- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 24 من 24
الموضوع: سوبارو ليجاسي تيربو جي تي
-
04/02/2013 11:55 AM #1خاطر
- تاريخ الانضمام
- 02/05/2012
- الجنس
- ذكر
- المشاركات
- 39
سوبارو ليجاسي تيربو جي تي
هلا شباب شخباركم..بغيت رايكم في ليجاسي تيربو جي تي موديل 2010
اريد اشتريها من الوكالة لانها لازالت موجودة وبتنزل الحين 2013 وسعرها 14500 ريال
ايش رايكم في السيارة واخص لناس اللي جربوها واستخدموها وشو تنصحوني
وجزيتم خيرا
-
مادة إعلانية
-
04/02/2013 01:24 PM #2
اهلين فيك عزيزي
الحمدلله تمام وانت؟؟
بس بكم سعر 2010 حتى نحكم؟
فالليجاسي سيارة بصراحة ثابتة ومواصفاتها حلوه واعتمادية بشكل كبير
بس الشكل الجديد نوعا ما خسفوبه والاغلبية كرة السيارة
فلو السعر في الـ11اللاف وتحت انا انصحك فيها
اما لو كان بـ12 وفوق فهناك بدائل كالماكس والالتيما
-
04/02/2013 01:37 PM #3خاطر
- تاريخ الانضمام
- 02/05/2012
- الجنس
- ذكر
- المشاركات
- 39
مشكور عزيزي المشرف نيترو ....شو رايك فالتيربو ..حد قال ما يدوم كثير وبسرعه يخترب... بيعطوني اياها بسعر اقل من 11 ألف لانها اصلا موديل 2010.
.مع تامين وتسجيل مجاني وسيرفس 30 ألف كلم
وبعد بيغيرولي التوتير وبيعطوني ضمان ع الربلات والسيور اذا اختربت يغيروها......شو رايك في اللون الاسود..الخارجي طبعا
واشكرك
-
04/02/2013 02:02 PM #4
واجبنا
اخونا المحيط
يملك ليجاسي تيربو والثانية عادية وبصراحة يمدحها بشكل كبير
ودام هالميزات اللي عطوك اياها نع السعر المعقول فتوكل على الله وخذها
وشخصيا الاسود مابنصحك عليه لانه متعب وكثير الاتساخ
اذا متوفر اللؤلؤي الابيض فتوكل على الله
ومنبعده الازرق الداكن
واخيرا الاسود
-
04/02/2013 02:19 PM #5
حياك اخي
والله اللجاسي ما عليه كلام قوي و مال مكده ..
بس من موديل 2010 الشكل الجديد الى الحين ما عجبني نهائيا .. ما مضبوط ابدا من رائي الشخصي ...
افضل موديل كانت االشكلية القديمة من موديل 2006 الى 2009 و خصوصا يوم يكون 6 سلندر عاد هناك القوة الرهيبة ...
واحد من الشباب عنده لجاسي 2011 تيربوا ما خذنها ب 11 الف تقريبا .. و يقول تامينها غالي شوية .. و السيارة زينة بس ما يغرك االتوربو تراه التوربو بيتعب المكينة و خصوصا اذا كانت 4 سلندر .. الللجاسي اول مره تنزل مكينة بتوربو يعني لو حاطينها 6 سلندر كان افضل ...
بس من ناحية السيارة عموما فالسيارة حلوه و قوية و صرفيتها ممتازة و واسعه .. و تصلح احال المشاوير الطويلة و القصيرة ..و قطع الغيار صح نار بس تستاهل اللجاسي ..
عاد هذا اخي يعتمد على ذوقك الشخصي و ميولك ..
تقبل مروري اخي الكريم
آخر تحرير بواسطة kanely : 04/02/2013 الساعة 03:04 PM
-
04/02/2013 02:21 PM #6
هلا أخوي
بخصوص محرك توربو كان عندنا باسات ٢٠٠٨ أخوي طلعها من الوكالة محرك توربو
للأسف بعد ٣ سنوات ظهر فيها مشاكل وتم إصلاحها تحت الضمان وبعدها عادت مره أخرى نفس المشكلة ما يقارب ٣ مرات طبعا كانت تحت الضمان
لين ما تعب وباعها يعني تلعوز الرجال مع انه كانت سيارة حلوه وثابتة ومريحة بس مشاكلها كانت كثيرة والسبب هالتوربو الي كانت تجي من الوكالة
بس يختلف طبعا الشركات وبلد الصنع انت بغيت سوبارو وسيارة أخوي فولكس واجن صح انه اختلاف بس تبقى محركات توربو سلبية نوع ما ف نصيحة ابتعد عن هذي المحركات خذلك المحرك العادي اذا متوفر
وأتمنى من بقية الأخوة الإفادة اكثر
تحياتي
-
04/02/2013 02:48 PM #7عضو مميز
- تاريخ الانضمام
- 18/06/2012
- الجنس
- ذكر
- المشاركات
- 1,027
اخي العزيز
انا اعرف كل كبيرة وصغيرة على سيارة سوباروا ليجاسي واعرف السيارات الي فيهم حوادث واعرف السيارات الي مصبوغة حتى .....
بالنسبة انك باغي تشتري ليجاسي جي تي توربو ( فانا انصحك ما تقرب من صوبها ابدا ابدا ) هالسيارات صارلها 3 سنوات واقفة تحت الشمس والغبار وابدا ما يسخنوهم او يشغلوهم وبعضهم مصبوغات خصوصا الي لونها اسود . اما الي لونه ازرق فهذه مرة وحدة يريدوا يشغلوها وما طاعت تشتغل .
اما بالنسبة لموديل 2013 ( هما جايبين سيارتين ) وحدة لونها ابيض والثاني لونه رصاصي ( طبعي الي لونه رصاصي فيله ضربة في البنفر الامامي وتم صبغه في غلا قبل شهر تقريبا ) وقيمة السيارة ب 14000 ومش 14500 ريال .
اما بصفة عامة فالسيارة جدا ممتازة وقوية . نحن عندنا وحدة واشتريناها ب 11700 قبل 3 سنوات تقريبا او اقل بشوي , والي متعبنا هو الوكيل والصيانة ( يعني هذه السيرفس الثالث وانا ادفع فوق ال 200 ريال ) كل ما ادخلها السيرفس يتصلوا فيني ويقولوا عندك هذه وهذه وهذه خربان .
واخر مرة السيارة كانت دوما تعاني وتتسكر ( احيانا في الدوار واحيانا في المواقف ) وكل مرة اوديها الوكالة ويبرمجوها وفي النهاية وديتها برزيشن تيون وصلحوا المشكلة والي كانت عبارة عن سنسر في المكينة تقريبا ( والوكالة خــــــــبر خير ) .
اعيد واكرر , سيارة سوباروا ليجاسي سيارة ممتازة جدا بس عيبها الوكيل . واما بالنسبة لسيارة ليجاسي توربو 2010 ( فابتعد عن هالسيارة نهائيا حتى ولو عطوك اياها ب 7000 ريال )
تحياتي
-
04/02/2013 02:57 PM #8عضو مميز
- تاريخ الانضمام
- 18/06/2012
- الجنس
- ذكر
- المشاركات
- 1,027
-
04/02/2013 03:05 PM #9عضو نشيط
- تاريخ الانضمام
- 12/02/2011
- الجنس
- ذكر
- المشاركات
- 560
ابتعد عنها....انا اتفق مع اخونا اعماق المحيط
-
04/02/2013 03:15 PM #10
الظهار انها سيارة لم تلاقي النجاح المتوقع مع انه نازلة بمكينة توربو لاول مره .
-
04/02/2013 03:19 PM #11
أزفت وكالة تعاملت معها
-
04/02/2013 03:48 PM #12عضو نشيط
- تاريخ الانضمام
- 05/01/2012
- الجنس
- ذكر
- المشاركات
- 722
مرحبا عزيزي ..
انا كانت عندي impreza WRX 2010
عليها نفس المحرك اللي عالليجاسي
من ناحية القوة ف السيارة قوية .. بس من ناحية جودة التصنيع ف انا بعتها لهالسبب !
مرة غيرت الدفريشن و مرة الباور ستيرنج .. طبعا عالضمان
بس ما انكر انها من اروع السيارات اللي سقتها بحياتي رغم بساطتها
بس الوكيل !!! الوكيل وما ادراك ما الوكيل
بإختصار شديد وكالة OTE قسم السرفس عبارة عن سوق جمعة .. يا تضارب و يبح صوتك ,, يا انه ينقص عليك من اول لحضة
الحرفيه والمهنية عندهم 0 %
-
04/02/2013 04:20 PM #13
السلام عليكم
بس الليجاسي من 1989 كانت تنزل موديلات التربو يمكن عندنا فقط من 2010
ومثل ما قالوا الشباب المشكله ما في السيارة والله يعيننا من مراكز الصيانه
السعر مبالغ فيه بشكل كبير جدا 14000
من 2010 سوبارو باعت سيارات بأبشع أصباغ (الجوده) مش اللون بالنفس
بس الله كريم مو تسوي سوق من الالف الى الياء والسلام عليكم
-
04/02/2013 05:41 PM #14
على كلام الأخ أعماق المحيط
انا أقولك أبعد عن الشر وغني له
في بدائل جدا ممتازة بسعر 10000 ريال سواﺀا من الجديد أو المستعمل
-
04/02/2013 07:01 PM #15عضو مميز
- تاريخ الانضمام
- 06/05/2012
- الجنس
- ذكر
- المشاركات
- 2,341
بصراحة سعر غالي جدا شخصيا اشوف في السوق سيارات اقوى عنها و افخم عنها و ارخص بعد
عندك المكسيماء و الاكورد الجديد و الاتيماء و الاورين
خصوصا ان مكينة التنفس الطبيعي افضل من مكينة التوربو من ناحية الاعتمادية
اللجاسي هذا الشكل ما لاقى نجاح و اتوقع السبب من سؤ التصميم
-
04/02/2013 07:16 PM #16عضو مميز
- تاريخ الانضمام
- 01/02/2013
- الجنس
- ذكر
- المشاركات
- 1,040
فعلا , وكالة OTE ابشع من الزبالة بالنفس .
-
04/02/2013 07:54 PM #17
ابدا ما تأمن سياره صارلها 3 سنوات واقفه حتى لو عطوك عليها الضمانات
من رأيي تاخذ الموديل الاحدث او انك تشوف سياره اخرى..
بالتوفيق
-
05/02/2013 07:29 AM #18خاطر
- تاريخ الانضمام
- 02/05/2012
- الجنس
- ذكر
- المشاركات
- 39
شكرا لكم جميعا أخواني..حقيقة ردوركم اثلجت صدري جميعكم...
أخي أعماق المحيط لو تكرمت ارسلي رقمك ع الخاص إذا ما فيه ازعاج لك....
طيب...إيش البديل؟ ألتيما 4 سلندر ب10و500....اكورد بكم؟ والكامري ما ارتحتلها ابدا
استخدمت ألماني سابقا ....سيارات ما عليها غبار أبدا...ولكن خرابها وتصلحيها من أقوى سلبياتها
الليجاسي كانت قيمتها في 2010 ..14 ألف بدون تأمين...والحين بخذها في حدود 10....سعر معقول لسيارة ما ماشية ابدا
وسعر المستعملة في السوق في حدود 8الأف ولا انا غلطان...لكن هذا ما هو الشي اللي دفعني افكر في اقتناءها...
جزاكم الله خير....وننتظر المزيد منكم دائما
-
05/02/2013 09:55 AM #19عضو مميز
- تاريخ الانضمام
- 24/06/2008
- الجنس
- ذكر
- المشاركات
- 2,404
ما ينفع الحبيب دام السياره واقفه يعني منتهيه وعاد توربو وما شاء الله عليه الاخ اعماق المحيط عطاك تفاصيل كل سياره باقيه من هذاك الموديل من الي فيها ضربه ومن الي ما راضيه تشتغل فخليك بعيد افضلك وشوفلك بديل ثاني بدل وجع الراس وتقوم توقف السياره عندهم بالاشهر والمشكله الكبرى انه او تي اي ما عندهم مهندسين كانك مودينها والصناعيه يبدولك القطعه يا تصيب يا تخيب بعده الصناعيه اشرف لانه رخيصه هع
-
05/02/2013 11:33 AM #20
أخي العزيز
يقول المثل إسأل مجرب ولا تسأل طبيب
عندي ليجاسي توربو 2010 ، تواصل معي وبفيدك
رقمي بالملف الشخصي
-
05/02/2013 02:26 PM #21
-
05/02/2013 06:19 PM #22
السعر مبالغ فيه و وكيل ماينفع و.. توجد خيارات أفضل في السوق .
-
05/02/2013 06:54 PM #23عضو مميز
- تاريخ الانضمام
- 01/12/2006
- المشاركات
- 1,034
هلا لو تبغي سياره توربو وزينه واقل خرابات ...خذلك جولف جي تي اي ... او جولف ر ..والدليل شوف كيف منتشرات تو في شارع
-
05/02/2013 11:35 PM #24
حياك أخي snake راجع ردي اذا ممكن
وما يغرك الانتشار
لانه أخوي ذكر لي أيضاً أصحاب الجولف خاصتا كان يواجهون نفس مشكلته والسبب التوربو
وحماية المستهلك كالعاده يقولوا مو تريدنا نسوي
سيارة جميلة وقوية ومريحه جدا بس عيوبها تخليك تكره السيارة هذا طبعا لفوكس وأجن
تقبل مروري أخي
مواضيع مشابهه
-
[ معروض ] سوبارو ليجاسي
بواسطة المفكر 111 في القسم: المركبات اليابانيةالردود: 17آخر مشاركة: 23/07/2013, 02:47 PM -
[ معروض ] سوبارو ليجاسي 98
بواسطة مسقطاوي966 في القسم: المركبات اليابانيةالردود: 2آخر مشاركة: 03/11/2011, 06:42 PM -
[ استفسار ] سعر سوبارو ليجاسي
بواسطة الاخدود القادم في القسم: المركبات اليابانيةالردود: 3آخر مشاركة: 13/08/2011, 12:24 PM -
[ مطلوب ] سوبارو ليجاسي
بواسطة immortal808 في القسم: المركبات اليابانيةالردود: 7آخر مشاركة: 08/06/2011, 11:48 AM