول نوع من أنواع الشحاتة
حضرت كثير من المناسبات المهر ما تجاوز ال 4000 ألف وبالإضافة أهل المرآة متعاونين في تحمل تكليف حفلة العرس الحمدلله الدنيا بعدها بخير وفي ناس طيبة وتخاف ربها.
-
15/07/2017 11:27 AM #21
-
15/07/2017 11:33 AM #22
-
15/07/2017 11:39 AM #23
-
15/07/2017 11:40 AM #24
-
15/07/2017 11:50 AM #25
-
15/07/2017 11:54 AM #26
واذا جلست من بدايتك ترضخ بالمطالب .. تكشف نقاط ضعفك للخصم بعد الزواج .. عاد تحمل كثرة المطالب بعدين ة.ة
صير فيها أبضاي واعمل نفسك عنتر هههه
-
تو بعدكم ماخلصتوا مقسيم مصاريف الزواج
-
-
15/07/2017 01:09 PM #29
خفي علينه بنت ظاهره @زهور الظاهرة
وانتي بالله لو ما العيش ما بتشوفي حد حاضر العرس في عروسات
هذا العيش الي مسوي أزمة حل عرسان هههههههه
-
والله رايك كذا @شموخ نمر زين عشان يفرحوا مع العرسان مازين متعنين مايسوالهم شي يستاهلوا اهل الجود
وعاد المفترض العرسان في نفس الوقت مايسرفوا زياده لكن يكون في حد معقول وليس مثل ماقلت
مواضيع مشابهه
-
هل 11 ألف ريال تكفي لتغطية مصاريف الزواج او لا؟؟؟
بواسطة شاعر السادة البوسعيد في القسم: السبلة الاجتماعيةالردود: 163آخر مشاركة: 20/09/2013, 08:32 AM -
الحكومه هي السبب الرئيسي في كثرة الشباب الذين لايقدرون على دفع مصاريف الزواج
بواسطة z11v11z في القسم: سبلة السياسة والاقتصادالردود: 2آخر مشاركة: 13/10/2011, 12:53 AM -
لماذا لا تساعد الفتاة الرجل في مصاريف الزواج
بواسطة ALqasem في القسم: السبلة الاجتماعيةالردود: 131آخر مشاركة: 03/08/2011, 10:03 AM -
مصاريف الزواج الباهظة
بواسطة نور البوسعيدي في القسم: السبلة العامةالردود: 49آخر مشاركة: 05/06/2011, 05:09 PM -
نصرالله: تقسيم سورية سيؤدي إلى تقسيم السعودية !!!!!!!
بواسطة البلبل في القسم: سبلة السياسة والاقتصاد للشؤون الدّوليةالردود: 42آخر مشاركة: 02/06/2011, 10:34 PM