- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 32
الموضوع: مابعد الولادة
-
18/04/2017 11:17 PM #1
مابعد الولادة
السلام عليكم ورحمةالله
معرف من وين ابدأ وهل المكان المناسب ولا
ولعرفة تجاربكم وخبراتكم حبيت أنزل هالموضوع
كثيرا مانسمع بعد حالات الولادة بعمليات التنظيف أو بما في معناه التنظيف بعد الولادة ،فيه مستشفيات تهتم الممرضات بهذا الجانب وتنظيف النفساء بعد الولادة وفيه ممرضات متساهلات جدا فلا يقومن بعملية التنظيف أبدا يكتفن بعمليه الخياطه فقط، كثير من النسآء معنا يذهبن لمسقط ويمدحن مستشفيات مسقط بأنه الممرضات أفضل ويهتمن وينظفن من جهة أخرى نسآء مسقط يقولن عكس ذلك بعدم الاهتمام بهم وعدم الاكتراث بالتنظيف كما في مستشفيات باقي الولايات ،فأنا استنتج يمكن حسب الممرضات لأنه لي معنا أيضا يهتمن ويمدحوهن والبعض يذمنهن.
بدون ذكر اسم المستشفيات بذكر تجارب وحده عانت ألم شديد بعد الولادة خلال فترة النفاس،وكل ما راحت للمستشفى يقولولها ألم عادي،بعدها راحت لحرمة خبيرة بالتمريخ وقالتلها الوسخ متمجع بسبب عدم تنظيفك، حالة ثانية في مستشفى منطقة أخرى تم خياطتها واليوم الثاني نقضوا الخياطة لأنه مامنظفه سيدة نظفوها وخاطوها مرة يعني خياطة مرتين مجرد التفكير تحسي بألم وعذاب.
فليش التساهل من الممرضات في عملية التنظيف وأحيانا إهماله أليس هذه مهمتهن؟؟
أمهاتنا يقولن أول مانطلع من المستشفى إلا ونحن منظفين تماما هو نتألم نصرخ بس نطلع نظاف ،الحين البعض يحصلوا معها تراكم أوساخ بسبب عدم التنظيف فيأثر على صحتها والبعض الكرش مايطيع يختفي بسببه أيضا والبعض يتأخر معها الحمل بسببه كذلك.
سدحوا تجاربكم وعبروا عن لي في خاطركم خلنا نفيد ونستفيد
آخر تحرير بواسطة قلم مختلف : 18/04/2017 الساعة 11:23 PM
-
مادة إعلانية
-
19/04/2017 08:48 AM #2
بالفعل كلامك يعتمد على الطاقم الطبي ماله دخل اي مستشفى سواء في مسقط او خارجه في ولادتي السابقة فالجناح اخر الليل جابوا وحده مربيه بس كانت تتألم كثير لدرجه ما قدرت انام لان كنت احاتيها كيف كانت
تتألم وطلبت مني اخبر الممرضات وكنت اساعدها في ولدها على الرغم هي ما اول ولاده لها المهم بعد فتره قالت بتروح دورة المياه الله يعزكم وتمشي على الجدار وكنت اشوفها وفجأه طاحت قدام الممرضات
وكل حد يركض من صوب نادوا الاستشاريه وعملوا لها سكان طلع الحرمه ما منظفين الرحم زين وصايرلها نزيف قوي وتنازعت الدكتوره وعصبت ليش كذا ما مهتمين رحمتها بأمانه تبهدلت مسكينه ...
-
20/04/2017 04:29 PM #3عضو نشيط
- تاريخ الانضمام
- 08/01/2014
- الجنس
- أنثى
- المشاركات
- 556
الحمدلله مرتين اولد وما صادفني هالشي ...
ولادتي الاولى في مستشفى حكومي رغم عدم الاهتمام بعد الولادة بس وقت الولادة الممرضة اللي كان معي عسل وساعدتني واجد ...
ولادتي الثانيه في مستشفى مسقط الخاص والحمدلله نفس الشي يهتمن واجد ويعملن مساج للبطن ويطلعن الوسخ المتبقي لمدة 3 ايام انا كنت في المستشفى اهتمام بعد الولادة وعملتلي سكان تتاكد من كل شي زين ،
واصلا احنا عاداتنا بعد الولادة تجي حرمة عندنا البيت وتمسحنا مسح
تطلع كل الاوساخ سبحان الله يدها خفيفة بس يصيرلنا كم يوم ننزف واجد بسبب الاوسااخ المتبقيه وبالمساح يطلع ،
واعرف حرمة من العامرات تسوي ادوية اعشاب في المنطقة وتطلع الاوساخ عاد ما اعرف اذا يضر او لا بس الاغلب يمدحها !
-
20/04/2017 04:50 PM #4
صح كل شيء يعتمد ع الممرضات
الحمدلله طاحن لي ممرضات عسل وما قصرت نظفتني من الخاطر وحتى النزيف بعد الولادة كان قليل جدا الحمدلله بس تعبتني الخياطة نشكر الله ونحمده
-
20/04/2017 05:47 PM #5
-
20/04/2017 05:48 PM #6
-
20/04/2017 05:49 PM #7
-
21/04/2017 12:39 AM #8
هلاا وغلاا
يعتمد الطاقم الطبي واهتمامهم ونظافتهم
بولادتي الاولى بعد الولاده كنت انزف كثير ونزلت مني قطعه كتله وبعدها ارتحت..
ولادتي الثانيه الحمدلله كانت ف مستشفى الجامعه يزاهم الله خيير ..من اليوم لين بكره ما بخلص من اهتمامهم من دخلت المستشفى الى ترخصت ..ذوق واهتمام ونظافه ماشاء الله ولا مره سمعت حد ذمهم ف قسم الولاده،،
وندمت اني ما رحت لهم بالبكرر بس الحمدلله ع كل حال ..
-
22/04/2017 02:35 PM #9
وشو تجاربكن الي ولدن في مستشفى نزوى?
-
23/04/2017 09:15 AM #10
صراحة اول مرة اسمع عن هالموضوع الرجاء افادتنا بنصائح وتجارب
-
23/04/2017 09:21 AM #11
-
23/04/2017 08:58 PM #12
الله يعينا كله لاحقنا… الحمد لله رب العالمين
بولادتي البكر في العسكري ، دكتوره ما قصرت مغلتني مغال ههههه
بس ممرضه كانت ربي يهديها مشتغله غاوي وقاصتني قص نزفت لين ما قالوا لازمها دم مساعده لان نزيف حتى تميت ابغا اكل وما اقدر احرك يدي يبس دم .. بس الحمد لله ان الخياطه دكتوره تدخلت صح عاد تلعوزت بعد ولاده بس يوم جات كذاك سليمه الحمد لله ..
نسال الله السلامه ..
بس عجبتني فكره حرمه تمسح هههههه بخلي ماماتي بالسلامه تساعدني في هالمهمه خخخ
-
24/04/2017 02:13 AM #13
@النقإء
انا بعد اول ولاده بالعسكري وندماانه سرت معهم مقارنه بالجامعه.. فرق شاسع صراحه
-
25/04/2017 04:02 PM #14
@صمت الانهيار
ليش ندمانه ؟
انا اخاف مستشفى الجامعه ، لان اللي اعرفهن تلعوزن في الولاده معاهم والبعض الخياطه رجعو يخيطو لهم اكثر من مره بسب اخطاء !
-
26/04/2017 01:00 AM #15
@النقإء
بالعكس ،،والله عن تجربه عندهم اهتمااام تام وعنايه
من اول ما دخلت جاتني الممرضه فلبينيه عرفتني بنفسها وقالت لي تحتاجي اي شي دقي الجرس الي عند السرير
وجابت لي ادعيه واوراق فيها توضيح للحاجات الي نمكن يعطوك لتخفيف الالم
مثل ابره او تنفس اوكسجين او ابره الظهر مع شرح لكل اختيار ..وبعدين جابت شي توضيحي مثل لوح فيه فتحات دواير ف كان لكل مرحله تشرح تقول شوفي الدايره الصغيره صعب تدخل اليد كامل وع مرااحل الولاده يعني تقولي لا تزفري او تضغطي لين ما يفتح الرحم بنفسه حتى ما تتعرضي للقص والشق..وبالفعل حتى وقت الخياطه الدكتوره والي معها تقول ما تخيط اكثر عن المكان الي يحتاج ف ٣غرز كانت ما حسيت بهن..
واثناء الولاده ساعدوني كثير وبعد الولاده ولين قبل ما اترخص تجي وحده تسأل كيف انطباعي وتقيمي لطاقم الولاده وطاقم الملاحظه بعد الولاده..
حتى لختان المولود الجراح يجي عندك بنفسه قبل ويشرح خطوات الختان ..
انا ذكرت تجرربتي وكل قريباتي الي ولدن بالجامعه ولا وحده اشتكت منهم
..
بعكس ولادتي الاولى الي لازم احصل اهتماام اكبر لانه اول تجربه وكذا بس للاسف ما ارتحت لهم لما جربت الجامعه..
-
26/04/2017 09:28 AM #16عضو نشيط
- تاريخ الانضمام
- 10/09/2015
- الجنس
- أنثى
- المشاركات
- 924
يعتمد ع الطاقم الطبي اللي يولدوج ويعتمد عليج بعد وع المرافق مالج يعني في اخر ولادة الممرضة الهندية كلمتني انجليزي وقالتلي انا ما اريد اقص العجان عشان ما تضطري للخياطة فبستخدم يدي عشان اوسع المكان واطلع راس البيبي ومن يطلع البيبي والمشيمة بدخل يدي وبنظفلك الرحم بس هالشي مؤلم كثير ايش رايك قلتلها موافقه وبستحمل الالم الا ساعة او اقل وفعلا كانت توسع بايدها وتنظفلي بس جدتي كانت معاي وكانت تقشبها بالعربي انتي هيش تسوي حال بنتي شلي يدش عنها بتقتليها بس انا كنت اقولها استمري عادي وفعلا ما شاء الله ما نزفت الا اسبوع ونص تقريبا
وبخصوص الحريم اللي يمسحن مو دوم تصيب انا امي راحت بعد الولادة حال ممرخة معروفة والكل يتمدح فيها ودخلت دوا عشان تنظف الرحم وطبق الدوا في الرحم وامي تعبت اسبوعين في المستشفى الله ستر انها طلعت بالسلامه الحمدلله ومن ذاك اليوم حلفت لا هي تروح ولا تخلي بناتها يسيرن عند ممرخات والحمدلله عندي ولدين وما عانيت فترة النفاس الا من اشياء بسيطة وحدي ما اهتميت فيها
-
02/05/2017 10:52 PM #17
@صمت الانهيار
سبحان الله تجربتك تشجع فعلا للولاده في الجامعه ،
مع ان كل اللي اعرفهن ما يمدحن ابدا
فعلا ان يعتمد على الطاقم المناوب في القسم
الله يسهل علينا يا رب
-
24/04/2018 03:12 PM #18
ازفت مكان للولاده الجامعه
-
25/04/2018 09:46 AM #19
خبرينا تجربتك عشان الكل يستفيد @صروح الداخليه
-
25/04/2018 10:34 AM #20
انا رايحه اصلا علشان حساسيه ف الجلد واصلا طبيعي
عيل حضرتهن مشكني وجلسلي خطر ووممكن الجنين يموت وحالتهن حاله
المهم بدت الرحله وفتحن العنق 2 سم الله لاراوكن هذيك السودانيه الكلبه
يديها كيف خشتها وبعدها بيوم جت دكتوره عمانيه وفتحته مره 2سم
وبالليل الم زاد وزنزل الماء هذا الكلام 3 الفجر
خبرت الدكتوره العمانيه اللم يقتل قالت اذا ماتقدري بنضربك ابره الظهر وقلتلها انا تمام مع اني ما اعرف شي عن هالابره
ووقعت ورقه موافقه وتعهد وانا ف عز الالم وجاء الدكتور وضربني وومولم كثير والوضعيه صعبه
وقت الزفر المولود مارضى يطلع وحاولي وحاولي وانا خلاص تعبت جن حضرتها ووسعن من تحت كانه بموس وبدون تخدير
وصرخت المهم الجنين بدن نبضاته تنزل وقالن بنسوي شفط وشفطنه وطلع الحمدالله بخير وعافيه
بدا الشك وقالت الممرضه انه اول حاله كذا اخيطها تخيط بهالكميه الكبيره ...التهب المكان كثييير وضليت 14 يوم اجلس ع مخده ما قادره
وجتني زايده جلديه من تحت تخيلن تتدلى كرمكن الله مثل الخصيه وتقلصت وبقى جزء منها
واضطريت اعمل جراحه بعد ولادتي الثانيه العمليه كانت ف السلطاني الحمدالله
لا انصح بالولاده ف المستشفى ازفت تجربه مريت فيها .. السلطاني افضل بمئات المرات
-
25/04/2018 10:35 AM #21
الم الولاده 3 الظهر وولدت 12 الظهر وتخيلتن طول هالوقت وانا ف صاله الولاده مخاساه
-
25/04/2018 10:43 AM #22
-
25/04/2018 10:45 AM #23
متابعه للاستفاده ....معلومات طيبه
-
25/04/2018 11:27 AM #24عضو مميز
- تاريخ الانضمام
- 29/01/2017
- الجنس
- أنثى
- المشاركات
- 2,118
عن نفسي ولدت بالسلطاني
اول ولاده كان الطاقم ممتاز
ثاني ولاده ....انا ولدت وماكان حد معي منهن طول
ويوم صرخت جات وحده تركض تقول ليش تصرخي
اقولها شوفي تحت البيبي طلع راسه
معاناه نعم
-
25/04/2018 11:29 AM #25عضو مميز
- تاريخ الانضمام
- 29/01/2017
- الجنس
- أنثى
- المشاركات
- 2,118
واختي بكر قبل اسبوعين مربيه في السلطاني
وطاحلها طاقم زفت للغايه ماشي اهتمام ابدا لا في الام ولا في الطفل
يعني انتي والحظ يعتمد على الطاقم
-
25/04/2018 02:03 PM #26
-
26/04/2018 08:43 AM #27
الله يسلمكن... انا بروحي تعقدت كثثثيييير وحتى ما فكرت ف الحمل الثاني ابدا...
ما اقول غير حسبي الله ونعم الوكيل فيهن وف غبائهن.....ولادتي الثانيه ف السلطاني والحمدالله
الطاقم زين طاحتلي دكتوره باكستانيه ممتازه...والممرضات هنديات ربي لك الحمدوالمنه...
-
26/04/2018 08:48 AM #28
-
30/04/2018 02:39 PM #29عضو نشيط
- تاريخ الانضمام
- 27/07/2015
- الجنس
- أنثى
- المشاركات
- 360
حبيت الموضووووع
انا ولدت في خوله ...
الحمدلله كان كل شي زين والاهتمام بعد .. الممرضات كانن واجد طيبات معي والي ولدتني ما شاء الله عليها كان تذكرني بالدعاء و تقرى ادعيه وتقولي رددي معاي لان في هذاك الوقت كل شي تنسي من الالم ... ونظفتني زين الحمدلله اغتسلت بسرعه من غير اي نزيف وغيره ... وحتى الخياطه كان المها بسيط وراح الالم خلال اسبوع
ان شاء الله الولادات الجايه تكون كذا ياااااارب
-
30/04/2018 03:26 PM #30
هلا حريم
الحمدلله ولادتي كانت في السلطاني
صحيح كانت بطلق صناعي وكل شوي يجين يقيسن الرحم الا انه واجد ساعدني اثناء الولادة والحمدلله
مواضيع مشابهه
-
إبرة الولادة لتسهيل عملية الولادة
بواسطة Justme22 في القسم: سبلة حواءالردود: 12آخر مشاركة: 29/12/2016, 02:34 AM -
[ معروض ] جديدي كريم كوينز بالقهوة المكثف لشد الترهلات والقضاء عالسلوليت مابعد الولادة والتنحيف والسمنة
بواسطة um shab في القسم: ادوات التجميلالردود: 5آخر مشاركة: 07/11/2016, 11:44 PM -
باص 15 راكب بولاية عبري لنقل يومي داخل الولاية، واسبوعي خارج الولاية للجنسين
بواسطة راعي فريح في القسم: نقل الأفرادالردود: 0آخر مشاركة: 01/11/2015, 11:33 AM -
نداء عاجل لبلدية السيب وممثلو الولاية في مجلس الشورى مشروع الصرف الصحي أحدث دمار في شوارع الولاية
بواسطة مدفع عمان في القسم: السبلة العامةالردود: 11آخر مشاركة: 27/12/2011, 08:45 AM -
من مختار إسمك عند الولادة أو قبل الولادة وليش ؟.....أبوك أو أمك أو أخوانك أو جيرانك.........ألخ؟
بواسطة البوسعيدي 9909 في القسم: السبلة العامةالردود: 116آخر مشاركة: 23/07/2011, 06:52 PM