⌒⌒تجارب الشراء من النت⌒⌒

**ابتسامة التحدي** · 11/08/2014 11:55 AM

التسوق من المواقع الالكترونية قد يسهل للكثير عناء البحث بالاسواق وقد لاتتوفر بعض الاغراض المرغوبة في البلد الذي يتواجد فيه هذا الشخص المحتاج لذلك الغرض ...وغيرها من المميزات التي يتميز بها هذا النوع من التسوق
ولكن بالمقابل نجد ان الشراء من النت مغامرة ومجازفة قد تكون كبيرة جدا احيانا وخاصة اذا كانت السلعة المرغوبة مرتفعة القيمة وكان الشخص الموكل بالشراء غير معروف....
في موضوعي هذا ...
ارجو من جميع من له خلفية بهذا النوع من التسوق وضع تجارب شرائهم سواء كانت ناجحة او بائت بالفشل.... ولماذا؟
وارجو من الاخوات اللي لهم تجارب في تقديم خدمة الشراء من النت كوسيط مقابل عمولة ادراج تجارب شراء قامت بها لاشخاص ... او اي اخت تعاملت مع وسطاء للشراء تخبرنا بتجربتها؟!
ارجو التفاعل

!!!!!

**لولو مرجان** · 11/08/2014 11:59 AM

لا اثق أبدا أبدا اشتري من النت من عمان

مرة طلبت فستان من نيويورك وصلني طلع من مصنع صيني وحالته تعيسة

**ابتسامة التحدي** · 11/08/2014 12:04 PM

أرسل أصلا بواسطة لولو مرجان

لا اثق أبدا أبدا اشتري من النت من عمان

مرة طلبت فستان من نيويورك وصلني طلع من مصنع صيني وحالته تعيسة

سبحان الله.....الغلا من اي موقع شريتيه؟
وكيف وصل لك عن طريق وسيط؟؟

**الانسه صفاء** · 11/08/2014 12:18 PM

صراحه انا بعد مواقع التسوق لا اثق فيها ابدا..

**loolo999** · 11/08/2014 12:23 PM

بصراحه تجربتي للشرااء جدااااا ممتازه
دايما اطلب من النت الي اشتريته للحين..( طقم شنط للبيبي و جوتي 2 و محفظه و كفرات للفون واكسسوارات عرس و اكسسوارات فون )
بس لازم قبل تاخذي خبره من المعروض مو اي شي تاخذينه
انا اطلب من موقع اسمه علي اكسبريس
قبل لا اطلب الشي اشوف اول شي (تقييم البائع) و ثانيا (تقييم المعروض) واههههم شي عدد الطلبات
الملابس للحين ماجربت اشتريهن بشتري للبيبي كم غرض وبشوف
ولو تشوفي الموقع الشنط ب5 و هنا البائعات يبيعنهن ب20 وفوق اسعار جدا مبالغ فيها
ف عشان كذا صرت اخذ بروحي الي ابيه

**ابتسامة التحدي** · 11/08/2014 12:25 PM

أرسل أصلا بواسطة الانسه صفاء

صراحه انا بعد مواقع التسوق لا اثق فيها ابدا..

والسبب؟

**loolo999** · 11/08/2014 12:26 PM

الموقع جدا رهيييب شوفن الشنط والاحذيه وايد حلوات واسعارهم جداااااااا مناسبه
خذن لفه فيه ^-^

**ابتسامة التحدي** · 11/08/2014 12:27 PM

أرسل أصلا بواسطة loolo999

بصراحه تجربتي للشرااء جدااااا ممتازه
دايما اطلب من النت الي اشتريته للحين..( طقم شنط للبيبي و جوتي 2 و محفظه و كفرات للفون واكسسوارات عرس و اكسسوارات فون )
بس لازم قبل تاخذي خبره من المعروض مو اي شي تاخذينه
انا اطلب من موقع اسمه علي اكسبريس
قبل لا اطلب الشي اشوف اول شي (تقييم البائع) و ثانيا (تقييم المعروض) واههههم شي عدد الطلبات
الملابس للحين ماجربت اشتريهن بشتري للبيبي كم غرض وبشوف
ولو تشوفي الموقع الشنط ب5 و هنا البائعات يبيعنهن ب20 وفوق اسعار جدا مبالغ فيها
ف عشان كذا صرت اخذ بروحي الي ابيه

ماشاءالله...
كيف توصلك البضائع اختي ؟
هل تطلبي عن طريق وسيط مقابل عمولة محددة؟

**loolo999** · 11/08/2014 12:32 PM

لا
فتحنا صندوق بريد مايبعد الا 3 دقايق عن البيت ^-^
و فتحنا بطاقه فيزه شراء من النت
وكلما نريد نطلب عادي الطريقه جدا سهله بس ماانا اطلب ^-^ ( اخوي يطلب ومرات يتواصل مع البائع يكون اون لاين)
واامور طيبه

وكل الاغراض الي اشتريناهن جدا ممتازه ... ومثل ماقلتلك فيه معايير للشراء عشان تضمني الي تطلبيه يكون اوكيه

**ابتسامة التحدي** · 11/08/2014 12:39 PM

أرسل أصلا بواسطة loolo999

لا
فتحنا صندوق بريد مايبعد الا 3 دقايق عن البيت ^-^
و فتحنا بطاقه فيزه شراء من النت
وكلما نريد نطلب عادي الطريقه جدا سهله بس ماانا اطلب ^-^ ( اخوي يطلب ومرات يتواصل مع البائع يكون اون لاين)
واامور طيبه

وكل الاغراض الي اشتريناهن جدا ممتازه ... ومثل ماقلتلك فيه معايير للشراء عشان تضمني الي تطلبيه يكون اوكيه

تشكري حبيبتي ع طرح تجربتك الناجحة صرااحة نتفائل بكذا تجارب
وباذن الله رااح اخذ جولة بالموقع اللي خبرتينا عنه...

**الانسه صفاء** · 11/08/2014 12:39 PM

أرسل أصلا بواسطة ابتسامة التحدي

والسبب؟

لازم اشوف البضاعه بعيني ما احب اشتري شي مجهول

**ابتسامة التحدي** · 11/08/2014 12:57 PM

أرسل أصلا بواسطة الانسه صفاء

لازم اشوف البضاعه بعيني ما احب اشتري شي مجهول

سبب وجيه....

**واثق الخطوة عماني** · 11/08/2014 01:22 PM

انا بعد اخاف اشتري من النت
السالفه فيها فلوس مالعبه
فرضا ياخذوا من البطاقة مبلغ اكثر من سعر الاغراض
بعدين مع من تتفاهمي؟
من بيرجعلك فلوسك؟

**عيون الجرناس** · 11/08/2014 01:45 PM

لا اثق ....

احب ان ارى البضاعة ... واتفحصها ...

لانه بعض الصور تبالغ ف اظهار البضاعة بشكل اجمل ...

ابسط مثال ...
مفارش الكرافي ... عند شراءك به صورة للمفرش ... تختلف كثير عن الوانه ف الواقع ...

**MISS LOPEZ** · 11/08/2014 10:55 PM

النعلان دايما مشكلة هنا صراحة لا السيتي ولا اي مكان تحصلي شي حلو خاصه ( الفلاتات )
هذا الي خلاني اتجهه واشتري من النت ,,, طلبيتي من ايييسووووس ASOS ف الطريق بعدها انتظرها

**عذبة السجايا عمان** · 11/08/2014 10:55 PM

خاطري اجرب بس ماعرف شي يا ريت المجربات يخبرونا الطريقة

**MISS LOPEZ** · 11/08/2014 10:56 PM

أرسل أصلا بواسطة واثق الخطوة عماني

انا بعد اخاف اشتري من النت
السالفه فيها فلوس مالعبه
فرضا ياخذوا من البطاقة مبلغ اكثر من سعر الاغراض
بعدين مع من تتفاهمي؟
من بيرجعلك فلوسك؟

الواحد يشتري من مواقع معروفة
المشبوهه والي مالها سمعة ليش تشترو منها من الاساس ؟؟؟؟!!

الواحد لازم ينتبهه ويعرف من وين جالس يشتري

**عذبة السجايا عمان** · 11/08/2014 11:00 PM

البنات الي مجربات يشترن من النت ، هل تكلفة الشحن عالية؟!

**MISS LOPEZ** · 11/08/2014 11:05 PM

سعر البضاعه حلو بس هذا الي يرفعها زيادة الشحن ,, مثلا ارامكس ع نص كيلو تدفعي 5.5 وكل نص كيلو ثاني 3.7 ريال
بس يظل احسن بواجد عن الي متوفر معنا هنا ف عمان زفت x زفت

**ريحة مطر** · 11/08/2014 11:23 PM

تو انا كيف افهم الشراء من النت

طيب هل الشراء من النت يدخل ضمن تخصص التجارة الالكترونية؟!!!!!

صراااحة ناووية ادخل ذا التخصص>>وعذراااا خرجت من الموضوع

**ريحة مطر** · 11/08/2014 11:25 PM

أرسل أصلا بواسطة MISS LOPEZ

سعر البضاعه حلو بس هذا الي يرفعها زيادة الشحن ,, مثلا ارامكس ع نص كيلو تدفعي 5.5 وكل نص كيلو ثاني 3.7 ريال
بس يظل احسن بواجد عن الي متوفر معنا هنا ف عمان زفت x زفت

لو طلبت نعال حافة ما معها خاجة ثانية ع كم؟!

**MISS LOPEZ** · 11/08/2014 11:45 PM

أرسل أصلا بواسطة ريحة مطر

لو طلبت نعال حافة ما معها خاجة ثانية ع كم؟!

يعتمد ع شركة الشحن الي تستخدميها مثال ارامكس نص كيلو او اقل 5.5 تدفعي
يعني اذا هي 16 ريال بتزيدي ال 5.5 ريال + شحن داخلي من الموقع لبريدك في الدولة يختلف من موقع لموقع واحيانا مجاني
دوري ف عم جوجل وعم يوتيوب علشان تاخذي فكرة اوضح واحسن

**ريحة مطر** · 11/08/2014 11:48 PM

مشكورة خيتووو

يبغالي لفة طويلة

**ابتسامة التحدي** · 12/08/2014 02:51 PM

أرسل أصلا بواسطة واثق الخطوة عماني

انا بعد اخاف اشتري من النت
السالفه فيها فلوس مالعبه
فرضا ياخذوا من البطاقة مبلغ اكثر من سعر الاغراض
بعدين مع من تتفاهمي؟
من بيرجعلك فلوسك؟

ههههه بصدق ان السالفة فيها فلوس مالعبة
بس اللي عرفته انك تطلعي بطاقة خاصة للشراء وفيها مبلغ معين فقط

**ابتسامة التحدي** · 12/08/2014 03:03 PM

أرسل أصلا بواسطة عيون الجرناس

لا اثق ....

احب ان ارى البضاعة ... واتفحصها ...

لانه بعض الصور تبالغ ف اظهار البضاعة بشكل اجمل ...

ابسط مثال ...
مفارش الكرافي ... عند شراءك به صورة للمفرش ... تختلف كثير عن الوانه ف الواقع ...

@عيون الجرناس
كلامك صحيح...بس اذا كنت محتاجة لسلعة ومامتوفرة بالبلد او متوفرة ولكن مبالغ في سعرها ووجدت نفس هالسلعة معروضة باحد المواقع الالكترونية بنفس المواصفات والجودة ولكن بنصف سعر السلعة اللي بالبلد
ماتجازفي وتضطري تاخذي من النت؟

**ابتسامة التحدي** · 12/08/2014 03:07 PM

أرسل أصلا بواسطة MISS LOPEZ

النعلان دايما مشكلة هنا صراحة لا السيتي ولا اي مكان تحصلي شي حلو خاصه ( الفلاتات )
هذا الي خلاني اتجهه واشتري من النت ,,, طلبيتي من ايييسووووس ASOS ف الطريق بعدها انتظرها

@MISS LOPEZ
شي حلووو....اذن علمينا طريقة الشراء والشحن والاستلام

**ابتسامة التحدي** · 12/08/2014 03:08 PM

أرسل أصلا بواسطة MISS LOPEZ

الواحد يشتري من مواقع معروفة
المشبوهه والي مالها سمعة ليش تشترو منها من الاساس ؟؟؟؟!!

الواحد لازم ينتبهه ويعرف من وين جالس يشتري

كلام سليم

**ابتسامة التحدي** · 12/08/2014 03:12 PM

أرسل أصلا بواسطة MISS LOPEZ

سعر البضاعه حلو بس هذا الي يرفعها زيادة الشحن ,, مثلا ارامكس ع نص كيلو تدفعي 5.5 وكل نص كيلو ثاني 3.7 ريال
بس يظل احسن بواجد عن الي متوفر معنا هنا ف عمان زفت x زفت

بس لاحظت في بعض المواقع ان الشحنFRee SHIPPING
هذا هذا صحيح ام لازم كل بضاعة ياخذوا عليها عمولة للشحن؟؟

**mero0** · 12/08/2014 03:16 PM

انا ابي اشتري من مواقع
خبرني بالخطوااات لاه شو لازم وكيف ومتئ يوصل
انا اتصفع مواقع مثل علي اكسبريس والامازون وغيرها بصراحه الاسعاار رووعه ومش خياليه نفس اللي مع التاجرات
فياريت اللي معاها خبره فالمجال تشرح من الالف لين اليااء

**MISS LOPEZ** · 12/08/2014 03:22 PM

أرسل أصلا بواسطة ابتسامة التحدي

بس لاحظت في بعض المواقع ان الشحنFRee SHIPPING
هذا هذا صحيح ام لازم كل بضاعة ياخذوا عليها عمولة للشحن؟؟

صحيح
مثلا امازون البضاعه يكتبلك فري شيبينج او لأ جنب المنتج
وفي مواقع مثل ايسوس / فور ايفر 21 والخ... لما تتجاوزي مبلغ معين وقتها يحطولك الشيبينج فري
هذا الشيبينج لحد صندوقك او حسابك ف البلاد نفسها في امريكا مثلا او بريطانيا وعاد منها لعمان هنا تدفعي ال5.5 او الزيادة
ع حسب الوزن ,, هذا اتكلم عن ارامكس ,,

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: ⌒⌒تجارب الشراء من النت⌒⌒

أدوات الموضوع

البحث في الموضوع

نمط العرض

⌒⌒تجارب الشراء من النت⌒⌒

مواضيع مشابهه

⌒⌒ السنااافر بلمسة الجلي⌒⌒

⌒⌒الشاكرية @ أم علي ⌒⌒

⌒⌒حلى كريم كراااااميل⌒⌒

⌒⌒أكبر تجميع للوصفات⌒⌒

(صلاح الزدجالي⌒حكاية ناي) ⌒ اهداء لكل من وقفت الحياه ضد نهاية جميلة لحكاياته ⌒

قواعد المشاركة