- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 37
-
15/08/2016 09:10 AM #1
جلسة سمــــ(21)ــــر || حواء ومواقفها في الشارع||
صباحكم رياحين وياسمين حوائيات
كيفكم عساكم بخير؟
من زمان عنكم وعن جلسات سمرنا
\
\
جلسة سمرنا لليوم تتحدث عن
مــــــــواقف الحوائيـــــــــــات في الشـــــــــــارع
أتوقع كلنا تعرضنا لمواقف محرجة، يا نشحك السياير، يا ندعم، يا ما ننتبه
طبعا الأمر - حسب علماء النفس- يعود لتركيبة فسيولوجية المرأة، الشبكية
بحيث أن السواقة محتاجة تركيز كلي في الشارع، في حين أن تركيز المرأة يتوزع لعدة أشياء وبالتالي تفقد عمق تركيزها في الشارع
بعكس الرجل الي قادر انه يسيطر،ويقيس المسافات بصورة أفضل
\
\
للأسف ما حد انتبه لهالنقطة في عالم المرأة إلا الصينيين، دوووم نحصل انتقادات من الجنس الخشن على عدم تركيزنا
في أحد مراكز التسوق بالصين، وضعوا مواقف سيارات (وااااسعة) خاصة للنساء وملونة باللون الوردي أو البنفسجي
يعني كيووووت ع الآخر دخلي وانت مطمنة
اعتبره ذكاء وتفهم منهم لطبيعة المرأة
خصص أحد مراكز التسوق في الصين مواقف لسيارات النساء، يزيد عرضها 30 سنتيمترا عن تلك المخصصة للرجال، كما أنها محددة باللون الزهري، المفضل لدى كثير من النساء.
ومن الآن فصاعدا، لن تجد السيدات اللاتي يزرن بكثافة أحد مراكز التسوق في مدينة داليان بمقاطعة لياونينغ الصينية، صعوبة في ركن سياراتهم عند المدخل الرئيس للمركز التجاري بالمدينة.
وعلى الرغم من إثارة الخطوة حفيظة عدد من الجمعيات المدافعة عن المساواة بين الجنسين، فإن مديرة المركز التجاري يانغ هونغ جون، تقول إنها جاءت بعد أن لاحظوا أن النساء يواجهن صعوبة في إيقاف سياراتهن في الأماكن العادية، وليس تقليلا من قدراتهن على القيادة”.
ووأعربت يونغ مي، إحدى رواد المكان، عن سعادتها بهذه الخطوة، وقالت لوكالة فرانس برس”: أعتقد أن هذه المواقف مريحة للغاية، حيث إن المواقف الأخرى ضيفة جدا”. وأضافت: هذا ليس تمييزا ضد المرأة، بل إنه مجرد تفهم لخصوصيتها”.
ورحب كثير من سكان مدينة داليان بهذه الخطوة، ودعوا مراكز التسوق الأخرى إلى اتخاذ خطوات مماثلة، كما طالبوا حكومة المدينة بالعمل على تخصيص مواقف نسائية في أماكن أخرى غير المراكز التجارية.
ومنذ العام 2009، بدأت مدينة شز هوانغ بمقاطعة هيبي شمالي الصين، بتخصيص موقف لسيارات النساء، أوسع في المساحة، ويميزها اللونين الزهري والبنفسجي.
وقال المسؤول في المركز التجاري بالمدينة وانغ زينغ، إن هذا النوع من المواقف صمم تلبية لإدراك المرأة القوي للألوان، فضلا عن تقديرهن المختلف للمسافة”.
ووفق إحصاءات السلطات الصينية، يلقى ما يزيد عن 200 شخص حتفهم يوميا في حوادث ناجمة عن تصادم السيارات على طرق البلاد. وقتل أكثر من 73 ألف شخص في الصين في حوادث للسير خلال عام 2008 وحده.
\
\
خبرونا عن مواقفكم في الشارع، كيف تتصرفو لو دعمتي أو سويتي حادث؟ (حتى لو ما كنت تسوقي، أكيد ركبتي مع حرمة تسوق)
وكيف مستوى انتقادات الجنس الخشن؟
-
مادة إعلانية
-
15/08/2016 09:24 AM #2
آخر تحرير بواسطة عيون الجرناس : 15/08/2016 الساعة 11:11 AM
-
-
15/08/2016 09:36 AM #4
أنا جيت بدون رنة
موقف ع السريع
كنت مشترية سيارتي ذاك الأسبوع فحص بعدها
ورايحة المركز الصحي وجالسة ارجع ريوس
وللعلم السيارة فيها كاميرا
ما دريت غير راجعة ف طابوقة وتشحت السيارة من الخلف وبعدها ما كملت أسبوع
فوادي عورني عليها ،، انتو قولو لو ماشي كاميرا كانت يمكن خطفت ع الجدار
-
15/08/2016 09:54 AM #5
صباحكن ورود
وأهلا بعودتكِ أختي شادن
وموضوع مميز كعادتك وطلتك المميزة
مواقف الشوارع كثيييرة لا حصر لها وخاصة معي أكشنات هههه
أول موقف صادفته لما طلعت سيارة بأسبوع تقريبا كنت أحاول
أوقفها بموقف والأهم شديت حيلي ودخلتها وأنا واثقة بنفسي أنه
المسافة كافية وشليت معي السيارة إللي جنبي ههه
عاد هنا بديت أرتبك شو أعمل وخاصة الحين وقت الدوام
طلعت السيارة وأخذتها بموقف ثاني ورجعت أشوف السيارة إلا وصاحبها راح
قلت ما مشكلة اليوم الثاني برجعلها وأنتظر صاحبها,
واستمر الحال ما يقارب الشهر وضميري يأنبني للفعل
وسبحان الله يوميا يصادف أدخل الشركة أبصم والسيارة تختفي
بعد ما مر الشهر قلت بكتب رقمي على ورقة وأحطها على الدريشة الأمامية
لعل وعسى أوصل للشخص..وبالفعل أسرعت وكتبت رقمي على ورقة مع عبارة
Please call me urgently
ما هي إلا ربع ساعة ويتصل فيني صاحب السيارة وخبرته بالمشكلة
ونزلت أرويه مكان الحادث وعطيته رقم أخوي يتواصل معه عشان التصليح
وبعدها خبرت أخوي بالسالفة وحصلت نزاعة محترمة منه
قال لو حطيتي رقمي كان أفضل, وما تحطي رقمك أبدا
أهم شي هنا قلبي ارتاح, أني بريت ذمتي
والحمدلله الشخص تفهم الموضوع
ولا رد على أخوي ولا سئل عن مبلغ التصليح
ومنها تعلمت درس وصرت أنتبه أكثر ع الموقف والحمدلله ما تكرر الخطأ مرة
-
15/08/2016 10:00 AM #6
ياااااااااااااااااالله .. ويا كثـــــر مواقفي
انا بعد لما اشتريت السيــارة وبعدها ما مكملــة أسبوع
خاطفــة بالسيـارة وماسكـة السكان بيدي ورجولي علشان ما اسوي حركات
ما اتفأجى الا بالشارع واقف وانا من الخوف دست ع البترول بدل البريك ودعمت السيارة اللي قدامي
ياربي كيف بكيت من خاطري واللي دعمته ع باله انه ما عندي ليسن وجلس يسكتني روحي خلاص ما اريد منك شيء .. والله بصلح سيارتش لا تصيحي هههههههههههه
وانا اصيح من الخوف ومن الرهبـة ..
ويوم جاء اخواني الصياح زااااااااااااد ههههههههههههههه
وصرت حديث البيت لمدة شهر كامل
-
15/08/2016 10:24 AM #7
-
15/08/2016 10:25 AM #8
-
15/08/2016 10:28 AM #9
-
15/08/2016 10:47 AM #10
هههههههههههههه
قلبتي المواجع حبيبتي
اممم اذكر مره كنت بسوق السمك بمطرح مع حماتي ...واول مره ادخل مطرح بروحي وانا اسوق ...
تعرفي الشارع ضيق ..والسيارات ع كتف الطريق واقفات
المهم اختك تمشي شوي شوي وراعي الشاحنه جاي يريد يعبر ويقولي لفي يمين ..وامشي وانا الفها شوي شوي الا اسمع صوت شحطه بسيطه
وصاحب السياره كانت هناك ويضرب الباب اونه بمعنى انتبهي خدشتي سيارتي
وقعد يتصارخ ورفع صوته خصوصا انه اللي قدامه بنت
يقولي وش سويتي دعمتيها اقوله سيارتك ما بها شي ..الا شوي سيارتي تاثرت
اونه انا تو مطلعنها من التصليح اقوله يا بابا ما صار الا الخير وشفته يتشاحط واتصلت بزوجي وخبرته وخليته يكلمه ..
وقاله زوجي مو حلوه انك تقعد تصارخ ع الحريم وتستقوي عليهن ..واتفقوا يتلاقوا ..
ولما تلاقوا اتضح انه سيارته ما فيها ولا شي ..,وانتهى الموضوع ..,طبعا انا قلت اخر مره ادخل سوق السمك بمطرح هههههه
-
15/08/2016 10:54 AM #11
الحمدلله من قبل ومن بعد,,
الحياة ما زالت بخير ببعض الأشخاص من الجنسين
وواقع الحياة تثبت ذلك وهذا موقف صادفنا ذات يوم
مرة كنا رايحين ع محل وماخذين سيارة أخوي
ونحن طالعين حصلنا ضربة محترمة فالسيارة
بس حصلنا رقم على السيارة, وما أتصل أخوي ولا طالب بالتصليح,
وما وصل إلا وقت العصر يستلم أخوي اتصال من الشرطة
إنه اليوم تعرضت سيارتك لحادث في المكان الفلاني والشخص المتسبب يريد يتواصل معك,
فكيف نسلمه رقمك, فوافق أخوي, وما هي إلا دقائق إلا والشخص يتصل عشان يعتذر ويصلح الحادث
فالحمدلله سامحه أخوي عن طيب خاطر, وقال هو بيتكفل بتصليح سيارته
-
15/08/2016 11:00 AM #12
-
15/08/2016 11:18 AM #13
يا كثرهن مواقفي
مره تجاوزني باص النقل الكبير وبايه اسوي عمري عنتر كيف باص نقل يتجاوز حضره جنابي
ف قلت الازم انا اتجاوز وبغيت الحق ما رمتله لين شفت ليت الرادار يلمع
وتأدبت عاد ..
ومره ف سوق مره فجأه طلعلي شايب ف نص الطريق كنت ادعمه وسويت له هرن للاعتذار بس اظنه سبني خخخ ,,
بشكل عام سواقه الحرمه حلوه بس احيانا تستوي خسوفيه
-
ههههههههههههههههههههه
موضوع جميل ومواقف حلوووه
أنا مره ماشيه وقدامي لراعي تاكسي
ويضرب بريك قدامي ووقف ف الشارع يركب عبريه
ومسكت الهرن وضربته بقوه لين وجعته اذونه يمكن
ومشيت عنه لقيته جاي لايعني ويسويلي فل ليت يعني سفطي ع صوب
وسفطت قلتله خير قال ليش تضربي هرن وكان صوته أكبر منه كأنه قتلت له أهله
قلتله سلامات الاخ حد يوقف ف الشارع يضرب بريك ويركب عبريه مو لو أنا ما منتبهه لك كان دعمتك انت وعبرتك
قلتله انت الغلطان قال لا انتي الغلطانه وووووووو جلس واجد يتنازع قلتله اقولك سجل رقم السياره وروح شكيبي مع الشرطه
قالي أسجله وأروح وأنتلاقى ف المركز قلتله نزين وحشرها قالي أحششرها!!! شكله عصب من ذي الكلمه قلتله هيه حشرها
يعني انته الغلطان وبعدك جاي تتآامر ع حرمه
أ؛يده يتكلم رفعت الدريشه مال السياره ومشيت عنه
وليومها لا شفته ولا شفت اتصال من الشرطه ههههههههههههههههههههههههه
ههههههههههههههههههههههههه ههههههههههههههههههه
-
15/08/2016 11:39 AM #15
-
15/08/2016 12:03 PM #16
هلا أختي شادان
أنا لما طلعت ليسن اشتريت سيارة مستعملة ولله الحمد ما سويت حادث فيها وأموري تمام
وبعد سنتين أشتريت سيارة من الوكالة قلت خلاص صار عندي خبرة
بعد ما أخذتها بكم أسبوع كأني أنحسدت عليها
كنت أريد ألف يسار والشارع فاضي ولما دخلت أشوف سيارة مسرعة قلت أكمل وأروح فالمواقف فالجهة الثانية لانها فاضية عشان أتفاداه والرجال الله يهديه تبعني ودعمني فالمواقف
لما سألته قال كنت أحاول أتفاداك.. يعني فكرنا نشرد فنفس المكان
بس تأثرت سيارته وسيارتي وعورني فوادي على سيارتي الفحص
-
15/08/2016 03:08 PM #17
الهرن عندي ببيسه بس للي يطش قدامي وعاد كان فيهم خير يوقفوني
وبالنسبة للي يحشرني فول ليت إذا فيه مجال أزيح له وإذا مافيه لو يصير ما يصير ما بزيد سرعتتي عن السرعه المحددة
ويوم بحصل فرصه بزيح عنه بس ما يهرني الا اللي يجي ويطشر الأوادم من الشارع وطاير تقول معه حالة طارئة وطاير المستشفى وفي
الأخير أقرب لفه يمين يلف. بس خاطري أقول لهم إللي معه حالة طارئة يشغل 4 أشاير وبينفتح له الدرب بسهولة ما يحشر البقعه يديم وهو بس باغي يلف قريب.
ومرة أذكر ما شية في دربي وشفت كم حرمة واقفات جنب الشارع قلت بشوفهن يمكن في طريقي وبوصلهن وهن واقفات في مكان فيه حصا كبار وما عبالي
ونزلت سيده صفطت عدالهن فخبروني انهم ينتظروا حد يجيهم قلت لهم أوك جيت أتحرك أرجع لورى طبقت السيارة على حصاة حاولت يمين يسار
والجماعة جاتهم سيارتهم فنزل الشخص اللي جاينهم وحاول يزحزح السيارة وما قدر وتعذر مني لأن بيتأخر وجلست بروحي أعابل السيارة وقحصتها تقحيص من تحت
لين تحركت قلت توبة مرة أوقف لحد خاصة في شارع ما فيه رصيف.
-
16/08/2016 02:42 AM #18
اتذكر فى ايام التدريب دخلت شارع فرعى بسرعة 120 وشاحت علينا السيارة والحمد لله فى اخر لحظة سلم والا جدار مدرسة كان راح فيها ، مشكلتى انسى اشوف قبل عن اتجاوز وادخل على سيارة وكانت مال مسئول ومصراوقف والمدرب ينتفض واصلا انا ناسية ايش سويت وقفت والشخص متصل فى الشرطة كان عند اشاير سنتر بوينت روى وقفت السيارة المدرب ينازعنى من صوب والشرطى ينازع من صوب وذاك الرجال ورام من صوب وما فكينى الا الدموع اربع اربع زين ما كملت الدور واغمى على اوين عفا عنى خيبة تخيبو
نسيت اخبركم الحين ماسوق لدواعى صحية لكن لو استمريت كان فيها علوم
-
16/08/2016 08:48 AM #19
ههههههههههههه
ضحكني موقفك
مسكينة رايحة تقدم مساعدة واخر شي طبقت وبقيت وحدها @nasana
-
16/08/2016 02:55 PM #20عضو نشيط
- تاريخ الانضمام
- 09/11/2014
- الجنس
- أنثى
- المشاركات
- 243
هههههههههههههههههه
شي حلو سوالفكم حلوه
الحمدلله ما صار لي موقف
امممممم او يمكن ناسيه لانه
عندي ليسن من 12 سنه ولله الحمد
متاااابعه ..........
-
16/08/2016 10:26 PM #21
يسلمووو ع الرنه شدونه
وكالعاده مبدعه ومميزه ف مواضيعك
حبييييت فكرة المواقف ياريت تطبق معنا...بياكلونا الجنس الخشن.....
امممم انا مسالمه ف السواقه...وقليل جدا اسوق ومااذكر اذا صار معي موقف
-
17/08/2016 10:24 AM #22
-
17/08/2016 10:25 AM #23
-
17/08/2016 10:27 AM #24
-
17/08/2016 11:30 AM #25
@روح منسية
هههههههههههههههههههههههه قتلتيني من الضحك
انا الحين مطلعة الليسن قريب طبعا بعد عنااااء طوووويل ولله الحمد
وتو اتكاسل اسوق وحدي وخاصة فالطرق الضيقة ... الحمدلله ما صارلي مواقف قويه للحين وعسى ما تصيرلي لان ما اعرف ويش بسوي
بس لما يكون الشارع ضيق واجد اخفف السرعة واتوقع يسبووني من فوادهم بس اهم شي اموري طيبه ههههههههه
ومره وحده من فشاري كنت الف السياره عشان اوقف فالموقف قلت يمديني وخطفتها ع الرصيف ههههههه وهي ما سيارتي سيارة زوجي
عاد رسلتله ياخي الرصيف دعمني اليوم مالي دخل
-
17/08/2016 11:54 AM #26
جمييييل الموضوع كجمال طارحته ...
ضحكتوووني بنات ...وأحس أغلبكن نفس فكيري خخخخ خاصة مال التكسي !! وإلي يتجاوز يمين ..ولا يطفربك بالفل ليت وآخر شيء بيلف ع أول لفة !!
وليش أغلبكن شاخطات بالسيارة الوكالة...هههههههه كنكن متفقات
أنا موقفي صار مع الشرطة
أول ما طلعت السيارة ( زوجي الكريم) لفها تعتيم من كامل الجهات ...و من ضمنه الأمامي ..(( غيور الأخ )
وأنا ما أعرف بسوالف التعتيم كنت ...أذكر أخواني يوم يتكلموا يقولوا التعتيم الجانبي مسموح 35!!! تو أنا ماخذه هالنسبة ف بالي ...
ومن يوم سقت ما جاله وقفوني الشرطة هههه لحد ما سقت سيارتي بتعتيمها...
أول مرة يوقفوني ... كان موقف غبي هههه واحراج هههه مستحيل أنساه ...وعصبت ع زوجي رجعت البيت اصيح ...
شو صاير يا طويلات العمر....
كنت ماشية ف أمان الله... وصادفت تحويلة وكان زحممممممة ...وماسكة التجاوز...
وقدامي سيارة شرطة ع اليمين... وتجاوزتهم...
إلا شفتهم يجيوا وراي...إلا وشوي يسوو فل ليت ..
طبعا أنا أم العريف قلت ما أوقف لحد ما تخلص التحويلة لأنه زحمممة...
ومشيت عنهم ....وشكلهم الجماعه نفذ صبرهم ...وفضحوني ف الزحمة قدام خلق الله وطلعوا صوت الطواري...
وعاد تأدبت و صفطت بمرة من الفشلة...
وجاني الشرطي معصب أون ليش ما توقفي بمرة !!
قلتله زحمة وين باغني اوقف!!
المهم تخيلن...قالي عندك تعتيم ...
تغابيت قلت وين؟؟
قال ف الزجاج الأمامي...
قلتله ماشي تعتيم هذا بس 30 ...
جاته صدمة و نازعني ...قال أختي ممنوع التعتيم الأمامي حتى 2% ممنوع
عاد أنا هنا تجمدت وبغيت أصيح من الفشلة العودة..
وسوالي مخالفة
ورجعت البيت أنازع زوجي قلتله تو تو تروح تشيله مابا أتفشل و و و و خخخخخخ
وعاد زوجي البطل بقولي إذا وقفوش مرة ثانية قوليلهم زوجي مسونه وإذا عندك شيء هذا رقمه (( عنتر بن شداد)
....
هذا الموقف مستحيل أنساه وتعلمت منه واجد ...إني أعرف قوانين المرور و أعرف إيش لي وإيش علي ..ما قاصر أسوق سيارة وبس
متابعة لكم
تحياتي
-
17/08/2016 12:04 PM #27عضو مميز
- تاريخ الانضمام
- 18/05/2010
- الجنس
- أنثى
- المشاركات
- 3,035
ههههههه حماس الصينين
انا ما اسوق..وقبل الزواج اخواني تعبو يقنعوني سوووقي ومستمره ما اسوووق ما معي الرغبه من داخلي
خبرونا عن مواقفكم في الشارع، كيف تتصرفو لو دعمتي أو سويتي حادث؟ (حتى لو ما كنت تسوقي، أكيد ركبتي مع حرمة تسوق)
مره كنت مع اختي ودعمت المشكله اختي تصيح وتولو وانا اضحك واطالع
ههههه انا عادي اروح مع صديقاتي واختي وخوات زوجي هههه بس اخت زوجي واختي متفقات اني ما انفع ارافقهن هههه لاني مرات اقولهن انتبهن سياره او حد مار ههههه بس لو سقت بكون جدعه ولا الاولادبس رغبه مامعي حاليا
-
18/08/2016 08:54 AM #28
صبحكم الله بالخير
شكرا شادن على الرنة
لاني مشغولة الفترة الماضية اما انا مريضة او بنتي والحمدلله على كل حال
شوي السواقة موضوع متشعب
مالي واجد اسوق خمس سنوات تو
والحمدلله انا قانونية جدااااا اي دخلة او دوار او غيره اضرب اشارة
اذا اي احد قدامي ضارب اشارة يبغى يدخل عادي صح اني واجد اسوق بسرعه بس ما اتعدى القانونية الا للضرورة
وااااجد حكايات بس اعطيكم كمين حبة
في بدايتي وبعد 3 اشهر من السواقة
الحمدلله بس مرة لحق تاير سيارتي بالرصيف بقوة كنت اتفادى سيارة كبيرة جات تلف الاشارت يسار وكانت فوقي
والحمدلله غيرت التاير
بعدها
كل فترة نفس التاير اما مسمار يدخل فيه
ومرة حديدة
وبعدها تنبشر مرتين علي في الشارع مرة في شارع فرعي ومرة في الشارع الرئيسي بس ما واحى يتبنشر كامل لان الشخص اللي وراي لاحظ خيوط من التاير
فاشر لي اوقف يمين وفعلا وقفت والحمدلله
سبحان الله نفس التاير وحدة 5 او 6 مرات يصير له شئ
من تزوجت مرة راجعة بيت اهل زوجي وباب الحوش كبير يوسع داخل الحوش 4 سيارات تقريبا
وكان في سيارتين بس وحده من السيارت كانت سيارة زوجي وكنت مستغربه ليش راجع بدري لانه يشتغل في القطاع الخاص
وكنت افكر ماله واشحط بسيارتي على الجدار يله وصلحتها
وبعدها دعمني واحد هندي (عاد الهنود يرفعوا الضغط لما يسوقوا) اليوم مادبه واحد ما اتفاهم يجلس يتلقلقل اضرب سيارتي سبورت 160 واروح عنه
المهم
للي قدامي ضرب بريك بقوه قبل الدوار وضربت بريك وهذا جاي مسرع وقف والي وراه جاي مفتلت كان يدعمه بقوة وهو دعمني شوي وجاني يعتذر
بس سامحته واللي وراه هندي بعد ومحتشر ويتنازع هو غلطان ويتنازع خليتهم ورحت البيت كنت هذي الفترة حامل وايام رمضان
قبل 5 ايام من العيد تقريبا في اخر خميس في رمضان هذي السنة
كنت راجعه البيت على ساعة 12 ونص لاننا نداوم 7 فنطلع 12
عند كارفور السيب الشارع يمشي و ويوقف الا السيارة الي قدامي وقفت واللي قدامها ضربت 4 اشارات ومسكت بريك وجايه اضرب 4 اشارات الي وهذيك البيكاب الكبيرة مال الشركات
تضربني من وراء
ما عرفت مو هناك.. نزلت اشوف لقيت بنفر سيارتي متعور واجد
نزل هو شاب صغير ويتنازع والحالة اقوله ليش ما حاط مسافة
قال انتي ضربتي بريك بسرعة
قلت له السيارة اللي قدامي ضاربه بريك فضربت قال ماشي سيارة
قلت له راحت يعني ادعمها
قال ماشي سيارة انا ماشفت سيارة، قلت له يا ابن الحلال لو ماشي سيارة ليش اضرب بريك
قال ممكن شفتي شي ولا شي عادي قولي
ساعتها والله اني صرخت عليه ورجع سيارته لو متكلم كلمة زيادة كنت ذابحتنه ثووووورررررررر
شاب صغير ومتهور وغلطان وفوق هذا يتنعتر واي واي لما اتذكر ابغى اكفخه
وقف شرطي مدني وقالنا سلامات جاه يتنازع ضربت بريك وما ادري موه قاله انت غلطان
وبلغنا الشرطة وراح
وجاء شرطي ثاني و وقفنا على جنب الشارع لحد ماتجي الدورية وهو يتنازع هيه غلطانه وانا جالسة في سيارتي ومشغلة سورة البقرة كالعادة
ومعطتنه طاااااااف قوي لحد ما جاء زوجي وقالي رجعي البيت هو تفاهم مع الدوريه والشرطة
ورجعت البيت ولليوم بعدها سيارتي ماتصلحت
تجيك مواقف واجد والحذر واجب اذا ماغلطت يغلطوا عليك
الحين اتكلم عن السواقة كانت للحريم او الرجال ( وفي الجانبين فيه ناس خسفه بكل معنى الكلمة ومتهورين وفي ثيران)
تلعبوا بالتلفون وانتوا تسوقوا ليششششششششششششش؟؟؟!! حياتكم رخيصة حياة الناس والي معكم غالية جدا بعد
الاشارات الي في السيارة مسوايه ليش؟؟؟ تدخل دوار او تريد تلف او اي حركة عطي اللي وراك او جنبك علم انك بتلف تقحم منا والدرب ليش؟؟!!
ثانيا الشباب الله يهديهم
ينطلق لك 180 او 200 وعاد خوزوا واول ما يوصل اللرادار يضرب بريك لحد 120؟؟؟ مو ذا الغباء
(اسد علي وفي الحروب نعامة؟!؟!؟)
انا عصبية جدا في السواقة طبعا ما كنت كذا بس ظروف شغلي اني اشتغل في مكان يتسدعي وجودي في اوقات بصفة عاجلة او انقل اشياء عاجلة
غير من صار عندي بنات لو حد مريض او غيره
اسوق 135 او 137 ما ازيد ولا اضرب بريك للرادار لاني ما وصلت 140 امشي على نفس الخط والسرعة
يجيك واحد منطلق انك خوزي ؟؟ انتظره لاقرب رادار اذا شفته من قوم النعامة ويخف سرعته ل 120 ما اعطيه مجال
اما اذا ما اهتم للرادار وكان مسرع واستمر او ضرب 4 اشارات انه مستعجل لضرورة اعطيه مجال غير كذا لا
غير كذاانتي تسوقي وشاب يشوفك تسوقي بسرعة رغم انه كان في الشارع الوسط وكان يسوق 120 او 110 ويجي يلزق في سيارتي لزق عاد هنا يطلع الجني الاحمر والازرق وما اخوز
في واجد مواقف اللي يحترمني احترمه واللي مايحترمني ما عطيه مجال ويبغى يقحم او ينط اويرقص حر
آخر تحرير بواسطة الإخلاص : 18/08/2016 الساعة 03:29 PM
-
18/08/2016 11:57 AM #29
السلام عليكم ورحمه الله وبركاته
مواقف جميله منكم نتعلم ..
انا ما اسوق ما عندي ليسن ..
بايه اطلع ليسن .. لكن عندي تخوف
-
18/08/2016 12:40 PM #30
هههههه مواقف تضحك
اما انا محطمه الرقم القياسي ف حوادث والدعيمه والله مسلمني
شرالي ابوي سياره فحص ولحينه خمس سنوات من اخذت ليسن
لماكانت سياره فحص اول موقف :
كنت امشي فجرجره (طريق ترابي) رايحه صوب شقه خالتي وطحت فحفره شفت عمري غايصه انا وسياره من قدام وطلعت سمعت شباب يضحكو وعصبت رحت امشي واتنعتر وجات خالتي ورجعتها سياره وكانت متشحيه قدام
موقف ثاني كنت واقفه ف مواقف واريد امشي طريقي لكن لبست نعالي ومو متعوده البس نعال وقت سياقه وسبحان الله اضغط بترول بقوه واقحم فرصيف وتكسر مخزون الايل واشياء من تحت واستبليت تصليحات ،
موقف اخر كنت لافه لفه منحنى كبير قريب بيتنا ومسواي له حاجز حديد وظلمه كان واشحيبها فلحديد ع طول سياره وكلها تاثرت لكن هلحادث اتفقتت مع اخوي انه هو مسونه ولاكان بيادبوني ف البيت
موقف ثاني دعمت سياره قدامي جايه ابي اريوس بس سويته ف الدي واضغط قدام ودعمت باب سياره الرجال واستبليت معه
وموقف ثاني دعمت سياره اريد ادخل موقف ولحقت شويه سيارتهم وتورطت فيها حريم ورجال بعدهم جايين من مكان بعيد
موقفين بنفس طريقه كنت ماشيه بطريقي سرعه60 يمكن وهو جاي من جانب يمين يريد يدخل طريقي لكن لحقني ف تاير قبل عن يوقف سيارته وشاحت علي سياره شارع ثاني بس الله سلمني وبنفس طريقه مره صارلي كذا بس كنت فكل الي صار مااحس بخوف حمدلله ولاشغلي اصيح وبعدني اناقر واتنعتر وزوجي يطيحبهم وانا اساعده هههه
ربي يسلمنا من هالحوادث
مواضيع مشابهه
-
||جلسة سمــــ(20)ــــر|| الخجل النسوي والـ.....
بواسطة شادن12 في القسم: سبلة حواءالردود: 50آخر مشاركة: 18/07/2016, 10:19 AM -
||جلسة سمــــ (9)ــــر || فسحة رحبة ~ مواقف محرجة × مواقف مضحكة
بواسطة شادن12 في القسم: سبلة حواءالردود: 106آخر مشاركة: 20/03/2016, 10:50 AM -
جلسة سمــــ( 13)ـــر ّّّ [ إمرأة من طراز خاص ] الجزء 3 ّّ
بواسطة Specialization English في القسم: سبلة حواءالردود: 26آخر مشاركة: 18/01/2016, 07:35 AM -
جلسة سمــــ(11)ــــر || #امرأة_من_طراز_خاص || part 1
بواسطة شادن12 في القسم: سبلة حواءالردود: 54آخر مشاركة: 08/01/2016, 09:16 PM -
||جلسة سمــــ (10)ــــر|| المقـــارنـــة بالآخرين.. شبح يقضي على النساء!
بواسطة شادن12 في القسم: سبلة حواءالردود: 38آخر مشاركة: 18/12/2015, 04:04 PM