- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 87
الموضوع: إعلان منتهي.
-
11/07/2017 02:34 AM #1
إعلان منتهي.
.........
آخر تحرير بواسطة @(فتى الاحلام)@ : 31/08/2018 الساعة 04:23 PM
-
مادة إعلانية
-
11/07/2017 04:43 AM #2عضو مميز
- تاريخ الانضمام
- 15/12/2013
- الجنس
- ذكر
- المشاركات
- 4,319
ياخي عمرك 27 سنة وجالس لنا شيب وما شيب
لما كان عمري 27 اصلا بعدني ما كنت اشتغل !
قول الحمدلله على كل حال والرزق بيد سبحانه وتعالى والعمر والفرص لا تزال أمامك
-
11/07/2017 04:44 AM #3عضو مميز
- تاريخ الانضمام
- 15/12/2013
- الجنس
- ذكر
- المشاركات
- 4,319
يغلق ...
-
11/07/2017 07:22 AM #4
[QUOTE=
ليش يغلق كلام الحق ما يعجبكم لاه
المواطن مشرد في قطاع الخاص وفي بلاده
لا راتب كما الناس ولا حياة كما باقي الناس وين ما يروح مقفلة في وجهه
-
11/07/2017 07:41 AM #5
المقصد من الموضوع انه كمل عشر سنوات في القطاع الخاص
وراتبه ما زاد عن ٤٠٠ ريال
بعيد عن العمر وغيره
صاحبي ف القطاع الخاص محد بيشوف عليك
الشركة اهم شي عندها مصالحها وربحها حتى لو على حساب الموظفين
-
11/07/2017 07:50 AM #6
الصبر اخي العديد من قوة الإيمان .
فكر بمشروع خاص افضل لك حتى لو تبيع مشاكيك ولا ذُل المسؤول الهندي .
-
11/07/2017 07:55 AM #7عضو فوق العادة
- تاريخ الانضمام
- 04/11/2009
- الجنس
- ذكر
- المشاركات
- 11,022
اعانك الله أخي العزيز
-
11/07/2017 08:21 AM #8
الله يعينك اخي ويفتخ لك ابواب الرزق
-
11/07/2017 08:29 AM #9عضو مميز
- تاريخ الانضمام
- 17/09/2013
- الجنس
- ذكر
- المشاركات
- 1,397
ضحايا قطاع الخاص سببها وزارة القوى العاملة والهيئة التأمينات الاجتماعيه .. 2017 وليس هناك قانون يحمي موظفي قطاع الخاص اقصد ان يعادلوه بزملائهم في الحكومه.. لماذا تشجعوا المواطنين على القطاع الخاص ومن ثم لاتحموهم
-
11/07/2017 08:32 AM #10عضو جديد
- تاريخ الانضمام
- 09/12/2015
- الجنس
- ذكر
- المشاركات
- 78
اذا انت عايش ومرتاح ترا غيرك مش قادر ياكل
الرجال كلامه صحيح 100% وانا اتفق معاه
-
11/07/2017 08:36 AM #11
انا اعطيكم حل
اي شخص يشتغل في قطاع الخايس
يعني تشتغل في شركة اول حاجه لزم تسوا نقابلة عمالية للشركة وكل الموظفين العمانين يسجلوا في نقابة العمالية ويكون عندكم شخص يمثلكم اول شي
ارفعوا قضايا على شركة خلوها تعطيكم كل سنة بونس + زيادة 3%
ارفعوا قضية في المحكمه وسواء محامي لكم
الحين كذا الوضع صار
بس خلوا واحد في نقابة عليه لسان وما يخاف من شي
-
11/07/2017 08:52 AM #12عضو نشيط
- تاريخ الانضمام
- 27/04/2017
- الجنس
- ذكر
- المشاركات
- 122
كان الله بعونك اخي الكريم
وربي يسهل عليك طريقك
بدأت العمل في القطاع الخاص براتب 350 ريال رغم اني كنت املك مؤهل بكالريوس
حتى الان تنقلت بين 3 شركات وارتفع الراتب بسبب العروض التي تعرضها الشركات علي وبلغ 3 اضعاف والحمد لله
القطاع الخاص متعب و و و ، لكن تستطيع تطوير نفسك والحصول على عروض جيدة
ابشرك رغم الراتب الجيد الحالي ..لازلت اقول الراتب ما يكفي واحس نفسي مضغوط
-
11/07/2017 09:03 AM #13
العيب فيك اخوي الكريم
لا ترمي اللوم كله ع الشركات .. صحيح بعض الشركات تظلم الموظفين
بس هناك خيارات كثيره قدامك .. ادرس او ادخل دورات او ثقف نفسك بنفسك
كل الخيارات موجود اخوي الكريم .. عيبنا نحن نرمي كل اللوم ع الشركات
وما نشوف انفسنا بعد 10 سنوات وين نكون .. حلمنا نستلم راتب اخر الشهر
وما نفكر حق نفسنا شنو لازم نسوي حق الشهر الي بعده ..
انا .. واعوذ من كلمه انا ( اول وظيفه اشتغلت ف 2009 براتب 220 ريال للعلم )
اليوم لله الحمد راتبي جميل واطمح للاكثر وجالس اشتغل ع نفسي اكثر واكثر .. للعلم ما عندي غير شهادة الثاانوية العامة
عيوبنا نحن العمانيين نتذمر كثير كثير .. وما نشوف الي يشتغل هذا الزمن يشكر ربه ليل ونهار
احسن من بعض الناس مو محصلين وظيفة وحتى براتب 375 ريال وهو خريج جامعي
طور من نفسك ثقف نفسك بنفسك ادرس تعلم ادخل معاهد تتعلم اللغة
وشوف بنفسك بعدين وين راح توصل ان شاء الله .. واذا ما عجبك شركتك
وشفتهم ما يقدرون ابحث عن شركة ثانيه وثالثه الين ما تنتقل .. بس لا تطرح مواضيع
وتقول انك مظلوم وانت ما تعرف اصلا كيف ترقي من نفسك ومن ذاتك ومحد راح يفيدك غير كلام ع ورق لا اكثر ولا اقل
واسف ع المداخله
مودتي واحترامي للجميع
-
11/07/2017 09:10 AM #14
صديقي كم واحد خريج جامعة وجالس في بيت
القطاع الخاص ما فيه نظام
اول حاجه تدخل شركة وتتوظف فيها
ما عندهم جدول رواتب
ما عندهم سلم وظيفي يعني انت تدخل في شركة ما تعرف بعد كم سنة يحق لك ترقيه ويحق لك زيادة
تحصل شركات ما فيها قوانين
وزارة القوى العاملة معنا تعبانه في كل شي
المفروض كل شركة تحط جدول رواتب
ليش قطاع الخاص دائما ناس تتذمر فيه لانه ما فيه قوانين
بيجي واحد صاحب شركة عماني جنسية بتقوله نريد زيادة رواتب او مميزات بيرد عليك بيقولك العماني غير منتج
شو تريدوا بعد
-
11/07/2017 10:06 AM #15
كلامك غير منطقي للاسف ..
شي طبيعي يكون هناك في اختلاف بين الوزارة و الشركات
صحيح كلامك بعض شركات مافيها سلم وظيفي .. ولا ترقيات بشكل دوري
السبب كله يعود الى كثر الشركات ف البلاد مقارنة بالوزارات
لو تشوف ف عمان فوق 1000 شركة كمثال بسيط
ومعنا تقريبا 100 وزارة .. وين تتوقع يكون في انضباط اكثر برايك ؟
اكيد بيكون الوزرات لانها راح يكون في لوائح متبعه وقوانيين
ويكون حصرها ومتابعه معها في ناحيه المشاكل يكون اقل بكثير بمقارنه مع الشركات ف عمان
الي توصل فوق 1000 شركة ف جميع المجالات والتخصصات ف البلاد
ومراقبتها صعب جداً ولو انه هناك قوانيين من صالح المواطن ولكن جهل المواطن بحقوقه
هو الي خلاه يخسر مكانته وحقه ف العمل .. لا ترمي اللوم ع الوزارة القوى العاملة والشركات
حاسب نفسك قبل كل شي .. واسأل نفسك هل انت اديت الي عليك ! وهل انت تستحق اكثر من كذا ؟ جاوب بنفسك
وابحث عن الحل بدون تذمر .. وللعلم فرص العمل ف شركات افضل من الوزارات بنظري
وراتبك اكثر وميزات اكثر .. فقط اختار الشركة الصح .. وتقدر تنتقل من شركة الى شركة
مع خبرتك وشهادتك وراح يزيد راتبك ومستواك وكل شي.. أما ف الوزراة ما تقدر تسوي كل هذا الشي للاسف
وانا تكلمت بموضوع الخريج
لو الحكومه ما تشوف انه قطاع الخاص واعد .. ما درست الشباب بجميع الخصصات
واستغرب يوم قلت بكلامك كم واحد متخرج وجالس ف البيت .؟!
هل يعني الشركات الي مفروض تشغلهم كلهم مثلا ؟ مافي حكومه تساعدهم او تشوف وظائف لهم
ع حسب تخصصهم ف مجال العمل ف الحكومه ؟ يعني طاحت ع الشركات مثلا ؟!!
ويبقى مسأله العمل هو مساله النصيب .. اذا ربك كتب لك تشتغل راح تشتغل عليك الجهد والمثابره
الين ما تحصل وظيفه وربك كريم ع عباااده
واذا تتكلم عن صاحب شركة عمان يوم يقول العماني غير منتج .. هذا كلام ما اعمم ع الكل
بس كلامه صحيح .. اكبر دليل ع كلامه .. شوف ف السنة كم مره يغيب بسبب المرض
وكم مره يتأخر وكم مره يشرد من العمل والى اخره .. واضرب الناتج الساعات ف السنة
وراح تشوف بنفسك هذا الشي .. نحن عمانيين نعرف بعضنا البعض وما يحتاج نغطي
ع عيوبنا عشان نقول نحن نشتغل ومحد يقدرنا .. اعتقد كلنا لنا عيون ونشوف
وعدنا عقل نفهم .. كثير من الشباب والبنات مقصرين ف عملهم وهذا الي خلى صاحب العمل
يشوف انه العماني غير منتج .. انتو من شوهتو االسمعه العماني بيدكم ... وطبعاً لا اعمم
وهناك شباب عمانيين يشتغلون بضمير وشوف وين واصلين ف مناصبهم الحين
واعرف 4 اشخاص شخصياً كانو معي ف 2009 واصبحو مدراء اقسام وانا راح اكون من ظمنهم ان شاء الله
العيب فينا .. اذا ما عجبك الشركة ابحث عن شركة ثانيه وثالثه ورابعه
لا تجلس ف نفس الشركة .. رقي نفسك وابحث عن الافضل
بشكل مختصر لا تتذمر وتقول انه شركة ظلمتني وانت تقدر تنجز اكثر وتطور من نفسك اكثر
اتمنى وصلك الجواب
موفق
-
11/07/2017 10:18 AM #16
بخصوص غياب الموظف عن العمل
بعطيك شي انا تراه هذا انسان يمرض في اي وقت امكن انت تقول انه هذا الموظف واجد يغيب ويجيب اجازاة مرضيه انت تعرف شو عنده من مرض ؟؟؟؟؟؟؟؟؟؟
لا تحكم على اي شخص قبل ما تعرف شو عنده وليش يغيب ؟؟؟؟؟؟؟؟؟؟؟؟
لا تقولي هذا الموظف واجد يغيب فاكيد واحد يغيب عنده حاجه امكن مودي اهله المسشفى !!!
امكن حد مات عنده !!
امكن يتابع بناء بيته !!
امكن وامكن اشياء واجد تصير
لا تشوف على الهندي الهندي جاي من الهند هو وشنطه ماله فقط يعني حتا لو تقوله نام في شركة بينام ما حد عنده
اما الموظف العماني مرتبط بعائلة يريد يؤدي ولده مرسة
يريد يودي امه المستشفى
يريد يودي زوجته العيادة وكذا يعني
اذا انت عندك حد يخلصلك مواضيعك
ناس ما حد عندها
-
11/07/2017 10:21 AM #17ود الحلال ما يحتاج تشرح ليش 400 ريال ما يكفن انسان للعيش في الظروف الحالية
كان الله في عونك
-
11/07/2017 10:27 AM #18
الله يهديك تراه الشركات الزينه في عمان معروفه تنمية نفط عمان
هاليبرتون شلمبرجير البرواني اوكسي دليل هذي الشركات الي تعطي رواتب ممتازه
وباقي شركات وين مكانهم في الاعراب ؟؟؟؟؟؟؟؟؟؟؟؟؟؟؟؟؟؟؟؟؟؟؟ شركات لا رواتب ولا مميزات
هم يدخلوا في حساباتهم بالملايين ريالات بس الموظف لا يحصل رواتب ولا مميزات وحتا مرات بونس ما يحصل
وحتا مكبة حلويات في العيدج ما يحصل
صاحبة شركة بخيل الله واكبر منهم
-
11/07/2017 10:40 AM #19
سبحان الله .. ما فهمت من كلامي غير موضوع المرض ؟
اخوي .. كلنا بشر نمرض كما قلت ومافي اعتراض لهذا الشي ابدا
ف السنه 15 يوم اجازة مرضيه .. تشوف يتعدى 15
اذا تعدى 15 يوم ف السنة يعني عنده مشكله معينه
المفروض انه يقدم رساله خطيه يشرح مرضه واسباب اخذ الاجازة المرضيه
مو يمشي طول السنة يقدم اوراق مرضيه ع انها مريض ومفروض تراعوني بحالتي وتقبلون اوراق اجازة الطبيه
واتحداك انه في شباب وبنات ياخذون اوراق اجازة مرضيه من مراكز الصحية المعتمده للدوله بحكم الواسطه
المريض مريض وله العذر التام ولا حرج عليه .. اما الي يجيب اوراق من تحت لتحت ويقول مريض هذا شنو موقفه ؟
انا اتكلم عن هذا الفئة بالتحديد مو الي فعلا مريض .. وضح الصورة ؟
وثاني شي تكلمت حالة الوفاء .. القانون واضح وما عليه اي غبار اطلاقاً
بس البعض يفتري ع اهله عشان ياخذ اجازة .. وتقدر تنكر هذا الشي ؟ طبعاً لا
وانا شفت هذا الحالات بعيوني .. وكل عماني اعتقد سمع وشاف بهذا الشي .. خلينا واقعين ونتكلم بكل صدق
كما قلت لا نغطي عيوبنا ونظره نحن مساكيين .. ترانا بروحنا دمرنا سمعتنا بيدنا .. من تصرفاتنا وحركاتنا
وكل هذا عشان اجازة نسوي المستحيل من التزوير والواسطه عشان ورقة اجازة رسميه معتمده
ع طاري الهندي الي جاي من بلده عشان يشتغل
تراه حالتك وحالته نفس الشي .. لا تفرق بالناس ع حسب جنسيته .. ترى بشر
مثلي مثلك ما نختلف عنه شي .. انت عندك عائلة وزوجه وهو نفس الشي عنده عائلة وزوجه
انت عندك اطفال هو عنده اطفال .. عندك حتى يمرض هو بعد عنده حد يمرض
تاخذ اولادك المدرسة .. هو بعد ياخذ اولاده المدرسة
عندك مشاكل عائلية .. هو بعد عنده مشاكل عائلية
عندك حاله وفاة هو بعد يصير معهم حالة وفاة .. بس تعال شوف الفرق ف اجازات
بعدها نتكلم بالموضوع .. واعيد واكرر انا عماني وافتخر بهذا الشي
بس للاسف بروحنا ندمر سمعتنا بيدنا .. خلينا نرتقي شويه
ونشتغل بضمير .. وشوف وين بتوصل ..
اما تركض وراء الاجازات المرضيه المزورة
وخروجك من العمل ف الاسبوع اكثر من مره
وغيابك بدون عذر .. وتأخيرك الشبه يومي
كل هذا يأثر عليك وحولك للعلم
اتمنى وصل الجواب هذا المره بشكل افضل
موفق
-
11/07/2017 10:47 AM #20
اسمحلي اخوي
الي ذكرتهم كلها شركات نفطيه وكل تخصصاتها اغلبها هندسيه وميكانيكة
وكل هذا التخصصات تكون حاصل ع شهادة جامعيه او من الكلية .. ع حسب المؤهلات تحصل ع المميزات والراتب
هناك شركات ثانيه لها تخصصات ثانيه وتعطي رواتب
هناك شركات هندسية
شركات المقاولات
شركات الاتصالات
شركات الغاز
والكثير منها .. كل واحد وتخصصه وشهادته
يعني المجال مفتوح للكل .. بدون اي استثناء
واذا تتكلم عن شركات صغيره والمتوسطه هذا حاجه ثانيه
اعيد واكرر .. حاول تقري نفسك بنفسك .. اجتهد ادرس وثابر
وربك ما بيضيع اجرك وتعبك ع فاضي
-
11/07/2017 10:50 AM #21
-
11/07/2017 11:01 AM #22
للاسف ردك غير منطقي وتبحث عن الاعذار بكل الطرق
اخوي مو كل هندي ساكن قريب من الشركة
ومو كل عماني ساكن بعيد عن الشركة ايضاَ
الحال متساوي طال عمرك
والانسان ربه عطاه الحكمه والعقل .. دامك تعرف
انه بين المنزل والعمل مسافة .. اطلع من وقت
تتجنب التأخير والازدحام .. اما تمسك هذا العذر طول حياتك وفي عملك هنا المشكلة
لكل مشكلة لها حل اخوي العزيز .. نحن فقط فالحين نتذمر ونبحث عن الاعذار من تحت الارض
ما عدنا فكر او شي ثاني غير هذا الامور .. يعني تعرف انه مسافه بعيده وفي زحمه
بس ما اطلع من وقت عشان توصل من وقت وتتجنب كل هذا الاشياء ..
في ناس اعرفهم .. ساكنيين ف المعبيلة .. يوصلون اولادهم المدرسة ويجيو الدوام ف روي
وهما اول ناس متواجدين .. لانهم يعرفون كيف ينظمون وقتهم وحياتهم ومنضبط ف عمله
وفي ناس ابعد وابعد من كذا بس مع هذا يجيو من وقت ف عملهم
هذوله ناس الي تشوف فيهم الخير وضميره صاحي ويحبون شغلهم مع انه راتبهم ما يكفيهم اخر الشهر
موفق
-
11/07/2017 11:05 AM #23
لا حولة ولا قوة الا بالله
هذه مشكلتنا احنا
مال نقير بس ومال مجاحدة
-
11/07/2017 11:08 AM #24
-
11/07/2017 11:19 AM #25عضو مميز
- تاريخ الانضمام
- 29/01/2017
- الجنس
- أنثى
- المشاركات
- 2,118
مشاكل القطاع الخاص لن ينتهي دام الوزارة تطالع الوضع وساكتة
-
11/07/2017 11:21 AM #26عضو مميز
- تاريخ الانضمام
- 29/01/2017
- الجنس
- أنثى
- المشاركات
- 2,118
حتى لو عطيتهم عيونك وكدحت......يبقى المميزات للوافد
العماني بس اجلس طالب وطالب وبالنهايه بيعطوك بقطارة
-
11/07/2017 11:26 AM #27
-
11/07/2017 11:34 AM #28
أخوي مسقطاوي بهلاوي
أحنا تابعنا كل الحوار
وفعلا أنت الصح وكلامك صح ويدش العقل
أما كلام أخينا زعيم عماني
شكله جالس يلف ويدور بالكلام علي باله كلامة بيقنعنا
أخوي ظلم القطاع الخاص واضح وضوح الشمس ..
أنا ما يضربي غم إلا لما تدش شركات وتشوف الهندي جالس يدور بالكرسي
وأقصد بالتحديد الوكالات
تقدر تقنعني إن ماشي واسطات بين الهندي والهندي
من فتره داش الوكاله أستفسر عن سياره والله الهندي يخبص اللغه الأنجليزيه ويعجنها عجن
وشباب العماني دارس وجالس بالبيوت ..
-
11/07/2017 11:52 AM #29
-
11/07/2017 12:00 PM #30
عندنا في الشركة واحد بدأ روم بوي room boy
تعلم الانجليزية عند الشباب و الحين ماسك منصب في الشركة
و حاليا سمعت انه يكمل دراسته
العماني فيه عجز
طبعا اللي في نفس المنصب و عندهم شهادات رواتبهم اكثر عنه
بس هذا اللي تريده الشركات موظف يقدر يمشي العمل براتب اقل سواء عماني او وافد
اشركة تبي تزيد فوائدها و تدور مصلحتها و هذا حقها
@زعيم العماني
انا بالرغم معي شهادة جامعية و كان وقت شُح الوظائف
توظفت براتب اقل من رواتب العاملين حاليا
مواضيع مشابهه
-
ما الذي قد يمنعك من التداول لكسب لقمة العيش؟
بواسطة khaled elmasry في القسم: سبلة الفوركسالردود: 1آخر مشاركة: 01/04/2015, 04:38 PM -
ما الذي قد يمنعك من التداول لكسب لقمة العيش؟
بواسطة khaled elmasry في القسم: سبلة الفوركسالردود: 0آخر مشاركة: 24/03/2015, 03:05 PM -
لقمة العيش والحياة الكريمة أفضل من المشاريع والمناقصات
بواسطة الرفعة في القسم: سبلة السياسة والاقتصادالردود: 4آخر مشاركة: 01/01/2013, 01:49 PM -
القضية قضية لقمة العيش حال الباحثين عن عمل لن ينصلح إلا بتعديل ..!!!
بواسطة جبل حليفة في القسم: سبلة السياسة والاقتصادالردود: 19آخر مشاركة: 05/09/2012, 05:31 PM -
عذراً معلمي ..هي لقمة العيش
بواسطة Abu Loayoo في القسم: سبلة السياسة والاقتصادالردود: 0آخر مشاركة: 11/10/2011, 10:15 PM