- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 23 من 23
الموضوع: بناء بيت العمر
-
30/06/2017 03:04 PM #1عضو جديد
- تاريخ الانضمام
- 23/02/2017
- الجنس
- أنثى
- المشاركات
- 73
بناء بيت العمر
السلام عليكم عزيزاتي بنات حواء
الحمدلله ان وفقنا الله في شراء ارض لبناء بيت العمر
ولكن وجدنا صعوبه في اختيار الخريطه المناسبه للمنزل
تكمن الصعوبة في طريقه توزيع الغرفة وصالات استقبال الضيوف
عندي كذا استفسار وأتمنى أخذ رأيكم عسىً نصل لبر الأمان
مع العلم ان الخطه نبني دورين والعائلة صغيره طفلين فقط وليس لدي عامله منزل في الوقت الحالي
هل مجلس النساء ضروري في المنزل ام نكتفي بصاله مفتوحة ؟
مجلس الرجال يفضّل ان بكون المدخل جانبي او مع المدخل الرئيسي للبيت؟
صاله الطعام هل نكتفي بواحده لأهل البيت والضيوف او 2؟
كيف اعزل المطبخ عن باقي البيت بحيث لا تصل رائحه الطبخ وفِي المقابل لا اريد المطبخ خارجي ؟
أفضل شكل لدرج الدائري او العادي وكيف تستغل المساحه تحت الدرج؟
غرفه الغسيل والكوي ضروريه؟
لا تبخلو علي بتجاربكم في بناء بيت العمر
-
مادة إعلانية
-
30/06/2017 09:18 PM #2عضو مميز
- تاريخ الانضمام
- 29/07/2015
- الجنس
- أنثى
- المشاركات
- 1,914
هلا أختي
بخبرك عن رأيي وعاد شوفي آراء الحريم
الأفضل تسويين صالة نساء مفتوحة وتسوين مجلس نساء مغلق
الصالة بتكون مفتوحه للبيت تجلسو فيها كلكم كعيلة وحده
والمجلس مغلق بيكون فقط لزيارة الحريم
مغلق يعني مابيجلسو فيه العيال يعني مابيتوسخ
بالنسبة لمجلس الرجال أفضل يكون له مدخل خاص غير عن درج مدخل البيت عشان لايصير إختلاط رجال مع حريم وماتعرفي أكيد بيكون في حريم مايحبذون سالفة الاختلاط
نجي لسالفة صالة الطعام
عن نفسي بقول عادي تسوين صالة وحده للعيله
او بالأصل بامكانك تتنازلين عنها بتكون صالة النساء المفتوحة للعيله تاكلون فيها ... يعني استغلو المساحه للبيت
والمطبخ ايه عادي يكون من ضمن البيت بس على زاويته
على زواية البيت مرتبط بممر لحد ماتوصلين للمطبخ وهو يكون على الزاويه ومفتوح الباب والنافذه هناك على زاويته بحيث تطير كل الروايح للخارج
والدرج أي شكل عادي بتقدري تستغليه كمخزن صغير
وغرفة الغسيل أيوا محبذه تسويها ومن تجربة الأهل اشوفها حلوه فوق على السطح تكون هناك الغسالة والمراوح للتنشيف بالشمس طبعا وعاد الكوي أتوقع عادي أي غرفة بالبيت تحت
وسلامتكم
-
01/07/2017 09:22 AM #3عضو جديد
- تاريخ الانضمام
- 09/05/2017
- الجنس
- أنثى
- المشاركات
- 93
وعليكم السلام
انا ما عندي خبره بهالاشياء
لكن بقولش رأيي
بالنسبه لمجلس الرجال فالافضل انه المدخل ما يكون قريب من المدخل الرئيسي مثل ما قالت اختي اللي قبل
يعني بامكانش تسوي المدخل ع جنب او شوي تبعديه عن المدخل
وبالنسبة للحريم الافضل انش تسويي مجلس لهم ويكون مصكر مش مفتوح
بكذا بتكوني مطمنه لو جاش احد ع غفله لانه المكان بيكون جاهز ومرتب ونظيف وتفتحيه لناس الخاصه
اما الصاله فهي للاهل والعايله مثلا اخواتش لو جوش وحمياتش وتكون مكان للعايله تتجمعو فيها انتي واولادش وزوجش فباقي الايام وبكذا بتكوني مرتاحه
والافضل انش تسويي غرفه لطعام لكم انتو عشان ما يتوسخ البيت
اما بالنسبه لضيوف فما احس انه محتاجين صالة طعام
بالنسبه لغرفة الكوي بامكانش تسويي غرفه وفالمستقبل تستغليها كغرفة لشغاله
واحس انه المخزن ضروري فالبيت
والبيت الافضل انكم تبنوه مره وحده اذا كان عدكم امكانيه يعني مثلا تزيدو عدد الغرف ع اساس انش تجيبي اكثر من ولدين ان شاء الله فالمستقبل فتحسبي حساب هالشيء
او تقتصري ع الغرف الضرورية اللي محتاجينهن فهالفترة اذا كانت ما عدكم امكانية
لكن تختاري النوعية الممتازة
يعني مثلا حد من الاهل باني بيت صغير لانه ما عنده امكانية فالوقت الحالي
دور واحد لكن البيت رهيب بصراحه
مختار نوعية ممتازه جدا وراقيه و تصميم عجيب
ولين قدام بيزيدو ع راحتهم وبيبنو الدور الثاني
بينما فيه ناس يبنو بيت كبير لكن لما تدشي البيت تحصليه عادي لا ديزينات ولا شيء
الحلو احس انش جالسه تخططي وهالشيء حلو انه الانسان ما يستعجل فهالاشياء
اعرف ناس بانين نفس ما قالت اختي اللي قبل مطبخ وتكون له نوافذ خارجيه وهو داخل البيت
طبعا النوافذ مع الاجهزه اللي تركب فالمطبخ تساعد انه الريحه تنشفط
وعسى حد يفيدش من الاخوات
-
02/07/2017 03:03 AM #4
السلام عليكم
انا براي ..
ايوا مجلس النساء ضروري بس يكون اصغر حجما من مجلس الرجال
وبخصوص المطبخ انتبهي انه يكون ع الزاويه المقابله لمدخل البيت
والحين نظام المطابخ خارج المنزل وهالشي حلو كثير ممكن تربطوه بمدخل بسيط للبييت والجهه الخارجيه سهله لمجلس الرجال
وغرفه غسيل الملابس والكوي ممتازه وضروريه جداا
وعن نفسي ما استغنى عن غرفه الملابس
ممكن الطابق الي فوق تحطي فيه
الغرفه الرئيسيه وفيها جانب معزل بطريقه حلوه للتسريحه والملابس
والغرف الثانيه كل غرفه ودوره المياه الخاصه بها
وصاله مفتوحه تستغلوها لما تكونو فوق
اما الطابق السفلي
مجلس الرجال والنساء و غرفه او غرفتين يعني تكون للشغاله غرفه
..
التخطيط
مدخل البييت
الحوش (مواقف للسيارات
مجلس الرجال ع اليسار له مدخل جانبي
تركبي درج المدخل للباب الرئيسي
ع الييمين مجلس النساء يحتوي ع جانب مغاسل ودوره مياه صغيره
تدخلي سيده
الصاله المفتوحه والدرج ف نص او بجانب البيت
استغلي المساحه تحت الدرج للزينه او تغلقيها ك مخزن للمكنسه والخ
غرفه الشغاله فيها مكان للكوي وغرفه الطعام
غساله الملابس سوي لها مكان خارج البيت بالحوش ك حوض للغساله احس انظف عن حوسه الغساله بالحمامات
امممم المطبخ يكون فيه مخزززن يحتوي ع ارفف وادراج للراشن والفريزر
الطابق العلوي
مثل ما قلنا الغرفه الرئيسيه مع دوره المياه
وغرفتين او ثلاث اضافيات
ولا تنسي غرفه للالعاب للاطفال
الله يوفقكم ويسهل امركم
-
02/07/2017 03:47 PM #5عضو نشيط
- تاريخ الانضمام
- 10/09/2015
- الجنس
- أنثى
- المشاركات
- 924
بخبرك عن تجربتي والاخطاء اللي سويتها
انا عملت مجلس للنساء وانا موظفه ارجع المغرب وايام الاجازة نوزعها بين بيت اهلي واهله واحنا زوجين وطفلين وصديقاتي نادر ما يجيوا فما استخدمت مجلس النساء الا مرتين او ثلاث فهالشي يعتمد عليج اذا ما كنتي موظفه وعندج زوات وكذي ممكن تسوي لكن مثل وضعنا ماله داعي والاحسن تكتفي بالصالة
بالنسبة للمجلس انا مسوية مدخل خارجي للضيوف وداخلي عشان تقديم العصاير والاكل وبين مدخل المجلس والصالة فيه حاجز اللي حاطينه لتلفزيون الصالة جدار صغير
انا ما مسويه صالة طعام لان المطبخ عندي كبير وفيه طاولات وكراسي ومكيف وناكل فيه وبالنسبة للضيوف في الصاله فاذا عندكم مساحة وتحسيها ضرورية ممكن تسوي وحدة تكون في اخر الصالة
المطبخ عندي في الممر وبين المطبخ وممر الصالة فيه غرفة مفتوحة للغسيل وفيه باب يعني المطبخ داخل البيت بس الريحة ما توصل للبيت
الدرج اذا مساحة البيت كبيره حلو الدائري ولو المساحة صغيرة احسن العادي وممكن تستغلي تحت الدرج كمخزن للادوات المنزلية مثل التيشو وهالسوالف
غرفه الغسيل والكوي ضرورية ممكن تحطيه فوق بروحهم لكن انا عملت غرفة كبيرة للشغاله وتكوي في نفس الغرفة والغسيل سويناه تحت
-
02/07/2017 08:11 PM #6عضو جديد
- تاريخ الانضمام
- 23/02/2017
- الجنس
- أنثى
- المشاركات
- 73
-
02/07/2017 08:12 PM #7عضو جديد
- تاريخ الانضمام
- 23/02/2017
- الجنس
- أنثى
- المشاركات
- 73
هذا الدور الأرضي
بس ارضي أضيف غرفه للعامله
-
03/07/2017 11:08 AM #8عضو مميز
- تاريخ الانضمام
- 01/05/2013
- الجنس
- أنثى
- المشاركات
- 1,576
حلو تصميم الدور الاول ولكن لا تكثري من الصالات والمجالس
-
صباح الخير
الطابق الارضي
بخبرك عن خريطة بيتنا هي عبارة عن مجالس مفتوحه مع قاعة طعام ايضا مفتوحة
مجلس رجال مغلق وله بابيين واحد خارجي والثاني داخلي
في غرفة ضيوف مع دورة مياه
بين المطبخ والمجالس ممر فيه باب عند الطبخ يغلق الباب عشان الروائح .
الطابق الاول
فيه غرف النوم + صاله عائليه فيها نجتمع واغلب الرمسات فيها وحتى الاكل فيها
وفيها اثاث بسيط جدا عكس الطابق الارضي .
الطابق الثاني
فيه غرفة العامله والغساله وايضا كي الملابس فيها .
- ارض بيتنا غير مستويه فيها نزله بحدود مترين فقدمنا طلب لعمل طابق تحت الارض
عملنا فيه قاعة للحفلات و حوض سباحه .
ملاحظاتي لك
غرفة الشغاله مطلوبه لانك بأي وقت بتجيك تكوني مستعده لها عشان تكون بعيده عن غرفكم ويفضل أن تكون اما بالطابق الارضي او الطابق الاخير
المجلس أو المجلس العائلي يفضل يكون فوق عشان تاخذي حريتك فيه بدون تكلف وايضا للاطفال مناسب عشان لعبهم وربشتهم .
اما الاخوات اللى قالوا لازم المجالس تغلق عشان ماتتوسخ من قبل الاطفال انا ضد الفكره
لازم الطفل يعود على النظام والنظافة بأي مكان يجلس فيه عشان كذا لازم كل شي امامه من اثاث وتحف وحلويات ويكون عادي بالنسبه له مايمد يده ل التخريب .
-
عزيزتي
ابتعدي عن التنزيل او انك تعملي حاجة جدا بسيطة لانه مع مرور الوقت راح تملي منه +انه الكثره فيه يعطي شكلي غير مناسب للبيت
كمان لا تحطي مراوح للبيت لانها اصبحت من الماضي حطي بدلها ثريا تعطي اضاءة حلوه للمكان
لا تصبغي البيت وخصوصا الصالات الا باللون الابيض يعطيك فخامة وايضا يعطيك التنوع بالاثاث والاضاءة الحلوه .
اذا تذكرت حاجة ثانيه بخبرك فيها
-
03/07/2017 01:41 PM #11عضو جديد
- تاريخ الانضمام
- 23/02/2017
- الجنس
- أنثى
- المشاركات
- 73
حبيباتي مشكوران كثير ع ملاحظاتكم
كثير استفدت
اللي تقدر تنزلي مخطط بيتها او اي مخطط جميل بكون شاكره لكم
-
-
04/07/2017 09:06 AM #13عضو جديد
- تاريخ الانضمام
- 23/02/2017
- الجنس
- أنثى
- المشاركات
- 73
جميلا حبيبتي @مطلع الإشراق
كيف بالنسبة لتكييف ما في صعوبه
-
04/07/2017 09:14 AM #14عضو مميز
- تاريخ الانضمام
- 29/01/2017
- الجنس
- أنثى
- المشاركات
- 2,118
-
-
-
04/07/2017 01:57 PM #17عضو جديد
- تاريخ الانضمام
- 23/02/2017
- الجنس
- أنثى
- المشاركات
- 73
جميل البيت لما يكون فيه كل مرافق الترفيه تتهنو يارب
-
05/07/2017 12:24 PM #18
انا بيتي حاليا ف مرحلة البلستر.
لأني موظفة وما متفيقة للزيارات ف ما سويت صالة حريم. سوينا مجلس كبير للرجال مع صالة طعام بينهم باب عشان أقدر أرتب الأكل والضيوف موجودين . الحريم بحطهم ف الصالة الرئيسية لأني سويت فيها بانتري مفتوح ع الصالة مع طاولة طعام ومغسلة . الصالة الكبيرة فيها دبل سيلينج يعني نازلة ثريا من طابق السقف إلى الطابق الارضي ماعرفت اذا فهمتوني. المهم الطابق الارضي فيه بس مجلس رجال وغرفة الشغالة والمطبخ خااااااااااااااااااااارج البيت وصغير وكيوت مع مخزن . و ف الحوش جنب المظبخ غرفة غاز ومغسلة أرضية لغسيل الفرش والوعيان الكبيرة وقت العزايم.
الطابق الثاني فيه 3 غرف للاولاد وللأهل وقت الزيارات بحكم إنه البلد مسافة مع دريسنج روم لانا ما نريد نشري كبات للملابس. وغرفة النوم الرئيسية نفس مساحة مجلس الرجال مع دريسنج روم وبلكونة مطلة ع الشارع للأسف
السطح مفكرة اسوي فيه غرفة غسيل ومرواح ملابس.
بالنسبة للديكور بنسوي شي بسيط جدا وراقي لأنه ممل مع الوقت ويكدس غبار وصعب التنظيف. البعض اقترح انه ما نسوي مراوح لكن بصراحة مسقط مستحيل جوها ف ما اعتقد حد يقدر عن المراوح خاصة وقت التنظيف . الاصباغ طبعا ابيض مريح للعيون عشان انسق الاثاث براحتي.. ووووووو شو بعد
-
17/07/2017 11:48 AM #19عضو نشيط
- تاريخ الانضمام
- 03/02/2014
- الجنس
- أنثى
- المشاركات
- 172
لو سمحتن الغاليات انا اريد ابني بيت ومحتارة
اريد اسوي طابقين تحت اريد اسوي الطابق الارضي مجلس رجال وصالة وغرفة ضيوف وغرفة طعام ومطبخ وغرفة شغالة
بس اريد الدرج ما تكون داخل الصالة الرئيسية
والطابق الثاني بيكون الغرف
المهم الحين ايش رايكن كيف اخطط للطابق الارضي بحيث تكون الدرج ما في الصالة!!!!!!!!!
-
24/07/2017 02:50 PM #20عضو مميز
- تاريخ الانضمام
- 01/05/2013
- الجنس
- أنثى
- المشاركات
- 1,576
مرحبا اختي....نفس محتويات الطابق الارضي معي..مجلس وصالة وغرفة ضيوف وغرفه شغاله ومطبخ وستور خارجي..السكه بين المطبخ ومساحة البناء (المجلس والصاله والغرف) سويتها غرفة طعام مع مغاسل
انا الدرج معي نازل على الصاله بس بعدين بعد تاخر الوقت فكرت اني اخلي الدرج ما يكون نازل على الصالة لكن للاسف تاخر الوقت مايصير
على الطابق الثاني 3 غرف نوم مع دورات مياه
-
09/09/2017 01:48 PM #21عضو جديد
- تاريخ الانضمام
- 23/02/2017
- الجنس
- أنثى
- المشاركات
- 73
اذا كانت الارض كبيره مساحتها 1500 متر
وين تفصلو البيت يكون؟
اخر شي او اول شي
او في النص
-
09/09/2017 05:30 PM #22عضو عميد
- تاريخ الانضمام
- 28/03/2012
- الجنس
- أنثى
- المشاركات
- 26,676
-
11/09/2017 12:55 PM #23عضو نشيط
- تاريخ الانضمام
- 23/08/2017
- الجنس
- أنثى
- المشاركات
- 133
انا الحين واصله الطابق الارضي م بيتي
وسويت مجلسين للحريم مساحته صغيره وللرجال مساحته اكبر
وعملت صالتين مفتوحات وغرفه طعام كبيره تتسع ل طاوله ١٢ كرسي والمطبخ داخلي خارجي يعني افتح باب الصاله الي تخت الدرج ع طول يجي باب المطبخ وهو ملاصق البيت م ادري كيف افهمك
وفوق عملت ٤ غرف مع صاله كبيره وكان فيه زاويه ف استغليتها وعملت غرفه ل الالات الرياضيه وغرفه ل البلاستيشن بحكم ابو العيال يحب كثير الرياضه وهاللعبه وفوق السطح عملت غرفه للشغاله وسويتها واسعه علشان الكوي واستغليت قسم م السطح وعملت مكان شبه مفتوح للغساله
اذا حصلت فرصه بصورلك خارطتي وعسى تعجبك
مواضيع مشابهه
-
كل شي يخص بناء بيت العمر تجد هنا من الالف الى الياء
بواسطة الشبكة العقاريه في القسم: مقاولات البناءالردود: 1آخر مشاركة: 29/05/2016, 11:59 PM -
لحظات بناء بيت العمر
بواسطة ريحة الجنة في القسم: السبلة العلمية والزراعيةالردود: 43آخر مشاركة: 01/08/2015, 05:34 PM -
بناء بيت العمر لحظة بلحظه:)
بواسطة سفير الورد في القسم: السبلة العامةالردود: 53آخر مشاركة: 23/02/2014, 04:27 PM -
لحظات بناء بيت العمر لزوجين
بواسطة محترف عمان في القسم: السبلة العامةالردود: 3آخر مشاركة: 06/12/2012, 10:42 PM