- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 17 من 17
الموضوع: غسول الوجه (مفضلاتي)
-
10/04/2013 09:55 AM #1
غسول الوجه (مفضلاتي)
سلام عليكم .., صباح مساء الخير ..,
كيفكم شخباركم خواتي عساكم بخير ؟ !
امم اول مره يمكن تشوفون لقبي او مشاركه مني هنا بس حبيت افيد و بنفس الوقت اسفيد و نتشارك مع بعض المعلومات و نطرح تجارب بعض من ميكب
من فاشن من اشياء استخدمتها و عجبتني و حبيت افيد غيري بيها اعرف اني تكلمت واجد و تصدعتن مني و راح ندخل ع الموضوع ع طول ..,
موضوعي هو عن الغسولات الي جربتها و عجبتني طبعا انا كل شهرين او شهر اغير الغسول تبعي بس
هالمره صرت اغير كل شهر الغسول لان طبيعة بشرتي حساسه و مختطله و اكيد ما كلنا نفس البشره
بس نحاول نختار الاشياء المناسبة لبشرتنا لان واجد مهم هالشي ..
هاي غسولاتي الي جربتها و عجبتني و راح نبدأ باليسار الي هو غسول من الهملايا غسول النيم
غسول النيم لتنقية الوجه من الهملايا قيمة الغسول بصراحه ما اتذكر قيمته اتوقع ريالين وشي او ريال و شي
ما اتذكر بصراحه نجي نتكلم ع الغسول و تجربتي معاه ..
طبعا شي الي عجبني في هالغسول ان خالي من صابون و ما يسبب جفاف و ريحته ما قويه خفيفه
و الحلو فيه عشبة النيم الي معروفه بفوايدها و الكركم بعد الي معروف بفوايده طبعا مفعول الغسول مفعوله حلو
و خفيف ما مفعوله قوي بس احسه حلو ع البشره بس هم يقولوا ان يخفف حب الشباب و كذا انا بصراحه ما عندي حبوب ف
وجهي و اذا صارلي حبوب ف هي حبوب تجيني قبل دوره و بعدها تختفي و اذا جاتني اعالجها ما اخليها اكره شي تطلعلي حبه
يدور راسي ذاك اليوم .., المهم صارلي اكثر من شهر استخدمه مرتاحتله بصراحه ..
نجي للغسول ثاني الي هو من ponds (رغوة التفتيح العميق للوجه )
هاي الغسول احسه المفضل عندي من الاساس هالماركه تعجبني واجد .., نجي نتكلم عن الغسول قيمة الغسول ما اتذكر بصراحه ..
تجربتي مع هالغسول بصراحه عجبني هي رغوه و فيها حبيبات صغيره لتقشير البشره و خفيف ع بشره ما قوي
ريحته عادي خفيفه .. بالنسبه لمفعول البشره مفعوله خفيف و ما يسبب جفاف و تنظيفه بصراحه احسه حلو
ما يترك اثار للرغوه و بالنسبه للتبييض انا لما استخدمته تقريبا شهر و شي لكن حسيت بفرق تفتحت بشرتي صارت اصفى من قبل
و يعطي نظاره للبشره ويناسب جميع انواع البشره .., ف شي ع حتى لو تركتي الرغوه بعد فتره معينه ما يتعب البشره ولا يرجعها مثل
ما كانت بالعكس عادي لان لاحظت ف غسولات لو تركناهم احس البشره تتعب شي كذا ان شاء الله فهمتوا علي ..,
نجي للغسول ثالث الي هو من garnier (جيل منقي للبشره )
هالغسول سعره ما اتذكر بصراحه و بالنسبه لي اشتريه كل ما يخلص لان استخدمه واجد ..
هاي الغسول يعجبني شي الي شدني فيه ان يحتوي ع العنب و العنب معروف بفوايده مثل تخلص من سموم و كذا
الغسول هاي خفيف ع البشره ريحته حلوه تعجبني تحسسني بالانتعاش , نجي لمفعول الغسول مفعوله حلو لان انا استخدمه
بعد ما امسح وجهي من الميكب و اريد اغسل وجهي استخدم هالغسول و يزيل بقايا الميكب الي مترسب من غير كذا لما استخدمه احس بانتعاش و ان وجهي تنظف من الميكب الباقي..
نجي للغسول الرابع او الاخير الي هو من garnier (غسول يومي لازالة اللمعان )
هالغسول ما اقدر استغنى عنه بوقت صيف احسه المنقذ تبعي المهم هالغسول ينقذني وقت صيف لان وقت صيف من دوام و كذا احس
منطقة تي زون تفور من زيوت و دهون و اكره نفسي ذاك الوقت لحد ما جربت الغسول هاي و صرت اسوي روتين اسبوعي لبشرتي
الحمدلله الحمدلله خفت دهون و اللمعان تبع تي زون ...
نجي نتكلم عن الغسول الغسول يحتوي ع حمض الساليسيليك و زنك المنقي طبعا الاثنين معروفين بفوايدهم .. مفعول الغسول بداية
استخدامي حسيته شوي قوي ما اعرف يمكن عشان ريحته بس ما يجفف البشره و لا تحسست منه بما ان كانت ريحته احسها قويه
لكن تعودت عادي الشي الي حلو فيه بعد ما اغسل وجهي و كذا احس وجهي بارد يعني انتعاش حلو بصراحه و بالنسبه للمعان انا
بصراحه احسه يخف كل ما استمريت عليه و حتى لو صار لمعان يصير بس بسيط خفيف ما نوع الي يضايق و يكرهني نفسي و هو يجي
معاه تونر و كذا بس راح نتكل عنهم بموضوع مستقل ان شاء الله ..,
كذا انا ختمت موضوعي لليوم ان شاء الله راح اتكلم بعدة مواضيع و راح انوع بالمواضيع عشان ما يكون فيه ملل اتمنى الكل يستفيد و انا
بعد و اذا غفلت عن شي او ف شي ما ذكرته انتوا بعد ذكروني و سمحولي ع القصور.. اشوفكم ع خير يارب ..
ملاحظه خواتي اي وحده تعرف طريقه الي تصغر صور تخبرني لان الصور ظهرت واجد كبيره
و ما قدرت احطهم لان صفحه بتتغطى بالصور و الحين شفت موقع تحميل الصور تصغير صور بس ظهروا صغار واجد
مثل ما شايفين الي تعرف الطريقه تخبرني ..,
-
مادة إعلانية
-
10/04/2013 11:10 AM #2
انا بعد استخدمت كثير غسولات .. حاليا مستمره ع 3 فقط
الي هم غسول شجره الشاي ... حلو وتحس بانتعاش ونظافه
غسول فير اند لفلي .... حلو للتبييض وتفتيح البقع
غسول بوندس ... نفس الحاله للتبييض والتفتيح
في طريقه حلوه وسهله ونتايجها حلوه ... تجيبي اسكينول وقشر برتقال ... تقطعي القشر صغار وتحطيهن داخل اسكينول وتستخدميه لتنظيف الوجه
الطريقه الثانيه تجيبي قشر البرتقال وتغليه في ماي بعد ما يصير لون الماي اصفر تصفي منه القشر وتحطي الماي في علبه وتبدي تستخدميه ك غسول يومي
-
10/04/2013 12:13 PM #3
حالياَ انا استخدم مقشر ستيفز كل يومين او 3 ايام وبالايام العادية كلين اند كلير مااستغنى عنه
وبليل قبل عن انام الاسكسينول بالخيار واوقات ماي ورد
استخدمت هذول بس مااستمريت عليهم
-
10/04/2013 03:37 PM #4
-
10/04/2013 05:38 PM #5
مشكورة على الموضوع الحلوو
شجعتيني اجرب الغسول الاخير لان نفس الشي عندي لمعان في منطقة تي زون : (
الغسولات اللي جربتهم
غسول غارنيه
خفيف وريحته حلوة وناسبني كثير صراحة
يخلي البشرة باردة ونظيفة
هاي الصابونة للحبوب والبقع وللبشرة الدهنية
تقضي على اللمعان بس تجفف شوي
ماتنفع للاستخدام اليومي.. استخدمها فقط كل يومين عشان اخفف الدهون
اللي على اليمين غسول طبي للبشرة الدهنية للبقع والتفتيح
ريحته قوية تنشف البشرة بس ينظف زين زين
واللي على اليمين مقشر من افون رووعة وحبيباته ناعمة تخلب البشرة منتعشة كأنج حاطة معجون اسنان
البشرة تصير بااردة وندية : )
مقشر ستيفز نوعين
واحد للتحكنم بالحبوب والثاني للتفتيح
الاثنين احسهم نفس بعض
حبيباته قاسية شوي بس ينظف عدل
ماينفع الا لمرة او مرتين بالاسبوع
احسه افضل للجسم
-
10/04/2013 07:56 PM #6
كنت استخدم غسول انواع كثيره.. وشفت حالي ما تجدد شي.
قلت ليش اضيع فلوسي على فاضي.. كلها مجرد اعلانات ودعايه ..
عندي
هذا هو غسول مالي.... صابونه ولا كل الصوابين...
-
10/04/2013 08:34 PM #7
عادة استخدم غسول طبي بس لما يخلص استخدم غسول من كلينك مع التونيك والحمدلله مرتاحة معاه.
-
11/04/2013 12:14 AM #8
-
11/04/2013 12:20 AM #9
المقشر تبع ستيفز حلو جربته كذا فتره طويله بس ما استمريت عليه و غيرته ..,
و منظف كلين اند كلير حلو بس ما جربته بعدني جربت نوع الاخضر من زمان بس ما ارتحتله و غيرته بس هالنوع
البرتقالي اعتقد ان احلى ..,
و اسكيول ما نستغنى عنه حلو يشيل الاوساخ من قلب تنظيفه عميق ..,
تسلمي ع المشاركه الحلوه نورتي
-
11/04/2013 12:29 AM #10محظور
- تاريخ الانضمام
- 16/01/2013
- الجنس
- أنثى
- المشاركات
- 9,901
هلا بالبنات .. مبروك عليكم الاربعاء عسى الويكند يكون كله راحة واسترخاء وسعادة عليكم وعلينا...
انا بعد جربت كل انواع الغسول اللي موجودة بالموضوع لكن حسيتها كثير قوية علئ البشرة !
استقريت على ( اسكينول) وكل يومين أغسل بشرتي بصابونة الكركم لانه قوي بعد بعض الشي .. وخاصة أني أبدا ما احط ( اساس ولا غيره) سوا واق شمس ههههه( مرتاحة)
اما بالطلعات الخاصة او مناسبات طبعا ما اقصر ( أدلع نفسي شوي بالأحمر والأخضر )
المهم بطلع شوي عن موضوع الغسول دام نتكلم عن البشرة ( فقط للافادة) جربت ( سيروم rexsol) بصراحة مفعوله طلع شي
الوالدة استفادت منه وكذلك خواتي .. عاد انا صارلي اسبوعين عليه...
هو يجي منه كل احتياجات البشرة . بس نحن طبعا نحتاج ( كريم الليل / سيروم كولاجين/
والاحلى في هذه الماركة ( سعرها) جداً مناسب عكس المنتجات اللي بمحل أريج .. اللي كل ماركة ما اقل عن 40 ريال ع الاقل والنتيجة غير مرضية.
ودمتم بود
للعلم الماركة اللي ذكرتها فقط في صيدليات ابن سينا بدبي وممكن في السعودية بس هنا للأسف ما موجودة.!!
-
11/04/2013 12:30 AM #11
العفو حبيبتي .., مشكلة تي زون و خصوصا بوقت صيف لكن هالغسول انقذني و ف نفس الوقت لازم تنظيف
البشره ع الاقل مره بالاسبوع بالبخار المنزلي و مع الغسول يخف اللمعان ا شاء الله ..,
بالنسبه للصابونه ثانيه جربتها تقريبا اسبوعين لكن عدمتلي بشرتي و اذا كان ف حبوب احسها تجفف الحبوب و بعدها بطلع
مكان الحبوب بقع و يبغالها فتره لحد ما تروح و عشان كذا ع طول تركتها ما استمريت عليها
بس الغسول طبي صديقتي جربته و استمرت عليه فتره طويله و بالفعل فادها كثير كثير البقع اختفت
و صار فرق يعني بوجها الحمدلله ..
تسلمي حبيبتي ع المشاركه نورتي
-
11/04/2013 12:33 AM #12
لان معروف خيه بشره لبشره تختلف ف ناس لما تستخدم هالصابونه تتحسس منها
اولهم انا لما استخدمتها اول مره حسيت وجهي نار و صارتلي حكه لانها ابدا ما ناسبتني
و ريحتها احسها قويه بعد بس ف بنات وايد ناسبتهم حتى الي فيهم حبوب و كذا بدا يخف عليهم و
هي حلوه لتفتيح البشره ..,
تسلمين ع المشاركه نورتي
-
11/04/2013 12:34 AM #13
-
11/04/2013 12:42 AM #14
هلا فيج خيه .., مثل ما قلت لان بشره لبشره تختلف عشان كذا ف اشياء تناسب و اشياء ما تناسب ..
بس حلو روتين تبعج و هو اهم شي بالموضوع واقي الشمس ف ناس واجد تغفل عنه بس هو مهم ..,
بالنسبه للسيروم الي ذكرتيه مر علي بس ما اعرف ما تشجعت له بس عليه مدح بنات سعوديه ..,
و هو بالفعل ما موجود بعمان تحصليه بدبي او شارقه..,
تسلمي ع المشاركه نورتي
-
{‘مرحبا ...
بشرتي مختلطة دهنية و حساسة مررهـ..
أسختدم كل يومين غسول مقشر كلين آند كلير
روووعة غني بفيتامين سي
وبالفعل انه انجري
أحس بانتعاش بعد استخدامهـ..
سكينول ما استغنى عنه
وخصوصا انه مقبلين على الصيف..
أستخدمه بعد ما ارجع من الدوام
عشان أزيل واقي الشمس وبقايا البودرة
وهو غني عن التعريف..
وحلو بعد غسيل ’’السدر
لكل الجسم وأيضا الوجه يصفي البشرة ويزيل الخلايا الميتة
ويكفي انه طبيعي وخفيف على البشرة
طبعا يخلط مع الماي عند الاستخدام..
ماء الورد جدا رائع...
بعد ما نغسل الوجه لنريح البشره ونغلق المسامات
أسختدم ماء الورد العادي مسوتنه في غرشة رش
وبعد ما اخلص غاسلة وجهي ومنشفتنه
ارش على كل الوجه..
ونصيحة لكل وحدة تعاني من المسامات
تستخدم ماي الورد باستمرار|]~
ومشكورة عالموضوع الحلو
-
12/04/2013 12:29 PM #16عضو نشيط
- تاريخ الانضمام
- 14/02/2012
- الجنس
- أنثى
- المشاركات
- 285
طرح مميز ي عسل
وان شا الله رح ادرج اللي استعملهم
-
12/04/2013 03:44 PM #17خاطر
- تاريخ الانضمام
- 03/11/2009
- الجنس
- أنثى
- المشاركات
- 49
بشرتي من النوع الحساس والدهني للغايه , جربت اكثر المنتجات الموجوده هنا ,,
وحاليآ استخدم هذولا ::
الغسول المنظف ..
سدر طبيعي لغسل الوجه
قناع [ ماسك ] .
واستخدم قناع طبيعي ( صندل مع ماء ورد و نخي وشوية ليمون واعجنهن مع بعض )
واستخدم اسكينول
مواضيع مشابهه
-
بنات ساعدوووني كيف أختار غسول الوجه
بواسطة أميرة المستقبل في القسم: قسم إهتمامات حواءالردود: 27آخر مشاركة: 07/11/2012, 10:52 AM -
اين اجد غسول ميشا :(
بواسطة نقطة حبر في القسم: قسم إهتمامات حواءالردود: 5آخر مشاركة: 07/05/2012, 10:52 AM -
غسول
بواسطة كل الغلا2009 في القسم: قسم إهتمامات حواءالردود: 4آخر مشاركة: 27/11/2011, 11:21 PM