صمت

[المركز]

لو تهمسي بصمت قلبي يسمعك
ماني في حاجة اذن يكفي تكون؛

العيون اللي معي تمشي معك
" أعذب الاشواق ترسلها عيون "

وكثر ما فيني مشاعر .. تتبعك
احسب انه في مشاعرنا جنون

والجنون ؛ ان ما يضرك ينفعك
مرتفع عنه القلم، يحتاج عون

ليش قلبك ما يصارح مدمعك !
قبل م يبان الملح وسط الجفون

وعن يطير الحب ، عشك يجمعك
حين تاخذك المشاعر للشجون

آه .. يا ألطف قصيده ، مسجعك
ياخذ احساسي ويتركني بدون

تستحي .. فيني المعاني توجعك
لما ترثمني بلطف من كل مزون

لو تهمسي بصمت قلبي يسمعك
ويفهم الاحساس نظرات العيون

خليفه الصائغ

[حلمي الجميل]

بعيد عن المجاملة
جميلة وممتعة في القراءة

موفق..

[بدرية البدري]

واعذب الاشواق ترسلها عيون

صح لسانك خليفة

[جاسم القرطوبي]

أحييك على هذه الأبيات المعبرة الرائعة الجميلة التي تستروح لها النفس جمالا


شكرا لحضورك البهي