طريقة عرسية الدجاج

**فتافيت السكر** · 17/05/2017 10:53 PM

مرحبا اخواتي ومبدعات الطبخ
اريد طريقة عرسية الدجاج بالتفصيل مع الترشه مالها
من الالف ل لياء اذا ممكن
ولكن خالص الشكررررررر

**ملاك الحزن و مملكة الحنية** · 17/05/2017 11:59 PM

مراحب اختي ...
عرسية الدجاج حسب ما تعملها امي الغالية ...
اذا كانت الكمية لـــ 7 اشخاص تحتاجين ...
3 دجاجات ...
10 أكواب شاي ارز ...
أولاً طبخي الدجاج بنفسه وبعد ما يجهز افصليه عن العظام ....
ارمي الأرز ( العيش ) ف النار وبعد ما يستوي حطيه مع الدجاج فقدر ...
طبعاً اعصديه بالمعصاد ...
طريقة الترشة ...
جيبي زبيب احمر أو اسود منقوع فالماي لمدة ليله كاملة و حطيه فالخلاط الكهربائي
مع صدر دجاجة أو نصف الصدر ....
اخلطيه لحد ما يمتزج ... بعدها ارفعيه عالنار الى ما يغلي ....
( عاد سمحيني ما اعرف وش البهارات اللي تسوى ما احفظها )

**صبروامل** · 18/05/2017 11:19 AM

عرسية الدجاج مامحتاجة شي

غير عيش ودجاج وشوية هيل وفلفل اسود وملح

خلي الدجاج يغلي وسويله هيل وفلفل اسود شوي

من ينضج قطعيه بايدك

وبعدين ارمي العيش في سوب الدجاج وسويله ملح

وقلبيه بين فتره وفتره لحد ينضج وخلاص

بالنسبة للعرسية نحن مانسويلها ترشة.....نسوي شطة فلفل الذ

للهريس نسويلها ترشه طبعا

**ابحث عن وظيفه** · 18/05/2017 11:43 AM

جا الموضوع فوقته

منكن نستفيد ،،

**صبروامل** · 18/05/2017 11:58 AM

الترشة

زبيب منقوع في ماي
وتمر هندي منقوع في ماي
وقوطي حمص دنجو
وثوم وفلفل احمر وبهارات
وسكر
وطحين
واذا حبيتي تضيفي دجاج مقطع

وبالنهايه كل حد يسويها بطريقته

**ibtkar** · 18/05/2017 12:14 PM

طريقه الترشه ...
تهرسي صبار وصفيه من الحب ....

زبيب مع قرفه مع هيل مع وثوم تخلطيهم ف الخلاطه

حطي صبار ع نار وضيفله خليط زبيب المطحون مع بهارات

ضيفله دجاج او لحم او الاثنين مطبوخ يكون قبل

ضيفي فلفل اسود ...وسكر ...وملح ..قرفه ..سنوت....ورشه فلفل احمر مجروش حسب رغبه

واخر شي تكثف بالطحين

**فتافيت السكر** · 18/05/2017 12:34 PM

مشكورات م قصرتن
الصبار كيف اخله فماي او كيف طريقته اول مرة اتعامل معاه واشوفه

**صبروامل** · 18/05/2017 12:36 PM

أرسل أصلا بواسطة فتافيت السكر

مشكورات م قصرتن
الصبار كيف اخله فماي او كيف طريقته اول مرة اتعامل معاه واشوفه

يعني تجيبي الصبار وتسويله ماي وتخليه

بعد فتره صفيه من البذور واستخدمي الماي في الترشة

بس ماي شوي سويله

**فتافيت السكر** · 18/05/2017 01:15 PM

أرسل أصلا بواسطة صبروامل

يعني تجيبي الصبار وتسويله ماي وتخليه

بعد فتره صفيه من البذور واستخدمي الماي في الترشة

بس ماي شوي سويله

مشكووورة
عسى اتذكر انزل صورة بعد التطبيق

**قلم مختلف** · 18/05/2017 01:34 PM

ماحب الترشة

**فتافيت السكر** · 18/05/2017 02:51 PM

أرسل أصلا بواسطة قلم مختلف

ماحب الترشة

مرة ذقت ترشه ناس من الداخليه عجيييييييييييييبه

**فتافيت السكر** · 18/05/2017 07:51 PM

**فتافيت السكر** · 18/05/2017 07:52 PM

تطبيق سرررررريع
الحمد الله طلعت مضبوطه والطعم روووعه
هذا نصيب امي ربي يحفظها حبيتها تذوقها معاي

**صبروامل** · 21/05/2017 10:21 AM

أرسل أصلا بواسطة فتافيت السكر

تطبيق سرررررريع
الحمد الله طلعت مضبوطه والطعم روووعه
هذا نصيب امي ربي يحفظها حبيتها تذوقها معاي

صحة وعااافية حبيبتي

**asma al busaidi** · 21/05/2017 10:22 AM

أرسل أصلا بواسطة فتافيت السكر

مرة ذقت ترشه ناس من الداخليه عجيييييييييييييبه

نحنا اهل الداخليه نعملها بالخل العماني والثوم العماني بعد

**فتافيت السكر** · 21/05/2017 05:51 PM

أرسل أصلا بواسطة asma al busaidi

نحنا اهل الداخليه نعملها بالخل العماني والثوم العماني بعد

عطيني الطرييقه

**صبروامل** · 23/05/2017 10:26 AM

أرسل أصلا بواسطة فتافيت السكر

عطيني الطرييقه

تنقع الزبيب في ماي
وتخلطه مع الثوم العماني وتضيفلهم خل عماني
وتضيفي بهارات مثل قرفه وفلفل اسود واحمر
وتخليه ع النار شوي
وضيفي دنجو اذا حبيتي
واذا حبيتي ضيفي دجاج او لحم

طبعا اتوقع مايحتاج صبار لانه الخل بروحه شوي حامض

هههههه هذا توقعي

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: طريقة عرسية الدجاج

أدوات الموضوع

البحث في الموضوع

نمط العرض

طريقة عرسية الدجاج

مواضيع مشابهه

برياني الدجاج | طريقة عمل برياني الدجاج | برياني | برياني دجاج | شركة مطاعم ستيك | الكويت

طريقة عمل كب كيك الدجاج

طريقة عمل بيتزا الدجاج

طريقة عمل عرسية دجاج بالعيش والهيل ،،،من نعلمني ولها أﻷجر

طريقة شوي الدجاج...مساعدة

قواعد المشاركة