- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 10 من 10
-
26/04/2017 02:14 PM #1خاطر
- تاريخ الانضمام
- 10/10/2016
- الجنس
- ذكر
- المشاركات
- 48
أرجو المساعدة سفر العاملة وعدم رجوعها
السلام عليكم ورحمة الله وبركاتة
الموضوع هو اني جلبت عاملة سيريلنكية قبل 4 شهور وتكاليف استقدامها وصل الى 1600 ريال
وبالامانة العاملة جيدة وخلوقة وقبل 3 اسابيع توفى زوجها واصرت على السفر قبل دفنة وقالت انها بترجع لانها في حاجة للعمل
وبما انها تحت ضمان المكتب أوصلتها الى المكتب ولكن لم يوافقوني الرأي في تسفيرها وارغموها بدفع مبلغ الف ريال في حال تريد السفر
ورجعت الى المنزل واتصلت بالسفارة واخبروها ان الكفيل هو المسؤول عن تسفيرك وليس المكتب ولبكائها الشديد حجزت لها تذكره ذهاب
وعودة وبعد 10 ايام تفجأت بعدم رجوعها ولا احد يرد على اتصالاتنا وذهبت للسفارة وبدون جدوى
استفساري ما الحل هل قدم شكوى ضدها لأسترجع المبالغ المدفوعه أو ماذا ؟؟؟
المشكلة أنه لايوجد قانون يحمي الكفيل وبذلك يخسر كل شي
وفي حال رغبت في استقدام عاملة آخرى ماهي الإجراءات اللازمة؟
أرجو المساعدة
-
مادة إعلانية
-
26/04/2017 02:31 PM #2
اول شي الله يعينيك بصراحه ف هذا الزمن صعب تحصل شغاله تشتغل بضمير ومخلصه وصبوره
نرجع الى محور حديثنا ...
كما نعرف كلنا انه ضمان 6 اشهر .. بعد 6 اشهر ما تقدر تطالب بحقك
عندك حالتين لا ثالث لهما
يا انها ترجع لك .. وتروح مكتب وخبرهم خليهم يتواصلو معها وترد خبر خلال يومين فقط
اذا بترجع لو لا .. واذا ما رجعت .. لازم صاحب المكتب يجيب لك شغاله ثانيه بعد ما تلغي تأشيرتها ومن الاجراءات المعروفه
اذا تتكلم طريقه استقدام عامله اخرى وما هيا الاجراءات للاسف ما عندي خبره الكافيه
بس تقدر تروح مكتب سند او قوة العامله يفيدونك بحقوقك وطريق استقدام عامله جديده بدل عن الي راحت ولم ترجع
واذكر موضوع الضمان ايضاً .. وان شاء الله تحصل الجواب
بس اذا صاحب المحل رفض يعوضك او يعطيك فلوسك .. لا تتساهل معه لانه يريد يماطل بالموضوع الين ما يخلص مده الضمان
واذا تعدى فتره الضمان بيوم واحد فقط خلاص يسقط حقك .. من كذا لازم تحسب عدد الايام
واعيد واكرر لا تتهاون مع صاحب المكتب اطلاقاً يا يجيب لك وحده جديده مع عقد جديد وكل شي جديد
يا يرجع لك فلوووسك .. اهم شي قبل 6 اشهر .. اذا ما وافق وحسيته يماطل على طول اشتكي عليه
بالتوفيق : اتمنى احد ثاني يفيدك اكثر من
مودتي واحترامي لك
-
26/04/2017 03:08 PM #3
ابو ياسين
هذا لعبتهن شغالات يقتلن فلان وعلان
عشان يترخصن
لعبتهن ذا السوالف كم مره صارت معنه
-
26/04/2017 08:12 PM #4خاطر
- تاريخ الانضمام
- 10/10/2016
- الجنس
- ذكر
- المشاركات
- 48
اشكرك اخي على ردك بس للأسف هذي غلطتنا ان وثقنا في الشغاله لان المكتب قالنا اذا تتحملو كامل المسؤوليه خلوها تسافر واذا مارجعت لاتجو طالبونا بأي شي واذا ماتريدو تسفروها حطوها معنا واحنا نتصرف بس احنا سفرناها وعلى مسؤوليتنا وبالنسبه للتواصل السفاره تواصلت مرتين مع اخوها اول مره قال انها في المستشفى مريضه وثاني مره قال انا ما اعرفها ههههه والمكتب بعد حاولو يتواصلو معها بدون فايده
-
27/04/2017 12:48 AM #5
السلام عليكم
انتوو غلطاانين وما اظن انها بترررجع اصلا،،
واذا هي مسلمه يعني عليها تجلس العده ..الترك 4اشهر و10ايام
يعني كيف بتروح وترجع!؟
لعبت عليكم وعاد اذا حصلتوها زين ..الحل تلغيها ويرجعولك نص مبلغ من التأشيره وتستقدم غيرها..
بس اتوقع تاخذو 6 شهور ..
وهي ما تبا تشتغل الي تبا تشتغل بتجلس ويش ما يصير
معنا شغاله ولدها توفى وما سارت قالو لها روحي قالت خلاص مات شو بسوي يعني اروح ،،
وانا محتاجه اشتغل وابغى فلوس ومسكينه جلست
والثانيه امها توفت وما سارت ..
ذيلا اندنوسيات
اما البنجاليه قالت امها متوفيه وتصيح صياااح وماسمحولها اصحابها تروح
المهم جى العيد وهي حزينه اونها الا يسمعوها تكلم امها قالو كيف كلمتي امك وتقولي امك ماتت
عاد ضحكت مال عيارره ..
وغيرها سريلانكيه٩ سنين تشتغل هنا وقالت بروح وبرجع عرس بنتي وكالعاده سفروها وراتب مقدم .. وراحت ولا رجعت ..
هذي بعض من كيد وسوالف الشغالات ..
انتبه مره ثانيه
-
27/04/2017 01:03 AM #6خاطر
- تاريخ الانضمام
- 10/10/2016
- الجنس
- ذكر
- المشاركات
- 48
ما اقول غير حسبي الله ونعم الوكيل
-
27/04/2017 08:30 AM #7
أخي @أبو ياسين 2016 افضل لك تروح تستفسر عن حقوقك ف قوة العامله
ما تسمع كلام راعي المكتب .. يمكن لك حق تستلمه بالقانون .. ويمكن لك مخرج بالموضوع
انا برأي لازم تروح تشوف الموضوع بجهة القانونيه اذا لك نصيب ولو نص مبلغ على اقل تقدير
المهم لا تستسلم الين ما يتبين لك كل شي ما تعرف يمكن الله يفتح لك باب ثاني عشان كان مشاعرك صادقه
ربك كريم اخوي .. المهم انك تتحرك قبل لا ينقضي 6 أشهر
موفق يارب
-
27/04/2017 11:22 AM #8خاطر
- تاريخ الانضمام
- 10/10/2016
- الجنس
- ذكر
- المشاركات
- 48
-
27/04/2017 02:08 PM #9عضو نشيط
- تاريخ الانضمام
- 05/01/2016
- الجنس
- ذكر
- المشاركات
- 446
الافضل لما تحدث مثل هذي المواقف شلها المكتب وخلهم هم يتحملوا
ولا تجلسها في البيت خبرهم يمكن تعمل حاجة ولا تدفع للتذكرة هي تحت الضمان
في حالة السفر وعدم الغاء التاشيرة لازم تنتظر 6 شهور بعدها اذا تاكدوا انها ما دخلت عمان يتم الغاء تاشيرتها
-
21/05/2017 11:38 AM #10عضو نشيط
- تاريخ الانضمام
- 28/12/2014
- الجنس
- ذكر
- المشاركات
- 460
طيب.. اخواني اسالكم
ما شي مجال مثلا... انه العاملة في حل خلص ضمانها
وقالت اريد اسافر لانه زوجها او امها او اي حد من اهلها توفى
وطبعا تخاف انها ما ترجع
هل يصير نوقعها على تعهد ... بالاتفاق مع المكتب.. وانه يذكر في التعهد انه في حال عدم عودتها تدفع مبلغ الكفيل..
وطبعا المكتب يتواصل مع المكتب الي في بلادها..
وبالاتفاق يكون العقد ملزم عليها
وفي حال ما دفعت يتحملو اهلها المبلغ في فترة 3 أشهر فقط من عدم عودتها...
يعني انا سويت كذا بس مع عاملة كنت اشك انها سارقة الجواز.
وكنت في خوف من سفرها.
راعي المكتب وقعها على هذا التعهد
وانها لو هربت اهلها يتحملو المبلغ
ومن يومها ما رفعت راسها ... وسويت لها جواز جديد..
يعني فقط استشارة ونقاش اخواني.
ويش رايكم
ويمكن اصحاب المكاتب يعطونا رايهم
والله 1500 رريال مو هينات
و141 غير مرتجعات اصلا ولا حتى النص يرجع
وغير الفحوصات
مواضيع مشابهه
-
أرجو المساعدة سفر العاملة وعدم رجوعها
بواسطة أبو ياسين 2016 في القسم: خدمات جلب عمال وعاملات المنازلالردود: 4آخر مشاركة: 26/04/2017, 08:23 PM -
كيفية تسجيل الدخول بموقع القوى العاملة ؟؟ أرجو المساعدة
بواسطة سيح الراحمات في القسم: سبلة إستفسارات وطلبات الباحثين عن عملالردود: 4آخر مشاركة: 13/07/2011, 10:41 PM -
كيفية تسجيل الدخول بموقع القوى العاملة ؟؟ أرجو المساعدة
بواسطة شمعة أمل في القسم: السبلة العامةالردود: 9آخر مشاركة: 12/07/2011, 10:06 PM -
أرجو المساعدة تخلف الشركة عن الوعود المتفق عليها في أجتماع النقابة والقوى العاملة وإدارة الشركة
بواسطة أودي بس في القسم: السبلة القانونيةالردود: 3آخر مشاركة: 04/04/2011, 09:05 PM -
أرجو المساعدة في قانون القوى العاملة .....................................
بواسطة أودي بس في القسم: السبلة القانونيةالردود: 17آخر مشاركة: 14/03/2011, 08:53 AM