حلاوة الروب في الفرن

[بودي سباركلز]

مراحب حوائيات
امس جربت حلى والحمدلله نال اعجاب الجميع
واتمنى الكل يجرب ويخبرنا عن تجربته

من غير ما اطول بحط لكم المقادير ان شاء الله كل المقادير متواجدة في كل مطبخ وطريقة الطبخ سهلة جدا و مدة الطبخ لا تتجاوز 40 دقيقة

نبدأ بالمقادير:

1. روب علبة وسط
2. حليب مركز مقاس كوب الشاي
3. سكر هندي قطعتين يمكن الاستغناء عنه عند عدم التوفره بس السكر الهندي يعطينا طعم خرافي و لون ذهبي جميل
4. حب هيل مطحون حسب الذوق (في ناس يحبوا طعم الهيل وفي منهم ما يحبوه)
5. اذا ما حبيتوا طعم الهيل نبدله بالفانيليا
6. (ركزوا اذا استبدلنا الهيل لا نضيف السكر البني بل نزيد كميه الحليب المركز)
7. ورح نحتاج قوالب فرن صغيرة تباع كل مكان بالذات مركز رامز والاسعار معقولة

والحين نجي لطريقة التحضير:

نخلط الروب والحليب المركز بالخلاط الكهربائي واذا ما متوفر نستخدم الخلاط اليدوي
وبعدين نضيف له الهيل او الفانيليا حسب اختياركم
وبعد الخلط ندخله الثلاجة عشان ما يكون سايح
والان نقوم بتذويب السكر الهندي على نار هادئة ( طبعا بياخذ وقت شوي بس لازم تصبروا عليه وتحركوه بالاستمرار والا بيحترق )

بعدما تم تذويب السكر الهندي على طول نصبه في خليط الروب و الحليب المركز ونحلطه بالخلط الكهربائي بسرعة عشان ما يتجمد السكر

بعدما حضرنا الخليط نصبه في القوالب وقبل ما ندخله الفرن نصب شوي ماي في صينية الفرن (نعمل حمام مائي حتى يطبخ بالبخار)
ونحط القوالب على الصينية وندخله الفرن مثل الصورة


طبعا الفرن يكون مسخن قبل بفترة وبعد ان نضع القوالب نخفض الحرارة نخليه ياخذ راحته في الاستواء
ما راح ياخذ اكثر من 30 الى 40 دقيقة

وهذي الصورة النهائية بعدما بردناها في الثلاجة وزيناها بشريحة الفرولة واوراق النعناع


بالهنا و العافيه


ودعواتكم لاختكم بالتوفيق

[بسمة س]

يسلمو دياتك ياقمر وربي يعطيج العـــــــــــافيه

[عذبة الكلام]

تسلم يدك ،،،،،ننممكن صورة السكر الهندي ؟

[مطلع الاشراق]

متشوقة اشوفها بس ماتفتح الصور معي

[nawarko]

الصور ما تفتح
نريد نشوف الشكل النهائي
@بودي سباركلز

[متواضعه بهيبتي]

ما شاء الله جميل بس سؤالي : هو راح يصير كريمي من داخل ولا مثل الكيك وشكرا للوصفه الطيبه


اللي تسال عن السكر الهندي بتحصلوه في رامز موجود شايفته من ثلاث ايام تقريبا سبحان الله ومكتوب عليه سكر بني هندي


شكرا للوصفه الطيبه

[النور المضوي]

بالعافيه
ان شاء الله نجرب هالحلى ..

[روح منسية]

تسلمين خيتو

شكلة لذيذ
بأذن الله بجرب اسويه

[متواضعه بهيبتي]

ما شاء الله جميل بس سؤالي : هو راح يصير كريمي من داخل ولا مثل الكيك وشكرا للوصفه الطيبه


اللي تسال عن السكر الهندي بتحصلوه في رامز موجود شايفته من ثلاث ايام تقريبا سبحان الله ومكتوب عليه سكر بني هندي


شكرا للوصفه الطيبه

اعتذر قصدي اللولو وليس رامز

[كوشاكية]

واو رهيب

[ريمارس]

يسلموووووو اختي على الموضوع واضح انها طيبه