- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 42
الموضوع: ناس طماعة !!!!!!!!!!
-
12/04/2017 08:34 AM #1
ناس طماعة !!!!!!!!!!
بسم الله الرحمن الرحيم
صبحكم الله بالخير اليوم الاربعاء وباكر الخميس
حبيت اليوم اسدح او اطرح موضوع في ناس تشتغل في وظائف كبيرة بيوصل لي سن التقاعد وبعد بيروح يدور شغل غير
الله يهديك عندك فلوس واجد اول شي
وصلت سن التقاعد خلاص عاد روح ارتاح البيت ليش الطمع خلي المجال حال الغير
وصل سنك كبير يعني عاد المفروض تهتم في امور اخرى مثل صلاتك قراءة القران
وعندك فلوس واجد موه تريد بعد تدور شغل اخر اعطي فرصة لي شباب الجديدن والمقبلين على حياة
بصراحه شفت شخص طالع من شركة كبيرة يستلم راتبه ما اقل عن 5000 ريال شهريا وامكن اكثر اذا ما وصل 8000 ريال شهريا
وصل التقاعد بعد راح يدور شغل اخر ليش الواحد يكون طميع خلاصث عندك فلوس والمفروض تخلي المجال للاخرين وتفتح المجال لي الشباب
وشكرا لكم
-
مادة إعلانية
-
12/04/2017 09:01 AM #2عضو نشيط
- تاريخ الانضمام
- 25/08/2012
- الجنس
- أنثى
- المشاركات
- 406
وش هالحسد
خلي الناس تترزق
وبالعكس شي حلو الواحد ولو شيب يستمر بالعمل
-
صباح الخير
قبل ان تحكم على شخص ما من دخله الشهري
ضع نفسك مكانه
إن كنت بكامل لياقتك الصحية
وليس لديك مشروع خاص
وربما تكون مديون للبنك
ولا زال أبنائك على مقاعد الدراسه
ماذا ستفضل بعد سن التقاعد
هل الجلوس في البيت والمخاطرة بمدخراتك في مشروع لا تفقه فيه شيئا ؟؟
أم العمل في القطاع الخاص براتب أكثر من راتب الحكومة التقاعدي بسبب طول خبرتك ؟؟؟
أجبني يا مسقطاوي
-
12/04/2017 09:20 AM #4
راح اجيبك يا انسه
انا كتبت الموضوع عشان اني اعرف شخص متقاعده من قطاع الخاص اتب ما يقل عن 8000 ريال وامكن يوصل عشرة الاف ريال اول شي عاد انه تعبان في صحته وعنده بنايات وعنده مزارع في دولة اخرى وعنده اراضي لا تعد ولا تحصى
مثل هذا الشخص شو بعد يريد يشتغل !!!!!!!!!!!!!
جاوبيني
هذا يسمى طمع بعينه
-
12/04/2017 09:24 AM #5
يعني اذا الشخص تعود عللى الشغل ترا صعب عليه بعد ما يتقاعد يجلس فالبيت وهو ما زال بصحته وقوته
فاحسن انه يصرف وقته باللي يشغله وينفعه نفس الوقت.. ما شرط يكون طماع او محتاج
بعدين صلاته وقرانه وتسبيحه هالشي ما مقرون بوقت معين بامكانه يقوم بعباداته والعمل ايضا عباده
تعرف جلسته فالبيت لها سلبيات كثيره عليه وعلى اهل بيته منها التدخل في ابسط الامور وكثرة المشاكل
والهم والنكد وغيره فاحسن له يصرف وقته في العمل,,
-
12/04/2017 09:40 AM #6
سؤال :
كيف شخص عنده خبرة 30 سنة يترك المجال للشباب في الوظيفة؟
-
12/04/2017 09:40 AM #7
-
12/04/2017 09:49 AM #8عضو نشيط
- تاريخ الانضمام
- 13/01/2010
- الجنس
- أنثى
- المشاركات
- 647
ياخي اذا الانسان قادر ينتج ليش يجلس في البيت .وبعدين جلست البيت ما شي مريح الملل متعب .ثانيا ما تحكم ع الشخص بالاشياء اللي عنده انتا ما تعرف وين يصرف هذه لفلوس يمكن يكفل يتيم او يبني مسجد ما تحكم ع الشخص بس كذا.ما تكون حسود خلي الناس تعيش حياتها وتاكد ما حد بياخذ رزق غيره.
-
12/04/2017 09:51 AM #9
-
12/04/2017 09:55 AM #10
مسقطاوي قاااايلك كمشي مره مااااااااااتجيب علومي ولا اسراري هنا
تجي تفت الرمانه اشوفك
كنك تتكلم عن حبابوتي
الله يسلمك هو صاه يحب الشغل
ويحب ينجز ويبدع
كما الوالد يقول اذا جلست وما اشتغلت ايعنن رجولي
فالبعض يشتغل عسب بس يتحرك ويغير جو ويشوف ناس ومن هنا رزق
-
-
اخي الكريم
ربما ما جاء بطرحك صحيح بانه عليه ترك الفرصه للاخرون
ولكن ايضا نحن في بلد مازال به الشاغر الكبير لمنهم في حكم من اشرت اليه
فتجد اطباء متقاعدون لكبر سنهم بالحكومه ويعملون في المستشفيات الخاصه
وايضا البعض يرغب في العمل بدلا من المكوث بالبيت طالما صحته على ما يرام
وبطبيعة الحال راح يحصل على مرتب جديد
الله مقسم الارزاق لعباده ومهما اراد العبد من شي فالتوفيق اولا واخيرا بيد الله سبحانه وتعالى
-
وفي جزئيه ايضا مهمه بتوظيف المتقاعد في جهه اخرى لوصوله سن التقاعد
يوجد في قانون التامينات الاجتماعيه عدم قبول او التامين لمن وصل سن الستين سنه
حتي ولو كان يعمل سابقا في جهه حكوميه وبعده اراد العمل بالقطاع الخاص فالامور مرصوده
-
12/04/2017 10:33 AM #14
-
-
12/04/2017 11:04 AM #16عضو مميز
- تاريخ الانضمام
- 21/02/2012
- الجنس
- أنثى
- المشاركات
- 1,448
بلعكس حلو يمكن يحس بفراغ وما يحب يجلس كذا ويمكن صح دخله كبير بس ما واحي عمره وين يقسمه يمكن افساط وكذا امور وعيله والحياه غاليه تو
كل شي غالي
-
12/04/2017 11:18 AM #17
اعوذ بالله من غضب الله... يعني الحسد ليش؟؟؟
اذا مشكلتك مع شغره لوظيفة بدل الشباب... ف اولا هذا رزق و ثانيا ال"شايب" اكثر خبرة...
م تتوقع واحد توه فاقس من البيضة يسوي شغل رجال صار له ف المجال 30 سنة و اكثر...
و بعدين اذا ع المال ترا هذا رزق من الله... لا تحسد و ادعي الله يرزقك مثل م رزقه...
ثانيا الشخص يكون عنده اموال و اعمال جانبية هذا مو يعني انه خالي من المسؤولية و هي كلها للعب...
و شخص طول عمره يشتغل و يكرف م تتوقعه بين يوم و ليلة يقضي ايامه فاضية م يسوي شي...
-
12/04/2017 11:18 AM #18
ما دام معهم قدره على العطاء
خليهم يتوظفوا احسن عن الجلسه كذا
الواحد ما دام له رغبه وعزيمه على العمل أفضل
عن جلسة البيت والسوالف الفاضيه
وبعدين لو جلسوا يتعبوا لانهم تعودوا على العمل والحركة
وشي منهم بعد بعمر 60 او اكثر ومعهم أطفال فخليهم
يسعيوا على اولادهم تو كل سيء غالي وحشره
-
-
12/04/2017 12:20 PM #20
في نظري الشخص اللى عنده صحه وطاقه للعمل احسن يوجه هذا الطاقه فالعمل حتى لو كبير في سن
يمكن عطاه هو في انجاز العمل اكفاء من الشاب
ويعني تو اللي عنده فلوس مايشتغل عيل وايد عندهم ملايين وكبار في السن ويشتغلوا .
@مسقطاوي بهلاوي ماتشغل بالك وووااايد
-
ان كان من الناس ذو الفكر المنفتح على التغير من الجيد ان يسعى للتغير ..
لكن ان كـأن من العقول المتحجرة لغير الواثقة بالشباب فالاولى ان يكتفي بالتقاعد..
-
12/04/2017 12:50 PM #22عضو نشيط
- تاريخ الانضمام
- 09/11/2015
- الجنس
- أنثى
- المشاركات
- 203
حب لاخيك ما تحبه لنفسك
ماتعرف ظرف هذا الشخص ولا ماراح تتكلم بهاذي الطريقة وثاني شي فكر في يوم راح تكون في هذا العمر هل تسمح لاحد يقول عنك خلاص شيبت واترك الوظيفة
واحنا نحتاج لهذا الجيل شياب على قولتك عشان يوعينا وينصحنا ونتعلم منهم المفيد لانهم يملكو خبرات كافية للادارة
اذا راح نتكلم بالواقع هاذي البلد اولى فيها احنا اولاد البلد سواء شبابها او شيابها لبناء هذاالوطن وطرد الوافدين اللي تحصلهم في كل مكان
-
12/04/2017 02:18 PM #23
-
12/04/2017 02:27 PM #24
الحين اي شخص يدخل قال خلي عنك الحسد
موه تو اسوي بعمري ؟؟؟؟؟؟؟؟؟؟؟
-
12/04/2017 04:12 PM #25
-
12/04/2017 05:40 PM #26
الناس الشغوله بتظل تدور الشغل ..
والشغل أفضل م الجلوس ع الأقل حركه ورياضه
ما جلسه وحده ف البيت والواحد عاد ما يروم يشل عمره ..
هي ما مسألة طمع بس كلآ يرى الناس بعين طبعه
أللي حاب يشتغل ونفسه شغوفه للعمل ف الله يوفقه
والتجارب جميله يتقاعد م هذا ويشتغل ف هذا والحياه مستمره ..
الله يوفق الجميع ..
-
12/04/2017 05:41 PM #27
-
12/04/2017 07:21 PM #28عضو نشيط
- تاريخ الانضمام
- 13/01/2010
- الجنس
- أنثى
- المشاركات
- 647
-
12/04/2017 09:53 PM #29
مساء الخير..
أتفق معك أخي الكريم..
فيه كثير من الناس عندهم خير ما شاء الله وبعد تقاعد يروحوا يدوروا شغل ثاني..
لكن أظن هذا لا يسمى طمع وإنما سوء تخطيط..
راح أخبرك كيف ...
يعني مثل هذي الأشخاص إلي عندهم خير ونعمة ويحبوا الشغل بعد التقاعد بدل ما يروحوا يشتغلوا
في مكان ثاني يفضل يكوَنوا دائرة عمل وحدهم تختص في مجالهم (شركة خاصة) منه يوفروا وظائف
للشباب ومنه يستغلوا وقته..
تحياتي لك..
-
13/04/2017 09:33 AM #30ما نقدر نطلق على عمل المتقاعد انه طمع
كثير من الناس عندهم قدره على العمل والعطاء أكثر من الشباب ومعظمهم في متوسط العمر بحكم انهم حصلو على الوظيفه في سن صغير نوعاً ما
خبرة المتقاعد في وجه نظري مطلوبه وبإمكان الشركات استغلال قدراتهم في مناصب اداريه وتدريب الكوادر الوطنية
أفضل من الإعتماد على القوى العاملة الوافدة