السلام عليكم


اتفقت مع مدربة تعليم سياقة عن طريق المسجات بسعر معين - وبعقد مدنه 7 اشهر (( المدربة ما عطتني ورقة العقد والاتفاقيه )) ما وقعت على ورقة عقد لكن الكتشة عندها - عطيتها 150 ريال دفع مقدم / نجحت البراميل وما كانت نجيني بشكل يومي تدربني بحكم معها زحمة وكل مره عذر - ولهالسبب قررت اطلع من الشركة ورسلت لها مسجات اريد الكتشة قالت لي دفعي المبلغ كامل اللي عليك 500 ريال ! احنا ما تعذرنا عن تدريبك قلت لها دائما عندكم اعذار وما ملتزمين مع الطالبات وهذا شارع .. ما ينلعب فيه ! شركة فيها سيارتين فقط وياخذون طالبات عدد كبير وما يعطون الشخص حقه في التعليم !!! وبالتالي الطالب يتأخر في حصوله على الليسن !!!! وما يكون متمكن في السياقة ويرسب كثير بسبب عدم الممارسة اليومية!
المعلمة ما راضية تعطني الكتشة وتريدني اتدرب معها في الشارع وبدون ما تلتزم وادفع المبلغ اللي عليي كاملا !..

الشارع ما دفعت لها شي لانها ما دربتني الا 4 ايام فما وحت ادفع لها ومتفقة معاها بكرا ادفع المبلغ 150 وبالتالي يبقى عليي 200 ريال بعد ما انجح واخذ الرخصة / وبسبب عدم راحتي للشركة ما قادره اكمل معاهم واريد كتشتي

وقالت لي بجيب لك العقد ووقعي عليه ,,

وانا بصراحة ما مرتاحه للشركة وما اقدر اطلع بدل فاقد وبعدها تطالبني بمبالغ!

هل من حلول؟