- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 715
الموضوع: الفار الغدار
-
13/04/2017 10:00 PM #1
الفار الغدار
السلام عليكم ورحمة الله وبركاته
من فتره وانا اشوف فار عندنا ف ميدان عملي
لما كنت آكل ، احط له فتات عشان ياكل مسكين
كنت ارحمه لنه ما يلاقي شي يآكله ف ذيك الصحرا
شوفو كيف يآكل ^ مبين اليووع
كنت اشوفه ف مكان بعيد عن المكتب
المهم المسكين شكله استطمع وجا للمكتب
انا انصدمت يوم شفته فالمكتب !
صديقي العزيز ماذا جاء بك الى هنا !
وتم يتخرطف علينا فالمكتب وما كنا معطينه اي اهميه
الى ان حصلت الفاجعه !
صديقي العزيز اكل علينا بعض الاوراق المهمه الخاصه بالشغل
يا لها من جريمه يا صديقي
حتى انا ما بفيدك
في الصباح التالي لقيت ملصق مطلوبيين يحمل صورة صديقي
ااااه يا صديقي ~ صرت مجرم مطلووب ويليتك ما دخلت المكتب
. . .
ما الذي حصل؟
كنت اشتغل ف جوو هادئ جداً وسمعت تدقديق وركيض
ولم أهتم
وبعد حين ذهبت لأخذ كوب شاهي وفي طريقي
رأيت صديقي العزيز مُعلق على لوح المكتب
وملصق المطلوبيين قد أُزيل
كم سأشتاق لخخطفتك السريعه علينا وحنا نشتغل
وكم سأشتاق لصوت الخرخشه الذي تصدره وانت تاكل الاوراق
الله يرحمك
. . .
سوري طولت عليكم
ما جالكم مسكتوو فار؟
كيف زخيتوه ؟
-
مادة إعلانية
-
13/04/2017 10:23 PM #2
مسكينـن الفأر صديقــي ف ايـام الدراسـة..
فصل كامل وانا مع الفئــران..
من طعامهـن
وتنظيـف القفـص...
وبعديـن ندرسـه عملـي
ضربته طشة ف راســه ..
وتخدر الريـال ..
وعقـب شرحناه..
وعقـب جففنـاه..
وعقـب حنطناه..
وحصلنــا ع A-
وشكــرآ
اصلا الفيران جميلــة ..
ووديعـه..
ولو عندك حساسية راح تنجبـر تكون
معهـن عشـان الدراسـة..
ايام تنـذكر ومـا تنعـاد
-
13/04/2017 10:33 PM #3
الفيران مشاكل نعم
وملايوعة تستوي اذا شفته
احيانا مايعذبنك واحيانا يعذبنك كل مرة يوكلن شي
مرة وحده فالحوش ,فالبرد,شفت فار ينتفض
وجت جدتي الله يذكرها بالخير قتلته ,وعوين حزنت وعصبت
كان العقل مافول اوبشن ذاك الزمان ,كنت اتون عن كذاك
ومباركين على قتله ,هذي يبغالها عزيمة
-
13/04/2017 10:35 PM #4
لا فار ولا سنور اريد صداقه
ماشي غير تصادق عجل ولا جدي ايفيد في العيد
اما القصص مع الفيران كثيره واحلى شي يوم تحصلها تمشي في الوير مال الكهرباء ايستوي القصف والرج ههههه مسكين تورط عاد هو وحظه
-
13/04/2017 10:51 PM #5
هههههه نهاية حزينه
من فتره شفت فار فالمزرعه كبيييييييير جداً وايد ، فالبداية كنت احسب انه جطو صغير ولا اهتميت ولكن حسّيت حركته سريعه وايد عقب تميت اراقبه لين اكتشفت انه فار متغذي زين زين
حاولت ازخه بس م جدرت له خبرت العامل يزخه عاد معرف شوه مصيره من ذيج الليله
-
13/04/2017 11:22 PM #6
.
اسلوب جميل ف السرد واحلى شي التوثيق بالفيديو
.
.
اتذكر من زمان كثرانات الفيران
كانوا يوزعوا مصيده وداخلها بصل
تو الفيران تحب البصل؟
.
.
المره الجايه لا تصادق فار والا بياكل نعالك
-
14/04/2017 12:11 AM #7
الفئران
مسويات سوالف خاصة للاشخاص
اللي بيوتهم ف مزارع
كل يوم تعال الترويـح
وقصة مع التوثيق
-
14/04/2017 12:45 AM #8
ذكرتني بنتكه حلوه
صاحب دكان
ماسك فار وجالس يعذبه
دخل عليه زبون
وقال له قتله ولا اتركه يرحل ..
رد عليه صاحب الدكان !!
بالله عليك الدكان مليان من كل شي ...
معكرونه ... بسكويت ... جبنه ... حلاوه ... كعك..
يقوم يتركهن كلهن وياكل
( دفتر مال الصبر )
وتقول لي ما أعذبه..
-
14/04/2017 09:27 AM #9
الفيران اشكالهن كيووووت ... و يرتحمن يوم يستنجدن داخل المصيدة
بصراحة كان عندنا سنور و من مات ذاك السنور فجاة الا بيتنا احتشر فيران ... اذكر مرةاولاد اخواني كانوا يلعبوا بكورة صغيرة اللي تنط و انخشت تحت الثلاجة. . قمت افزع لهم و جبت خيزران ابا اطلع الكورة
الا يطش لي فار نعم قفز ف وجهي من تحت الثلاجة ..
زين م جاتني سكتة قلبية
و ما راحن الفيران الا من قلعنا المطبخ بكبره .. و الحمد لله
فلذلك يا بن شامس هذا الفار يستاهل ما جاه ..
-
14/04/2017 09:27 AM #10
-
15/04/2017 02:29 PM #11
الفار مسكين وسكين شكله كيوت وبريء خاصه يوم يكون فالمصيدة برآءة ،مايهون يقتلوه ،بس يخرب كل شيء ويضيع عليك أشياء مهمه .
مرات ينتشر ومرات يختفن ومرات إذا فيه خربات يتربن ومن ثم يروحن للبيوت.
طرق التخلص منها معنا وضع سم أكله مغموسه فسم أو مصيدة ،يوم سم ترا بيموت ويوم فالمصيده يشلوه بحر،ومرات إذا يتركض منا ومناك إذا لحقو عليه يضربوه بعصي متينه
-
16/04/2017 06:27 AM #12
السلام عليكم صبحكم الله بالخير
سؤال تو ليش معلقين الفار
نعم ينرحم يمكن هذا الفأر مثقف
بس يسد حط له سم
موضوع رائع اخي الكريم
-
20/04/2017 11:48 AM #13
@BnShams
ماشئ مغامرة مع صرصور مثلا
اتخوف كل الموجودين هنا
ننتظر مواضيعك الموثقة ب الفيديو
-
20/04/2017 11:49 AM #14
@BnShams
ماشئ مغامرة مع صرصور مثلا
اتخوف كل الموجودين هنا
ننتظر مواضيعك الموثقة ب الفيديو
-
20/04/2017 04:41 PM #15
-
20/04/2017 04:42 PM #16
-
20/04/2017 04:44 PM #17
انته لو تشبعهن وتعطاهن اكل كان ما بيوكلن عليك شي
سوت فيه خير الجده .. بدل عذاب البرد او انه ياكله سنور
@NITRO
-
20/04/2017 04:45 PM #18
عالاغلب مصيره انه كلوه ~
مصير الدبدوب كذا خخخخ
ما يقدروا يشردوا بسبة الوزن
@ريم الرميثي
-
20/04/2017 04:48 PM #19
والله احيدهن يحبن الجبن
ولا مال توم وجيري يقصون علينا
توبه م بصادق فيران
مشكوره عالمرور
@رياح الصدق
-
20/04/2017 04:50 PM #20
هيه والله .. اتوقع كل شخص صار له موقف مع الفيران
القصه اليايه بتكون عن صرصور نظراً لحبكم لهذا المخلوق الجميل
احيد شي صرصور فالدوام لازم نغطي قصة حياته
شكرا عالمرور العطرر
@شواطئ الذكريات
-
20/04/2017 04:54 PM #21
اتخيل قفزته بالتصوير البطئ
والله هو يستاهل الاعدام
بس عاد م دهسا
@نور الهدى 11
-
20/04/2017 04:58 PM #22
السم اهون له من العصا
نعم انه ينرحم يوم تشوفيه يحاول يطلع من المصيده
مشكوره عالمرور
@قلم مختلف
-
20/04/2017 04:59 PM #23
-
21/04/2017 10:17 PM #24
طرح جميل ..
عجبني التسلسل والافكار الفلمية الأكشنية
-
21/04/2017 10:24 PM #25
وليش أنغلق الموضوع
أنزين ما لازم كمل شهر يعني يتسكر فعز النقاش
-
23/04/2017 11:15 AM #26
زين بعدش ما كليتيه .. @خبايا
-
27/04/2017 08:17 AM #27
على فكره في فرق بين الفأر والجرذ
واللي منتشر حاليا في الصرف الصحي واقصد النظام الجديد للمجاري ( الجرذان )
لأنها أكبر وأذكى من الفأر حتى إنها ما تموت بالسموم العادية
وهذي مشكله كبيرة وخاصة قادم الأيام راح يتأذى الناس منها بزيادة
-
09/05/2017 12:26 PM #28
@العالم أينشتاين
استخدم معرفك عشان ارفع الموضوع
حصلته قدامي ونسخته
ماشي مسابقات
-
09/05/2017 11:44 PM #29
أهاا
ننتظرك أو إنتي .. ابتسامة الشمس خلص دورها .. وأنا خلاص ..لحين معك .. @شواطئ الذكريات
-
09/05/2017 11:54 PM #30
هذا الكائن مستحييل من شكله يخوف وكيف عاد تمسكوه وتقتلوه وم اعرف كيف تتعاملوا معه يخوف
مواضيع مشابهه
-
[ معروض ] الفار بريال
بواسطة اجتهأد في القسم: حيواناتالردود: 0آخر مشاركة: 11/03/2013, 11:37 PM -
كبر الفار وسوى بهار
بواسطة فارس بني جلندى في القسم: سبلة ترويح القلوبالردود: 954آخر مشاركة: 17/05/2012, 12:11 AM -
الفار الفار
بواسطة أبن سلطنة عمان في القسم: السبلة العامةالردود: 14آخر مشاركة: 22/12/2011, 02:49 PM -
الجماعة مشغولين في تحديد هوية الفار
بواسطة sm111 في القسم: السبلة العامةالردود: 1آخر مشاركة: 24/01/2011, 05:18 PM